КАФЕ ПАУЗА

Tag: верба

3 едноставни начини да се засакате себеси во целост

Фразата „Сакајте се себеси“ во последно време многу често се користи за личниот развој и воопшто, во процесот за вклопување на човекот во рамките на општеството. Веројатно досега некој ви кажал „дека не се сакате доволно“ и поради тоа нештата не ви одат од рака. Секојдневно сме бомбардирани од инспиративни мисли и идеи, кои нè упатуваат на тоа да се сакаме себеси, да си го подобриме расположението и да ја зајакнеме самодовербата.rnrnrnrnНо, сепак, многу често луѓето се прашуваат како да го постигнат тоа? Како да се засакаат себеси до таа мера, што веднаш ќе почувствуваат свежина и успех во нивниот живот? Постојат 3 главни нешта кои можат да ви помогнат лесно да се вљубите во себеси и да се чувствувате удобно во своето тело…rn

1. Запомнете дека вие сте си доволни и доволно добри

rnrnrnГолем број од луѓето сметаат дека не си се доволни самите на себе. Ова верување најчесто ги влече своите корени од детството и добива интензитет понатаму во текот на животот. Помислете на нештата кои си ги говорите секојдневно. Можеби си мислите дека не сте доволно убави, дека немате убава фигура, дека не сте доволно паметни или доволно успешни. Колку од овие и слични вакви мисли постојано се појавуваат во вашите глави?rnrnТокму тука и се создава проблемот. Вашите верувања се субјективни. Ослободете се од потребата постојано да одите наоколу, носејќи ја со себе тежината на огледалото кое без престан ви вели дека не сте доволно добри и поради тоа барате почит и прифаќање од околината. На тој начин вие не функционирате какви што сте навистина, туку како ваша сенка која постојано бара одобрување за себе и своите постапки. Сфатете, вие сте доволно добри, без оглед на ситуацијата во која што се наоѓате во моментов. Ослободете се од лошите мисли и верувања и засакајте се!rn

2. Прифатете ги своите недостатоци

rnrnrnСекој човек има дел од себе кој го чува далеку од очите на останатиот свет, дел од кој се срами. Луѓето во текот на својот живот трошат многу енергија да ги прикријат своите несигурности и стравови. Ставаат маски за да ги покријат темните сенки на своите лица, затоа што се плашат дека околината ќе ги осудува за она што се и за маните кои ги носат со и во себе. Но, луѓето всушност не се плашат што за нив ќе кажат и помислат другите, туку тие не се сакаат доволно себеси затоа што не научиле да ги прифатат своите недостатоци.rnrnДа се сакате себеси значи да ги прифатите своите несовршености и да не се осудувате заради нив. Тие, едноставно се дел од вас и токму тие ве прават поразлични од останатиот свет. Со обидот да ги отфрлиме и да се преправаме дека ги немаме во нас, не дозволуваме да зацарува вистинската љубов. Едноставно се залажуваме дека кога еден ден ќе исчезнат, тогаш ќе се вљубиме во себеси. Но, тоа не оди така. Прифатете ги недостатоците на ист начин како што ги гушкате вашите квалитети и предности и набрзо ќе забележите прекрасна хармонија којашто ќе ве направи да зрачите и да уживате во својот живот.rn

3. Бидете великодушни

rnrnrnТоа е божествено присуство на добрина и љубов. Великодушноста го брише сето она во што претходно сме верувале за себе и за нашиот живот. Таа го победува злото, стравот и сето она што нè тера да се чувствуваме дека сме жртви – лошо и немоќно.rnrnТреба да бидеме благодарни за сето она што го имаме и да ја пронајдеме чистата љубов во нас. Тоа ќе не воздигне од ситните и бедни идеи и верувања кои сме ги развиле за самите нас. Возвишеноста е тука за нас и ќе нè потсетува зошто треба да се сакаме и да веруваме во себеси.rn

Не можете да сакате други, ако не се сакате себеси

rnОтворајќи ги својот ум и својата душа, ние ќе дозволиме оттаму да излезат сите негативни мисли, а со нив да завладее љубов и разбирање како за себе, така и за светот. Тоа ќе ни овозможи да си дадеме една топла прегратка и да се издигнеме над просечните или лошите верувања за себе и за својот живот. Ако сакате да живеете живот полн со радост, здравје и изобилство тогаш пуштете ги сите работи кои ве влечат назад од вистинското вљубување во себе. Сакајте се и светот ќе ве сака вас!

July 27, 2016
3 пречки кои ви застануваат на патот кон остварувањето на сништата

Колкумина од вас не можат да се одлучат на првиот чекор што треба да го направат за остварување на некоја поставена цел? А, знаете дека по тој прв чекор следат уште многу други. Постигнувањето успеси подразбира многу работа. Тоа може да значи дека ќе треба да смените одредени работи во вашиот живот и речиси е неизбежно да се избегнат тешкотиите и непријатните моменти.rnrnrnrnНо, кога ќе се фокусирате на големата слика – вашиот живот од соништата, вашата визија – работата ќе стане помалку напорна. Кога ќе ја стекнете визијата за она што сакате да го постигнете, следен чекор е да ги прифатите овие три алатки во вашиот ум, кои ќе ви помогнат побрзо да дојдете до вашата цел. Доколку не ги сфатите на време, тогаш може да останете заглавени единствено во вашиот сон.rn

