КАФЕ ПАУЗА

Tag: задачи

Доколку одговорите точно на овие 5 прашања, вие сте генијалец!

Доколку сакате да откриете дали сте генијалец, доволно е да одговорите точно на овие неколку прашања. Барем така тврдат Роберт Стритер и Роберт Хоен, авторите на книгата за откривање генијалци. Со среќа!rnrnrnrn1. Разместете ги следниве букви така што ќе добиете име на живо суштество:rnrnСРТОИrnrn2. Четири личности можат да изградат четири чамци во четири дена. Колку време му е потребно на еден човек да изгради еден чамец?rnrn3. Тестирајте го сеќавањето: Три мажи, нивните сопруги и вдовец еден ден на пладне со автомобил отишле на излет. По поминати 5 километри, виделе двајца мажи и дете во друг автомобил кој се расипал. „Тоа е лоша среќа“, рекол еден од оние кои отишле на излет. Во точно 1 часот тие стигнале на својата дестинација каде што виделе само еден домар со една рака и неговиот син. Тие веднаш седнале на ручек кој се состоел од сендвич, зеленчук и торта. Прашање: Колку луѓе се спомнати во овој текст?rnrn4. Што е потешко, млекото или павлаката?rnrn5. Доколку часовникот застанува по една минута на секои 10 минути, колку време би ѝ требало на стрелката на направи еден час?rnrn[toggle_box]rn[toggle_item title=”Одговори:” active=”false”]rnrn1. Ристо, Сотирrnrn2. 4rnrn3. 13rnrn4. Млекото, бидејќи павлаката испливува на површинаrnrn5. 65 минутиrnrn[/toggle_item]rn[/toggle_box]rnrnКолку од овие прашања погодивте? Споделете со нас во коментарите…

April 7, 2015
19 навики на момците кои ги нервираат девојките

Можеби сите овие нешта не ги прави вашето момче, но ќе мора да се согласите дека ова се дел од нештата кои мажите ги прават, а нам ни одат по нерви. Од спиење до доцна до оставање валкани чорапи, еве што сè нè нервира кај погрубиот пол.rnrnrn

1. Спие до доцна

rnДодека да се разбуди вие веќе сте подготвиле појадок, сте биле на пазарење и на враќање сте ставиле бензин во колата и сте ги платиле сметките.rn

2. Не знае да извршува основни домашни задачи

rnКако на пример да ја измие чинијата после јадење. Секако, секоја чест на исклучоците.rn

3. Зборува за неговата бивша девојка

rnБез разлика дали зборува добро или лошо, зборувањето за неговата бивша е секогаш знак дека не ја преболел сосема.rn

4. Таа способност да заспие секогаш и во секое време

rnА вие се чудите како му успева. Ве нервира фактот што не изгледал цел филм без да преспие макар дел.rn

5. Испуштање гасови и подждригнување

rnСекако, се случува, но проблемот е кога некој го прави тоа без осет среде гледање филм и се однесува како ништо да не било.rn

6. Коментирање за физичкиот изглед на други жени и девојки

rnНевкусно, најдете друг начин да се докажете колкави мажи сте.rn

7. Се преправа дека ве слуша

rnКога очигледно умот му лета на сосема друга страна.rn

8. По бричење остава ситни влакненца од брадата во лавабото

rnТоа е дел од хигиената. Колку што е лицето мазно после бричење, толку лавабото треба да остане чисто.rn

9. Остава валкани чорапи на подот

rnТолку ли е тешко да ги однесе до корпата за валкани алишта?rn

10. Не го спушта капакот од веце шолјата

rnПа добро, колку пати треба да се повтори ова правило?!rn

11. Упорно ја допира вашата коса пред да излезете

rnА му рековте дека не сакате да ви ја расипе фризурата.rn

12. Тоа што некогаш не ве разбира од прва

rnДобро, зошто мора сè да му дообјаснувате?rn

13. Често ќе го утне видот на производот што сте го побарале од супермаркет

rnНе, не требаше црвеното ама нема гајле, ќе се снајдам некако.rn

14. Тоа што не ве разбира во оној период од месецот

rnВашето однесување и не е толку ирационално, но за него е очигледно голем проблем. Добро, зошто едноставно не ве остави да бидете неподносливи и да ве сака?rn

15. Тоа што не ви чита мисли

rnУф, навистина е напорно, би требало да знаете да читате мисли, така сè ќе беше полесно.rn

16. Тоа што е многу приврзан за неговата мајка

rnИскрено, иако ја цениме вашата љубов и грижа, тоа што некогаш сте мамини синчиња ни оди по нерви, но не кажуваме.rn

17. Навиката да прашува што сте купиле и зошто ви било потребно

rnНа попуст беше и не даваме отчет после шопинг.rn

18. Тоа што некогаш се однесува како жена

rnДа, косата конечно ти е добро наместена, ајде да излеземе.rn

19. Тоа што е доволно згоден и за вас неопходен, па занемарувате сè што ве нервира кај него.

