Претходно
8 начини да се ослобидите од болката во вратот
Болката во вратот долгорочно се решава со физичка активност, но постојат и начини за брзо решавање на проблемот.
1. Со жешка вода
Ставете кеса со жешка вода на местото каде што ве боли вратот. Тоа ќе ја поттикне циркулацијата на крв и ќе ја намали болката.
2. Масажа
Масажата на трапезот може брзо да делува. Тоа е пределот од задниот дел на главата до рамената и горниот дел на грбот. Масажата нека биде полесна, за да може подобро да се опуштат мускулите.
3. Вежби за вратот
Вежбите за вратот не можат да ја надоместат редовната физичка активност, но лесното ротирање во правец на стрелките на часовникот и обратно може да даде краткорочно подобрување.
4. Истегнување на рамената
Направете ги наједноставните вежби за истегнување на рамената. Вкрстете ги двете дланки и со исправени раце движете ги нагоре, над главата. Или ротирајте ги рамената напред и назад. Проверете што подобро делува на вас.
5. Ослободете се од стресот
Причините за болката можеби немаат физичка природа. Направете што било што ве ослободува од стресот. Доколку вежбите за истегнување ви помагаат да го елиминирате, само напред!
6. Избегнувајте активности што одмагаат
Седење на компјутер, возење, кревање тежок товар, се само дел од активностите кои можат да го здрват вратот. Избегнувајте ги ако тоа е случајот кај вас.
7. Храна која „ослободува од болките“
Не постои храна чие консумирање лечи, но има таква која што може, заедно со други фактори, некако да помогне. Во случајот со болката во вратот таа моќ ја имаат продуктите кои содржат високо ниво на флавоноиди. Такви се темното чоколадо, шумските плодови, калинката, семките од тиква, ѓумбирот итн.
8. Одморете се
Обидете се да се одморите. Наспијте се на перница која ви одговара за да спречите уште поголема болка.
На крај, доколку ништо од ова не ви помага, тоа е знак дека е време да се јавите на лекар.