1. Самосвесност

rnrnrnДали се познавате доволно себеси? Дали сте запознаени со своите способности, со своите слабости, со своите навики? Самосвесноста е клучна за остварување на сите цели. Вие сте главниот менаџер на вашиот живот. Покренете ги вашите силни страни и отстранете ги или намалете ги слабостите. Дали имате тенденција да ги одложувате работите или пак, можеби му дозволувате на стравот да завладее со патот до вашиот успех? Дали самите си се блокирате? Сменете ги вашите навики. Откријте на кој начин тоа можете најлесно да го постигнете и почнете со работа, прво на себеси, а потоа впуштете се во остварување на вашите животни сништа.rn

„Да се биде свесен за себеси не е отсуство на грешки, туку можност истите да се научат и поправат.“ – Даниел Чидијак

rn

2. Вашиот начин на размислување и верување

rnrnrnМногу често, мислата дека не сме способни за одредена работа, нè држи на едно место или пак нè уназадува. Веруваме дека не можеме да оствариме некаква цел, дури и без да се обидеме. Можеби имате прекрасна претстава за тоа како треба да изгледа вашиот живот, но доколку не верувате во себе, нема да направите никаков напредок. Начинот на којшто размислуваме и вербата во себеси е најважната работа за постигнување успех. Тие се суштинските карактеристики кои ве тераат да одите напред и покрај непријатностите и разочарувањата. Научете го мозокот да размислува на успех и верувајте со сето срце дека тоа и го заслужувате.rn

„Нашиот најголем страв не е дека не сме соодветни. Нашиот најголем страв е дека сме претерано моќни. Она што не најмногу нè плаши е светлината, а не темнината.“ – Мариен Вилијамсон

rn

3. Вашето дејствување

rnrnrnКога имате идеа или одредена цел во вашиот ум, мора веднаш да ги претворите во акција. Преку дејствувањето го постигнуваме успехот, а прогресот е најдобрата мотивација. Патувањето до целта е најделотворно доколку секој ден преземате акција. На тој начин секојдневно си давате причина да бидете горди на она што сте го постигнале. Никогаш не го потценувајте малиот чекор што води кон вистинската цел. Не паѓајте во замката на премногу размислување и премногу планирање на многу далечни патеки. Фокусирајте се на следниот чекор и на ништо друго.rn

„Иднината ви зависи од она што го правите денес.“ – Махатма Ганди

July 11, 2016
Како да ја вратите вербата во љубовта?

Сигурно постојат моменти кога се шетате низ градот, сонцето весело грее, ги гледате сите оние среќни љубовни двојки како се држат за рака и си помислувате: „Љубовта навистина е насекаде околу нас“. Но, тука се и останатите 6 дена во неделата кога ја отворате насловната страница на Фејсбук и гледате дека уште тројца од вашите пријатели се свршиле, а сѐ што вие сте направиле е огромна дамка од црвено вино на вашите бели фармерки.rnrnrnrnНе е лесно да се верува во љубовта, бидејќи тоа е нешто што не можеме да го контролираме, дефинираме или предвидиме. Особено ако сте веќе подолго време сингл и сте поминале безброј љубовни состаноци кои завршувале со врска од максимум 3 месеци. Во таков случај лесно е да донесете заклучок дека љубовта е нешто што го наоѓаат другите, но не и нешто што ќе се појави во вашиот живот.rnrnНо, обидете се да сонувате. Продолжете да се надевате дека еден ден љубовта и вас ќе ве пресретне на вашиот животен пат. Доколку ви треба малку помош за да си ја вратите вербата во љубовта, кога сакате да кренете раце од неа и целосно да се откажете, прочитајте ги следниве неколку едноставни тактики кои се неверојатно ефикасни…rn

Прочитајте добра љубовна приказна

rnКога ќе помислите дека љубовта е илјадници километри подалеку од вас, читањето добра измислена љубовна приказна може да ви помогне да сонувате и да почнете да се надевате. Уште подобро е ако пронајдете некоја вистинска љубовна приказна, која несомнено ќе ви ја врати вербата во љубовта.rn

Променете го вашиот внатрешен дијалог

rnДали кога чувте дека вашата колешка од факултет, која не ја сметате баш за најдобрата личност на светот, е во среќна љубовна врска и планира да се мажи, ве обзема љубомора и фрустрација? Љубомората им се случува на сите и нормално е да не сте имуни на неа, но обидете се да се исполните себеси со надеж, наместо со омраза и веднаш ќе го подобрите расположението. Наместо да се прашувате зошто тој не ви враќа на пораките, размислувајте за тоа каде ќе запознаете некој нов. И кога ќе здогледате среќен пар на улица ако веднаш ги превртувате очите, обидете се да бидете среќни за нив. Сфатете го тоа како показател дека еден ден и вие ќе го имате истото.rn

Одете на повеќе љубовни состаноци

rnОва може да има и спротивен ефект бидејќи статистички гледано поголемиот дел од вашите љубовни состаноци нема да бидат успешни, но не дозволувајте едно лошо искуство да ве спречи да излезете со некого и да останете затворени дома со недели. Лесно е да бидете сами и да одбегнувате да запознаете некој нов. Но, единствениот начин на кој ќе можете да ја сретнете љубовта на вашиот живот е ако излегувате и ако им дадете шанса на момците кои ви се додворуваат. Нема да можете да верувате во љубовта, ако не сте активен учесник во нејзината игра.rnrnrn

Научете да се сакате себеси

rnСигурно сте уморни од тоа да го слушате ова секојдневно, но ако се сакате себеси, ќе можете да ги сакате и сите останати. Ќе бидете посреќни, позабавни и ќе можете да ја извлечете најдобрата верзија од себеси. Грижете се за вашето тело и за вашето ментално здравје. Ако секогаш се потценувате и си велите дека не сте доволно добри, убави или паметни, тогаш и другите луѓе ќе ве доживуваат на тој начин. Постојано потсетувајте се себеси дека сте посебни и дека секој би бил среќен да ве има. Ќе видите како луѓето ќе почнат да ве гледаат токму на тој начин кога ќе ве запознаат.rn

Живејте во моментот

rnМожеби тоа што моментално сте сингл не е толку страшно, но секогаш кога ќе почнете да размислувате каде ќе бидете за една или пет години, одеднаш почнуваат да ве преплавуваат чувства на анксиозност, вознемиреност и неизвесност. Општеството постојано ви наметнува притисок дека мора да се омажите на одредена возраст и да почнете да раѓате деца, бидејќи можно е понатаму да стане предоцна. Но, проблемот е што не можете да ги контролирате тие работи. Живејте во моментот и секоја секунда од денот доживувајте ја целосно. Бидете присутни во вашата сегашност, наместо да ја анализирате вашата иднина која сѐ уште не пристигнала.rn

Сетете се зошто сте сингл

rnАко навистина сакавте да имате некој само за да ви го пополни празното место во креветот или за да имате со кого да отидете на викенд, сигурно ќе најдевте партнер досега. Лесно е да најдете физичко тело за да ви биде момче или девојка, но тешко е да се најде вистински партнер. Треба да поминете низ многу трње за да ја најдете прекрасната роза. Треба да се цените себеси и да имате високи стандарди, а за да дознаете што навистина барате од една врска, прво треба да поминете некое време сами. Тоа не значи дека не сте доволно привлечни или неспособни за љубов. Во најмала рака, тоа значи дека вие сте доволно храбри за да ја почекате. Сега, единствено што ви преостанува е да соберете храброст за да продолжите да верувате во неа.

June 22, 2016
Приказни кои ќе ви го стопат срцето и ќе ви ја вратат вербата во човештвото

Секој кој барем еднаш во животот помогнал некому знае дека добрината не е дело чија цел е да биде вреднувано од останатите, туку е нешто кое го правиме пред сѐ за самите себе. Факт е дека колку што посилно сјае сонцето во вашето срце, толку потопол е светот надвор од вас. Во продолжение прочитајте ги следниве неколку инспиративни приказни за луѓе чии срца се доволно топли за да го стоплат целиот свет…rn

Полицаец кој ги засолнува спасените животни

rnrnrnМлад полицаец од Јужна Каролина неодамна објавил слика од неговиот нов партнер, малото маченце кое било спасено благодарение на повикот од еден локален граѓанин. Полицаецот, кој одлучил да му даде дом на ова слатко црвено суштество, има еден вид засолниште за миленичиња во неговата куќа каде што веќе живеат мачка со нејзините мачиња и неколку кучиња. Велат дека новодојденото маче било срдечно прифатено.rn

Бездомник ѝ помогнал на една девојка и останал вчудовиден од нејзината благодарност

rnrnrnНикол го пропуштила последниот воз од Лондон и кога станицата затворила таа била принудена да ја помине ноќта на улица. Но, еден бездомник, Марк, ја испратил прво во едно кафуле кое работело 24/7, а потоа ја однел назад на станицата следното утро. За да ја изрази нејзината благодарност, Никол започнала кампања за собирање средства со цел да му помогне на Марк и на луѓето како него и успеала да собере повеќе од 13.000 фунти за само неколку дена.rn

Милијардер го дал целото свое богатство на научници

rnrnrnОлав Тон, 92-годишен Норвежанец, одлучил да го донира целото свое богатство (околу 6 милијарди долари) за да помогне во финансиите на едно медицинско истражување. Немал деца, така што нема да има наследници кои би биле лишени од неговото наследство. „Не можам да го земам со мене“, се смее Олав. „Доволен ми е мојот велосипед и скии, а и не јадам многу“.rn

Овој полицаец приредил големо изненадување

rnrnrnПолицаец за малку ќе му пишел казна на еден човек затоа што немал детско седиште во автомобилот. Тој го прашал зошто нема такво седиште во автомобилот. Откако дознал дека човекот едвај заработувал за живот, полицаецот отишол до најблискиот трговски центар и самиот го купил детското седиште.rn

Улични мачки биле нахранети и засолнати во Полска

rnrnrnВо Полска има многу улични мачки и локалната влада смислила план како да им помогне. Биле изградени специјални заштитени куќички и секој кој сакал да стави таква куќичка до неговата, добивал храна за мачки доволна за преку целата зима. Архитектите исто така ја земале предвид и психологијата на мачките: Сите соби во куќите биле одвоени и имале сопствен влез, така што животните не морале да ги толерираат несаканите соседи.rn

