Претходно
Мајки на своите ќерки им откриваат големи тајни за здравјето и убавината
Младешкиот изглед е нешто кон што сите се стремат, без разлика дали би признале или не. Невозможно е да го запрете времето, но стареењето може да го забавите со својот начин на живот. Овие четири жени откриваат што значи тоа за нив.
Тие одговараат на следниве прашања:
- Како ве учела вашата мајка да го задржите младешкиот изглед?
- Што ќе ѝ препорачате на вашата ќерка?
- Кои се вашите совети за исхраната и убавината, за да се чувствувате добро и да изгледате добро додека стареете?
- Што правите за да се ослободите од стресот?
Погледнете ги нивните одговори.
Катарина, 45 години, вели:
„Мајка ми вели да не се обидувам премногу. Подобро е да изгледам недоволно добро облечено, отколку тоа да е претерано. На својата ќерка би ѝ препорачала да не пуши, секогаш да ја отстранува шминката пред спиење и секоја недела да прави пилинг на кожата. Вам би ви препорачала да пиете многу вода, и да не заборавате во текот на денот да ја заштитите кожата и навечер да ја хидрирате и да вложите во квалитетно масло за лице. Јас лично практикувам да живеам во сегашноста и да медитирам секогаш кога можам.“
Весна, 41 година, на истите прашања одговорила:
„Никогаш не заборавај да го хидрираш својот врат, исто како и лицето. Секогаш можеш да добиеш повеќе отколку што мислиш. Ако се чувствуваш добро, тогаш сигурно и изгледаш добро. Клучот е во самодовербата. Свежиот воздух исто така е важен. Јас го водам своето куче на долги прошетки по плажата. Најдобар лек!“
Елена, 44 години, од својата мајка добила важен совет:
„Млада си колку што се чувствуваш дека си млада и ниту ден постара. На ќерка ми ѝ препорачувам дека добрата фризура вреди исто колку и целата шминка на светот. Не заборавај на косата! Не грицкај помеѓу оброците! Најди време за вистински да уживаш во храната додека јадеш, а друштвото со кое јадеш е подеднакво важно како и она што го консумираш. Времето за ручек би требало да биде време за дружење. Секогаш кога сум под стрес мислам на тоа колку сум среќна. Моето здравје, моето семејство – неверојатно сум среќна и за тоа би требало почесто да сум свесна.“
Јасна, 44 години, ја послушала својата мајка кога ѝ рекла:
„Ниту целата шминка на светот не може да го сокрие уморното лице, затоа, не заборавај да се наспиеш. Стареењето е состојба на умот, но не заборавај да уживаш во младоста. Остани активна, дури и ако станува збор само за прошетка. Ништо не ја освежува толку кожата како вежбањето, а твојот ум ќе стане појасен после одреден период поминат на воздух. Правам топла бања, свеќи, масло за капење, сѐ… И задолжително ја заклучувам вратата!“
