КАФЕ ПАУЗА

Tag: типови

3 видови на анксиозност и како да се справите со нив

Анксиозноста е најчестото ментално нарушување. Секој од нас доживеал анксиозност во одреден момент од животот, додека кај некои луѓе анксиозноста значително им го нарушува квалитетот на животот.rnrnrnrnИако ги знаете знаците и симптомите на анксиозноста, можеби не знаете дека постојат три главни типа на анксиозност, секој со свои симптоми, карактеристики и конкретни решенија.rnrnПознавањето на типот на анксиозност со кое се справувате ќе ви помогне подобро да ја разберете вашата анксиозност и да научите како да се справите со неа.rn

1. Размислување за можни катастрофални исходи

rnОваа форма на анксиозност вклучува фокусирање на катастрофална приказна за нешто што може да се случи, без докази или факти. Размислувајќи за потенцијалните катастрофи речиси секогаш започнувате со зборовите „што ако“. Сепак, сè што следи по тие зборови е приказна создадена од вашиот ум. Главниот проблем со ова е непријатноста од неизвесноста. Наместо да прифатите дека не можете да знаете сè, вашиот ум измислува приказна за да создаде илузија на сигурност и однапред да се справи со замислениот проблем. Решението за размислување за можните катастрофални исходи е да се фокусирате на сегашниот момент, да можете да правите разлика помеѓу фактите што ги знаете и приказната што ја создава вашиот ум и да се фокусирате на „што е“ наместо на „што ако. “rn

2. Потребата за контрола

rnСекоја ситуација има аспекти кои се под ваша контрола и аспекти кои не се. Примери за тоа што е под ваша контрола се вашите мисли и како реагирате на околностите. Примери за работи кои не се под ваша контрола се мислите, чувствата и постапките на другите. Секогаш кога ќе посветите премногу внимание на она што не е во ваша контрола, ќе се чувствувате немоќни и ќе доживеете анксиозност. Прифаќањето на она што не можете да го контролирате и фокусирањето на вашето внимание и енергија на работите што можете да ги контролирате ќе ви помогне да се чувствувате силни и издржливи. Решението за потребата од контрола лежи во развивањето на внатрешната самодоверба. Верувајте дека ги имате сите внатрешни и надворешни ресурси што ви се потребни за да го решите секој проблем со кој се соочувате.rn

3. Лажни верувања

rnЛажното верување е негативно верување за себе, кое не е точно, но вие верувате дека е како, на пример, изјавите: не сум сакан/а, јас сум неуспех и нешто не е во ред со мене. Кога верувате дека нешто е вистина, а всушност е лажно, тоа влијае на тоа како се чувствувате и како се однесувате. Првиот чекор во надминување на анксиозноста е да сфатите дека вашето верување е сосема лажно и дека тоа е причината за одредени ваши однесувања. Решението би било да ги замените негативните мисли со позитивни од типот – моите најблиски ме сакаат, можам успешно да го надминам секој проблем. Само на тој начин ќе можете да го смените и вашето однесување.rnrnОткако прочитавте за 3-те видови на анксиозност, можеби ќе сакате да прочитате и како да се справите со чувствата на анксиозност и паника додека сте на работа.rnrnИзвор: sensa.mondo.rs

September 27, 2023
6 типови љубов според античките Грци: Сите го одбираат број 1, а вие?

Исто како што денес имаме софистицирани речници за разни општествени појави, предмети и мислења, така и Грците беа софистицирани кога зборуваа за љубовта, препознавајќи ги нејзините шест различни типови. Каков тип љубов ви недостасува?rn

rn1. Ерос или сексуална страст

rnПрвиот вид љубов е именуван по грчкиот бог на плодноста и ја претставува идејата за сексуална страст и желба. Но, Грците не мислеа секогаш на тоа како на нешто позитивно, како што имаме тенденција да правиме денес. Всушност, ова се сметало за опасна, застрашувачка, ирационална форма на љубов што може да ве фати и да ве поседува. Ова гледиште го споделија и многу подоцнежни духовни мислители, како што е христијанскиот писател К. С. Луис.rn

2. Филија или длабоко пријателство

rnДруг вид љубов е филија или пријателство, што Грците го ценеле многу повеќе од основната сексуалност на еросот. Сè е во прикажување лојалност кон вашите пријатели, жртвување за нив, но и споделување на емоциите со нив.rn

3. Лудус или разиграна љубов

rnТоа е античка грчка идеја за разиграна љубов, која се однесува на чувството на привлечност помеѓу младите љубовници. Сите го вкусуваме во флертувањето и задевањето во раните фази на врската. Но, ние исто така го живееме своето лудило кога седиме во бар смеејќи се со пријателите, или кога одиме на танц. Социјалните норми може да се намуртат за овој вид несериозност кај возрасните, но малку повеќе лудило може да биде токму она што е потребно за да ги зачиниме нашите љубовни животи.rn

4. Агапе или љубов за сите

rnЧетвртиот вид љубов, а можеби и најрадикалниот, е агапе или несебична љубов. Тоа е љубов наменета за сите луѓе, без оглед дали се членови на семејството или далечни странци. Агапе подоцна беше преведен на латински како Каритас, што е потекло на современиот збор „хуманитарец“. Постојат сè поголеми докази дека агапе е во опасен пад во многу земји. Нивото на емпатија во САД нагло опадна во последните 40 години, а најголемиот пад се случи во изминатата деценија. Итно треба да ја оживееме нашата способност да се грижиме за луѓето.rn

5. Прагма или долготрајна љубов

rnДруга грчка љубов беше зрелата љубов, попозната како прагма. На пример, тоа е случај на длабоко разбирање што се развива во долгорочни брачни парови. Прагмата е за компромиси насочени кон помагање на врската да преживее со текот на времето, покажувајќи трпеливост и толеранција. Бидејќи околу една третина од првите бракови во завршуваат со развод или разделба во првите 10 години, Грците сигурно ќе почувствуваат дека треба да внесеме сериозна доза на прагма во нашите односиrn

6. Филаутија или љубов спрема себе

rnШестиот вид грчки збор за љубов беше филаутија или љубов спрема себе. И паметните Грци сфатија дека има два вида на оваа љубов. Едната е поврзана со нарцизам, каде што едно лице е опседнато само со себе и е насочено кон лична слава и богатство. Здравата верзија значи дека имате голем капацитет за љубов. Идејата е дека ако се сакате себеси и се чувствувате сигурни во себе, ќе имате доволно љубов кон себе и ќе им ја дадете на другите.rnrnПрочитајте и како да ја преболите загубата на некоја блиска личност?

November 10, 2020
Сигурно ги познавате: Ова се 4-те најчести типови врски

Не можеме да ја планираме љубовта, таа едноставно се случува и веќе следен чекор е вашата четка за заби да добие „друштво“ во бањата, а последните 5 пропуштени повици да се од иста личност. И така, случајно, две личности стануваат пар со специфични карактеристики според кои се препознатливи во нивното друштво.rnrnrnrnНо, иако врските се сложени, ние успеавме да ги групираме во 4 категории:rn

Секогаш подготвени за акција

rnОдење по забави, фестивали, планини – сето ова го прави оваа активна двојка. Ним секогаш им се случува нешто и тие ретко се дома. Секогаш се добредојдени на сите случувања затоа што едноставно носат позитивна енергија и прават добра атмосфера. Секогаш можете да ги побарате ако немате друштво за излегување или ако ви е потребен кревет за преноќување. Но и на овој пар понекогаш му е потребен момент на мир и релаксација, па понекогаш си приредуваат романтична вечер дома за да ги „наполнат батериите“ за нови авантури.rn

Интровертни интелектуалци

rnКога во врска влегуваат двајца интроверти, сигурно е дека станот нема да биде долго празен. Тој станува нивно засолниште, каде тие се осознаваат меѓусебно, гледаат серии или филмови, готват или разговараат за бесконечноста на универзумот. Тие се силно поврзани и си се доволни еден на друг. Сепак, тоа не значи дека интровертите немаат потреба од дружење. И тие понекогаш имаат излив на енергија која ја користат за дружење со пријателите или на некоја авантура.rn

„Зелен“ пар

rnВо нивниот фрижидер доминира зелената боја и тешко го прифаќаат фактот дека нивната омилена храна се пакува во пластика. Ако ви се соседи, нема да можете да позајмувате шеќер од нив. Тие ќе ве инспирираат да започнете да живеете и јадете здраво. Со шолја внимателно избран чај, со задоволство ќе ви ги пренесат сите трикови и совети што ги знаат за здравиот живот. Со нив ќе станете подобар и посвесен жител на Земјата и вашиот имунитет ќе ви биде благодарен.rn