Млади момци ги косат дворовите на луѓето кои не можат да го направат тоа самите

rnrnrnДвајца момци од Алабама решиле да ѝ помогнат на една 93-годишна жена да го искоси дворот и со текот на времето тоа прераснало во целосна добротворна фондација. Денес, цел тим волонтери им помагаат на постарите граѓани, луѓето со посебни потреби и самохраните мајки да ги одржуваат нивните дворови, додека хумани луѓе од целиот свет им испраќаат пари на градинарите за да ги купат потребните алати и материјали.rn

Вработените во едно училиште секоја година прават пат за да може да помине патката со нејзините малечки низ училиштето

rnrnrnВеќе 13 години, патката по име Ванеса си прави гнездо и несе јајца во дворот на едно основно училиште во мало градче во Мичиген. Кога ќе дојде време да ги пренесе малечките патчиња до барата, наставниците и учениците прават место за да може Ванеса и нејзините бебиња да поминат низ училишната сала и не ги вознемируваат птиците додека се движат кон нивното гнездо.rn

Вработените во овој ресторан се секогаш спремни да ве нахранат без да платите

rnrnrnЕден човек со индиско потекло кој живее во Канада, им дава храна на оние коишто се сиромашни без да им наплати. „Ако сте гладни, но немате пари за да ја платите храната, само заѕвонете или дојдете по чинија бесплатна храна или кафе во секое време“ – Ова го пишува на самиот знак на вратата. Сопственикот објаснува дека и самиот тој поминал низ тешки периоди, но бил премногу срамежлив за да побара помош.rn

Учениците ја изненадиле нивната наставничка која ја изгубила мачката со нови миленичиња

rnrnОваа жена жалела по нејзината мачка Феликс која ѝ била најблиското суштество во нејзиниот живот. Учениците кои го знаеле тоа, скришум нашле неколку спасени мачиња и ја изненадиле нивната наставничка. Само погледнете ја реакцијата на оваа жена на која ѝ била подарена торта, цвеќиња… И две мали крзнени пријателчиња!rn

Жена посвоила 6 девојчиња за да не ги разделува

rnrnrnМлада, но осамена жена сакала да биде мајка и решила да посвои дете. Меѓутоа, се случило да не посвои едно, туку четири деца одеднаш. Подоцна, посвоила уште две ќерки од истата мајка! „Мојот живот би бил празен без нив“, вели мајката на шест деца.rn

Во Канада, миленичињата се згрижувани за време на пожар

rnrnrnКако последица од ужасните шумски пожари во Канада, и луѓето и животните остануваат без домови. За време на евакуацијата, локалните воздушни линии привремено ја укинуваат забраната да се внесуваат животни на авионите. Во меѓувреме, еден Канаѓанин се грижи за кучињата, мачките, зајаците и другите крзнени пријателчиња кое биле оставени во пожарот. Тој ги храни и што е најважно им прави друштво. „Ним им е потребно внимание“, забележува волонтерот. Тој ги информира сопствениците на овие миленичиња, кои по некоја случајност не биле дома од различни причини, за состојбата на нивните пријателчиња.

June 14, 2016
Моќни цитати кои ќе ви ја вратат вербата во себе

Сите ние понекогаш поминуваме низ тешки периоди во животот кога мислиме дека ништо нема смисла и дека залудно вложуваме труд. Тогаш почнуваме да ја губиме нашата самодоверба и вербата во себе. Честопати забораваме дека треба да се стремиме кон тоа да ги оствариме нашите цели и соништа бидејќи дозволуваме другите да нè убедат дека тоа не е возможно. Во овие моменти добро е да пронајдеме некаква инспирација и поттик кои ќе нè мотивираат да не се откажуваме и да продолжиме понатаму. Овие моќни цитати ќе ви помогнат во тоа и ќе ви ја вратат вербата во себе…rnrnrn

„Ако чуете некој внатрешен глас кој ви вели ‘не можеш да сликаш’, тогаш сликајте по секоја цена и ќе го замолчите гласот.“ – Винсент Ван Гог

rn

„Кога една врата на среќата се затвора, друга со отвора. Но, честопати толку многу зјапаме во затворената врата, што не ја гледаме онаа која ни се отворила.“ – Хелен Келер

rn

„Јас сум најдобриот. Ова го кажав уште пред да знам дека навистина сум.“ – Мухамед Али

rn

„Дното што го достигнав стана цврста основа врз која повторно го изградив мојот живот.“ – Џ. К. Роулинг

rn

„Во кој било период од нивниот живот, луѓето се способни да го прават она за кое сонуваат.“ – Пауло Коељо

rn

„Луѓето кои се доволно луди да мислат дека можат да го променат светот се оние кои навистина го менуваат.“ – Стив Џобс

rn

„Имате непријатели? Тоа е добро. Тоа значи дека сте се бореле за нешто некогаш во животот.“ – Винстон Черчил

rn

„Не би се грижеле толку многу што мислат другите кога би сфатиле колку ретко тие всушност размислуваат.“ – Елеонор Рузвелт

rn

„Убавата работа кај стравот е тоа што кога се упатувате накај него, тој бега од вас.“ – Робин Шарма