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 18, 2015
Дали знаете да работите во тим?

Автор: Петар ЛазаровrnrnАко земеме предвид дека ние луѓето првенствено не можеме меѓусебно да се разбереме (ако не се сложувате со ова само погледнете што се случува околу нас и пошироко), а за да функционираат повеќе индивидуи на едно место пред сѐ треба да се разберат, тогаш јасно е дека не е многу лесно да се вклопиме во еден тим. Функцијата на тимот е многу јасна – група луѓе собрани со определени комплементарни вештини за да остварат некоја иста цел, задача или проект. Имаме иста цел, сакаме исти работи, сами тешко може да ги исполниме задачите, а пак, е многу тешко да се здружиме и заеднички да работиме на секојдневните предизвици.rnrnrnrnОд една страна, сите зборуваме дека заедно сме посилни, дека две глави мислат подобро од една, сите зборуваме за тим и тимско работење, одиме по обуки, се дружиме после работа, но од друга страна, често имаме проблем со колегата кој нема да си ја заврши работата, некој ќе го „намести“ другиот, ќе му стави сопка или ќе изневери во најважниот момент.rnrnПроблемот е во тоа што нашите индивидуални особености и карактеристики ги надвладуваат тимските цели и принципи на работење. Со цел подобро да функционираме како тим ние мора свесно и макотрпно да работиме на себе и на сите членови на тимот, како и да ги следиме некои од основните правила и принципи на функционирање во тим.rnrnВо прилог неколку правила и принципи кои мора да ги имате на ум кога формирате или работите во тимови:rnrn1. Цел – Која е вашата индивидуална цел и дали таа е комплементарна со целите на другите, како и целите на колективот (компанијата) во целост?!rnrn2. Улоги во тимот – Секој тим треба да е составен од индивидуалци кои имаат комплементарни вештини и точно определени улоги и задачи. Тоа по „странски“ се вика „Job Description“. Доколку ги немаме дефинирано улогите и задачите, тогаш многу лесно ќе се случи една личност да извршува нечии други задачи, или некоја задача да не се изврши воопшто. Незадоволството е неизбежно.rnrn3. Тим лидер – Секој тим мора да има една личност која ќе го води тимот и ќе ја преземе одговорноста за успехот или неуспехот на тимот. Лидерот мора да ги постави процедурите на работа, будно да го набљудува и следи својот тим, да биде заштитник и мотиватор.rnrn4. Одговорност – Секој индивидуално треба да преземе одговорност за своите постапки. Ако поради која било причина не сакаме да преземаме одговорност, тогаш веројатноста за да ги исполниме нашите индивидуални задачи како и тимските цели, ја сведуваме на минимум.rnrn5. Заедништво – Меѓусебно помагање на сите членови во тимот. Наполеон Хил вели дека најдобро и најбрзо ќе успееме ако им помогнеме на другите да успеат. Исто така се вели дека еден синџир е силен колку што е силна најслабата алка. Ако не ги поддржиме и помогнеме оние кои се послаби од нас, целиот тим губи (и ние самите).rnrn6. Конфликт – Конфликтот е неизбежен дел од функционирањето на еден тим. Но, доколку членовите промовираат отворена комуникација и искрено разговараат за своите проблеми, секогаш ќе може да се најде заедничко решение без притоа некој да прави огромни отстапки.rnrn7. Доверба – За еден тим да функционира беспрекорно, мора да постои доверба помеѓу членовите. Најдобар начин на градење доверба во тим е доколку првично ние сме луѓе од доверба. Отворената комуникација е исто така важен фактор во процесот на градење на доверба во тимот.rnrn8. Активно слушање – За да се разбереме, мора да се слушаме. Слушањето е ментален предизвик и природно тешко ни оди да го спроведеме. За да станеме подобар слушател, основно е да престанеме да зборуваме и да мислиме дека нашето е подобро, попаметно и поважно од она на другиот.rnrn9. Прашања, повратна информација и парафразирање – Употребувајте ги овие алатки со цел да ја подобрите комуникацијата во тимот. На овој начин ќе ги намалиме претпоставките, нејаснотиите и нецелосните информации.rnrn10. Обука – Мора постојано да ги надградуваме нашите знаења и вештини, и да ги имплементираме и тестираме истите во пракса. Само на тој начин може да очекуваме подобрување на нашите индивидуални вештини, но и перформансите на тимот во целина.rnrnГуските летаат во формација „V“ и на тој начин заеднички, подобро му се спротивставуваат на ветерот и достигнуваат далечини дури до 71% поголеми отколку што може една гуска сама. Ако лидерот се замори, веднаш го заменува некоја од гуските, а во случај на замор, поиздржливите ги бодрат послабите со квакање.rnrnДа учиме од природата!rnrn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 21, 2014
Знаете ли да се менаџирате себеси?
Автор: Петар Лазаров rnrnЗа една личност, вработен, професионалец, менаџер, сопственик, кој било, да биде комплетен и успешен, во справување со секојдневните предизвици (на работа и приватно), освен неговите професионални вештини и знаења, мора да знае како да се менаџира себеси, своите капацитети и емоции. Односно, да знае да се справи сам со своите препреки и бариери.rn
rn

„Сите размислуваат да го променат светот, но никој не размислува да се промени самиот себеси.“ – Лев Н. Толстој

rn rnrnСамоменаџирањето претставува склоп на вештини, методи и стратегии со кои една индивидуа ќе може ефективно да ги насочи своите активности кон остварување на своите цели, но и да знае како тие ќе се одразат на другите. Самоменаџирањето се однесува на: поставување и на исполнување на целите, донесување на одлука, менаџирање на стрес, самомотивација, иницијативност, фокус, организација, планирање, менаџирање на време и најважно за нашата ментална и физичка стабилност. Вработен, со карактеристики што би сакала да го има секоја компанија. Доколку успеам во 500 зборови да ви објаснам и да ви помогнам да ги зајакнете сите овие карактеристики, прво сам себеси ќе си помогнев, а потоа ќе се прогласев за мастер, 9-ти дaн, црн појас. Нажалост тоа не е толку лесно. Тоа бара огромна работа, посветеност, жртва и време. Но, еве неколку совети што може да ви помогнат малку и да ви дадат иницијација повеќе да размислувате и да работите на концептот на самоменаџирање:rn

1. Да бидеме свесни дека треба да работиме на себеси:

rn„Свесност“ е вистинскиот збор. Ако немате проблем со овие активности, тогаш вие нема потреба да губите време на самоменџирање:rn
- Не чекате никој да ве мотивира, вие самите си ги исполнувате сите задачи.
- Немате проблем со пробивање на рокови, бидејќи сте добро организирани и испланирани.
- Немате стрес или лесно се справувате со сите стресни ситуации, притисоци итн.
- Не кажувате изговори зошто не може да се реши некој проблем, туку веднаш се фокусирате да пронајдете креативно решение за секоја ситуација.
- Самостојно ги завршувате задачите и не чекате некој друг да ве „подбутне“.
- Кога ќе ве извади некој од такт, не се истурате на другите.
- Размислувате пред да кажете нешто и мислите како тоа ќе се одрази на другиот.
- Внимавате на својата исхрана и работите на јакнење на вашиот ментален и физички капацитет.
rn

2. Познавање на самиот себеси

rnСамоменаџирањето значи свесност за себе и за своите особини. Кога последен пат сте застанале и сте направиле самоанализа – кои се вашите слаби страни и каде и колку треба да работите за да ги зајакнете?! Каде го губите времето, дали сте мрзеливи, што ве мотивира, дали сте проактивни, зошто давам изговори итн.? ВАЖНО! Внимавајте да не донесете погрешен заклучок, бидејќи многу често знаеме да бидеме нереални за себе самите (си даваме преголема важност).rn

3. Самоменаџирањето претставува склоп на вештини, методи и стратегии

rnЕдна од најважните точки. Самоменаџирањето не е текст, еден ден работа или книга што се чита за 5 дена. Тоа е цел систем на методи и знаења што треба макотрпно да се имплементираат за да дадат ефект. Не постои брз начин на остварување на целите. Сè си бара посветеност, жртва и многу работа. Направете план за самоменаџирање и работете според него. Ако сте рекле дека ќе вежбате секој втор ден, немој да се откажете (и да си најдете изговор) после 3-то вежбање.rn

4. Самоменаџирање значи менаџирање на емоции

rnЕмоциите се тие што нè водат во животот, што нè прават силни или слаби во некои моменти. Читајте повеќе и работете на развој на вашата Емоционална интелигенција (EQ). Его, емпатија, страв, лутина, омраза, љубов, нагон, сите тие се виновни за реакциите и акциите што ги правиме (сакани или несакани).rn

5. Самоменаџирањето е рутина

rnТреба да бидеме свесни дека за да направиме каква било промена, таа треба да ни влезе во навика. А некоја работа да ни влезе во навика треба да ја повторуваме минимум 21 ден (најновите истражувања велат дека оди и дури до 60 дена). Да видите колку е тешко да смениме некоја навика, пробајте еден едноставен тест: од денес почнете 21 ден да ги четкате забите со другата рака (наместо со таа со која секој ден го правите тоа).rn

