Заборавате да им честитате роденден на вашите блиски луѓе? Не можете да ги запаметите имињата на луѓето коишто ќе ги запознаете? Изумивте да го испиете лекот? Тешко ги меморирате лекциите од испитот за на факултет? Мирисот на рузмарин ќе ви ја подобри меморијата, тврдат научниците. Истово го тврдел и Шекспир уште на времето.
Од истражувањето на психолозите од британскиот универзитет Нортумбрија, се утврдило дека вдишувањето арома од масло од рузмарин помага во јакнење на долготрајното помнење, будноста, концентрацијата и менталните способности. Тие откриле дека мирисот на оваа лековита билка може да ја зголеми меморијата за 75%.rnrnАнглиските научници тврдат дека вдишувањето на овој мирис ја подобрува способноста за присетување на минати настани и способноста за помнење задачи кои треба да се извршат во иднина. Преку серија од различни тестови, истражувачите покажале дека лицата кои вдишуваат мирис од масло од рузмарин, ги помнат задачите кои треба да ги извршат за 60-75% подобро, во споредба со лицата кои воопшто не помирисале рузмарин.rnrnУчесниците биле подложени на серија тестови за меморија, кои вклучувале сокривање на предмети и нивно повторно пронаоѓање по извесно време или подавање на одреден објект на истражувач, во точно определено време кое било претходно специфицирано. Оние волонтери кои биле изложени на овој мирис, се присетиле на седум зададени задачи, а останатите се сетиле само на четири и тоа многу побавно од првата група.
Во крвта кај лицата кои доаѓале од ароматизираната просторија било детектирано повисоко ниво на 1,8-синиол, супстанца која се наоѓа во маслото од рузмарин и влијае на помнењето.rnrnРузмаринот се користел уште во древен Египет на свадбени церемонии за поттикнување на помнењето и верноста. Во современата билна медицина, рузмаринот се користи како благ анелгетик против мигрена и дигестивни болести.rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.