rn

„Секој е генијалец. Но, ако ја судите рибата според нејзината способност да се качува на дрво, таа целиот живот ќе го помине верувајќи дека е глупава.“ – Алберт Ајнштајн

rnrn

„Љубовта кон самите себеси е почетокот на една долга животна романса.“ – Оскар Вајлд

rn

„Не станувате тоа што сакате, туку тоа во кое верувате.“ – Опра

rn

„Самодовербата не доаѓа од тоа постојано да сте во право, туку од тоа да не се плашите да погрешите.“ – Питер МекИнтајр

rn

„Бидете промената што сакате да ја видите во светот.“ – Ганди

rn

„Никогаш не е предоцна да си поставите нова цел или да сонувате нов сон.“ – К. С. Луис

rn

„Смислата на животот не е да се пронајдете себеси. Смислата на животот е да се создадете себеси.“ – Џорџ Бернард Шо

rn

„Само ако сме доволно храбри да ја истражуваме темнината, ќе ја откриеме бесконечната моќ на нашата светлина.“ – Брене Браун

rn

„Ако нешто ви значи… Никогаш не е премногу доцна, или во мојот случај премногу рано да бидете тоа што сакате. Не постои временска граница. Почнете кога сакате. Може да се промените или да останете истите. Не постојат правила за ова. Можеме да го извлечеме најдоброто или најлошото од тоа. Се надевам дека ќе го извлечете најдоброто. Се надевам дека ќе видите нешта кои ќе ве воодушеват. Се надевам дека ќе почувствувате работи што никогаш претходно не сте ги почувствувале. Се надевам дека ќе сретнете луѓе со различни гледишта. Се надевам дека живеете живот на кој сте горди, а ако не е така, се надевам дека ќе соберете храброст да почнете пак од почеток.“ – Ф. Скот Фицџералд

rn

„Вие самите како и сите во целиот универзум, заслужувате љубов и грижа.“ – Буда

rn

„Да останете свои во свет кој постојано се обидува да ве промени е најголемиот успех.“ – Ралф Валдо Емерсон

June 6, 2016
Како да ја зголемите вербата во вашата љубовна врска?

Доколку подолго време сте биле сингл, нормално е дека ќе ви биде тешко да имате верба во вашата врска. Тоа може да е последица од вашите лоши минати искуства и лоша среќа кои ве направиле скептици и сега секоја наредна врска уште веднаш ја осудувате на пропаст. Во врската треба да се чувствувате сигурно и заштитено, но тоа не е лесно да се постигне. Многу луѓе биле изневерени, чувствуваат дека не заслужуваат да бидат среќни или едноставно не знаат како да им веруваат на луѓето. Поентата е да не ја уништите врската додека ја стекнувате таа доверба. Мора да бидете трпеливи и да му верувате на вашиот партнер, но постојат и други работи кои би можеле да ви помогнат.rnrnrn

Престанете да се споредувате со други парови

rnАко трошите премногу време во анализирање на туѓите врски, големи се шансите дека ќе почнете детално да ја анализирате и вашата така што сè почесто ќе наоѓате проблеми таму кај што ги нема. Добро е да се биде реалистичен за работите, но немојте да станете опсесивни.rn

Престанете да се споредувате со социјалните мрежи

rnОва е исто како да се споредувате со други парови, само полошо затоа што се споредувате со филтрирана верзија на другите парови. Нормално е дека тоа ќе направи да се чувствувате за никаде, но мора да запаметите дека социјалните мрежи не секогаш ја претставуваат реалноста. Паровите кои се најактивни на социјалните мрежи се обично тие што се најнесигурни во својата врска.rn

Заборавете на ситните кавги

rnСамо затоа што памтите сè што некој некогаш кажал или направил, ве изнервирало или разочарало, не значи дека тоа треба постојано да го вадите низ нос. Никој не е совршен! Нормално дека ако се работи за хроничен проблем или некоја голема грешка која навистина ве повредила, треба да размислите дали да ја продолжите врската. Но, ако се работи за ситница, заборавете на неа. Ќе се чувствувате многу посигурни без духовите на секое несогласување кое некогаш сте го имале.rn

Фокусирајте се на позитивните работи

rnАко сте во добра врска, сигурно има многу прекрасни работи кои ја сочинуваат. Во спротивно воопшто не би требало да останете во таа врска. Ако се фокусирате на она што ве прави да се чувствувате заљубени, среќни и интимни, ќе бидете многу посигурни.rnrnrn

Разговарајте отворено

rnНекажаните несогласувања и грижи не само што се најлоши, туку се и отровни. Полека ќе ве јадат живи и ќе предизвикаат да ја изгубите довербата во вашата врска. Ако се чувствувате исплашени, лути или разочарани, кажете го тоа! Кажете го веднаш. Ако ги решавате проблемите веднаш штом ќе ги забележите, без сомнение ќе ја зацврстите вашата врска.rn

Знајте кога треба да прифатите нечиј совет, а кога не

rnПонекогаш вашите пријатели ви ја „фрлаат“ суровата вистина во лице и треба да ги послушате колку и да ви е тешко да поверувате во нивните зборови. Но, некогаш луѓето не даваат толку добри совети. Понекогаш луѓето се грижат за глупави работи или работи кои вас ништо не ви значат, како на пример тоа дека вашиот партнер не заработува доволно, доаѓа од лошо семејство или едноставно не им е по вкус. Правете разлика помеѓу добрите и лошите совети. Ако почнете премногу да земате предвид сè што ќе ви се каже, само ќе ја зголемите вашата несигурност уште повеќе.rn

Бидете интимни

rnНе ја потценувајте моќта на физичкиот допир. 90% од паровите сметаат дека допирите се екстремно важни за изградбата на интимност. А има и зошто. Не само што има многу здравствени придобивки, туку и прави да се чувствувате поблиски и посигурни. Понекогаш на човекот му е потребна физичка манифестација на емотивната поврзаност за да се чувствува сигурно.

