Tag: свет

Неверојатно: двегодишно момче ги знае сите држави во светот

Запознајте го малиот Британец кој е толку напреден за своите години, што докторите и детските психолози се счудоневидени од неговата невидена интелигенција.Своите први зборови Шервин Сараби ги изустил кога имал само десет месеци, а сега, кога има полни 2 години, знае да ги наброи сите главни органи на човечкото тело и нивните функции, може да прочита 500 различно зборови, ги знае сите држави во светот, а умее дури и да ги препознае нивните знамиња. Шервин користи дури и компјутер, за да ги гледа своите омилени програми, како и снимки на ЈуТјуб.rn

rn

„На почетокот мислевме дека тоа е нормално однесување. Еден ден посетивме доктори и тој започна со прстот да покажува на државите кои ги распознава изговорувајќи ги нивните имиња. Доктор беше вон себе и рече дека такво нешто никогаш досега нема видено. Го одведовме и кај двајца психолози кои исто така ја потврдија неговата неверојатна дарба. Тој обожава да учи. Неодамна ме разбуди во три часот наутро за да ми раскаже сѐ за тоа како Њутн ја открил гравитацијата. Не можеме да отидеме некаде со него без да нè прашува „Што“, „Што“, „Што“ во врска со работите кои се случуваат околу него. Навистина сме благословени што го имаме.“ – вели неговата мајка Аманда

rn

rnЗа само 18 месеци научи да брои и да ги распознава сите геометриски облици, а моментално го интересираат вулканите и кометите. Докторите нема да знаат колку точно е паметен, додека не наполни 3 години, кога ќе може да се тестира неговиот коефициент на интелигенција.
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 5, 2012
Најлудите забави во светот

Од журки на плажа до борби со домати, од родео до карневали, во светот постојано се случуваат луди забави. Ако сакате да доживеете незаборавни моменти, ова се најлудите забави во светот кои треба да ги посетите.rnrnrn

Фестивалот Холи во Индија

rnХоли е дводневен фестивал на бојата во Индија, кој се слави еднаш годишно, во март. Учесниците на овој фестивал фрлаат парфимиран обоен прав, боја и вода едни врз други, претворајќи се самите себе во шарени слики, размачкани од глава до пети во најразлични бои. Овој религиозен и традиционален настан ги претставува обновувањето и ослободувањето на „внатрешниот Пикасо“ во еден поинаков, хинду стил.rnrnrn

Карневалот во Рио де Жанеиро

rnНајдобро време да го посетите Рио де Жанеиро е за време на карневалот, кога можете да уживате во сензацијата од бои, пердуви и самба. Шест дена низ улиците на Рио парадираат костумираните учесници, движејќи се во ритамот на афро-бразилската музика. Освен во карневалот, не заборавајте да уживате и во песочните бразилски плажи и вкусните коктели.rnrnrn

Родеото во Калгари

rnОваа година беше одбележана 100-годишнината од најголемото родео во светот, родеото во Калгари кое се одржа од 6-ти до 15-ти јули. Секоја година родеото во Калгари привлекува повеќе од 1 милион посетители годишно, а вклучува паради, сценски настапи и натпревари во јавање бикови, влечење јаже, тркање околу буриња и слично. Продавниците се уредени во каубојски стил, а храната се состои од месо подготвено на скара и пиво.rnrnrn

Ла Томатина во Шпанија

rnЛа Томатина претставува борба со домати која се одржува во шпанскиот град Буњол. За време на овој настан, низ улиците течат реки од сок од 100 тони презреани црвени домати. Ла Томатина настанала во 1945 година и оттогаш борбата со домати се одржува секоја последна среда од месецот август. Овој настан е само еден од многуте фестивали и улични забави кои се случуваат во Шпанија.rnrnrn

Забавата на полна месечина во Тајланд

rnСекој месец, за време на полната месечина, туристи од целиот свет ја поминуваат ноќта забавувајќи се на плажата Haad Rin. Околу 20.000 патници си го наоѓаат своето место на плажата во форма на полумесечина, пијат евтин алкохол наточен во кофи и играат во ритамот на техно музиката. На оваа забава се препорачува да отидете боси затоа што големи се шансите да ги изгубите чевлите, посебно ако го консумирате локалното виски „Самсунг“.rnrnrn