Фитнес пар

rnЛесно е да се препознае станот на фитнес пар. Тука се подлогите за вежбање, справите за истегнување, патиките за трчање, хулахопите, теговите, рекетите, протеините… Списокот нема крај. Кога оваа насмеана двојка ќе ве заобиколи на скалите на 5-тиот кат, а вие земајќи длабок здив едвај успевате да кажете „Здраво!“, значи дека од утре треба да започнете да трчате со нив! Тие поминуваат многу време во вежбање, но затоа добиваат неверојатна линија и тен, што покажува дека тие внимаваат на себе и своето здравје.rnrnМожеби сакате да прочитате и кое е најдоброто време за водење љубов, а еве и зошто?

February 18, 2020
5-те типови личности според модерните психолози

Вашиот карактер влијае на многу нешта – од пријателите што ги одбирате, па сè до тоа за кого ќе гласате на политичките избори. Но многу луѓе не размислуваат за нивните лични особини. Кога ќе сфатите каква личност сте, ќе имате подобар увид во вашите јаки и слаби страни. Исто така ќе знаете како изгледате во очите на другите. Повеќето модерни психолози се согласуваат дека постојат 5 типови личности или карактери, а во продолжение можете да откриете каде спаѓате вие.rnrnrn

1. Совесни

rnЛуѓето кои имаат највисок степен на совест се ефикасни, добро организирани и доволни си се самите себеси. Тие сакаат однапред да ги планираат нештата, а нивните цели се навистина високи. Луѓето кои имаа помала совест ги гледаат овие личности како тврдоглави и опсесивни.rn

2. Екстровертни

rnЕкстровертните луѓе ја добиваат нивната енергија од друштвните активности. Тие се разговорливи, дружељубиви и сакаат да бидат во центарот на вниманието. Другите ги гледаат како доминантни и жедни за внимание.rn

3. Пријатни

rnЛуѓето кои спаѓаат во оваа категорија се секогаш љубезни кон другите. Познати се по нивното добро однесување и често минуваат време волонтирајќи и правејќи добро. Понекогаш другите ги гледаат како наивни и претерано пасивни.rn

4. Отворени за нови искуства

rnЛуѓето кои се отворени за нови искуства се познати по нивниот широк спектар на интереси и живописни фантазии. Тие се радознали и креативни и преферираат разновидност, наместо некоја рутина. Сакаат да се реализираат себеси преку интензивни и еуфорични искуства, па дури и живот во странство. Другите ги гледаат како непредвидливи и нефокусирани.rn

5. Невротични

rnНевротичните имаат висок степен на емоционална нестабилност. Често се избувливи и се одликуваат со анксиозност и раздразливост. Другите ги гледаат како нестабилни несигурни личности.rn

Разбирање на основата на карактерот

rnКарактерот на луѓето останува релативно стабилен со текот на времето. Карактеристиките кои се појавиле на 7-годишна возраст, најверојатно ќе предвидат какво ќе биде вашето однесување во текот на целиот живот. Секогаш можете да го промените вашиот карактер, но за тоа ќе ви бидат потребни многу труд и трпеливост. Сепак, доколку не сте задоволни, психолозите сметаат дека е возможно.rnrnДознајте и кој од 12-те Јунгови архетипови ве опишува најдобро.

April 4, 2019
Истражување: Што кажува вашиот тип на личност за вас?