May 5, 2016
17 животни лекции кои сите ние можеме да ги научиме од Хари Потер

Од моментот кога првпат го запознавме момчето кое живееше во креденецот под скалите, знаевме дека ќе станеме дел од една посебна приказна. Независно дали сте ги прочитале книгите и сте ги гледал филмовите само еднаш или сте фан кој знае во која куќа припаѓате, кој е вашиот Патронус и какво е вашето волшебно стапче, Хогвартс секогаш ќе биде вашиот дом.rnrnrnrn rnrnБевме таму кога Хари го пронајде каменот, влезе во одајата на тајните, го ослободи затвореникот, беше избран од пламениот пехар, стана дела од Редот, го запозна полукрвниот принц и ги собра сите реликвии на смртта и низ сето тоа, научивме многу важни животни лекции за кои можеме само да се надеваме дека ќе останат со нас… Засекогаш.rnrn1. Секогаш постои надеж. Според Албус Дамблдор, Среќата може да се пронајде дури и во најтемните моменти доколку се сетите да го вклучите светлото.rnrnrnrn2. Сите добри работи им се случуваат на оние кои чекаат. И ниедно чекање не може да се спореди со 12-годишното во Азкабан за убиствата на вашите пријатели да бидат оправдани.rnrnrnrn3. Бидете горди на своите лузни. Лузната на Хари го направи тоа што е и вашите лузни не се ништо поразлични. Прифатете ги, бидејќи токму тие се доказ за вашата храброст.rnrnrnrn4. Никогаш не ги осудувајте другите по нивниот изглед. Независно кои сте и што сте, луѓето треба да ги судите само по нивните дела.rnrnrnrn5. Не плашете се да бидете оригинални и уникатни. Некои луѓе можеби ќе мислат дека сте малку чудни, но тоа не ја запре Луна да продолжи да верува во себе, ниту пак треба да ве запре вас.rnrnrnrn6. Љубовта е најдоброто оружје и најдобрата заштита. Основата на преживувањето на Хари се темели на љубовта на неговата мајка и не постои буквално ништо посилно на светот од неа.rnrnrnrn7. Борете се за она во коешто верувате. Понекогаш тоа значи да се соочите со Темниот господар, а понекогаш значи да ги поддржите и вашите пријатели или да ги запрете да сторат нешто за што подоцна ќе се каат.rnrnrnrn8. Чоколадото е решение на сите проблеми и може да излечи сѐ. Без разлика за што станува збор!rnrnrnrn9. Постои време и место за сѐ. Фотографирањето е супер, но не ако на ѕидот има крвава порака дека на слобода е чудовиште кое ги замрзнува сите кои ќе го погледнат в очи.rnrnrnrn10. Во животот ќе треба да преземете неколку ризици. Ако не се осмелуваме да го направиме тоа, тогаш никогаш нема да дознаеме што пропуштаме.rnrnrnrn11. Каде и да сте, запомнете дека секогаш ќе постои место каде ќе можете да се чувствувате како да сте во домот во којшто припаѓате. Како што вели познатата изрека, домот е онаму каде што е срцето.rnrnrnrn12. Понекогаш треба само да се опуштите и да се насмеете. Сигурни сме дека токму оваа реченица е мотото на Фред и Џорџ.rnrnrnrn13. Нашите избори се оние работи што нѐ дефинираат. Како што вели Сириус Блек, сите ние имаме и светлина и темнина во себе. Она што е важно е делот со кој ќе избереме да дејствуваме – тоа сме вистинските ние.rnrnrnrn14. Пријателството значи секогаш да бидете тука еден за друг. Пријателите се секогаш тука да ви ја дадат потребната поддршка, независно колку тежок може да биде предизвикот.rnrnrnrn15. Но, понекогаш треба самите да ги направиме работите. Пријателите знаат кога треба сами да се соочите со некој или нешто и ќе ве остават да го решите проблемот, дури и кога сакаат да дојдат со вас.rnrnrnrn16. Оние личности кои ги сакаме никогаш нема да нѐ напуштат. Смртта не може да ја запре љубовта и оние кои сме ги изгубиле секогаш ќе останат во нашите срца.rnrnrnrn17. И најважната лекција: Верувајте во магијата. Таа е насекаде и може да ви се случи дури и кога најмалку ја очекувате.rnrn

March 9, 2016
19 моќни цитати од Ник Вујичиќ

Ник Вујичиќ е еден од вистинските суперхерои во светот. Роден со редок физички инвалидитет, без раце и нозе, Ник долго учел како да биде среќен без оглед на околностите. Денес, неговата храброст дарува надеж за сите луѓе кои немаат мотивација да продолжат понатаму. Во продолжение прочитајте неколку цитати од неговата книга „Живеејќи слободно“ кои ја величаат вредноста на себеизградувањето и вербата во сопствената сила.rnrnrn