Октоберфест во Германија

rnТанцувањето полка, препознатливиот германски колбас и пивските градини се синоним за 16-дневниот фестивал на пивото, Октоберфест. Како што кажува самото име, Октоберфест се одржува во октомври, во Минхен и привлекува околу 6 милиони луѓе годишно. Традицијата на Октоберфест е стара 200 години. Најголемиот фестивал на пивото опфаќа 14 шатори со пиво, саем на вртелешки, костумирани поворки и концерти под отворено небо.rnrnrn

Марди Грас во Њу Орлеанс

rnКога станува збор за најлудите забави, не може да се заобиколи Марди Грас кој се одржува во срцето на Францускиот кварт во Њу Орлеанс. Централната парада исполнета со многу алкохол се случува долж улицата Бурбон. Марди Грас всушност е прослава на јужната декаденција и трае цела недела. Главна карактеристика на Марди Грас е алкохолот кој вклучува многу пиво, виски и неонско зелен пијалак познат како „Рачна граната“.rnrnrn

Фестивалот „Огнен човек“ во Невада

rn„Огнен човек“ е визуелно спектакуларен фестивал на уметноста кој се одржува во пустината Невада. Секоја година овој еднонеделен фестивал привлекува луѓе од целиот свет кои доаѓаат тука за да ги прослават човештвото, уметноста, креативноста и музиката. „Огнениот човек“ опфаќа уметност направена од автомобили, огромни инсталации кои испуштаат оган, голи велосипедисти и духовно будење. Сето тоа на крај кулминира со согорувањето на еден масивен портрет.rnrnrn

Фестивалот Роскилде во Данска

rnФестивалот Роскилде е музички фестивал кој се одржува во Данска. Роскилде трае четири дена, а оваа година се одржа од 30-ти јуни до 4-ти јули. Се смета за еден од најголемите музички фестивали во Европа на кој настапиле Брус Спрингстин, Бјорк, Џек Вајт, бендовите Кјур, Рутс и многу други.rnrnrn

Конгресот на Дедо Мразовци, насекаде низ светот

rnКонгресот на Дедо Мразовци (SantaCon = Santa Claus Convention) е еднодневен настан на кој се собираат пијани Дедо Мразовци кои пеат валкани божиќни песни. Овој настан се случува во средината на декември, насекаде низ светот. Учесниците се луѓе кои се облекуваат како Дедо Мраз, се сретнуваат со своите „колеги“, одат по улиците ѕвонејќи со новогодишни ѕвончиња и пиејќи пиво, сè додека не пристигнат до барот за кој претходно се договориле, каде што ја продолжуваат журката.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 26, 2012
10 интересни држави за кои сигурно не сте чуле

Во светот постојат повеќе од 258 држави, па некои помали, колку и да сакаме, не можеме да ги запаметиме. Во оваа листа ќе ви прикажеме 10 прекрасни мали земји, претставувајќи некои интересни информации за нив.rn

Република Палау

rnРепублика Палау својата независност ја прогласила во 1994 година. Таа е една од најмалите островски држави во светот. Се наоѓа во Тихиот Океан, а во неа живеат околу 20.000 жители. Составена е од околу 200 мали островчиња. Островчињата првпат биле населени пред околу 3.000 години, а на старите мапи тие биле обележани како „The Black Islands“ (Црните острови). Островите низ годините биле под влијание на многу култури, бидејќи низ вековите често биле купувани и продавани од многу земји. Пред осамостојувањето, последни тука биле Британците.rnrnrn

Република Вануату

rnОваа малечка островска држава, лоцирана во јужниот дел од Тихиот Океан, има околу 243.000 жители, од кои 90% егзистираат од риболовство и морски животни. Има само еден мал дел од населението кое егзистира од земјоделство. Земјата е неразвиена поради нејзина ранливост од цунами и поплави, бидејќи поради овие фактори многупати била градена и рушена одново. Прекрасната природа, плажите и прекрасната вода, како и релаксираната и мирна атмосфера која владее во земјата, се адутите поради кои овде доаѓаат голем број туристи. Земјата ја прогласила својата независност од Британците во 80-тите години од минатиот век, после десетгодишното движење за осамостојување.rnrnrn

