Претходно
Најголемите митови за модерните мажи и вистината зад нив
Во истражувањето за најпопуларните стереотипи за мажите учествувале повеќе од 3.500 луѓе. Исто така, откриено е и какви погледи на животот имаат мажите во зависност од тоа колку се стари. Во продолжение следуваат најголемите митови за мажите и вистината зад нив.
1. Мажите се однесуваат како деца
Мажите не се однесуваат во согласност со своите години? Ова не секогаш е точно. Однесувањето на денешните мажи е комплексно и слоевито, а не еднолично. Истражувањето покажува дека дел од моделите на однесување, мажите ги усвојуваат од помладите генерации, но дел и од постарите, заради што ситуацијата повеќе не е црно-бела.
2. Ако на мажите нешто им се допаѓа, го разгласуваат тоа на сите
Многу веб-сајтови со содржина за мажи имаат добра смисла за хумор и штом откријат нешто имаат потреба да го споделат со сите, но овие текстови полека се намалуваат. Едно од најголемите откритија на студијата е дека содржината што мажите ја сметаат за квалитетна, ја споделуваат исклучително со блиските пријатели. Пребирливи се, верни на омилените брендови и родени лидери чија самодоверба не треба да се гради низ ширење пораки.
3. Мажите ја губат моќта
Многубројни автори на статии и книги теоретизираат за падот на моќта на мажите кои во новата, дигитализирана доба назадуваат. Од друга страна пак, според нив, жените доживуваат свој голем професионален подем, па самите мажи стануваат непотребен фактор во работната околина. Истражувањето покажало дека тоа не е така и дека мажите имаат уште многу да понудат на пазарот на труд.
Ставови и однесувања на мажите според годините на старост
Освен трите спомнати мита, студијата ги истражила и погледите на однесување и ставовите на мажите во добата од 18 до 54 години и тоа во врска со кариерата, делењето онлајн содржини, здравјето, мажественоста и самопознавањето, родителството, меѓучовечките односи и сексот. Тие ги групирале во овие категории:
Нови традиционалисти – од 18 до 24 години:
- Семејството и пријателите им се поважни од парите
- Дружењето со пријателите е поважно од одењето на љубовни состаноци
- Не се плашат од неуспех
- Не поддржуваат често менување на работното место
- Сметаат дека работата не треба да се меша со приватниот живот
Неуморни освојувачи на трофеи – од 25 до 34 години:
- Важен им е физичкиот изглед
- Ја следат модата (повеќе од новите традиционалисти)
- Вежбаат за да изгледаат добро (не заради здравјето)
- Преферираат познати брендови
- Сакаат да купуваат и да патуваат
- Сметаат дека нивниот профил на социјалните мрежи ја рефлектира нивната личност
Заборавена генерација – од 35 до 44 години:
- Среќни се со она што го постигнале во животот
- Имаат самодоверба
- Сексот им е поважен отколку на останатите категории
- Вежбаат и за да изгледаат добро и заради здравјето
- Ги загрижува стареењето, не се срамат од медицински естетски потфати
- Најмалку користат социјални мрежи
Отстранувачи – од 45 до 54 години:
- Ги преиспитуваат своите вредности
- Не се двоумат да ги прекинат односите со пријателите, брачните партнери или брендовите на кои им биле верни
- Горди се на сето она што го стекнале во животот
- Не размислуваат за медицински естетски потфати
- Поважно им е да се чувствуваат добро отколку да изгледаат добро
- Сакаат да патуваат
Истражувањето за најпопуларните стереотипи за мажите го спровела агенцијата Ketchum. Во истражувањето учествувале повеќе од 3.500 жени и мажи.
Прочитајте ги овие митови за мажите во кои мора веднаш да престанете да верувате.
