КАФЕ ПАУЗА

Tag: вештини

Како до одлични организациски вештини?

Кога ќе одлучите да започнете со нешто ново, секогаш ќе постојат низа на препреки кои мора да ги поминете за на крајот да можете да бидете успешни. Кога ќе решите да започнете со вашата кариера, треба да бидете подготвени за соочување со различни видови на предизвици, но и да знаете да ги идентификувате способностите кои ќе ви бидат потребни за напредок. Една од тие способности кои ќе треба да ги развиете, се и организациските вештини. Тие понекогаш можат да бидат малку потешки за стекнување, но со тек на време преку следење на неколку едноставни совети, ќе можете и вие да ги совладате.Проценете ги вашите сегашни стратегии – Размислете добро како се справувате со вашите секојдневни обврски. Дали веднаш ги одредувате вашите приоритети и започнувате со работа, или пак оставате на „судбината“ да одлучи за вас? Оценете ја вашата моментална работа и притоа обидете се да бидете малку подисциплинирани од вообичаено.rnrnЗапочнете полека – Откако целосно ќе го запознаете вашиот начин на работа, треба да започнете полека да го менувате кон подобро. Со развивање на вашите организациски вештини таа цел многу полесно ќе ја постигнете. Секако мора да започнете со полесни задачи, бидејќи ако започнете со нешто преголемо и притоа не успеете – големи се шансите дека ќе се обесхрабрите и ќе се откажете. Одредете си неколку едноставни дневни задачи и обидете се да ги завршувате на време.Направете повеќе слободно место во работниот простор – Редовното расчистување на просторот во кој работите, е прв знак дека сте на добар пат кон стекнување одлични организациски способности. Тргнете ги непотребните работи и наредете ги оние кои ви се потребни така што ќе ви бидат на дофат. На овој начин ќе можете побрзо да ја завршувате вашата работа и дефинитивно нема да имате потреба да барате нешто обично како пенкало цел час пред да започнете со вашите работни обврски…Работете чекор по чекор – Направете кратка шема каде што ќе ја поделите вашата работа во неколку чекори и потоа обидете се да ја следите. На овој начин ќе си ја олесните работата, но и ќе си помогнете така што на крај кога ќе ги проверувате добиените резултати, ќе можете побрзо да пронајдете грешки и неправилности.Имајте самодисциплина – Таа е клучна доколку сакате да бидете поорганизирани. Започнете така што ќе си направите листа на работи кои мора да ги завршите во текот на денот на денот. На пример, организирајте ги вашите документи, исчистете ја темелно областа во која работите… Ова ќе биде почетокот при формирањето на вашата самодисциплина. Можете да се обидете и со техниката наречена „не крши го синџирот“ која може многу да им помогне на вашите новостекнати навики да ви доаѓаат природно.Научете како да ја распределувате работата според важноста – Многу е важно да научите да проценувате кои задачи се поважни од останатите, за кои ќе ви биде потребно повеќе време да ги завршите или пак кои бараат повеќе внимание од вас. Не заборавајте дека без оваа способност нема да можете никогаш во целост да ги развиете вашите организациски способности.Одредете ги целите и придобивките – Понекогаш поефективно ќе работите ако се мотивирате од „наградата“ која ве следува на крајот. Кажувајте си постојано на себеси што ќе добиете откако ќе завршите со тешката работа. На пример, ветете си нови обувки, книга или облека доколку завршите сè на време (или предвреме). Поставувањето цел која сакате да ја постигнете, може да ви помогне да останете организирани во текот на работата, како и побрзо и поквалитетно да ја завршите вашата работа.Научете да категоризирате – За почеток, означете ги сите документи, така што ќе употребите различни бои за различни категории. Нешто слично направете и со компјутерските податоци. За многу брзо време ќе научите што каде припаѓа и нема да имате потреба понатаму да означувате. Категоризирањето и организациските вештини одат „рака под рака“ така што доколку едното го совладате, нема да имате потешкотии при совладување и на другото.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 16, 2012