Комори

rnКомори е африкански остров кој се наоѓа на крајот на Мозамбичкиот Канал. На него живеат околу 800.000 луѓе. Островот почнал да се населува во 6-тиот век, а оттогаш бил под влијание на голем број култури, како на пример персиската култура, свахили културата, онаа од островот Мадагаскар, кој се наоѓа во непосредна близина и од многу други. Во некои исламски белешки пишува дека Бог фрлил скапоцен камен во околните води, кој придонел да еруптира вулкан од што се создал овој остров.rnrnrn

Република Науру

rnПред својата независност, овој остров бил освојуван од Британците, Германците и од Јапонците за време на Втората светска војна. Ова е една од најмалите држави во светот со популација од само 9.300 жители, кои живеат на површина од 21 квадратен километар. Порано главна индустрија на оваа островска земја било рударството на фосфати, но рудниците биле минирани во 80-тите години од минатиот век. Во поновата историја, овој остров пред кусо време беше тотално изолиран од светот. Имено, во 2006 година, авиокомпанијата која го опслужуваше островот комплетно се повлече, оставајќи го отсечен. Сепак, 2 години подоцна, летовите повторно беа воспоставени откако компанијата се врати со ново име.rnrnrn

Питкернски Острови

rnПиткернските Острови се група на четири вулкански оформени острови во Тихиот Океан. Само еден од овие четири острови е населен, а тоа е вториот по големина. Всушност станува збор за остров од 5 квадратни километри. На овие острови вкупно живеат 48 луѓе. Сите жители на овој остров потекнуваат од 4 фамилии, Браун, Јанг, Кристијан и Ворен. Питкернските острови не се суверена држава и се под надлежност на Обединетите Нации. Островите имаат прекрасна локација и многу мирни места за релаксација.rnrnrn

Нагорно-Карабах

rnОваа држава предизвикувала спор помеѓу Ерменија и Азербејџан бидејќи по нивното осамостојување од Руската империја, во почетокот на 20 век им припаѓала на двете земји. Земјата добила своја независност при распадот на СССР. Од 1991 до 1994 година државата предизвикала војна помеѓу Ерменија и Азербејџан за придобивање на оваа земја. Земјата е уредена со претседателски систем кој ја има извршната власт, но има и парламент од 33 члена. Во тие 33 члена се застапени 3 партии.rnrnrn

Маршалските Острови

rnОстровите биле пронајдени од страна на европски истражувачи, кои нашле остатоци од претходни цивилизации околу 1500-тата година. Шпанците биле први кои ги населиле островите во 1526 година. Интересен податок е тоа што САД на овие острови има тестирано нуклеарно оружје, со што островите претставуваат едно од најконтаминираните места во светот.rnrnrn

Тувалу

rnОваа островска држава се наоѓа помеѓу Австралија и Хаваите во Тихиот Океан. Групата острови ја сочинуваат 4 кои се создале од морски гребени и 5 корални острови. Тувалу е држава на која живеат околу 10.500 жители, што ја прави третата најмала суверена држава во светот. Од првиот век, па сè до 1974 година, островот се наоѓал под Британија. Во 1974 година локалното население изгласало за одделување и државата ја добила својата независност.rnrnrn

Гернзи

rnОваа островска нација, за разлика од останатите споменати, е позната, но она што ретко кој го знае е тоа што таа не е дел од Обединетото Кралство. На островот живеат околу 65.000 луѓе, а неговата вкупна територија изнесува 63 квадратни километри. На островот се наоѓаат две неолитски скулптури кои привлекуваат голем број туристи.rnrnrn

Токелау

rnДржавата Токелау се состои од три корални атоли. Официјалното име државата го добила во 1976 година, иако и денеска може да се сретне под називот „Сојузни острови“. Островите биле откриени од европска експедиција, но датумот на нивното откривање е непознат. Државата засега нема свое законодавство, па така во секое село владеат различни закони.rnrn

June 25, 2012

Најдебелите и најслабите нации во светот

Група на научници ја пресметале просечната тежина на еден жител на планетата земја, па така ја составиле и листата со најдебелите и листата со најслабите луѓе во светот.rnrnrnrnНивата процена тие ја направиле користејќи податоци за тежината и висината на жители од одредена земја, па така ја добиле просечната тежина на еден човек на планетата. На светско ниво, просечната телесна маса не еден возрасен човек изнесува 62 килограми.rn

rn 10 најдебели нации rn	rn 10 најслаби нации rn
1. САД	1. Северна Кореја
2. Кувајт	2. Камбоџа
3. Хрватска	3. Бурунди
4. Катар	4. Непал
5. Египет	5. Конго
6. Обединети Арапски Емирати	6. Бангладеш
7. Тринидад и Тобаго	7. Шри Ланка
8. Аргентина	8. Етиопија
9. Грција	9. Виетнам
10. Бахреин	10. Еритреј

