Се сметате себеси за одговорен и работлив човек, но едноставно не уживате во работата која ја имате. Во ваков случај платата и повремената искра надеж е она што ве одржува и понатаму да останете и да го печалите лебот на тоа работно место. Но, сепак проблемите секогаш испливуваат на површина и кога тогаш, ќе морате да пресечете и да кажете дека е доста. Секогаш треба да го гледате најдоброто за вас и вашите интереси да бидат пред сè друго. Ова се неколку, доволно силни причини да почнете да барате ново работно место, макар и за помала плата, но за поголемо задоволство и поголемо уживање.rnrn
rn
Комуницирате со колегите само за да се пожалите од работата
rnПорано кога бевте свежи и ентузијастички настроени, со сигурност сте се труделе подобро да се запознаете и да се дружите со колегите. Кога уживате во работата, уживате и во социјализацијата со колегите. Сега, сè поретко разговарате, а кога тоа се случува најчесто го озборувате шефот и директорот, се жалите за работните проблеми, работните услови и слично.rn
Колегите напредуваат пред вас
rnПогледнете ги колегите кои се понапредни од вас. Дали тие се вклучија во организацијата после вас? Доколку е така, тогаш можеби е време да го промените работното место бидејќи или не давате сè од себе или повисоките раководни лица не ве ценат вас и вашиот труд.rn
Не можете да се сетите кога последен пат сте научиле нешто ново
rnБез постојан предизвик не можеме да очекуваме дека ќе бидеме ентузијасти и свежи постојано и дека ќе бидеме возбудени за работата. Без разлика во кое поле работите и на кое ниво сте, доколку не учите нови работи, тогаш е време да продолжите по друга патека.rnrn
rn
Не можете да се сетите кога последен пат некој ве пофалил дека одлично си ја завршувате работата
rnДобро завршената работа и позитивниот фидбек од сработеното одат рака под рака. Доколку не го добивате позитивниот фидбек, не мора да значи дека не си ја вршите работата како што треба. Можеби некој друг не знае доволно добро да си ги мотивира вработените, па лошиот менаџмент може да ви ја убие вашата желба за работење.rn
Заспивате на работните состаноци
rnРаботните состаноци знаат да бидат досадни и да бидеме реални, сите после некое време се исклучуваат. Но, почнете да забележувате колку често ви се случува ова. Доколку увидите дека често ви се случува и дека не ви е интересно, а наместо тоа почнувате да размислувате што ќе јадете после или што филм ќе гледате вечер, тогаш почнете да праќате мотивациско писмо и портфолио во други фирми, бидејќи веќе не ви е предизвик да работите на тоа работно место.rn
Односот со работодавецот ви е ужасен
rnДоколку односот со вашиот работодавец ви е толку лош, што нема начин како да се врати во нормала, тоа е силна причина да си заминете и да барате нова работа. Голем број работодавци не знаат да признаат грешка и секогаш вината ја бараат во вас, па некогаш едноставно не вреди да трпите стрес и постојано да сте нервозни поради неговиот карактер.rnrn
rn
Мисијата на организацијата е спротивна од вашите етички принципи
rnБез разлика дали работите во бизнис во кој работодавецот ве тера да лажете за квалитетот на продуктот или работите во организација која ги гази вашите претходно утврдени ставови, не вреди вие да си одите спротивно од вашите принципи за да му го полните некому џебот. Точно е дека во денешно време тешко се наоѓа работа и дека понекогаш треба да се подголтне и да се прифати тоа што ни е понудено, но не по секоја цена.rn
Преголем стрес
rnНајчесто стресот е правопорционален со тежината на работата и односот на работодавачот кон вас. Неретко сите посветени работници стресот си го носат и дома, а тоа им се одразува на односот со семејството и пријателите. Доколку сметате дека работата е повредна од тоа, продолжете да работите.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.