Малата Габи Ман од Сиетл одвреме-навреме добива по некој подарок кој е поразличен од сите други, затоа што не добива секој подарок од гавран. Локалната гавранска популација не го заборава тоа што ова девојче го правело и го прави за нив и затоа ѝ доставуваат по нешто за да покажат благодарност и да ѝ ја возвратат љубовта. Таа ги храни во последните четири години, а тие не остануваат должни враќајќи ѝ со парчиња метал, копчиња, завртки, навртки, мали пластични предмети и сè друго што има голема вредност во гавранскиот свет.
Затоа сега Габи има уникатна колекција од предметчиња. Има добиено и парче метал на кое пишувало Best и сега може да го чека и вториот дел на кој мора да пишува Friend. Еднаш дури ја вратиле и загубената леќа од фотоапратот на мајка ѝ. Така е тоа кога имаш гаврани за пријатели.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.