Што по завршувањето на факултетот?
Крајот на последниот семестар полека се ближи. Наскоро позади вас ќе останат многу семинарски, есеи, професори, истражувања и полагања. Конечно ќе можете да кажете дека сте дипломирале. Но, што потоа? Од кога знаеме за себе сме опкружени со книги и професори и откако сè тоа ќе заврши, поголемиот број од луѓето почнуваат да се чувствуваат малку збунето и не знаат точно кој е следниот чекор во нивниот живот…rn
- Да се запишам ли на постдипломски студии?
- 16 години учев, можеби заслужувам една година одмор!?
- Треба ли да почнам веднаш да барам работа?
rnОва се само неколку од прашањата кои се вртат во мислите на оние кои се „свежо“ дипломирани. Кој е вистинскиот одговор? Погледнете ја оваа кратка листа на совети кои ќе ви помогнат да одлучите кој би можел да биде следниот чекор по вашето дипломирање.1. Идентификувајте ги вештините кои ги поседувате – Набрзо ќе почнете да аплицирате за работа, ако веќе и не сте почнале. Затоа многу е важно да ги познавате вашите способности и да знаете точно што можете да им понудите на различните организации, институции и фирми. Направете листа на вашите постигнувања, желби и интереси од најраното детство, па сè до денес. Во кое поле сте биле одлични од секогаш?rnrn2. Одредете си дестинација – Ако не знаете каде сакате да одите, тешко дека ќе можете да го одберете патот кој ќе ве одведе до таму. Откако ќе ги идентификувате вашите вештини, направете листа на кариери во кои ќе можете да ги употребите. Не дозволувајте им на вашите таленти да пропаднат. Најдобро е доколку одлучите каде би сакале да бидете за 5 години од сега и полека да почнете да го реализирате вашиот план.rnrn3. Поставете си цели – Целите се оние кои ќе ви помогнат да се движите напред. Погрижете се во вашите цели да опфатите повеќе аспекти од вашиот живот, не само за кариерата: вклучете ги и финансиите, фамилијата, домот, врските и останатите работи кои ви се многу важни…4. Преиспитајте се – Можеби ви успевало да се појавите на утринското предавање во 8 часот, мамурни од претходната вечер, но тоа нема да ви донесе многу поени на новата работа која сте ја започнале. Одредете ги вашите приоритети и пробајте да се придржувате до нив.rnrn5. Организирајте ги финансиите – Веднаш по првата плата пробајте да стекнете навики за разумно трошење на парите. Секогаш трудете се да знаете точно што се случува со вашите пари и не дозволувајте уште во првата недела целосно да ги снема.rnrn6. Никогаш не престанувајте со учење – Ова се однесува на сите аспекти од вашиот живот. Бидете во тек со новостите од вашето поле и кариера. Секогаш интересирајте се за повеќе и никогаш не престанувајте да прашувате. Доколку продолжите да учите, вашиот успех може да иде само нагоре…Имајте ги на ум овие неколку совети. Не мора веднаш да започнете со овој голем чекор во вашиот живот. Одморете се некое време, разговарајте со најблиските и размислете добро што очекувате од себе и каде се гледате за неколку години од денес…rnrnСекако не заборавајте дека неуспехот е дел од животот – а вашата работа е никогаш да не се откажувате. Анализирајте го секој ваш потег и бидете отворени да ги согледате грешките кои ги правите, бидејќи само на тој начин можете да ги надминете. Исто така идејата да имате резервен план никако не може да ви наштети. Баш напротив, во одредени моменти може да биде совршен излез од лоша ситуација.rnrnИ за крај не заборавајте да уживате во животот. Хенри Дејвид Торо еднаш рекол: „Движете се со голема самодоверба во насока на вашите соништа. Живејте го животот којшто сте си го замислувале.“ Со среќа!rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
May 16, 2012
Како да станете успешен лидер?