Општеството има потреба да ги одбележува луѓето со неизбежното прашање што ни го поставуваат уште како деца: Што сакаш да бидеш кога ќе пораснеш? Проблемот е што иако уште од мали нè учат дека можеме да бидеме што и кој сакаме, кога ни го поставуваат ова прашање, луѓето бараат само еден одговор. Истото важи и за тоа кој тип на личност сметате дека сте.rnrnrnrnВашиот тип на личност можеби кажува многу за вас, но не кажува точно кои сте. Можеби денес се чувствувате затворено и како интроверт, но утре ќе поканите цела група колеги на пијачка. Постојат многу разни аспекти на вашиот тип на личност, а фактот дека истражувачите откриле 4 целосно нови типови личности, само дополнително го докажува ова.rnrnДосега повеќето луѓе сметаа дека постојат само 3 типа личности – интроверти, екстроверти и комбинација од двете. Но, едно огромно ново истражување открило четири нови типови личности – просечни, воздржани, идоли и егоцентрични. Притоа, секоја комбинација од карактерни особини е целосно различна од другите.rnrnЗа истражувањето, истражувачите од Северозападниот универзитет разгледувале 1,5 милиони одговори од разни онлајн прашалници. Волонтерите одговарале помеѓу 44 и 300 прашања преку кои кажувале нешто за нивните индивидуални карактеристики.rnrnОд овие резултати, истражувачите ги одвоиле „Петте големи карактерни особини“. Овде спаѓаат невротичност, екстраверзија, отвореност кон нови искуства, согласност и совесност. Оттука, со помош на нивните уникатни алгоритми, истражувачите го смалиле кругот од 16 на 4 главни типови личности.rnrn1. Првиот тип, просечен, опишува личност која воглавно е поневротична (анксиозна и со променливо расположение). Некој кој е просечен е отворен, но не на многу лично ниво. Во оваа категорија спаѓаат повеќе жени отколку мажи.rnrn2. Вториот тип се воздржани личности кои се емоционално стабилни, односно не се ниту невротични ниту отворени. Иако не се вистински екстроверти, не се ни вистински интроверти. Со други зборови, воздржаните повеќе сакаат да се движат со текот.rnrn3. Идолите се постари луѓе кои имале многу животни искуства. Од нив можете да зависите, да научите многу и тие се отворени кон нови идеи. Според истражувањето, жените почесто станувале идоли од мажите.rnrn4. Егоцентричните луѓе се потполна спротивност на идолите. Тие се екстроверти, но воопшто не се отворени и совесни. Со други зборови тие прават што сакаат без разлика што мислат другите. Истражувачите откриле дека поголемиот дел од овие луѓе се помлади и имаат помалку животни искуства.rnrnПа, што кажува ова ново истражување за вашиот карактер? Можеби ништо, а можеби и сè. Најмногу зависи од тоа каде се наоѓате сега во животот. Вистината е дека колку и да сакате да се ставите во една група, ова може да биде вистински предизвик.rn

„Иако методологијата и науката зад ова истражување се цврсти, можат да постојат преклопувања на карактеристики кај некои луѓе. Постојат одредени карактеристики на типовите личности што се постојани, но има аспекти кои се менуваат во зависност од животните искуства и созревањето“, изјавил доктор Роберт Глатер.

rnРазмислете за периодот пред 5 или 10 години. Дали можете да кажете дека сте истата личност? Се разбира дека не, но тоа е очекувано. За луѓето е нормално да искусуваат личен развој и созревање со текот на времето. Никој не може да биде обележан како еден тип на личност, но токму тоа им дава длабочина на луѓето.rnrnВие сте создадени од неколку „личности“ и треба да ги запознаете и прифатите сите. Без разлика кои сте, најдоброто нешто што можете да го направите е да ги прифатите сите делови од вашиот карактер. Можеби сте се пронашле во некој од типовите на личности, а можеби имате особини од сите. Најважно е да не се обидувате да се идентификувате со само еден тип. Продолжете да бидете автентични без разлика дали тоа значи дека ќе се менувате секој ден.rnrnДознајте и дали сте дел од луѓето со најредок карактер на светот.

September 21, 2018
Постојат 4 типа интроверти: Во која група спаѓате вие?

Интровертите се карактеризирани како луѓе кои настојуваат да избегнуваат социјални контакти и се преокупирани со своите мисли. Овие луѓе, кои најчесто се опишувани според она што не се наместо со она што се, конечно имаат и свој вид „движење“. Може да биде навистина тешко да бидете интроверт, а да не се совпаѓате со овој опис. Но, неодамнешните истражувања покажале дека всушност постојат 4 вида интроверти. Погледнете кои се тие…rnrnrn

Социјални интроверти

rnСоцијалните интроверти се најблиску до дефиницијата за интроверти, односно луѓе кои повеќе сакаат мали групи наместо гужви, или пак сакаат да бидат целосно сами. Социјалните интроверти често ја преферираат самотијата наместо социјализирањето. Важно е да се разликува оваа особина од срамежливоста. Социјалните интроверти не чувствуваат анксиозност поради нивната одлука. Тие едноставно сакаат самотија или помалку гужва.rn

Замислени интроверти

rnОвие луѓе не ги делат истите особини со дефиницијата за интроверти. Нивната интровертност всушност нема никаква врска со луѓето. Тие се интроспективни и често размислуваат за себе. Најголемиот дел од времето го поминуваат рефлектирајќи го својот живот на креативен начин. Еден начин да се опишат овие луѓе е „изгубени во нивната фантазија“, но со доза умереност.rn

