Претходно
7 начини да спречите срцеви заболувања во вашите 20-ти
Срцевите заболувања спаѓаат меѓу најголемите проблеми на денешницата. Тогаш, зошто никој не зборува како да преземеме мерки за да се заштитиме уште од рана возраст?
Еве како можеме да ја спречиме појавата на срцеви заболувања во време кога на мета се и младите.
1. Не пушете
Дури ни само одвреме-навреме. Тоа не ви е никакво оправдување. Од мали нè учеле колку е штетно пушењето. Не сакате стент на срцето во вашите 30-ти (ако не и порано).
2. Внимавајте на вашата тежина
Не за да изгледате добро и да привлекувате погледи кон себе, туку заради вашето здравје. Вежбајте редовно, бидете активни, внимавајте на исхраната. Доколку имате поголеми проблеми со вашата тежина, консултирајте се со доктор кој ќе ви подготви здрава диета соодветна за вашата крвна група. Зголемената тежина со себе повлекува и висок холестерол, гликоза во крвта и висок крвен притисок.
3. Јадете здрава храна
Во ред, знаеме колку е тешко да им се одолее на сите забранети задоволства, но гледајте макар еднаш или два пати дневно во вашата исхрана да внесувате свежо овошје и зеленчук. Задолжително изедете едно јаболко, а кога вечерате во ресторан нема да ви штети да порачате зелена салата покрај другото. Всушност, правилната исхрана може да биде и забавна.
4. Слободно испотете се
За да ви биде забавно одберете физичка активност во која уживате, и така нема да го чувствувате вежбањето како обврска. На пример, пуштете ја омилената музика и играјте половина час како никој да не ве гледа. Поканете ги другарите и организирајте турнир во фудбал. Физичката активност со себе повлекува и здрав, исполнет живот и чувство на задоволство.
5. Внимавајте на производството
Одбегнувајте конзервирани и увезени производи. Сè што изгледа добро но и сомнително. Почнете со мали чекори. На пример, наместо лименка газиран сок земете природен сок од портокал. Наместо да купите голем хамбургер направете домашна пица.
6. Задолжително користете ги слободните денови
Без да се затворите дома и да гледате телевизија цел ден. Ако сте слободни од работа организирајте излет во природа, на пример. Најдете начин да се релаксирате, опуштите и вистински да се одморите. Најголемиот одмор ќе го почувствувате кога ќе ја смените средината во која постојано живеете.
7. За крај, бидете свесни за синдромите
Настрана од добро познатата болка во пределот под рамото на левата рака, обрнете особено внимание на повремени несвестици или болка во рамото и вилицата. При секоја нагла промена во вашиот изглед или општа благосостојба, консултирајте се со стручно лице.