6. Работете на вашиот ум и тело

rnМенталните вежби ќе ви помогнат полесно да се справите со стрелите и со боксовите што ги примате секојдневно од околината и од опкружувањето, а физичките ви се издувен вентил и ќе ви помогнат да ја извадите негативната енергија собрана преку денот и ќе ви обезбеди простор за акумулација на нова, свежа енергија.rn

Живејте живот што е убав однатре, не само што личи убав однадвор!

rn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
October 14, 2014
Ефикасна алатка за ефикасно завршување на работите
Автор: Надица ЧесмаџискаrnrnДали ви се случува при крајот на работниот ден да ви останат обврски коишто не сте успеале да ги завршите иако сте работеле со полн интензитет? Јас на пример, неретко се наоѓам во ситуација по завршување на работното време да ми остануваат невозвратени бизнис повици, задачи кои треба да се делегираат, неизменаџирани во целост лични обврски, мејлови непроследени докрај, недовршени презентации кои создаваат дополнителен стрес и нервоза.rnrnrnrnСе чувствуваме фрустрирани бидејќи секоја активност или обврска која не е завршена докрај и се пролонгира за во иднина, се трудиме да не ја заборавиме, а од друга страна сме конфузни бидејќи често не знаеме на која активност да ѝ дадеме приоритет. Без разлика колку добро сме концентрирани на завршување на задачите, нешто секогаш ни го поместува фокусот.rnrnИстражувањата покажуваат дека главните виновници за ваквиот тип неорганизираност најчесто се класифицираат во три групи:rn
- Прекинувачи/дистрактори: Сигурно ви се случило одредена стандардна задача да ви одземе повеќе време за реализација од вообичаеното токму поради честите прекинувања од типот на СМС-порака, телефонски повик од пријателите, неформален разговор со колегите или пак итна молба.
rn
- Неефикасен организационен систем: Дефокусираност од обврските кои го бараат нашето внимание. Нејасно дефинираните задачи и лошото планирање се карактеристични за ваков тип однесување.
rn
- Лоша приоретизација: Искуството покажува дека одговорностите кои ни се полесни за реализација ги правиме веднаш, односно ги рангираме како приоритетни иако не се со голема итност, додека пак комплексните свесно ги одложуваме најчесто поради недоволно знаење или пак едноставно не ни се допаѓаат.
rnПотребна ни е метода или поинаку кажано систем којшто ќе го минимизира влијанието на т.н. дистрактори и ќе води кон поголемо и подобро себеменаџирање.rnrnМетодот, кој подолу ви го презентирам, ќе ви помогне да се организирате подобро и да останете продуктивни. Можеби ви се чини дека е комплицирано да се изведе, но основата е едноставна. Целта е ефикасно завршување на задачите со помалку напор.rnrnЧекор 1: Добивате задача.rnrnЧекор 2: Дефинирајте ја задачата/обврската според ранг и приоритет (важна, неважна, итна, помалку итна итн.).rnrnЧекор 3: Утврдете дали задачата бара соодветна итна акција од ваша страна? Доколку одговорот е негативен, тогаш зададената обврска ја класифицираме како можна за реализација во иднина. Во случај кога одговорот е позитивен следува:rnrnЧекор 4: Утврдете дали се потребни помалку од 2 минути за извршување на задачата? Ако одговорите со ДА, тогаш завршете ја ВЕДНАШ, во спротивно:rnrnЧекор 5:rnrnА. ДЕЛЕГИРАЈТЕ ја обврската доколку сметате дека другите имаат капацитет да ја завршат и на крајот контролирајте.rnrnБ. Ако пак сте сигурни дека вие сте личноста која треба да преземе одговорност за исполнување на задачата, тогаш:rn
- Запишете ја во вашиот НЕДЕЛЕН КАЛЕНДАР на активности со точно дефинирана дата или,
- Запишете ја како ДНЕВНА АКТИВНОСТ за реализација веднаш по завршување на тоа што го работите во моментот.
rnКога во иднина вашиот менаџер, колега, соработник, добавувач, ќе ве изненади со некоја нова активност за реализација во момент кога работите на друг проект нема да има потреба да се стресувате или да се трудите да не ја заборавите задачата за подоцна. Сега имате алатка која ќе ви овозможи да ја ставите во систем, односно да ја организирате секоја следна задача побрзо и поефикасно.rnrnМожете да го преземете моделот како шематски приказ и да го закачите во вашата канцеларија, како што е случајот кај мене. Дополнително може да ја набавите и книгата „Getting Things Done“ од David Allen каде може да најдете повеќе интересни содржини и информации од оваа тематика и да ги имплементирате.rnrn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 19, 2014
9 знаци дека си ја сакате работата иако не ви изгледа дека е така