Анксиозни интроверти

rnАнксиозните интроверти најчесто се опишувани како срамежливи. Тие се чувствуваат навистина неудобно во гужви и помеѓу голема група луѓе поради недостаток на доверба во нивните социјални вештини. Овие луѓе често и премногу размислуваат за тоа што би можело да се случи ако отидат некаде и како би можело да се случи нешто ужасно.rn

Воздржани интроверти

rnВоздржаните интроверти се побавни и често им е потребно долго време да преземат нешто. Потребно им е повеќе време да започнат нешто ново и не се тип луѓе кои би скокнале од кревет за да го поздрават светот. Сакаат да имаат време и го живеат животот со нивно темпо.rnrnПогледнете и кои знаци покажуваат дека сте интроверт.

February 23, 2018
Сочувствувате со другите луѓе? Дознајте дали сте емпати или идентификатори

Веројатно знаете дека емпатите поседуваат висока емоционална интелигенција и можат да ги почувствуваат емоциите на луѓето околу нив. Но, дали сте знаеле дека постојат 2 типа емпати? Доколку сметате дека припаѓате на оваа група луѓе, време е да дознаете и какви емпати сте…rnrnrnrn1. Емпат. Луѓето кои можат да ги препознаат туѓите емоции и енергии, обично можат и да ги доживеат на емоционално ниво. Доколку сте емпатични, можете да ги разберете чувствата на луѓето, но не дозволувате нивните енергии да имаат физичко влијание на вас.rnrn2. Идентификатор. Идентификаторите ги доживуваат туѓите чувства не само на емоционално, туку и на физичко ниво. Многу од нив честопати доживуваат хроничен умор, необјасниви болести и болки во телото како последица од надворешните влијанија. Тие се исцрпени и истрошени откако ќе поминат време опкружени со многу луѓе. Идентификаторите не можат да се дистанцираат од негативните чувства, особено ако се работи за некаква трагедија или загуба.rnrnСпоред експертите, емпатите можат да сочувствуваат со другите затоа што знаат што им припаѓа ним, а што на другите. Од друга страна, пак, идентификаторите ги чувствуваат туѓите емоции како да се нивни. Тешко е да се биде идентификатор, особено поради тоа што тие најчесто чувствуваат страв. Емпатите можат да се оддалечат од туѓите емоции, но сепак сочувствуваат со другите луѓе. Тие се нарекуваат и „емпати со мускули“.rnrnrnrnЗа да направите разлика помеѓу емпатите и идентификаторите, замислете си дека некој човек се дави во езеро. Доколку сте идентификатори, целата ситуација ќе ве обземе толку многу што ќе се чувствувате како и вие да се давите со човекот. Без размислување ќе се фрлите во водата, дури и да не знаете да пливате. Но, доколку сте емпати со мускули, нема да скокнете. Ќе останете на брегот, ќе разговарате со човекот, ќе се обидете да го смирите и ќе го потсетите дека може да плива и да преживее. Емпатите со мускули не дозволуваат да ги обземат туѓите емоции до тој степен што би се жртвувале себеси за некого.rnrnПостојат и интуитивни емпати кои можат да ја почувствуваат енергијата на спиритуалниот свет. Тие можат да осетат пред да се случи нешто важно, кога некој е болен или починал. Тие ги чувствуваат позитивните и негативните енергии што ги пренесуваат другите луѓе, дури и тогаш кога не се во нивна близина. Интуитивните емпати се многу чувствителни. Ако има силен земјотрес некаде далеку од нив, тие ќе го почувствуваат тресењето.rnrnДобро е да сочувствувате со другите луѓе и да ги разбирате работите низ коишто поминуваат, сѐ додека не дозволите тоа да ви влијае на негативен начин. Сочувството, грижата и способноста да ги согледувате нештата од туѓа перспектива се многу важни аспекти од животот на секое здраво и добро човечко суштество. Развивајте ја вашата емпатија и емоционална интелигенција, но не дозволувајте премногу да ве обземат проблемите и грижите на луѓето околу вас.rnrnДоколку не сте сигурни дали сте емпати, следниве 30 знаци ќе ви го докажат тоа.

October 26, 2017
Кога треба да пиете кафе според вашиот личен хронотип?

