Претходно
Кој симбол на природата најдобро го опишува вашиот хороскопски знак?
Датум: 16 апр 2016
Коментари: 0
Природата може да ви го одземе здивот со својата убавина, да ви ги допре срцата со својата величественост или да ве расплаче со својата суровост. Кога мислите дека конечно сте откриле и сте решиле некои работи, таа ќе ве изненади, бидејќи честопати знае да биде неочекувана и нејзините чуда се секогаш променливи. Како и природата, така и ние луѓето постојано се менуваме. Нашите хороскопски знаци влијаат врз нашето однесување, но некои карактерни особини остануваат константни. Во тој контекст, кој е вашиот див елемент на природата?
Овен – Планина
Овните имаат високи очекувања за себе и се големи авантуристи. Тие секогаш сакаат да стојат исправени на своите две нозе, горди и смели, со крената глава.
Бик – Вулкан
Биковите ги чуваат своите чувства скриени длабоко во себе додека во еден момент тие самите не испливаат на површината. Понекогаш одбиваат да се откажат и им е потребно време да прифатат туѓа гледна точка.
Близнаци – Пеперутка
Близнаците се социјални, адаптивни и комуникативни суштества на кои лесно може да им здодеете. Тие сакаат да стигнат да разговараат со секого и да ги шармираат сите со својата привлечност и шарм.
Рак – Пештера
Раковите чувствуваат голема љубов кон својот дом, и додека ги обожаваат сите свои пријатели, познаници и се разбира семејството, тие понекогаш сакаат да бидат сами.
Лав – Цвеќиња
Лавовите го обожаваат вниманието и немаат никаков проблем откако ќе го добијат, да го задржат. Тие се одлични во социјалните групи и пријателските кругови, но можат да бидат интересни и кога се сосема сами.
Девица – Печурки
Девиците се аналитични и воздржани суштества кои ги чуваат своите емоции во себе и се секогаш неверојатно фокусирани, дури и на најмалите детали.
Вага – Глуварче
Вагите бараат рамнотежа и хармонија и најдобро се чувствуваат кога ќе можат да избегнат конфликт. Понекогаш можат да изгледаат строго, но тоа е само поради нивното засилено чувство за правда.
Скорпија – Корален гребен
Скорпиите се забавни, весели и обожаваат да живеат раскошно. Не постои никаква пречка која може да им застане на патот, бидејќи се многу страсни и посветени кога станува збор за успехот и исполнувањето на целите.
Стрелец – Облаци
Стрелците го сакаат движењето и патувањата. Ним треба да им биде дозволено да одат каде што сакаат и кога сакаат, бидејќи за нив слободата е сѐ. Тие исто така имаат големи мозоци и обожаваат да филозофираат.
Јарец – Шума
Јарците се стратези, организатори и решавачи на проблеми. Тие се цврсти и секогаш стојат високо. Сакаат да планираат и нивната сила и брзина на размислување се неверојатни.
Водолија – Водопад
Водолиите сакаат да си ги прават работите по свое и да го живеат животот по свои правила. Тие уживаат во убавината која ја пронаоѓаат во природата и често знаат да ја искористат како инспирација за нивната работа.
Риби – Езеро
Рибите имаат силна интуиција и бескрајно знаење и затоа е лесно да се каже дека тие се вистински стари и мудри души. Тие даруваат сѐ додека повеќе не можат да го прават тоа и немаат никаков проблем да останат во позадината наместо во центарот на вниманието, бидејќи знаат која е нивната вредност.