Прекрасно е да се биде на работно место кое ви годи и ве тера да го вложите максимумот од себе. Тоа е работа која ве мотивира и го извлекува најдоброто од вас. Ако ја сакате вашата работа значи дека сте вистински среќници. Многумина минуваат низ животот заглавени на работни места кои не им годат.rnrnРаботното место може да биде како љубовните врски. Иако знаете дека ја сакате личноста со која сте во врска, може да доживеете периоди кога заборавате колку сте благословени. Исто е со вашата работна позиција. Тоа што сте презафатени и преуморни денес, тоа што денот ви бил стресен, не значи дека не си ја сакате работата. Обрнете внимание на овие 9 знаци кои укажуваат на тоа дека уживате во она што го работите. А, доколку не е така, можеби е паметно да размислите дали сакате да останете на тоа работно место.rnrnrn

1. Немате доволно време за да постигнете сè што сакате

rnПостојано имате работа и готов план за утре. Но, тоа не ве измачува. Може во разговор да се пожалите дека сте до уши во работа, но во суштина знаете дека таа зафатеност ви годи. Често и самите си давате задачи надвор од вашите задолженија за да постигнете повеќе или да придонесете повеќе. Ви се чини дека ви се потребни повеќе од 24 часа дневно за да постигнете сè што сакате, но работата под полна пареа ви годи и длабоко во себе знаете дека не би се откажале од тоа темпо.rn

2. Знаете кон што целите и вашата цел е видлива

rnВо моментите на напорна работа со сите тие мали задачи кои ви го преокупираат мозокот, сепак може да земете здив, да запрете за миг и да се потсетите дека имате цел, дека одите кон нешто и со секој миг напорна работа вие сте чекор поблиску до целта. Може во овој момент работата да ви изгледа како да ви ја цица енергијата и бара многу жртви од вас. Но, сè додека можете да ја видите целта, сè додека знаете за што работите и дека вашиот труд ќе се исплати, вие сте на работното место што го сакате.rn

3. Перфекционисти сте и ве фрустрира тоа што другите не се

rnДури и ако по природа не сте перфекционисти, се трудите секоја ваша работна задача да биде изработена до перфекција. Се внесувате во она што го работите и ве нервираат и најмалите нешта кои не се во рамките на нормала. Со оваа ваша навика да ги извршувате задачите до перфекција, станувате нервозни кога гледате дека другите не го прават истото. Сметате дека секогаш нештата може да бидат подобри и гледате да не повторите ни една, макар најмала грешка или пропуст што сте ги направиле.rn

4. Често зборувате за вашата професија

rnСекогаш имате добри анегдоти и случки за раскажување, па редовно ги „апдејтувате“ пријателите за време на вечера или кафе-муабет. Кога некој ќе ве праша нешто поврзано со вашата струка односно професија, може да зборувате без престан. Секако, внимавајте да не им здодеете на луѓето, но во секој случај вие имате работа која што ја сакате и со полно срце ја „промовирате“ пред другите.rn

5. Многу брзо ви минува времето

rnВи се чини дека работното време почна пред 5 минути а веќе е пауза за ручек? Вие сте благословени со работно место кое го сакате и работа која уживате да ја правите до толку што времето буквално ви лета.rn

6. На крајот на секој работен ден може да ја измерите вашата продуктивност

rnСамо еден ден работа а вие сте поблиску до вашата моментална цел. Денес усреќивте многумина, услуживте неколку ваши клиенти, направивте добра промена. Не седите пасивно на работното место чекајќи да дојде време да се вратите дома. На крајот на секој работен ден може да направите листа со ваши придонеси и извршени задачи.rn

7. Постојано сте инспирирани и инспирирате

rnТоа што другите често ве восхитуваат и инспирираат е поради вашата смиреност и исполнетост на работното место што ве прави отворени за нови искуства. Исто така, со вашето навремено доаѓање на работа, позитивата што ја ширите и одговорноста како ваша карактеристика, неретко ги инспирирате и другите. Дали вашиот, претходно пасивен колега изненадувачки се заинтересира откако влезе во вашиот тим? Најверојатно причината е позитивата што ја ширите.rn

8. Не се исклучувате сосем од работата по завршувањето на работното време

rnСекако, секогаш треба да направите простор за вашиот живот, но вашиот мозок не се исклучува автоматски по напуштањето на работното место. Додека пиете кафе со пријателите, на пример, ненадејно на ум ви доаѓа брилијантна идеја која наредниот ден на работа ќе ја спроведете во пракса.rn