Многу луѓе не можат да си го замислат животот без кафе. Но, кафето нема ист ефект на сите негови консументи. Некои поединци после шолја кафе се однесуваат како хиперактивни деца кои изеле торта, но некои можат без проблем да заспијат дури и по 3 шолји кафе. Па, зошто одредени луѓе пијат кафе и потоа се чувствуваат продуктивни и будни, а други се исто толку поспани колку и пред да внесат кофеин во организмот? Се чини дека не е важно кафето или видот на кофеин, туку периодот од денот кога уживате во вашиот омилен пијалак. Тука голема улога играат и хронотиповите, па затоа најважно е прво да го дознаете вашиот личен хронотип.rnrnrn

Што се хронотипови?

rnХронотипот е поврзан со однесувањето што го покажувате како последица од вашиот биоритам. Тој одредува кога треба да спиете во текот на 24-те часа од денот. Постојат 4 хронотипа: Делфин, лав, мечка и волк. Сите тие се одликуваат со различни особини и начини на однесување. Можете да дознаете кој е вашиот хронотип со помош на овој тест.rnrnМајкл Џ. Брус е клинички психолог кој специјализирал во областа на нарушувања на сонот. Неговата книга „Моќта на кога“ (The Power of When) ги анализира 4-те хронотипа врз основа на нивните утрински и вечерни навики. Книгата може да им помогне на читателите да разберат кој е најповолниот период од денот за извршување разни активности, од џогирање па сѐ до барање покачување на платата. Брус исто така дава совет за пиењето кафе.rn

„Ако се разбудите и внесете кафе, односно диуретик, во организмот, тоа само ќе ја зголеми вашата дехидратација. Освен тоа, кога се будите, нивото на кортизол е природно многу високо. Па така, вие само внесувате неефективен стимуланс и покрај тоа што веќе имате еден многу ефективен. Кафето треба да го зачувате за периодот од денот кога ќе почувствувате дека губите енергија“, пишува тој во книгата.

rn

Кафето и хронотиповите

rnБрус тврди дека најлошиот период за пиење кафе е помеѓу првите 2 часа по будењето и 6 часа пред спиење. Додека спиете, вие издишувате 1 литар вода. Без оглед на тоа кој е вашиот личен хронотип, првиот пијалак по кој треба да посегнете е водата. Во продолжение прочитајте кога треба да пиете кафе според вашиот хронотип…rnrnДелфините треба да уживаат во кафето помеѓу 8.30 и 11.00 или 13.00 и 14.00. Тие исто така треба да се разбудат во 6.30.rnrnМечките треба да внесат кафе во периодот помеѓу 9.30 и 11.30 или 13.30 и 15.30, а да се разбудат во 7.00.rnrnВолците можат да се напијат кафе само во периодот помеѓу 12.00 и 14.00 и треба да го започнат денот точно во 7.30.rnrnЛавовите најдобро би било да пијат кафе помеѓу 8.00 и 10.00 или 14.00 и 16.00. Тие најрано треба да го започнат денот, односно во 5.30-6.00.rnrnrnrnСега сигурно почнавте да пресметувате кога треба да одите на спиење, ако сакате да се разбудите и да испиете кафе во идеалното време за вас. Но, не грижете се! Брус открил и кога би требало да си легнувате навечер.rn

„Правилото според кое треба да спиете 8 часа дневно е мит. На повеќето луѓе им се доволни 7 часа, додека делфините можат да функционираат со 6 часа спиење. Најважна е вашата доследност и психичката подготвеност за легнување (исклучување на сите екрани, смирување и опуштање) која треба да започне 1 час пред да одите во кревет. Не треба да легнувате во кревет за ништо друго освен за спиење и секс. Тоа ќе му помогне на вашиот ум да го поврзува зборот ’кревет’ со ’спиење’“, објаснува психологот.

rnДелфините треба да си легнуваат околу 23.30, додека лавовите би требало да заспијат околу 22.00 часот. Волците можат да останат до полноќ, а мечките треба да одат на спиење во 23.00.rn

Прекумерната количина на кафе може да биде многу опасна за организмот

rnАко имате одредени проблеми со здравјето или земате лекови што не смеете да ги мешате со кофеин, немојте да им се спротивставувате на докторите поради вашиот хронотип. Наместо тоа, прилагодете ги вашите навики. Можеби не смеете да пиете кафе толку колку што сакате, но можете да го промените времето кога си легнувате и се будите.rnrnrn