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

June 21, 2012

Уф, колку е убав светот…

Ова е еден од оние кратки филмови кои со секој свој кадар се обидуваат да ви кажат дека светот е преубав. Филмот се вика „Света Земја“ (Terra Sacra) и претставува колаж од фотографиите на канадскиот фотограф Шон Вајт. Тој има работено за многу познати медиуми, како на пример „National Geographic Channel“, „Discovery Channel“, „History Television“, „BBC“, „Outside Magazine“ и многу други. Многубројните патувања биле дел од неговите ангажмани, па во текот на кариерата направил многу фотографии кои сега ги споил во овој прекрасен филм.Фотографиите се направени во последните шест години, од 2006 до 2012 година, во 24 земји на сите седум континенти. Во колажот има спектакуларни пејзажи од Австралија, Боливија, Антарктикот, островот Сокотра, Камбоџа и многу други, надополнети со некои од најубавите антички споменици. Пуштете на цел екран и уживајте!rn

rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 31, 2012
Водич низ светот за зависниците од кафе

Кафето е многу повеќе од напиток со млеко и шеќер. Од селата во Етиопија, каде за првпат започнало да се одгледува, до кафулињата низ цела Европа и улиците на Токио, кафето стана дел од сечие секојдневие и се прилагодува на секаква култура.rnrnrnrnНа многубројните обожаватели на кафето, кога патуваат не им е потребна карта на светот, толку колку што им е потребен водич за конзумирање кафе. Сите ние имаме свои ритуали и начини на конзумирање на кафето. Би биле изненадени на колку различни начини тоа се прави во светот. Сите кафе зависници, подгответе се, одиме на една мала турнеја!rn

Италија – Espresso (Еспресо)

rnОпис – Совршеното италијанско еспресо, на површината треба да има слој со боја на карамела, кој е доволно дебел да го задржи неколку секунди шеќерот пред да пропадне надолу.rnrnrnrnКако да го пиете – Еспресото во Италија се пие на една голтка. Колку и да изгледа невообичаено, луѓето го пијат стоејќи во кафе барот.rnrnКаде да го пиете – Експертите тврдат дека најдоброто еспресо во Италија може да го вкусите во Рим, во близина на Пантеонот, поради изворите од каде ова подрачје се снабдува со вода.rn

Австрија – Melange (Меланж)

rnОпис – Станува збор за популарното виенско кафе Меланж, кое е вид капучино со многу млечна или шлаг пена на површината.rnrnrnrnКако да го пиете – Со кафето задолжително побарајте чаша вода, и тоа од чешма. Не само што е безбедна за пиење, водата во Виена е добра и препорачлива.rnrnКаде да го пиете – Се разбира, каде ако не во Виена! Со кафето не прескокнувајте да порачате некоја од познатите виенски торти, како тортата Захер.rn

Етиопија – Buna (Буна)

rnОпис – Во родното место на кафето, нека не ве чуди фактот што жителите го конзумираат со сол и путер, наместо со млеко и шеќер.rnrnrnrnКако да го пиете – Ако сте поканети кај некого дома, покажете почит кон целата церемонија на подготвување на кафето. Напијте се макар три филџани кафе! Бројот три (наречен bereka) се смета за благослов.rnrnКаде да го пиете – Посетете некој од рестораните во главниот град на Етиопија, Адис Абеба, каде церемонијата за подготовка на кафе се одвива на отворено во сламени колиби.rn

Мексико – Café de Olla (Кафе Ди Ола)

rnОпис – Традиционално зачинето кафе, кое се служи во земјен сад, а се додаваат и стапчиња цимет.rnrnrnrnКако да го пиете – Доколку патот ве однесе во Мексико и сакате да си го порачате ова кафе, не додавајте шеќер пред да го пробате, и онака е доволно засладено.rnrnКаде да го пиете – Мексико Сити се смета за централно место на традиционалната мексиканска храна и пијалаци, па затоа оригиналното Кафе Ди Ола може да го вкусите токму овде. Најдобро би било да одберете место во периферијата на градот, каде би можеле да уживате во прекрасната глетка и вкусот на мексиканско кафе.rn

