Новиот неодолив модел на Пагани

Дами и господа, во продажба официјално е пуштено новото „Пагани Хуаира“. „Хуаирата“ е новиот предводник на италијанскиот производител на спортски автомобили, кој ќе ја замени веќе прочуената „Зонда“. Како и својот претходник, и таа ќе биде редок вид птица во светот на спортските автомобили, очекувајќи да се произведат помалку од 40 примероци во првата година од нејзиното производство.rnОвој модел го придвижува AMG V12 мотор, со моќност од 700 коњски сили. Таа тежи околу 1.360 килограми, благодарејќи на карбонските влакна од кои е изработена целата шасија. Под полна гас „Хуаирата“ ќе може да достигне брзина до неверојатни 370 километри на час.rnНејзиниот стил е малку ексцентричен, но тоа е препознатливо за сите модели на Пагани. Тие едноставно не се премногу аглести како моделите на Ламборгини, ниту заоблени како на Порше или Бугати. Доколку имате среќа некогаш да видите една во живо, веднаш ќе ја препознаете поради нејзината автентичност. Доколку пак сакате да бидете горд сопственик токму на овој модел, ќе треба да издвоите 1,5 милиони американски долари. Тоа е цената која ќе морате да ја платите, за да бидете еден од реките, но и од многу уникатните.rn