Повеќето вработени велат дека не му завидуваат на шефот и неговата посебна канцеларија. Но, вистината е дека вработените сепак би прифатиле поголема канцеларија, но не и поголеми одговорности што доаѓаат заедно со повисоката позиција. Следуваат неколку совети како да станете успешен лидер и полесно да ги надминете главоболките.rnrn

Подобрете ја комуникацијата

rnИмајќи предвид дека живееме во ерата на информатичка технологија, способноста за комуникација и мотивација на вработените е од суштинско значење. Поранешниот претседател на Крајслер, Ли Лакока, вели: „Ако имате брилијантни идеи, но не можете да ги презентирате, вашите идеи нема да ве одведат никаде“.rnrnКолку сте подобри во писмената и во усната комуникација, толку поголема добивка ќе имате. Усовршете ги комуникациските вештини прифаќајќи да држите презентации и да пишувате извештаи. Ако не ви е пријатно да бидете центар на внимание, зголемете ја самодовербата така што ќе се вклучите во организирање на јавен говор или ќе започнете со курс по деловна комуникација.rn
rn

Слушајте внимателно

rnВнимателните лидери поминуваат исто толку време во слушање, колку што зборуваат. Иако се самоуверени, сепак ги немаат одговорите на сите прашања. За нив се добредојдени повратните информации, алтернативните гледишта и новите идеи. И покрај тоа, нивната политика за поттикнување на вработените е да допрат до нив преку поставување прашања и покажување на загриженост за нив.rnrnВежбајте „активно слушање“. За време на дискусија фокусирајте се на тоа што се зборува, не прекинувајте го соговорникот и не наведувајте го на одговор што вие сакате да го слушнете. Повремено климајте со главата, не погледнувајте пречесто во телефонот и постојано одржувајте контакт со очите.rn
rn

Имајте висок морал

rnЕтиката и одговорноста не се само празни зборови; тие се императиви во бизнисот. Всушност, извршните директори го наведуваат интегритетот како најважна карактеристика која ја бараат кај идните лидери. Штом вашиот карактер се доведе во прашање, штетата може да биде голема.rnrnЗаштитете го вашиот углед со чесно и темелно работење. Бидете сигурни дека се водите според вистинските вредности. Ако евентуално направите грешка, преземете ја целосната одговорност и веднаш поправете ја.rn
rn

Изградете силна внатрешна мрежа

rnВлијателните менаџери знаат дека добрата поврзаност и почитта која ја имаат се клучни за добивање на информации од различни извори. Тие исто така знаат дека полесно ќе ги „продадат“ своите идеи доколку имаат сојузници што ќе ги поддржуваат. Заради тоа потребно е постојано да ја одржувате силна мрежата во организацијата.rnrnПроширете ги вашите достигнувања така што ќе се спријателите со колегите од компанијата. Присуствувајте на настани организирани од компанијата и бидете тимски играч. Споделете го успехот и помагајте кога сте во можност затоа што сето тоа ќе ви биде возвратено.rn
rn

Бидете флексибилни

rnВрвните менаџери се прилагодливи, креативни и способни да размислуваат. Тие се отворени за нови начини на извршување на работите и знаат дека не постои само еден единствен правилен начин за постигнување на целта. Ако приоритетите во бизнисот се променат, или ако од вас биде побарано да работите на проект кој не е дел од вашите работни задачи, бидете отворени и подготвени за промена. Прифатете го новиот предизвик со позитивен став.rn
rnЗа крај, потребни се време и посветеност за да се развијат лидерските особини. Но, напорот се исплатува. Ако се чувствувате малку непријатно или исплашено додека ги совладувате овие вештини, сетете се дека ниеден лидер не се родил како таков. Сите тие напорно работеле за да станат лидери какви што денес ги знаеме.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 4, 2012
Мајка која прави фотографии од нејзиното летечко бебе

Родителите се горди на своите деца, без разлика на талентите и вештините кои тие ги покажуваат од мали нозе. Фотографката Рејчел Хулин изгледа дека открила неверојатен талент кај нејзиното бебе, кое може да лета, но само на нејзините фотографии. По сè изгледа, во овој бебешки талент голем удел имаат и вештините на мајката.Таа е прилично таинствена околу начинот на кој ги добива овие дела, стравувајќи дека тоа може да ја намали нивната магија. Сепак признава дека употребува малку Фотошоп, дека нејзиното бебе навистина се наоѓало на локациите каде е фотографирано, како и дека не го фрла во вис за да го фати во лет. Уф, какво олеснување. 🙂Креативни фотографии од своите деца прави и Џејсон Ли, а ако ви станаа интересни ваквите фотографии, обавезно потстете се на оние од Адел Енерсен направени во разни сцени додека нејзиното бебе спие.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 28, 2012
Уметноста на скијањето

Секоја чест на светските шампиони во скијање, но сепак некои други се оние кои ги тестираат и поместуваат човечките граници. Скијачите кои практикуваат екстремно скијање се вистинските уметници на овој спорт. Во нивните потези се гледа техника, страст и многу храброст, а следното видео, кое е извонреден колаж од повеќе видеа, ги покажува на дело нивните неверојатни вештини. rnrnrnrnЕкстремните спортови се доволно возбудливи и само да се следат, па уживајте во следните пет и пол минути со подвизи придружени со одлична музика.rnrnrn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 1, 2012
Манипулирањето на соништата како во филмот „Почеток“ наскоро ќе стане реалност