9. Не паѓате во депресија во недела навечер

rnЗа многумина недела вечер е период рамен на депресија. Но, иако другите негодуваат поради тоа што од другиот ден ќе мора да се вратат на работното место, вие на тоа гледате како можност да се вратите на работа откако сте ги „наполниле батериите“ за време на викендот и сте се посветиле на семејството и домот.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

June 17, 2014
8 начини да го импресионирате вашиот шеф

Автор: Игор Божинов, FactsAll.comrnrnСте почнале со работа на ново работно место, или со години сте на истото, но не можете да напредувате во кариерата? Ќе ви покажеме 8 ефикасни начини како да го импресионирате вашиот шеф.rnrnrnrn1. Често бидете насмеани. Ако работите насмеани, вашето тело ќе мисли дека работата и не е толку лоша. Затоа кога ќе се најдете во тешка ситуација со вашиот шеф, бидете насмеани, а во останатиот дел од работното време не заборавајте да бидете ведри, хумористични и позитивни.rnrn2. Поставувајте прашања. Уште од самиот почеток поставувајте прашања за сè што не ви е јасно. Бидете конструктивни и јасни во тоа што сакате да прашате. Така ќе дадете до знаење дека ве интересира вашата работа и ќе покажете желба дека сакате да научите нешто повеќе.rnrn3. Бидете точни. Ова е многу важен момент. Секогаш бидете на вашето работно место пред да ви започне работното време, трудете се да не доцните за да морате да давате глупави објаснувања за тоа. Ако сте почетник во компанијата, доцнењето може да создаде сомнеж кај вашиот претпоставен за вашите навики и ќе ви биде потребно доста време за да го убедите во спротивното.rnrn3. Фаќајте белешки. Како студент сигурно сте запишувале разни работи во вашата тетратка на предавањата. Применете го истото и на вашето работно место, доколку вашата позиција ви го дозволува тоа. Со овој студиозен пристап ќе учите побрзо, ќе бидете поефикасни и ќе избегнете повторување на прашањата ако нешто повторно не ви е јасно.rnrn4. Бидете одговорни, признајте ги вашите грешки. Не секој шеф има толеранција кон грешење. Но ако пристапите со решение за проблемот, тогаш сè би требало да биде во ред. Од грешките се учи и вашиот шеф би требало да ја препознае оваа ваша доблест и да биде среќен што сте преземале одговорност врз вашите постапки. Запаметете, секој греши, но не секој признава.rnrn5. Завршете ги задачите кои секој ги заборава. На работното место постојат ситни обврски или задачи кои секогаш некој заборава да ги заврши. Не сугерираме вие да чистите и одите по секој, туку да завршувате обврски кои нема да ви одземат многу време, а ќе ви донесат авторитет и почит од вашите соработници, па и од вашиот шеф.rnrn6. Секогаш изгледајте добро и бидете средени. Како што вели една позната изрека: Дотерај се како за работата што ја сакаш, а не како за работата што ја имаш. Вашата облека зборува доста за вашиот стил. Бидете елегантни, средени и со модерен изглед. Носењето стари и излитени работи и парчиња облека кои не се во мода даваат впечаток дека не се грижите премногу за вашиот изглед, а со тоа и за самите вас.rnrn7. Секогаш бидете подготвени. Ако отидете на работа подготвени за вашите обврски, тогаш сте на вистинскиот пат. Секогаш треба да бидете подготвени за вашите идни состаноци и проекти.rnrn8. Бидете информирани и заинтересирани. Ова е најлесниот и најбрзиот начин да дојдете до унапредување на вашето работно место.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 28, 2014
Како да организирате максимално продуктивна недела?

Дали пред вас е недела полна со обврски и задачи? Дали вашата листа со обврски кои треба да ги завршите изгледа како да нема крај? Посакувате да ги имате работите под контрола, а со тоа да го намалите стресот? Засукајте ги ракавите и подгответе се за најпродуктивната недела досега!rn

1. Точно дефинирајте кои обврски треба да ги завршите

rnВажно е да знаете кои се обврските кои треба да ги завршите. Составувањето на must-do листа е неопходно за стресната недела што ве очекува. Ако не знаете што точно треба да направите, тогаш голема е веројатноста да не ги исполните вашите обврски. Организирањето на вашите обврски и задачи ќе ве доведе до нивно остварување. Забележете колку време од вашиот распоред бара секоја од обврските кои ги имате и според тоа организирајте го времето.rnrnrnrn

