Претходно
5 причини зошто вашата сестра ви е најважната личност во животот
Ако сте растеле со сестра, тогаш дефинитивно знаете за што зборуваме. А ако сте возрасни и сте се оддалечиле малку поради секојдневните обврски и проблеми, прочитајте ги овие 5 причини зошто секогаш треба да наоѓате време за вашата сестра!
1. Таа е брутално искрена
Да, вистината понекогаш може да боли и вие попрво би ги слушале вашите пријатели што културно ви го кажуваат тоа што сакате да го чуете… но тоа што навистина ви е потребно е вистината! Кога станува збор за неа, вашата сестра е единствената што може да ви помогне и тоа го прави со најдобра намера.
2. Таа била покрај вас за сè
Вие и вашата сестра сте пораснале заедно. Можеби сте мразеле што требало да делите соба или пак, сте се нервирале што нејзината соба била поблизу до тоалетот, но факт е дека таа секогаш ви била во близина. Уште како деца, вие сте знаеле дека имате личност што можете да ја побарате за што било, и тоа е вистина и во возрасниот свет. Таа е секогаш тука за да ви помогне!
3. Таа не оди никаде
Некои пријатели доаѓаат и си одат, но вие едноставно не можете да се ослободите од сестра ви. Таа секогаш ќе биде клучен дел од вашиот живот. И покрај тоа што со минувањето на годините, нештата меѓу вас ќе се менуваат, таа никогаш нема да ве напушти. Ако на некој можете да сметате за сè, тоа е вашата сестра!
4. Таа за сè може да ве разбере
Кога мајка ви не може да ве разбере за новиот, модерен начин на живот, особено за љубовните состаноци, таа е тука да ви ги даде советите што најмногу ви се потребни. Таа живее во истиот свет како и вас, дури и покрај разликата во годините, и не само што ќе ве советува, туку и ќе ве разбира и ќе ве поддржува во сите одлуки што ќе ги донесете.
5. Таа ги содржи вашите гени
Никој не може да го разбере вашето тело толку добро како сестра ви. Без разлика за каков вид проблеми станува збор, од прекумерна тежина до акни, вашата сестра е единствената што може да ви даде подобар совет и од врвните тренери или дерматолози. Делењето на истите гени значи и употреба на одредени трикови што можат да функционираат само на вашето тело – па кога и да имате проблем, едноставно консултирајте се со неа и сè ќе биде во ред.
Прочитајте ги и овие 35 причини зошто вашата сестра ви е најдобра пријателка!
