Со децении наназад танцот на шипка можел да се види најчесто во стриптиз-клубовите, каде што танчерите ја истакнувале неговата сексуална смисла, без да изведуваат никакви особени акробатски движења, туку само едноставно ја држат шипката и се лизгаат по неа, со цел да го покренат сексуалното расположение кај спротивниот пол.
Но, од почетокот на 21 век, танцувањето на шипка станува многу популарно, полека претворајќи се во прекрасна спортска дисциплина, која може да биде исто толку нежна како и гимнастиката и балетот. Последниве 10 години низ светот се организираат натпревари во оваа дисциплина која е своевидна акробација, бара силни мускули, одлична кондиција и длабока концентрација.
Меѓународната федерација на спортови на шипка (ИПСФ) започна кампања за прогласување на танцот на шипка за олимписка дисциплина, со цел тој да се најде на следната Олимпијада во Рио де Жанеиро во 2016 година. Во минатата деценија беа организирани многу повеќе натпреварувања од овој вид спорт и за жени и за мажи.
Наталија Татаринтсева од Украина беше победник во женска конкуренција на Светското првенство одржано во Лондон минатата година, која покажа невидена елеганција, женственост и флексибилност во своите движења.
rnrn
rn
Од машките натпреварувачи Јевгениј Грешилов од Русија во 2011-та го освои златниот медал, со својот забавен, хумористичен, но и мажествен и моќен перформанс.
rnrn
rnСепак, ќе биде потребно време да се исфрлат стереотипите кај луѓето дека танцувањето на шипка не е ништо повеќе од перверзна танцувачка провокација за заработка на пари на стриптиз-клубовите. Дали танцот на шипка ќе стане олимписка дисциплина или не, останува времето да покаже.rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.