КАФЕ ПАУЗА

Tag: поттик

Кажувајте им го ова на вашите деца и ќе посеете семе на среќни луѓе
Родителите, многу често, сакајќи да создадат квалитетни и паметни луѓе од своите деца, мислат дека кон нив треба да се поставуваат строго и да им даваат „наредби“. Но, детето од своите родители, пред сè, треба да добива мотивирачки и охрабрувачки однос, кој ќе ги поведе по вистинскиот пат. Детето мора да види дека вие навистина го забележувате неговиот труд, а не само неговите грешки и недостатоци. Не е доволно само понекогаш да го пофалите дека е добро, паметно дете. Доколку користите само 2, 3 израза премногу често, вашето дете тоа може да го сфати како автоматско повторување, без трошка искреност во нив.rnrnrnrnПокрај тоа, со вакви едноставни примери, вие не го поттикнувате доброто однесување, туку само ги повторувате вообичаените позитивни атрибути на детето. Треба да користите мотивациски реченици кои се насочени конкретно на она што го направило детето, а не на тоа кој го направил тоа. На тој начин ќе му овозможите на вашето дете повеќе да ги почитува трудот, подобрувањето, соработката со другите, истрајноста.rnrnПоттикнувачките реченици можат да бидат многу едноставни како на пример: „Ти благодарам на помошта!“ или „Навистина си се потрудил/а!“, а можат да бидат и некои од следните:rn
- Можеш да бидеш горд/а на себе!
- Погледни како си се усовршил/а во тоа!
- Тоа е резултат на твојот труд!
- Навистина си се потрудил/а собата да ти биде уредна!
- Се чини дека навистина уживаш кога го учиш тој предмет!
- Ти благодарам што ми помогна да ја поставам масата, сега изгледа многу подобро.
- Забележав дека беше многу трпелив/а кон брат ти. Ти благодарам.
- Што мислиш ти за тоа?
- Се исплатеше твојот труд!
- Ова е тешка задача, но ќе успееш да ја решиш! Обиди се повторно.
- Погледни колку далеку стигна!
- Имам доверба во твојата одлука.
- Сакам да бидам со тебе!
- Добро се сети!
- Гледам дека навистина ти значи тоа!
- Ти благодарам за идејата која ми ја даде!
- Тоа го правиш со толкава леснотија!
- Гледам дека си потрошил/а многу време размислувајќи за…
- Чувствувам дека сме вистински тим кога работиме вака заедно.
rnrnrnСекако, ништо од ова нема да има смисла, ако тоа што го говорите не го мислите вистински. Зависно од возраста на детето и од неговите способности, овие мотивациски изрази лесно можат да се менуваат. Не пропуштајте да го забележите сјајот во неговите очи по добро завршената работа и вашата позитивна забелешка. На сите повремено ни треба поттик за да се чувствуваме подобро и повредно. Затоа, не штедете се во користењето на овие реченици за вашето дете, затоа што резултатите што ќе се изродат од таквата комуникација ќе ве направат неверојатно горди родители.
July 22, 2016
Од неуспех кон победа: Мисли кои секојдневно треба да ги повторуваме

Луѓето често се наоѓаат во ситуации кои им го тестираат трпението. Многубројните пречки во животот ни ја одземаат силата која ја користиме кога се соочуваме со новите предизвици и спокојот кој ни е потребен во тешките моменти. Затоа, потребно е да се обидеме да ја држиме нашата психичка состојба во рамнотежа и успешно да ја заштитиме физичката. Во продолжение прочитајте ги овие инспиративни реченици по кои треба да се водите кога сметате дека не можете да најдете излез од неволјите и проблемите со кои се соочувате во вашето секојдневие.rnrnrnrn1. Нема да се грижам за тоа што може да биде и би требало да биде. Наместо тоа, ќе барам сила и можност во тоа што се случува токму сега.rnrn2. Морам да прифатам сѐ што ми се случува и единствената важна работа е да го прифатам тоа најдобро што можам.rnrn3. Никогаш нема да бидам толку добар/добра како што сите ми велат кога победувам, ниту пак некогаш ќе бидам толку лош/а како што мислам дека сум кога губам.rnrn4. Помалку ќе мислам на решавањето на своите проблеми, а повеќе на обликувањето на својот начин на размислување. Ќе останам позитивен/позитивна.rnrn5. Иднината можеби ќе се разликува од сегашноста, а јас – токму сега имам моќ да ја обликувам.rnrn6. Да се биде во предност е од есенцијална важност, но никогаш нема да бидам во предност пред никого (вклучувајќи се и себе) додека сакам да им се одмаздам.rnrn7. Ќе се хранам со љубовта. Ќе се спријателам со љубовта. Ќе зборувам со љубовта. Ќе живеам со љубовта. