КАФЕ ПАУЗА

Tag: темница

5 начини како да им помогнете на вашите деца да престанат да се плашат од темнината

Едно истражување спроведено врз 122 испитаници открило дека 54% од нив ја навеле темнината меѓу своите 5 најголеми стравови. Ако возрасните го имаат овој страв, не е ни чудо што децата замислуваат чудовишта под својот кревет и гледаат застрашувачки сенки. Иако многу деца го надминуваат тој страв со текот на годините, постојат начини на кои можете да им помогнете порано да се ослободат од овој страв. Прочитајте што можете да направите за да му помогнете на вашето дете да собере храброст и да престане да се плаши од темнината.rn

1. Слушајте го вашето дете

rnrnrnСфатете го сериозно стравот на вашето дете и ислушајте го. Не отфрлајте го со едноставно проверување под неговиот кревет и велејќи дека нема чудовишта таму. Тоа всушност може да ги влоши работите затоа што може да му покажете на вашето дете дека верувате дека тие чудовишта може да бидат вистински.rnrnПрашајте го што точно го тера да се чувствува исплашено и покажете му дека го разбирате неговиот страв. На крајот, уверете го дека е безбедно и дека ќе бидете тука за него ако повторно се чувствува исплашено.rn

2. Фалете го вашето дете

rnrnrnИстражувањата покажаа дека позитивните искази можат да го променат начинот на размислување. Тоа значи дека ако си кажете нешто позитивно, можеби ќе почнете да верувате во тоа. Ако му кажете на вашето дете дека е храбро и ако го пофалите што се соочило со стравот од темнина, тие позитивни зборови може да му помогнат навистина да верува дека може да го надмине стравот.rn

3. Забавувајте се со ноќни светла

rnrnrnПостојат многу креативни ноќни светла што може да му помогнат на вашето дете да се опушти и да се чувствува безбедно. На пример, има ноќни светла во облик на животни, проектори на ѕвезди или светла што може да ги ставите низ собата на вашето дете или низ куќата ако треба да одат во тоалет среде ноќ. Исто така, ако користи обична ламба, треба да проверите да не формира застрашувачки сенки. Друга работа на која треба да обрнете внимание е светлината на овие уреди што може да го нарушат сонот.rn

4. Претворете ја темната соба во игралиште

rnrnrnВашето дете може да ја гледа темнината како нешто застрашувачко и опасно, но можете да го промените начинот на кој ја гледа својата соба и тоа што го чувствува кога е темно. На пример, можете да направите претстава со кукли во сенка, забава со белезици што светат во темнина или да носите кошули со отпечатоци што светат. Така, децата ќе научат да ја поврзуваат темнината со нешто што може да биде интересно и забавно.rn

5. Пробајте го овој трик од 10 секунди

rnrnrnПричината поради која вашето дете се плаши од темнината можеби не се заснова на страв од самата темнина, туку на преминот кон неа. Кога одеднаш ќе ја исклучите светлината, очите заслепуваат неколку секунди затоа што треба да се приспособат на темнината. Во тие неколку секунди, вашето дете може да почне да се чувствува исплашено.rnrnПостои трик со кој можете да се обидете да му помогнете на вашето дете полесно да се адаптира на темнината. Побарајте од него да ги затвори очите додека светлата се сè уште вклучени. Потоа исклучете ги, ставете ги рацете над очите на вашето дете и замолете го да брои до 10 заедно со вас. Откако ќе завршите, замолете го да ги отвори очите. Откако ќе го стори тоа, просторијата нема да изгледа толку темна како претходно, особено со ноќно светло.rnrnПрочитајте во кој месец се раѓаат најпаметните деца.