Автор: Весна Јовановскаrn

Научници од престижниот американски универзитет „Јеил“ веруваат дека сонот може да стане алатка за учење нови вештини. Тие велат дека додека спиете можат да ви внесат идеја во сонот, да манипулираат со него и да ве водат од еден во друг.Нивните научни истражувања покажале дека тоа наскоро може да стане реалност, но само преку луцидните соништа кои свесно ги сонуваме. Тоа е состојба кога ние го контролираме сонот и можеме да го менуваме неговиот тек. Дали можеби ова ве потсетува на филмот „Почеток“ од Кристофер Нолан? 🙂Замислете како би било во сонот да се натерате да свирите на некој музички инструмент или да решавате комплицирани математички задачи, кои по вашето будење навистина ќе ви одат од рака. Научниците од „Јеил“ сè уште експериментираат на оваа вечна тема. Д-р Питер Морган, од тимот кој работи на овој проект вели дека луцидниот сон може да се користи како техника за развивање и тренинг на нашите мозоци.rn.

rnrn

„Знаеме дека преку ангажирање на мозочните кола, може да се промени нивната архитектура“, вели д-р Морган.

rnСлични истражувања веќе покажале дека вежбањето во сон може да ги подобри вештините во реалниот живот. Во една швајцарска студија, луцидни сонувачи во сонот фрлале парички во чаша, а откако се разбудиле тоа добро го правеле и во реалниот живот.rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 24, 2011
Пекинезер подготвен за Холивуд

Автор: Весна ЈовановскаrnrnЖу-Жу е пекинезер, кој исправен на задните нозе, се движи наназад по речиси два километри на ден. Ова умно милениче на кинезот Ху Ксианвеј од Хандан ужива на ваков начин да ги импресионира минувачите, пред кои се поклонува кога ќе го погледнат и пофалат.Додека се движи наназад, повремено ја врти главата за да провери дали нешто му го попречува патот. Четиригодишното куче Жу-Жу е и одличен актер. Кога неговиот сопственик ќе ја исправи раката кон него како да му вперува пиштол, овој неверојатен пекинезер се вкочанува, а кога ќе слушне „бенг“ паѓа на подот и глуми дека е мртов.rnrnЗа да ги научи триковите, на Жу-Жу не му биле потребни повеќе од два дена. Ги изведува без да очекува некаква награда од сопственикот или минувачите. Едноставно ужива да се фали со своите вештини.rnrnХу е среќен кога зборува за талентот на Жу-Жу, но тврди дека никогаш не би се осмелил да извлече некаква корист од тоа или пак да го продаде.rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 7, 2011
Ви го претставуваме Демиен Волтерс – човекот од гума

Демиен Волтерс е професионален каскадер, тркач, поранешен гимнастичар и актуелен тренер по гимнастика. Неговите „најбесни“ изведби се дел од ова видео кое има за цел во неколку минути да ги претстави неговите вештини. Скока од покриви, влегува низ прозорец од автомобил и излегува од другиот во еден потег, во скок си ја мести капата на главата…rn

rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 14, 2011
Неверојатни фристајл трикови со фудбалска топка

Видео со млад дечко кој ги покажува своите вештини за манипулирање со фудбалска топка пред публика на отворено… Покрај спектакуларната изведба, музичката подлога е од бесценето значење. 🙂rn

rnrnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

August 31, 2011
10 трикови во Microsoft Office што секој треба да ги знае

Многу пати кога ќе прашате некого какви компјутерски вештини поседува, ќе го добиете одговорот: „Па знам Word, Excel, PowerPoint, интернет…“. Вистината е дека многумина од нас слушнале за овие програми и знаат да се снајдат за да искуцаат текст или да направат една обична презентација. Но, ако ги користите овие алатки секојдневно во работата и во текот на образованието, можете многу да си помогнете практикувајќи неколку трикови кои ќе ве направат побрзи и повешти. 1. Конвертирајте ги PDF документите во Word-документи – PDF-документите изгледаат добро, но тие ја ограничуваат можноста за уредување на содржината. За да направите промени, најдобро е прво да ги конвертирате во Word-документи. За оваа цел, користете ја бесплатната онлајн алатка PDF to Word. Алтернативно, доколку сакате да користите офлајн софтвер за истата цел, преземете го бесплатниот Nitro PDF Reader.2. Користете макрофункции за да автоматизирате одредени операции во Word кои често ги извршувате рачно и постепено – На пример, често користите специфично форматирање на текст или одреден текст вметнувате во повеќе документи, па наместо да ги правите овие работи секогаш кога треба, еднаш снимете ги и потоа само пуштајте ги. Тие ќе се извршуваат по редоследот по кој сте ги направиле при снимањето.rnrnЗа да активирате „Macro“ во Office 2007, најпрво активирајте го табот Developers. Кликнете на копчето Office во горниот лев агол од прозорецот, изберете Word Options и потоа чекирајте ја опцијата „Show Developer tab in the Ribbon“. Потоа од табот Developer, изберете ја опцијата „Record Macro“ пред да ја направите серијата од функции кои често ги повторувате. Притоа, можете да назначите опција за брзо повикување на снименото макро преку шорткат од тастатурата или преку копчиња. Откако ќе ја завршите постапката, прекинете со снимање и во иднина повеќе не трошете си го времето на работи кои се повторуваат. Неколку вакви макроснимки можат значително да ви го скратат времето за работа.rnrn3. Намален приказ на страниците во Word за побрза навигација – Знаете колку е практична онаа лента со намален приказ од слајдовите од левата страна во прозорецот на PowerPoint. Епа, исто толку практична може да биде и за долгите документи кои ги уредувате во Word. Активирајте ја опцијата Thumbnails од менито View и скокајте од страна на страна, без да скролате бесконечно до онаа која е вашата цел.4. Извадете го форматирањето од текстот што го копирате – Ова е особено практично кога копирате содржини од веб. Откако ќе ја копирате содржината, во Word кликнете на стрелчето под иконата Paste и изберете Paste Special. Потоа, селектирајте „Unformtated Text“ што од оригиналната содржина ќе ги отстрани сите линкови и други форматирања кои не изгледаат убаво во текстуален документ.rnrn5. Фарбајте сè со исти стилови – Колку пати ви се случува во еден документ некои пасуси да изгледаат позбиено или покрупно од други?! За да не погрешите, селектирајте го пасусот кој сакате да биде модел за другите (или една реченица, збор, набројување…), земете ја четката Format Painter и кликнете во пасусот кој сакате да го смените. Двата пасуса ќе добијат идентичен изглед. Бонус: доколку сакате да го применувате форматирањето од првиот пасус на повеќе непоследователни пасуси, наместо еднаш, кликнете ја два пати иконата Format Painter. Ова ќе ви овозможи не прекинато да кликате сè додека не завршите со работа. Тогаш само притиснете Esc.6. Вратете ги менијата – Доколку и после 3 години не можете да се научите на начинот на кој се прикажани опциите во Office 2007, можеби едноставно треба да се откажете од него. Инсталирајте го додатокот UBitMenu кој ќе ви ги врати назад старите менија во целиот канцелариски пакет. Алатката е бесплатна, а можете да ја примените и на Microsoft Office 2010.rnrn7. Заштитете ги осетливите документи – Заштитете ги вашите документи кои ги создавате во Word и во Excel така што при зачувувањето (Save as) ќе кликнете на табот General Options од паѓачкото мени Tools. Изберете лозинка која ќе се бара за отворање на документот и ако сакате, дополнителна лозинка за негово менување. Во постарите верзии на Office, опцијата се вика Security Options а се наоѓа на истото место.rnrn8. Пронајдете ги изгубените имејл-пораки – Многу пати, прелистувајќи низ многуте пораки во Outlook, по грешка може некоја да заврши во ѓубре, па потоа да „се утепате“ барајќи ја кога ќе ви затреба. Ова е тешко бидејќи по дифолт, пребарувањето во оваа апликација, не ги вклучува пораките од фолдерот за избришани пораки. Изберете го менито Tools, потоа појдете во Options, па во Preferences и кликнете на Search Options. Чекирајте го полето „Deleted Items“ кое ќе ви овозможи да ги пребарувате и податоците од избришаните пораки. Изгубените пораки можеби ќе се вратат назад каде што им било местото.9. Исклучете ги нотификациите за имејл – Користењето нотификации за примен имејл не е без поента, но ако ова ви делува вознемирувачки, едноставно исклучете ги. Од Tools, Options, Preferences, E-mail Options, кликнете на копчето Advanced E-mail Options. Тргнете го чекирањето на сите опции кои се наоѓаат во делот „When new items arrive in My Inbox“.rnrn10. Додајте нов работен лист во постоечки документ во Excel – Без да ги одлепите рацете од тастатурата, едноставно притиснете „Shift-F11“.rnrnПа, ако знаете да ги примените овие трикови во секојдневното работење, дури и да се пофалите со вашите компјутерски вештини, тоа нема да биде далеку од вистината.rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 21, 2011