Саудиска Арабија – Kahwa (Кава)

rnВкусете го кафето на Бедуините. Ќе ве послужат и со слатки суви урми кои ќе ја засладат горчината на ова јако кафе. Заедно со кафето, порачајте си сок од роза или бадемово лиснато печиво.rnrnrn

Куба – Café Cubano

rnИталијанското еспресо добива посебен и уникатен вкус со додавање на кубански шеќер, што резултира со слатка кафеава пена на врвот, наречена espumita.rnrnrn

Индија – Kaapi

rnКафе-напитокот, кој оригинално доаѓа од Јужна Индија, се приготвува на висока температура, а на површината има дебел слој пена која се добива при процесот на ладење. Кафето се сервира со претурање од еден сад во друг неколку пати.rnrnrn

Индонезија – Kopi Luwak

rnОва традиционално индонезиско кафе е едно од најскапите во светот, ако не и најскапо. Она што е посебно е начинот на кој се произведува. Кафето Копи Лувак се собира од измет на азиското животно дива цибетка, кое јаде зрна кафе. Колку и да звучи необично, светската побарувачка за ова кафе сè повеќе расте, па дивата цибетка почна да се одгледува во кафези со цел да се покачи производството на ова кафе, чија цена достигнува и до 11 долари од филџан.rnrnrn

Малезија – Pak Kopi/Kopi Putih/Bai Ka-fe

rnУште е наречено бело кафе, се приготвува со печење на зрната кафе со маргарин.rnrnrn

Аргентина – Cortado

rnЕдна од најстарите култури за одгледување кафе е токму во Буенос Аирес, Аргентина. Ова нивно традиционално кафе се прави со додавање мала количина млеко во кафето еспресо.rnrnrn

Шпанија – Café Bombón

rnОваа слатка комбинација на еднаква количина кафе и млеко, потекнува од Валенсија и е позната насекаде низ светот.rnrnrn

Мароко – Café des Épices

rnВкусот на ова кафе варира во зависност од количината на додатоците, како: ѓумбир, црн пипер, сусам, ким, цимет и други, кои можат да се најдат на мароканските пазари.rnrnrn

Финска – Kaffeost

rnОсобено популарно кај локалното население, ова кафе се приготвува со млеко од крави или ирваси. Во чаша црно кафе се додаваат парчиња кајмак кои се вадат пред да почнете да го пиете кафето.rnrnrn

Ирска – Irish Coffee

rnТрадиционалното ирско кафе е нешто што мора да се проба. Направено е од топло кафе, шеќер и ирско виски, со многу шлаг на површината на чашата.rnrnrn

Америка – Frappuccino

rnСтарбакс е дефинитивно симбол за американската кафе-култура, а овој вид милкшејк кафе е еден од најпродаваните низ цела Америка.rnrnrn

Холандија – Bakkie Troost

rnБуквално преведено, неговото име значи „чаша удобност“, може да го најдете под името kaffe, а се служи со колачиња. Доколку сакате млеко, ќе треба да порачате „koffie verkeerd“ или „coffee wrong“.rnrnrn

Полска – Kawa Parzona

rnИсто познато под името „kawa naturalna“, ова традиционално полско кафе се прави со ставање на кафето во врела вода, без употреба на филтер.rnrnrn

Хонг Конг – Yuanyang

rnОвој пијалак е мешавина од кафе и чај. Направено од повеќе видови млеко и чај, може да се служи и топло и ладно. Ова кафе е симбол за тоа како две некомпатибилни состојки можат да се измешаат и да се добие прекрасен вкус.rnrnrnrnКако што можеме да заклучиме, кафето е вистинска магија, разни вкусови, мешавини и додатоци симболизираат различни традиции ширум целиот свет. Затоа каде и да одите не заборавајте да пробате традиционално кафе и да го збогатите вашето животно искуство за уште една шолја.