December 16, 2020
Најстрашниот краток хорор филм

Предупредување: Ако лесно се плашите, подобро не кликајте „Play“.rnrn„Lights Out“ е краток филм кој во помалку од 3 минути ќе успее да ве заплаши до коски. Се работи за жена која се подготвува за спиење, но токму кога ќе го изгасне светлото… Секако дека нема да ви кажеме што се случува.rnrnrnrnПочекајте да се стемни, пуштете глас, отворете на цел екран и уживајте во оваа куса доза адреналин. Но, да не речете дека не сте биле предупредени, филмот „Изгасени светла“ може да ве натера вие вечерва да спиете со запалени. :)rnrnrnrnФилмот е дело на Дејвид Ф. Сендберг, кој ја доби наградата за најдобар режисер на филмскиот предизвик „Who’s There“ во 2013.rnrnПогледнете како е изработена последната сцена.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 19, 2014
Романтичната Венеција во мрачно издание

„Dark Venice“ (Темната Венеција) е фотосерија од торонтскиот фотограф Алесандро Кансијан, преку која тој го претставува италијанскиот град Венеција во темно, мистично издание. Интригантните дневни пејзажи кои честопати ги гледаме од колоритниот романтичен град, сега се неочекувано прекриени со моќни сенки. Мрачната естетика ја прави воодушевувачката архитектура едвај видлива, терајќи нè да се загледаме подлабоко во фотографиите. Оваа фотосерија на ироничен начин го става фокусот на италијанската убавина, прекривајќи ја нејзината видливост. Убавата фотографска уметност на Алесандро е истовремено романтична и мрачна. Архитектурата на секоја слика, грациозно се најавува низ малкуте зраци светлина.
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 7, 2013
Кога ќе останете без струја…
Со дождовите и грмотевиците, сведоци сме дека домаќинствата често, по цели вечери остануваат без електрична енергија. Ретко сме подготвени за овие ситуации, па се нервираме и се прашуваме како сега без интернет, телевизија… Но, речиси сите имаме по дома батериски ламби, свеќи, а во некоја од фиоките ни се и старите подзаборавени игри. Имајќи го сето ова предвид, ви сугерираме неколку работи за следниот пат кога ќе останете без струја, а за кои ви се потребни:rn
- Батериски ламби
- Свеќи
- Кондоми
- Книги
- Пенкало, молив, хартија
- Топла вода
- Алкохол и грицки
- Шпил карти, табла, монопол…
- … И секако вашите електронски гаџети.
rnrnrn1. Една од опциите е да ги повикате пријателите или соседите и на светлината што ќе ја обезбедите од батериските ламби или свеќите, да изиграте по некоја партија бриџ, монопол, табла… (во зависност од она со што во моментот располагате)rnrn2. Ако батеријата на вашиот лаптоп е полна и веќе сте симнале или изнајмиле некое филмче, вистинско време е да го погледнете.rnrn3. Темницата можете да ја искористите и за да раскажувате страшни приказни или едноставно да уживате во долги разговори и евоцирање спомени со семејството или пријателите.rnrn4. Ваквата атмосфера е добра и за опуштање со добра чашка алкохол. Слободно опијте се, и онака не морате да одите никаде.rnrn5. И сексот е опција. Ако останете сами со партнерот, искористете ја приликата, запалете свеќи и уживајте еден во друг.rnrn6. Ако имате обезбедено доволно алтернативна светлина, прочитајте и некоја страница од книгата која веќе сте ја започнале или пак, започнете нова.rnrn7. Романтичарите можат да излезат на прошетка, независно дали надвор врне дожд (без грмотевици) или не. Во првиот случај, во глувото доба ќе можете да уживате во звукот на капките, а во вториот, во ѕвезденото небо. Понесете го и фотоапаратот и креирајте нови спомени. Можете да направите и некое крукче со автомобилот, под услов да бидете исклучително внимателни, бидејќи сообраќајната сигнализација во вакви услови може да не функционира во целост.rnrn8. Ако сте во можност, направете си топла купка и опуштете се под слабата светлина на свеќите, кои добро би било кога би биле миризливи. Искористете ги вашиот телефон, ајпод или лаптоп. Доколку им се полни батериите, пуштете си малку релаксирачка музика.rnrn9. Можеби тишината ќе ја разбуди и креативноста во вас, па ќе напишете или насликате нешто. Не мора да пишувате роман, но можете да се обидете да направите план и да го организирате месецот или барем претстојната недела. Ако имате уметнички склоности, не штедете ја хартијата.rnrn10. Ако не ви се прави ништо од ова, ве советуваме да си легнете и убаво да се изнаспиете. :)rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
October 28, 2012
Кафе-позадина за вашиот десктоп #71

rn

„Има само еден маж кој секогаш можам да го препознам во темница – оној со кафе во рака. Но, не е изгледот она што го открива.“

rn
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 9, 2012
10 најчести фобии

Фобијата претставува постојан, ирационален и интензивен страв од одредени ситуации, активности, предмети, животни или луѓе. Еве ја листата на најчестите фобии низ светот.rn

1. Фобија од стоматолог

rnНе само мали деца, туку и голем број возрасни се плашат од посета на забар. Некои не можат да ја поднесат болката, други миризбата, трети звукот од машините. Во САД нешто повеќе од 10% од возрасните не посетуваат стоматолог дури и при сериозни проблеми.rnrnrn

2. Фобија од кучиња

rnНе станува збор за страв од големи страшни кучења како на пример доберман или питбул, доволна е и малечка слатка пудлица. Овој страв најчесто се појавува кај некое лице кое било каснато од куче или пак присуствувало кога тоа му се случило на друг.rnrnrn

3. Фобија од летање

rnНекои се раѓаат со овој страв, други го стекнуваат поради страшни катастрофи кои се случиле од некој пад на авион. Верувале или не, оваа фобија ја имаат 25 милиони американци.rnrnrn

4. Фобија од грмотевици

rnЛуѓето кои ја имаат оваа фобија, при светнувањето се чувствуваат како да им запира срцето и се препотуваат. Универзитетот во Ајова, во 2006 година направил истражување кое потврдило дека дури 73% од студентите поседуваат извесен страв од грмотевици, но голем дел од нив се срамат да признаат.rnrnrn

5. Страв од темница

rnОвој страв се појавува кај најголемиот број деца, но кај некои продолжува многу подолго. Истражувањата покажале дека децата се плашат од темнината поради заплашувачките приказни кои ги слушале, па потсвесно мислат дека ќе се појават зли духови, крадци, киднапери или чудовишта.rnrnrn

6. Страв од височини

rnОва е една од најраспространетите фобии низ светот. Се проценува дека околу 5% од вкупното население на земјата ја поседува. Според анализите, луѓето кои ја имаат доколку се качат на висина од само 2 метри, им се причинува дека се на дупло повисоко.rnrnrn

7. Страв од друго лице

rnОваа фобија најчесто може да се примети по влегувањето во пубертет. Лицата кои ја имаат најчесто не можат слободно да разговараат со други лица, не ги изговараат убаво зборовите, се зацрвенуваат и потат, па дури и ги заболува стомак. Исто така, не можат да јадат и пијат на јавни места.rnrnrn

8. Страв од затворен простор

rnЛицата кои ја поседуваат најчесто ги фаќа паника кога се наоѓаат во простор од кој мислат дека тешко можат да излезат. Обично тие се плашат од ливтови, трговски центри, автомобили, авиони, тунели. На нив обично им се препорачува да не се возат во автомобил предолго.rn

rnrn

9. Страв од пајаци

rnОваа фобија е најмногу застапена кај женскиот пол. Истражувањата покажуваат дека бројот на жени кои се плашат од пајаци е за четири пати поголем во споредба со мажите. Ова е така бидејќи жените почесто ги сретнуваат по домовите чистејќи или подготвувајќи ја храната (без навреди кон женската популација).rn

rn

10. Страв од змии

rnОвој страв е дефинитивно најраспространет и тоа подеднакво кај двата пола. Нормално, страшниот изглед и фактот дека голем дел од нив се отровни и смртоносни си го прави своето. Дополнителен факт е што е споредувана со Сатаната и секогаш е спомнувана во лоша конотација, дури и во Библијата.rnrn

October 5, 2010