Емоционалната сигурност е неопходна за остварување емоционална поврзаност

Најновите истражувања во областа на невробиологијата покажале дека емоционалната сигурност е еден од главните фактори што треба да се исполни за да се оствари потребната блискост во една љубовна врска. Мора прво да се чувствуваме безбедни за да можеме да ја покажеме нашата ранливост. Ранливоста е родното место на љубовта, заемната радост, храброст, емпатија и автентичност.rnrnrnrnНекои луѓе не обрнуваат големо внимание на сигурноста во врската, бидејќи зборот „сигурност“ го поистоветуваат со зборот „досада“. Сепак, стабилните врски по кои сите копнееме опстојуваат благодарение на чувството на сигурност. Тоа го докажуваат и научниците.rnrnДокторот Стивен Порџес, еден од главните светски експерти за автономниот нервен систем, потврдува дека потребата за сигурност е длабоко врежана во нашиот ум и тело. Неговата поливагална теорија опишува како нашиот автономен нервен систем ги пренесува безбедноста, довербата и интимноста до потсистемот што го нарекува систем на социјална вклученост. Нашиот мозок постојано ни кажува преку сетилата дали се наоѓаме во безбедна или опасна ситуација.rnrnКога нашите тела и умови чувствуваат безбедност, нашиот систем на социјална вклученост ни овозможува да соработуваме, слушаме, сочувствуваме, да се поврзуваме, но и да бидеме креативни, иновативни и храбри во начинот на размислување и идеите. Ова има позитивно влијание на нашите врски и живот воопшто.rnrnПовеќето парови не се соочуваат со ситуации опасни по живот, туку се заглавени во хронична неповрзаност, тензија, одбранбен механизам и нервоза што им дава сигнал на сетилата дека се работи за некаква опасност, а тоа на крајот има негативен ефект на врската.rnrnСпособноста на мозокот да биде свесен за овие сигнали е појава што се вика невроцепција, термин составен од страна на Порџес, кој го користи за да опише како нервниот систем се потпира на чувствата за да го процени нивото на ризик и безбедност.rnrnОваа свесност е надвор од контрола на свесната мисла. Нашите мозоци постојано вршат анализа на информациите што ги добиваат преку сетилата за да одлучат како и кога да воспостават врска и да се поврзат со други луѓе.rnrnКога перципираме безбедност преку нашата невроцепција, нашата социјална вклученост може да функционира и да ни помогне да создадеме топлина и поврзаност. Кога перципираме опасност, сите наши сетила почнуваат да го проценуваат нивото на потенцијална опасност и да нѐ заштитуваат од неа.rnrnrn

Суптилни закани за губење на поврзаноста

rnЗамислете си ја следнава ситуација: Маж и жена во нивните 30-ти се во брак веќе неколку години. И двајцата имаат стресни професии и мора често да патуваат. Понекогаш поминуваат неколку недели без да се видат. Кога конечно ќе се соединат, наместо да чувствуваат среќа и поврзаност, тие се караат. Мажот критикува, жената го возвраќа ударот. Мажот почнува да се затвора во себе, а жената се чувствува напуштено. Ниту еден од нив двајца не се чувствува безбедно.rnrnНивните изрази на лицето, гласови и тела се напнати и ја рефлектираат анксиозноста што ја чувствуваат однатре. Тие претставуваат закана еден за друг, без да бидат свесни за тоа. Како луѓе, ние имаме капацитет да почувствуваме закана на многу суптилен начин што нема никаква врска со логиката и когницијата. Овој длабоко врежан систем почнува да работи, без разлика дали нам ни се допаѓа тоа или не.rnrnИсто така, невроцепцијата го поттикнува нашиот одбранбен систем кога ќе почувствува закана, како во случајот со брачниот пар од примерот. Иако тие знаат на когнитивно ниво дека се безбедни кога се еден покрај друг, нивните сетила примаат поинакви информации преку нивните гласови, очи, изрази на лицето и говор на телото. Кога не се чувствуваме безбедни, нашите тела не сакаат да се вклучат, да се поврзат и да ја дадат емоционалната топлина што е потребна за љубовната врска да опстои.rn

Како да создадеме безбедна и сигурна врска?

rnКако паровите да ја одржат емоционалната сигурност кога и двајцата партнери се под стрес? Како да остварат поврзаност што ќе ги инспирира и ќе ги поттикне на развој? За да постигнат сигурност на невроцептивно ниво, партнерите мора намерно да разговараат за нивните заеднички интереси и заемна љубов. Мора да почнат да се прифаќаат и разбираат еден со друг. Со текот на времето, нивните изрази на лицето ќе станат понежни, а гласовите посмирени и повесели. Наскоро, тие ќе успеат да ја обноват нивната поврзаност. Наместо да ги презираат нивните средби, ќе почнат со нетрпение да ги очекуваат.rnrnУбавината на нашиот нервен систем лежи во тоа што ни помага да ги преживееме опасните ситуации, но и да ги продлабочиме нашите чувства на блискост и поврзаност со луѓето околу нас.rnrnВрските што се засноваат на сигурност не се воопшто здодевни. Емоционалната сигурност ни ја дава слободата да соработуваме, сонуваме, да бидеме креативни, да ги споделуваме храбрите идеи, да сочувствуваме и слободно да го искажуваме нашето мислење. Колку подобро ја разбереме улогата на нашите тела во врските, толку повеќе ќе можеме да ги искористиме во наша корист. Пронајдете ја вашата емоционална сигурност во врската и остварете ја емоционалната поврзаност со партнерот што отсекогаш сте ја посакувале!rnrnВо продолжение прочитајте зошто само емоционалната поврзаност може да ги одржи меѓучовечките односи во живот.