„Што мислите вие дека треба да изберам: Да бидам лут на Бога за тоа што го немам или да му бидам благодарен за тоа што вие го имате?“

rn

„Мојата цел е да ве охрабрам да ги пребродите сите свои проблеми и потешкотии, за да можете да го пронајдете својот пат до посреќен живот. Одречете се од животот со самосожалување и заменете го за живот со цел.“

rn

Запомнете – акцијата предизвикува реакција. Кога сте во искушение да ги напуштите своите соништа, натерајте се да се обидете само уште еден ден, уште една недела, уште еден месец, уште една година… Ќе бидете изненадени од тоа што се случува кога константно одбивате да се откажете.“

rn

„Предизвиците постојат за да ги зајакнат нашите уверувања, а не за да нè прегазат.“

rn

„Ако не можете да добиете чудо, станете чудо.“

rn

„Кога ви се чини дека среќните моменти ве заобиколуваат, створете сами таков момент.“

rn

„Никогаш не сум сретнал огорчена личност која била благодарна. Ниту благодарна која била огорчена.“

rn

„Не се важни неуспесите, туку тоа дали ги надминувате.“

rn

„Мотивацијата ве води низ денот, но инспирацијата ве води низ животот.“

rn

„Можеби немам раце со кои би можел да ги држам рацете на својата жена, но за да го држам нејзиното срце не ми требаат раце. Нејзиното срце е она што сакам да го држам.“

rn

„Постојат два типа промена кои имаат тенденција да го нарушат начинот на живот на кој сме се навикнале. Првите се промени кои ни се случуваат нам. Другите се оние кои се случуваат без нас. Првите не можеме да ги контролираме. Но, можеме и треба да ги контролираме другите.“

rn

„Стравот е поголем инвалидитет од немањето раце и нозе.“

rn

„Не е крај сѐ додека вие така не одлучите.“

rn

„Во што е поентата да бидете целосни однадвор, а празни однатре?“

rn

„Ризикот не е само дел од животот. Ризик е самиот живот. Помеѓу зоната на удобност и зоната на вашите сништа е местото каде се одигрува вашиот живот. Тоа е зона на висока анксиозност, но и место на кое откривате кои сте.“

rn

„Сѐ што би направил за себе, направи и за другите. Ако малиот чин на сочувство стане твоја секојдневна навика, ќе се чувствуваш силен и ослободен од своите болки и разочарувања. Не треба да очекувате корист од великодушните дела, но добрите дела можат да ве доведат до изненадувачки награди.“

February 17, 2016
Неколку ситуации во кои секогаш треба да се држите цврсто до вашите одлуки

Секој од нас повеќепати се нашол во ситуација да им угодува на другите. Ни се случува да правиме нешта за другите кои не сакаме да ги правиме, да прифаќаме мислења во кои самите не веруваме и да дозволуваме кон нас да се однесуваат неправедно, само за да не предизвикаме несакани реакции. Ја жртвуваме нашата среќа за некој друг да биде среќен. А всушност така никој не е среќен.rnrnrnrnИако на прв поглед може да ви се чини мудро тоа што го правите за другите луѓе, сепак постојат одредени ситуации кога треба да се грижите само за вас и вашите потреби.rn

1. Кога страствено верувате во нешто

rnТешко е да слушате кога некој зборува против она во кое вие верувате. Сепак, тоа често се случува, затоа што не сакате да направите непријатна сцена или затоа што верувате дека нема ништо да промените доколку не се сложите. Сепак, кога во нешто страствено верувате, на другите треба да им дадете до знаење зошто се држите до тие идеали. Можеби нема да промените ничие мислење, но сигурно разговорот ќе го насочите во друг правец.rn

2. Кога имате јасна цел

rnСигурно често се наоѓате во ситуација кога некому правите услуга која се коси со целта кон која се стремите. Вашиот прв инстинкт е да помогнете на другите и иако тоа е благородно, сепак може да ве оддалечи од нештата кои ви се важни во животот. Никогаш не откажувајте се од нештата кои навистина ви значат и кои ве прават среќни. Понекогаш мора да им кажете „не“ на другите, за себеси да си кажете „да“ и да останете на вистинскиот пат кон остварувањето на вашите цели.rn

3. Кога некој ве вознемирува

rnВознемирувањето е вообичаено наекаде и секогаш кога некој ќе биде одлучен дека треба нешто да направите или ве наведува како да размислувате, вие станувате жртва на вознемирување. Тоа секако предизвикува голема штета на вашата емоционална состојба. Мора да научите да се борите за себе, но и за другите, со укажување на таквото однесување за да не дозволите најгласната и најупорната личност да го контролира исходот од секоја ситуација.rn

4. Кога се работи за вашето време

rnВремето е едно од највредните нешта кои ги поседувате, но тоа не е бесконечен ресурс и не може да се врати откако еднаш ќе го подарите на друг. Времето е важно за да ги завршите сите зацртани цели кои ви значат. Тоа ви е потребно и за луѓето кои ви се најважни во животот. Немојте да мислите дека имате премногу време. Користете го внимателно и знајте дека е сосема во ред ако сакате да го заштитите.rn

5. Кога треба да поставите граници

rnНекои луѓе едноставно не ги разбираат границите до каде можат да одат и што е за една личност прифатливо, а што не. Но, многу е важно на луѓето да им дадете до знаење кои се вашите лични граници. Кога имате јасна слика за вашите граници, тогаш ви е полесно да застанете цврсто зад вашите одлуки и да ги отфрлите негативните влијанија.

