Како се справува секој хороскопски знак со досадата? Лавот ќе ја искористи за да се одмори, Ракот секогаш ќе пронајде некоја активност, а најлошо им е на Близнаците, Овните и Рибите.rnrn
rn
Овен – Досадата му е најголем непријател
rnТемпераментните и активни припадници на овој знак се големи обожаватели на акции, а самата помисла на досада кај нив предизвикува нервоза, па може да станат и груби. Веднаш бараат решение, а единствен критериум им е да се движат. Обично досадата ја решаваат со физичко движење, прошетка или возење велосипед, но знаат и да ги организираат пријателите за групно дружење. Досадни може да му бидат и некои луѓе кои ги доживува како напорни.rn
Бик – Знае да се справува со досадата
rnПрипадниците на овој знак не се нестрпливи типови кои очекуваат дека во животот постојано ќе им се случуваат важни работи. Па кога му е досадно, Бикот ќе пронајде други активности и мирно ќе чека да му се случи нешто возбудливо. Нивниот лек за досадата е: читање весници, пиење кафе или работа во градината, односно некоја релаксирана активност која ќе ги наполни со енергија. Од досадните луѓе само ќе се оттргнат, без да предизвикаат караница.rn
Близнаци – Забавата им е мото во животот
rnПрипадниците на овој знак не ја поднесуваат пасивноста при која ништо не се случува и многу им е подобро да живеат со „полна пареа“ и под стрес, отколку неинтересно. Дури и кога им е досадно, сами ќе измислат ситуација, или пак ќе предизвикаат караница, само да им се случува нешто. Лек за досадата најчесто им се другите луѓе, заедничката забава или пак започнување нови проекти.rn
Рак – За него досадата е непознат поим
rnПрипадниците на овој знак како да се имуни на досадата, и тоа благодарение на талентот со кој можат во сè да пронајдат забава. Во периодите кога ништо интересно не им се случува, ќе пронајдат хоби во вид на работа, набљудување други луѓе, озборување со блиските пријатели или гледање добри филмови и документарци на телевизија.rn
Лав – Ќе ја преспие досадата
rnПрипадниците на овој знак не се имуни на досадата, но имаат едно многу згодно решение за неа – а тоа е мрзливоста во која уживаат. Обожаваат да лежат, спијат или со часови да се сончаат на терасата на некое кафуле, а тоа им одговара сè додека не се претвори во секојдневие. Тогаш досадата почнува да ги нагризува, а забава ќе очекуваат од својот љубовен партнер. А ако го немаат? Па, ќе го побараат.rn
Девица – Има стратегија против досадата
rnОвој знак не го сака чувството на бескорисност, излежување и недостаток на планови, освен ако се одлучат да се досадуваат на одмор. Нивната забава, дури и онаа најобичната како што е одење во продавница, е однапред испланирана. Но, ако другите им ги променат плановите, а не понудат алтернатива – ќе се налутат. Тогаш, со тешко срце, ќе се одлучат да го исполнат денот со домашни обврски.rn
Вага – Нејзината колебливост ја доведува до досада
rnПрипадниците на овој знак често се наоѓаат во ситуации каде што ни тие самите не знаат што сакаат, па на пример, ќе посакаат забава со многу луѓе, но потоа ќе им досади, па ќе сакаат да одат дома и да гледаат ТВ. Поради ова двоумење, најчесто не прават ништо и им станува досадно. За среќа ова чувство трае кратко, бидејќи се окупираат со што било за да работат.rn
Скорпија – Досадата ѝ е прилика за одмор
rnОвој знак потајно посакува прилика за мир, осамување и уживање во активностите, вклучувајќи го и хобито што другите луѓе околу неа не го разбираат. Компјутери, стрипови или само лежење се активности резервирани за моментите на досада и тогаш тие нема да чувствуваат никаква нервоза за она што го пропуштаат, бидејќи во нивниот живот секогаш се случува нешто интересно.rn
Стрелец – Досадата тешко му паѓа
rnПрипадниците на овој знак се многу активни, па затоа досадата им го подига притисокот, а поради чувството за неможност за забава ќе се претворат во работохоличари за да го исполнат своето слободно време. Притоа ќе извршуваат некои небитни задачи, а во својата глава ќе планираат некое дружење, спортска забава или патување, па тоа ќе им даде сила и ќе ги смири.rn
Јарец – Има контрола над досадата
rnПрипадниците на овој знак го сакаат чувството на контрола во сè, па така и во справувањето со досадата, а се плашат само ако немаат алтернатива. Најчесто самите ќе дадат сè од себе за да организираат некое дружење и да се забавуваат на кој било начин, а на патот нема да им застанат ниту финансиските тешкотии. Нема да му смета и сам да седне во некое кафуле или да оди на прошетка. Сè додека се движат е добро.rn
Водолија – Осаменоста ѝ е симбол за досада
rnИзразено социјализираните припадници на овој знак поимот досада го поврзуваат со тоа да се препуштени сами на себе, без ниту еден проект на кој може да му се посветат. Инаку, тие можат да изгубат часови на изработување на нешто, но штом тоа помине, под итно им треба доза дружење. Ако им е досадно стануваат песимистични.rn
Риби – Досадата им е прилика за сонување
rnИако на припадниците на овој знак, исто како на Водолиите, им треба дружење, во периодите на досада нема да очајуваат. Во можност се да сонуваат и да планираат далечни случувања во иднината, како на пример, уредување на станот кој го немаат, свадба со партнерот кој сè уште го немаат сретнато и слично. Таквата бујна мечта, како и Раковите, ги прави поприлично отпорни на негативните влијанија од досадата.