2. Поделете ги обврските на помали делови

rnДоколку вашата главна обврска за оваа недела, на пример е да му доставите на вашиот работодавец драфт од вашиот проект, тогаш вметнувањето на тоа во вашата листа со задачи не ви завршило некоја голема работа. Наместо тоа, поделете ја задачата на помали чекори. Организирајте го времето. На пример, првиот ден ќе барате извори за вашиот проект, вториот ден ќе ја организирате структурата на пишаниот материјал, потоа ќе се консултирате итн. Секоја од овие помали задачи ја има улогата на ментален координатор – знаете што сте направиле и колку далеку сте стигнале.rn

3. Вистински организирајте се

rnМала е веројатноста дека нема да работите под стрес ако имате белешки на сите страни и документите кои ви требаат за одреден проект се сосема измешани со други со кои ни најмалку не се поврзани. Ако не знаете што каде се наоѓа и каде да го барате, губите скапоцено време. Најпрво осигурете се дека имате сè што ви е потребно и дека секој лист хартија си го „знае“ своето место на вашето биро. За таа цел хронолошкото подредување е вашиот најголем пријател.rnrnrnrn

4. Најдете начини да заштедите време

rnСекогаш постои начин да заштедите време и нерви. Побарајте соодветна софтверска програма за вашите цели, која значително ќе ви го олесни преживувањето на „пеколната недела“. Секогаш изнаоѓајте начини за заштеда на време и олеснување на вашата работа бидејќи секогаш постојат.rn

5. Направете распоред за извршување на обврските

rnНекои преферираат најпрво да ги извршат поголемите и посериозни обврски за да си го тргнат најголемиот товар. Други пак, најпрво ќе ги извршат помалите обврски за да си го „исчистат“ патот. Вие одберете го начинот кој најмногу ви одговара. Исто, доколку имате обврски чиј краен рок се наближува, не одлагајте и направете ги примарни.rnrnrnrn

6. Забележувајте го напредокот

rnМоже тоа да го правите во табела каде ќе го внесувате секој ваш чекор и накратко ќе го сумирате она што е важно. Така не само што ќе имате поголема прегледност, туку и ќе се поштедите од пребарување по материјалите за некоја важна информација која сте ја внеле.rn

7. Поделете ги обврските според тоа кога работите најдобро

rnДоколку сте посконцентрирани наутро непосредно по будењето, тогаш токму тој е периодот кога треба да работите на оние обврски кои бараат од вас максимална концентрација. Доколку пак, вашата креативност е најголема навечер, организирајте го времето така што обврските кои од вас бараат креативност или логично размислување ќе ги извршувате во тој период од денот. Исто, во правењето на вашиот дневен распоред влијаат и други нешта, како на пример, во кој период од денот имате слободна и тивка просторија на располагање и сл.rnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 27, 2014
5 чекори за надминување на мрзливоста

Мрзливост е кога сè друго изгледа поинтересно од она што треба да се направи. Одложената работа само се натрупува, одеднаш сфаќате дека немате време за сè и тоа неизбежно води кон стрес. За да не се чувствувате така, пробајте да примените некои од следните совети, кои сигурно ќе ви помогнат.rnrnrn

1. Големите задачи поделете ги на помали делови

rnДоколку работите на некој голем проект, најдобро е да го поделите на помали делови. На пример, доколку пишувате дипломски труд, работата поделете ја во неколку етапи: истражување, концепт, прва верзија, уредување, проверка, финална верзија. Така нема да ве обземе страв од големината на задачата и истовремено полесно ќе ја завршите.rn

2. Работете со ментор

rnРаботете со ментор кој ќе ви даде увид во работата и напредокот, доколку самите не сте способни за тоа. На пример, доколку во теретана одите со личен тренер, поголема е веројатноста навистина да се придржувате до фитнес-режимот. Ќе бидете мотивирани и ќе се трудите што е можно побргу да дојдете до саканата цел.rn

3. Земете си слободен ден

rnСте имале прекрасна презентација или постојано сте работеле со денови? Одмерете, дајте си оддишка и одредете си еден слободен ден. Одете на кафе со пријателите или релаксирајте се во најблискиот спа-центар. За што и да се одлучите, ова ќе ви даде чувство на баланс и исполнетост по напорната работа.rn

4. Поделете ја работата со друг

rnМоже да побарате волонтер или пак да вработите некој помошник. Тоа нема да ве чини многу, ќе заштедите на време и истовремено ќе завршите повеќе нешта.rn

5. Потпрете се на технологијата

rnНа вашиот паметен телефон направете си потсетник со сите задачи кои треба да ги исполните. Организирајте си ги сите контакти и симнете си апликации за средување на финансиите. Така, нема повеќе да барате изговори за да не направите нешто и полесно ќе се сконцентрирате на конкретната задача.rnrnДа не се разбереме погрешно. На секој му се случува да има мрзлив ден, но внимавајте тоа да не ви прејде во навика.rnrn rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 26, 2013
Како до поголема продуктивност?