May 23, 2012
Специфичниот див свет на Африка

Африка како континент има најразновиден животински свет кој вклучува големи месојадни животни (лавови, хиени и гепарди) и тревопасни животни (бизони, елени, слонови, камили и жирафи) кои живеат слободно во рамните предели. Таа е исто така дом на многу животни кои живеат во џунглите, вклучувајќи змии, примати и водни животни, како на пример крокодили и водоземци. Направете кратка прошетка низ животинскиот свет на Африка.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 21, 2012
Најскапите начини да се искуси светот

Кога патуваат, повеќето луѓе се трудат со што е можно помалку пари да видат и да се забавуваат што е можно повеќе. Ако припаѓате на ова огромно мнозинство, потрудете се по секоја цена да ги избегнете следните убави, но прескапи задоволства.rn
rn

Хотели

rnНајскапата хотелска соба во светот е дел од хотелот „Президент Вилсон“ во Женева. Нуди панорамски поглед кон Женевското Езеро од едната и Мон Блан од другата страна. Вратите и прозорците се отпорни на куршуми, во една од дванаесетте соби е сместено едно пијано, друга служи како соба за билијард, трета како библиотека, а има и фитнес центар. Сето тоа чини 65.000 американски долари за една вечер.rn

Тура со авион

rn„Smithsonian Journeys“ ја нуди најскапата приватна тура со авион. Наречена е „Културните и легендарни богатства на далечните земји ширум светот“, а ги опфаќа Јапонија, Папуа Нова Гвинеја, Индонезија, Виетнам, Бутан, Руанда и Јордан. При тоа туристите престојуваат во скапи хотели, а водичите доаѓаат од „National Geographic“ и неколку познати музеи. Ова 23-дневно патување чини 71.000 долари.rn
rn

Крстарење

rnЦената на 124-дневно крстарење со луксузниот брод „Silversea Silver Whisper“ е неверојатни 1,5 милиони долари. За 12.000 долари на ден се добива префрлање до бродот од дома со хеликоптер, мермерни купатила, многу кавијар и егзотична глетка од вкупно 28 земји.rn

Храна

rnНајскапата храна во светот може да се најде главно во САД. Омлет од 1.000 долари има во Њујоршкиот хотел „Ле Паркер Меридиен“, најскапиот кавијар чини 48.750 долари, а една пица во „Nino’s Bellissima“ во Њујорк може да се купи за 1.000 долари. Верувале или не, една порција макарони со сирење во ресторанот „Мелис“ во Калифорнија чини дури 95 долари, додека во Конектикат се продаваат најскапите чоколатца – нешто повеќе од еден килограм чини 2.600 долари.rn
rn

Оброк во ресторан

rnНа менито на ресторанот „Арагава“ во Токио може да се најде само месо, но и покрај тоа е најскап ресторан во светот со просечна цена на оброкот од 217 долари. Тоа што нивното месо го прави посебно е фактот што се добива исклучиво од крави од видот Вагиу, коишто секој ден добиваат масажа, се хранат директно од раката на одгледувачите и пијат саке, само за да го дадат најсочниот бифтек што може да се замисли.rn

Разни атракции

rnЦената на влезот во музејот „Бирле“ во Цирих е 25 швајцарски франци, за посета на забавниот парк на филмското студио „Јуниверзал“ во Орландо мора да издвоите 85 долари, а следење во живо на натпревар помеѓу Реал Мадрид и Барселона чини повеќе од 250 евра.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 4, 2012
Моќта на фотографијата во животинскиот свет

Фотографијата е многу моќен медиум и навистина тежок занает. Одличните фотографии не ги прикажуваат само работите, туку тие раскажуваат приказни, будат чувства и ја доловуваат емоцијата која ја имал фотографот кога го притиснал копчето на апаратот. Овие фотографии со прекрасни животни се навистина импресивни, а голем дел од нив прикажуваат неверојатни моменти.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

May 1, 2012
Книга: „Тајниот свет од соништата на една купохоличарка“ – Софи Кинсела
Постојат многу зависности, некои се зависни од алкохол, други од работа, но има и такви кои се зависни од шопинг. Доколку имате симптоми на купохолик, не грижете се, не сте единствени.rnrnОваа книга ќе ви го ублажи чувството на грижа при купување, дури и ќе ве научи, сè она што ќе го купите да го гледате како добра инвестиција. Можеби ова не е секогаш правилен пристап кон работите, но со сигурност олеснува кога ќе разберете дека не сте единствените со ваков „проблем“. rnrn„Тајниот свет од соништата на една купохоличарка“ е една од петте книги од серијата „Купохоличарка“ на Софи Кинсела. Оваа извонредна новелистка со англиско потекло, чие вистинско име е Маделин Викам, го користи псевдонимот Софи Кинсела за своите авторски дела. Препознатлива е по пишувањето примамливи и интересни романтични комедии, во кои многу од девојките би се пронашле.rnrnОна што особено ми се допаѓа, е тоа што е оригинална во своето пишување, но пред сè природна. Во нејзините книги нема да сретнете „вештачки“ филмски настани, туку случки кои се реални и можат да му се случат секому.rnrnГлавниот лик во книгата е Ребека Блумвуд, со прекар Беки. Како што самата писателка вели:rn
rn