Влијанието на кафето на вашето здравје

rnКафето е вкусно и корисно. Но, што му прави овој пијалак на вашето тело покрај тоа што му дава енергија? Прочитајте ги и неверојатните придобивки од кафето…rnrn1. Кафето заштитува од рак. Порано, кафето имаше лоша репутација дека е канцерогено. За среќа, овој мит беше побиен. Освен тоа, Светската организација за здравје открила дека со секоја шолја кафе се намалува ризикот од рак на црниот дроб за 15%. Но, секако се мисли на една шолја дневно!rnrn2. Кафето го заштитува црниот дроб. Пиењето кафе може да ја намали штетата на црниот дроб предизвикана од прекумерното пиење алкохол. Неодамнешните истражувања покажале дека ако пиете 2 дополнителни шолји кафе дневно, ќе го намалите ризикот од цироза на црниот дроб за 44%.rnrn3. Кафето согорува маснотии. Тука се мисли на вистинско кафе, а не на фрапучиното што содржи илјадници калории. Според едно истражување од 2013 година, пиењето кафе пред физичка активност ќе му помогне на телото да согори повеќе маснотии.rnrn4. Кафето помага да заздравите побрзо по вежбањето. Болките во мускулите по вежбањето даваат неверојатно чувство на исполнетост. Но, ако имате толкави болки што не можете да станете од кревет, време е за кафе! Друго истражување од 2013 година открило дека болките во мускулите се намалуваат ако внесете кафе во организмот 1 час пред вежбањето.rnrn5. Кафето ја зголемува вашата издржливост. Голем број истражувања покажале дека кафето може да ви помогне да вежбате подолго време и да постигнете подобри резултати.rnrn6. Кафето ја подобрува вашата меморија. Едно истражување од 2014 година докажало дека кафето може да ви помогне да се сетите на некои детали, па дури и да ја зголеми мозочната способност за создавање долгорочни сеќавања. Само една шолја на ден може значително да ја подобри вашата меморија.rnrn7. Кафето може да ви го подобри расположението. Пиењето кафе може да е исто толку добро колку и пиењето антидепресиви. Според едно истражување од 2013 година, кај љубителите на кафето постои помала веројатност да извршат самоубиство или да помислуваат на тоа.rnrnДоколку сакате да дознаете повеќе за хронотиповите, прочитајте каков карактер имате според вашите навики за спиење.

September 12, 2017
7 видови глад и како да им се спротивставите

Колку пати сме посегнале по грицките на некоја забава и сме ги изеле без размислување или пак сме нарачале некој десерт, бидејќи едноставно изгледа толку добро, а всушност воопшто не сме биле гладни. Треба да се запрашаме дали јадеме поради стресот или само затоа што се чувствуваме тажно. Би требало да ги освестиме нашите прехранбени навики и свесно да одлучуваме што и кога ќе изедеме. Постојат 7 различни видови глад на кои можеме свесно да одговориме кога ќе се создадат.rnrnrn

1. Гладни очи

rnРеагираме на она што го гледаме, па затоа убаво послуженото јадење секогаш ќе ни изгледа привлечно. За да го задоволиме гладот, можеме да ги почестиме нашите очи со храната пред да ја ставиме во устата. Ако ја јадеме вечерата додека гледаме телевизија, ја отфрламе приликата да ја цениме храната во целост. Токму затоа корисно е убаво да ја украсиме нашата чинија и да го посветиме целото наше внимание пред да ја консумираме храната.rn

2. Гладен нос

rnОна што во поголем дел од случаите го мислиме за вкусот е поврзано со мирисот на храната. Нашето чувство за мирис е почувствително отколку чувството за вкус. За да го задоволите мирисот, обидете се со вежбата на мирисање на вашата храна пред да започнете да ја јадете. На тој начин повнимателно ќе уживате во храната и во нејзината арома. Кога ќе ги почувствувате мирисите кои ви се допаѓаат (мирис на ванила или цимет) добро размислете какви емоции будат во вас.rn

3. Гладна уста

rnОна што го мислиме за вкусната храна често има врска со тоа од која земја доаѓаме и како се јадело во нашето семејство. Тоа вклучува колку сакаме нашата храна да биде солена или слатка и какви зачини преферираме. Она што во нашата земја се смета за вкусно во некоја друга е сосема неприфатливо.rn

