Претходно
Фотографии кои ќе ве натераат веднаш да го гушнете вашето милениче
Секој кој чувал домашно милениче знае дека тие можат да бидат едни од најголемите животни сопатници. Во многу домови, кучињата и мачките стануваат дел од фамилијата и тие ја споделуваат нивната љубов и лојалност на начини на кои ние не би можеле ни да ги замислиме. Сара Бет е фотограф на миленичиња чија цел е да овековечува уникатни моменти на животните кои живеат во нашите домови. Но, покрај фотографирањето на слатки кучиња и мачки кои весело скокаат насекаде, таа станала позната и по фотографиите од постари или болни кучиња кои се збогуваат со своите сопственици.
„Joy Sessions“ претставува серија прекрасни срцепарателни портрети од неизлечливо болни или постари животни. Името на оваа серија од фотографии има многу лично значење – Џој било името на црн лабрадор, куче за помош кое ѝ припаѓало на Џоан, жена која живеела во дом за стари.
„Џој беше нејзината карпа, нејзиниот најдобар пријател, кучето кое многу пати ѝ го имаше спасено животот. Таа ѝ давала до знаење на Џоан кога нејзиниот притисок бил пренизок и ја предупредувала пред да доживее напад. Џој застанувала под неа за да ѝ го ублажи падот на Џоан, стоела цврсто за да ѝ помогне да стане и била покрај неа 24 часа,“ вели Сара.
И покрај тоа што во овој случај Џоан била таа со лошото здравје, разговорите помеѓу неа и Сара предизвикале да настане необична идеја.
„На многу луѓе миленичињата им се цел свет и јас сакам да им дадам можност да го овековечат она што ги прави нив толку посебни, особено во најтешките времиња,“ вели таа. „Овие фотографии се за оние луѓе кои сакаат да ја прослават среќата и радоста која миленичињата им ја довеле во нивните животи.“
Нејзината цел е да ја покаже блискоста која постои помеѓу овие луѓе и нивните миленичиња и искрено се надева дека сите ќе можат да ја почувствуваат љубовта која излегува од самите фотографии…