January 25, 2016
7 детски карактеристики кои можат да го направат вашиот живот многу посреќен

Кога бевме деца, сонувавме да станеме возрасни. Но, кога конечно пораснавме, стресот во животот постојано нè тера да посакуваме да бидеме повторно деца. И покрај тоа што детството е нешто што никогаш нема да можете да го вратите, сепак доколку допрете длабоко во себе, ќе можете да најдете одредени детски карактеристики кои со текот на годините сте успеале да ги заборавите. Овие карактеристики не само што ќе ве направат поуспешни на сите полиња од вашиот живот, туку и ќе ви помогнат да бидете многу посреќни и поисполнети од кога било претходно.rnrnrn

1. Љубопитност

rnДецата се неверојатно љубопитни. Тие можат да постават 1.000 прашања и откако ќе чујат 1.000 одговори, ќе постават уште 1.000 нови прашања. Љубопитноста е карактеристика која недостасува кај голем број возрасни, па токму затоа и често се случува тие да „тапкаат“ во место во својот живот. Љубопитноста отвора многу врати, создава креативност и ја поттикнува фантазијата. Доколку ја вратите оваа карактеристика во себе, вие ќе почнете да го гледате светот од сосема нова перспектива.rn

2. Возбуда

rnДецата се возбудуваат за сè! Секоја активност е нова авантура, нова можност да истражуваат, нов забавен и интересен предизвик. Замислете како би било доколку секоја возрасна индивидуа ја доведе оваа детска енергија во својата работа, или пак, во потрагата по личните цели. Ние дефинитивно би сведочеле на голем скок во продуктивноста и иновацијата. Многумина од возрасните ја изгубиле возбудата за животот и тие едноставно само ги оставаат деновите да ги одминуваат. Тоа не е начин на кој треба да го живеете вашиот живот. Користете ја перспективата на децата со цел да ја разгорите онаа страст за животот која некогаш сте ја поседувале во себе.rn

3. Верба

rnДоколку прашате некое дете што тоа сака да биде кога ќе порасне, не само што ќе добиете детален одговор, туку тоа дете ќе ги каже своите цели со висока самодоверба, како да знае дека навистина ќе ги оствари. Родителите постојано им кажуваат на своите деца дека можат да постигнат сè што ќе намислат, но изгледа тие го игнорираат овој совет кога станува збор за нив. Некако по патот на растењето, оваа самодоверба исчезнала и на нејзиното место настанала сомнеж. Вратете ја вербата во себе и употребете ја како прв чекор при остварувањето на вашите соништа.rn

4. Доверба

rnДецата им веруваат целосно на своите родители. Тие го прават тоа бидејќи не постојат други луѓе на кои би можеле да се потпрат за својата добросостојба. Како што растете, така оваа доверба во луѓето се заменува со циничност и параноја. Ние не велиме да им верувате на сите личности кои ќе ги сретнете во вашиот живот, туку едноставно да го отворите срцето кон оние кои ви мислат само добро. Како човечки суштества, ние имаме потреба од другите со цел нашите животи да бидат исполнети, па токму затоа можеби е време да го спуштите малку вашиот штит.rn

5. Вчудовиденост

rnДецата се вчудовидени од нешто на секои 5 минути. Без разлика каде се или што прават, тие можат да бидат воодушевени дури и од наједноставните објекти и околини. Како возрасни, ние го губиме погледот кон неверојатните нешта кои постојат на оваа планета бидејќи едноставно сме навикнале на нивното присуство. Секојдневните монотони рутини нè одвлекуваат од фактот дека живееме на планета која е само една минијатурна точка во галаксијата, која пак е дел од илјадниците милијарди галаксии во универзумот. Подигнете го малку вашиот поглед од смартфонот и одвојте време да се воодушевувате на природната убавина околу вас.rn

6. Краткотрајна меморија

rnДецата можат да се трансформираат од лице прелиено со солзи до насмевка од уво до уво за само неколку секунди. Тие не ги анализираат минатите искуства во детали, па токму затоа и секојдневните проблеми не ги држат будни до ниедно време. Тие едноставно легнуваат да спијат и следното утро го почнуваат денот одново, како да им е првиот ден на оваа планета. Животот е премногу краток за да трпите болка, предавство и разочарувања на дневна база!rn

7. Упорност

rnДецата не се откажуваат лесно. Доколку добијат „не“ за одговор, големи се шансите дека ќе ви се качат на глава сè додека не им го дадете она кое го побарале од вас. Тие едноставно имаат природна дарба за справување со одбивањето и не прифаќаат ништо помалку од она кое сметаат дека го заслужиле. Вратете ја вашата детска упорност и амбиција и не откажувајте се од оние нешта кои ги сакате.

July 17, 2015