4. Гладен стомак

rnКркорењето во желудникот е јасен знак дека сме гладни. Сепак, тоа не мора да значи дека на нашето тело му е потребна храна. Најчесто станува збор за рефлексно чувство кое го доживуваме, бидејќи нашето тело се навикнало да јаде во тоа време. Иако го толкуваме како последен степен на изгладнетост, тоа може да биде и манифестација на анксиозност и нервоза. Кога ќе почувствувате кркорење обидете се да оцените колку сте гладни. Започнете да јадете само ако навистина ви треба храна.rnrnrn

5. Гладен дух

rnМодерните времиња од нас создадоа личности кои јадат поради анксиозност. Бомбардирани сме со разни диети и совети од нутриционистите, а внатрешниот глас ни говори што би требало да јадеме, а што не. Кога нашите прехранбени навики ќе се најдат во „расправија“ со најновите нутриционистички откритија, ние сме помеѓу она што го сакаме и она што не треба да го јадеме. Смирете се и фокусирајте се на своите желби и потреби. Тоа ќе ви помогне да ги чувствувате сигналите кои ви ги испраќа телото.rn

6. Гладно срце

rnШто и кога јадеме во поголемиот дел од случаите е поврзано со нашите емоции. Можеби ќе копнееме за одредена храна, бидејќи сме ја јаделе во детството или затоа што ја поврзуваме со храна која ни дава утеха. Понекогаш јадеме за ја намалиме емоционалната болка. Обидете се да откриете кои емоции ги чувствувате пред да се одлучите за грицки и можеби ќе пронајдете друг начин како да ги задоволите. Повикајте некој пријател или испијте една шолја чај.rn

7. Вистински глад

rnВистинскиот глад е оној вид глад кој бара надополнување на потрошената енергија низ консумирање хранливи состојки кои му се потребни на нашиот организам. Кога сме биле мали интуитивно сме знаеле кога сме гладни и за што копнеело нашето тело, но со тек на времето сме ја изгубиле таа способност. Сепак, можно е да ја почувствувате таа потреба исто како што сте го знаеле тоа во детството.

June 6, 2017
Постојат 4 типа интроверти: Кој од нив сте вие?

Во денешно време модерно е да се биде интроверт. Но, пред да ја поминете вашата саботна вечер на каучот во придружба со некоја добра книга или вашата омилена серија, треба да знаете дека не се сите интроверти исти. Според психолозите, постојат 4 типа интроверти кои варираат од сосема опуштени до претерано анксиозни. Што мислите, во која група припаѓате вие? Дознајте во продолжение…rnrnrn

Друштвени

rnВашата замисла за совршена вечер подразбира дружба со мала група на пријатели, одење во кино или на вечера. Но, не ги одбивате ни поканите за разни забави. Редовно присуствувате на сите настани и одлично си поминувате. Меѓутоа, по макотрпното дружење, ви треба малку време за да си ги наполните батериите. Одвојте време за релаксација за да можете да постигнете совршен баланс.rn

Мислители

rnКога вашите пријатели почнуваат да разговараат за најновата епизода на „Игра на тронови“, вие немате многу што да кажете. Но, тоа не е така затоа што се срамите да гo искажете вашето мислење или затоа што не сакате да бидете со нив. Тоа е така затоа што живеете со главата во облаците и сонувате со отворени очи додека си замислувате како еден ден ќе напишете сценарио за ТВ серија. Имате толку бујна фантазија и креативност што мислите кои ви поминуваат низ глава се вашата омилена забава.rn

Анксиозни

rnТреба да излезете на вечера со пријателите а вам почнуваат да ви се мотаат следниве мисли во глава: „Што да облечам?“, „Што ако немам за што да разговарам?“, „Што ако човекот кој ќе седи до мене цела вечер зборува за фудбал?“. Без разлика дали станува збор за 1 човек или 100, вие премногу размислувате за секој настан на кој треба да присуствувате.rn

Неодлучни

rnПријателите ве прашуваат дали сакате да го пробате новиот мексикански ресторан или да одите во вообичаената пицерија на вечера, а вам ви треба цела недела за да одлучите. Вие секогаш правите детална анализа пред да донесете одлука. Токму поради тоа, оставате впечаток на резервирана, тивка и флегматична личност. Добрите вести се дека кога конечно ќе одлучите, воопшто не се сомневате во вашиот избор. Нема да погрешите со вашата омилена пицерија!rnrnВо продолжение, прочитајте ги овие 9 знаци дека сте вистински интроверт.

May 20, 2017