Автор: Ема ЈакимовскаrnrnБез разлика која е вашата задача за денес, примената на следните совети гарантирано ќе ви ја зголеми продуктивноста. И доколку сте од оние кои ги мрзи да го прочитаат целиот текст, тогаш прочитајте ја барем првата точка.rnrnrn

Не одложувајте ја работата за подоцна, туку веднаш започнете

rnОвој феномен во психологијата е познат како Зејгарников ефект. Мозокот испраќа позитивни сигнали до свесниот ум кога нешто сме започнале, а не сме го завршиле. Блума Зејгарник била првиот психолог, кој ја основал теоријата дека за луѓето природно е да го завршат она што го започнале, поради дисонанцата што ја чувствуваат кога нешто ќе започнат, а нема да го завршат.rnrnВо 1992-та година ваквата теорија била докажана. Забележани биле чувства на неудобност, кои единствено можеле да се прекинат со завршување на дадената задача. Со други зборови, иако понекогаш некои задачи знаат да бидат истоштувачки, мозокот е природно предодреден да нè води кон завршување на она што е започнато.rn

Заборавете на мултитаскингот

rnЛуѓето не се способни за мултитаскинг. Вистинскиот мултитаскинг, што значи правење повеќе нешта истовремено, е мит. Доколку сакате одредена задача да ја завршите како што треба, треба да престанете со мултитаскингот и да го фокусирате мозокот единствено на она што во моментот е најважно да се заврши.rn

Волјата е ограничен извор, користете го разумно

rnПостои еден специфичен вид умствен замор, кој се однесува на немањето доволно волја да се исполнат сите задачи. Во еден експеримент, психологот Баумајстер, им наредил на испитаниците, пред да извршат некоја тешка умствена работа да земат или да се воздржат од јадење на чоколадни колачиња. Резултатите покажале дека оние кои требале се воздржат, потрошиле многу повеќе волја, и како резултат на тоа полошо ги завршиле умствените задачи. Така што, доколку вложувате максимален напор од задача во задача, запомнете дека само станувате помалку и помалку продуктивни, затоа внимавајте како си ја распределувате волјата.rnrnrn

Исполнувајте мали, едноставни задачи

rnКога работите на некоја тешка задача, добро е малку да се одморате преку некои други активности, како чистење на собата или проверување на Фејсбук-профилот. Ваквите мали незначајни задачи ќе ви дадат чувство на некакво достигнување, што пак ќе ве мотивира да ја завршите главната задача која веќе сте ја започнале. Мозочната активност подоцна ќе ви се зголеми и ќе имате енергија за она што вистински треба да го исполните.rn

Помали задачи – поголема концентрација

rnЗа најдобри работници се сметаат оние кои ги извршуваат тешките задачи, поделени на поситни делови, но со многу поголема концентрација. Ако потрошите повеќе време на работа, не значи и дека задачата ќе биде подобро сработена. Затоа, паузите се многу важни за поефективно работење. И како што кажавме и претходно, волјата е ограничена категорија, која треба да се насочи правилно и разумно. Затоа, не поминувајте по цели денови во пишување есеј или учење за испит, бидејќи во периодите кога сте одморени и полни со концентрација, дадената задача ќе ја завршите многу побрзо и полесно.rn

Направете листа со остварливи цели

rnПри правењето на ваква листа, важно е поставените цели да бидат реално остварливи. Преамбициозните цели, може да направат да се чувствувате како губитник, па наместо да се раководите по нив, избришете ги и почнете со некои кои навистина може да ги исполните и кои ќе ви ја вратат самодовербата.rn

Добриот сон ја враќа енергијата

rnСамиот чин на спиење може повторно да го активира и организира научениот материјал, што пак влијае врз самата меморија и целокупниот ефект. Одморањето и опуштањето ја зголемуваат продуктивноста и ви овозможуваат да имате висока концентрација при извршување на кратките поставени задачи, споменати погоре.rnrnrn

Вежбајте

rnДобрата подготовка и вежбањето се особено битни за напредок и успешно завршување на дадена задача или пак при стекнување нова вештина. Една американска студија покажува дека успехот на бендот Битлси се должи на 10-те илјади часови поминати во вежбање. Ниедна вештина не е толку неважна, за да не можете да одвоите време за добро да ја извежбате. Затоа, одвојте си некој дел од денот за таква активност и чувствувајте како станувате сè подобри и подобри.rnrnИ за крај, што и да правите, верувајте, останете разумни и дадете сè од себе, бидејќи не постои краток пат до успехот!rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 15, 2013