Доколку сакате летово да бидете дел од голема маса на весели луѓе кои создаваат еуфорична атмосфера, танцувајќи и врискајќи на ритмите кои доаѓаат од сцената, проверете кои се најинтересните летни музички фестивали кои наскоро ќе се одржат во нашето соседство.
rn
Exit
rnОд своето основање во 2000 година, па до денес, фестивалот Exit стана еден од најпознатите летни музички фестивали, не само на Балканот, туку во целиот свет. Високото реноме на организаторите годинава им помогна да соберат извонредна екипа изведувачи, меѓу кои најзвучни се: Guns ‘n Roses, Duran Duran, Plan B, Avicii, Erykah Badu и многу други. Се одржува на Петроварадинската тврдина во Нови Сад од 12 до 15 јули. Редовната цена за една влезница е 3.650 денари, а може да се купи и еднодневна влезница која чини околу 2.000 денари. За околу 6.000 денари може да се следат буквално сите настани.rnrn
Hideout
rnНа јадранскиот остров Паг се наоѓа прекрасната плажа Зрче за која многумина сметаат дека ја надминува убавината и забавата што ја нуди Ибица. Во рамките на фестивалот Hideout гостуваат многу диџеи кои прават дива денска и ноќна журка на плажата и на сплавовите. Влезниците се доста скапи, за трите дена од 29 јуни до 1 јули надминуваат 120 евра, но и покрај тоа за летово сите се веќе распродадени.rnrn
Fresh Island
rnСо завршувањето на Hideout нема да престане фестивалската атмосфера на Зрче. На 5 јули почнува фестивалот Fresh Island каде што доминираат имиња од хип-хоп музиката, како Nas и Eve. Билетите се доста поеvтини од Hideout, со цена од 40 евра за трите дена.
rn
Spirit of Burgas
rnИако првото издание беше во 2009 година, најпознатиот летен фестивал на брегот на Црното Море веќе ги привлекува младите од цела Европа. Благодарение на медиумската поддршка од MTV, годинава меѓу другите ќе настапат и Armin van Buuren, Korn и Richie Hawtin. Ако сакате да се препуштите на еуфоријата и на духот на Бургас, треба да бидете таму од 3 до 5 август со најмалку 30 евра в џеб за еднодневна влезница, додека тридневната чини 100 евра.rnrn
INmusic Festival
rnОвогодишното издание на фестивалот INmusic ќе се одржи од 28 до 30 јуни. На сцената на Островот на хрватската младост на езерото Јарун во Загреб ќе се појават еден куп афирмирани имиња како Franz Ferdinand, Mando Diao, The Cranberries, Plan B и многу други. Цените за влезниците се движат од 50 евра нагоре.rnrn
Rockwave Festival
rnЛокацијата на фестивалот Rockwave е во Малакаса, на неколку километри оддалеченост од Атина. За тридневната влезница во износ од 85 евра во периодот од 30 јуни до 2 јули, во живо ќе можете да ги видите Ozzy Osbourne, Iggy Pop and Tthe Stooges, Paradise Lost, Machine Head, The Prodigy и други.rnrn
Elevation Music Festival
rnЗвучните имиња кои ќе се појават на сцената во Софија се Sean Paul, Cypress Hill, Kosheen, Fatboy Slim, Erykah Badu и Breakbot ветуваат една од најдобрите забави на Балканот за летото 2012. Elevation Music Festival се одржува од 22 до 24 јуни, а задоволството да се следи чини 50 евра.
rn
Rock ‘n Coke
rn фестивалот Rock ‘n Coke се одржува секоја година кон крајот на август и почетокот на септември во Истанбул. Организаторите сè уште немаат објавено детали за овогодишното издание, но имајќи предвид дека минатите неколку години тука настапиле Linkin Park, Travis, The Prodigy, Moby, Limp Bizkit, Franz Ferdinand, The Smashing Pumpkins, Muse, The Cure, може да се очекува дека и годинава за цената од 60 евра ќе се добие фантастична забава.rnrn
The Garden Festival и Electric Elephant
rnThe Garden Festival и Electric Elephant се два сосема различни фестивали, но поради сличната програма и фактот што се одржуваат еден по друг во Задар, може да се купи една карта и за двата фестивали која чини нешто под 200 евра. Билет за секој фестивал поединечно чини 110 евра. The Garden Festival ќе започне на 4 јули и ќе трае до 11 јули, додека петдневниот Electric Elephant започнува веќе следниот ден на 12 јули. Се пушта главно електронска музика.rnrn
Soundwave Music Festival
rnSoundwave Music Festival ќе се одржи за време на викендот од 20 до 22 јули во малото далматинско гратче Тисно, во близина на Шибеник. Иако редовната цена на влезниците се движи околу 130 евра, жителите на поранешна Југославија имаат можност да ги купат по повластена цена од 80 евра. Помеѓу изведувачите на овогодишносто издание се De La Soul, Fink, DJ Yoda, Craig Charles и многу други.rnrn
rnrnБидете секогаш во тек со новите содржини на
Кафе пауза. Следете нè
на Твитер или пак станете фанови на
нашата страница на Фејсбук.
Чевлите со цветни принтови се одлични за секоја девојка која сака да ја истакне својата женственост, уметничка природа и разигран стил на облекување. Мода, која го покренува расположението на секој околу вас. Во последниве неколку години, овие чевли се упорно во тренд секоја пролет, како еден вид прослава за цутењето на пролетните цвеќенца. 
Совет: кога носите цветни чевли, многу е важно да ги комбинирате со едноставна облека. Доколку сакате да постигнете формален, но малку разигран изглед за на работа, комбинирајте ги со црни, бели, сиви или светло кафени капри-панталони, а за заводнички изглед, комбинирајте ги со фустан во жива боја, а може и со двобоен, кој ќе одговара на боите на чевлите. Мешајте стилови и бои. Цветните чевли ги има во секаква варијанта, од патики, до ниски чевлички, сандали, потпетици…
rnrn
