Што ќе се случи ако си го сокриете роденденот од Фејсбук? Ова прашање си го поставила младата блогерка Марија Адмира и одлучила да направи експеримент за да види што ќе се случи. Резултатите веројатно нема да ве изненадат.
rn
Нејзините блиски сепак ѝ го честитале роденденот
rnПорано голем дел од пријателите на Фејсбук ѝ го честитале роденденот на нејзиниот ѕид откако претходно добивале известување за тоа. Овој пат на тоа се сетиле само оние на кои таа им значи, како нејзиното семејство и најблиските пријатели. Тие не ѝ напишале порака на ѕидот, туку се јавиле да ѝ посакаат среќен роденден. Дури и некои луѓе со кои порано го славела роденденот, а сега веќе не е толку блиска со нив, се сетиле да ѝ пратат порака. Тоа направило да се почувствува многу убаво.rn
На тој ден правела само работи што сака да ги прави
rnСега кога го сокрила својот роденден од пријателите на Фејсбук, таа можела да посвети повеќе време да прави што сака тој ден. Не морала да одговара на бројните пораки од луѓе кои можеби и не ги познава.rn
Немала моменти на краткотрајна среќа
rnЧеститките на ѕидот на Марија ѝ носеле моменти на среќа кои траеле само по неколку секунди. Овој пат била лишена од нив, но затоа подолго траеле убавите чувства предизвикани од оние кои ѝ се јавиле без да добијат нотификација за тоа. Била опкружена само со пријатели со кои имала искрена и силна врска.rn
Почувствувала дека вреди повеќе
rnТаа почувствувала дека вреди повеќе отколку оние површни честитки на Фејсбук. Сега веќе не си ја мерела својата вредност според бројот на луѓе кои ќе се „сетат“ на неа после нотификацијата. Вели дека сега се почувствувала подобро и поради тоа што подобро се поврзала со сопствениот живот и она што реално се случува со него откако му откинала дел од неговата виртуелна реалност.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.