„Таа е финансиски новинар. Нејзината работа е да ги советува луѓето како да управуваат со своите пари. Таа го поминува своето слободно време… во купување.“

rnКнигата е поделена на поглавја, а речиси секое поглавје започнува со некое од писмата кои се адресирани до Беки. Секако, тоа се писма кои пристигнуваат поради нејзините долгови. Таа е во своите дваесетти години и „плива“ во долгови поради неконтролираното користење на кредитните картички. Но тоа ù е во крвта, не може да се воздржи кога ќе здогледа примамливи излози, модерни потпетици или добро парче облека.rn
rn

rn

„Има некаква возбуда во влегувањето во продавница, каква било продавница, возбуда која не можеш да ја победиш.“

rn

rnБеки работи во списанието „Успешни заштеди“, но воопшто не е инспирирана од својата работа. Тоа работно место не ù годи и не ја исполнува. Своите текстови ги составува препишувајќи од разни финансиски брошури, без никаква заинтересираност и посветеност на работата. Целата иронија е тоа што многумина ги читаат нејзините текстови за финансиски заштеди, некои дури ја прашуваат за совет, а ни самата не може да се извади од своите долгови и да ги скрати трошоците.За секое трошење наоѓа причина, кога работите ќе ù тргнат наопаку се спасува со купување. Кога и да почне да ја гризе совеста бидејќи потрошила многу пари, веднаш наоѓа изговор како тоа што го купила може да стане добра инвестиција.rn
rn

„Всушност, мислам дека шопингот треба да биде наведен во листата на кардиоваскуларни активности. Моето срце никогаш не чука толку брзо како кога ќе здогледам знак НАМАЛЕНО ЗА 50%.“

rn Софи има таква дарба, што не секој писател ја поседува – се става во улога на главниот лик и раскажува во прво лице, знае толку добро да илустрира одредена случка и навистина да ве насмее, исто како да го гледате настанот пред своите очи. Она што е урнебесно смешно е обидот на Беки да добие работа на висока позиција во банка. Иако нема апсолутно никакво познавање за таа позиција, одлучна е да оди до крај, па се наоѓа во ситуација да мора да зборува на фински, јазик кој не го познава добро, или да речеме не го познава воопшто.rnrnНајголемите соништа ù се некој по грешка да го исплати нејзиниот долг во банка или да добие на лото. Таа дури ќе купи купон за лотарија и толку се внесува во овој сон, што веќе почнува да планира каде ќе ги потроши парите. Се разбира, нема толкава среќа, па мора да се освести и да се врати назад во реалноста. Пробува да се извади од незгодната ситуација со штедење пари, но баш напротив, излегува дека троши премногу. Потоа пробува со тактиката заработување повеќе пари, но и тука среќата нема да ù се насмее.Доколку барем малку се пронајдовте во улогата на Ребека, со сигурност треба да ја прочитате книгата. Ви гарантирам дека не би останале рамнодушни на смешните случки во кои се наоѓа главниот лик. Ќе ве опседне со својата оригиналност и многу често ќе се поставите во нејзина кожа. Доколку не преферирате читање книги, би ви препорачала да го гледате филмот „Исповеди на купохолик“ базиран на оваа серија книги од Софи Кинсела.rnrnОстанатите книги од оваа серија се:rn
- „Купохоличарка во странство“
- „Купохоличарка се мажи“
- „Купохоличарката и нејзината сестра“
- „Купохоличарката и бебето“
rnПозитивната страна е тоа што петте дела не се строго поврзани, па може секој дел да го читате независно, без да ги имате прочитано претходните. Но сепак, би ви препорачала да ги читате по ред. Доколку баравте начин да го пополните своето слободно време, еве ви одлична опција.rnrnСте прочитале некоја од книгите на Софи Кинсела? Споделете го тоа што најмногу ви се допаднало.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
April 23, 2012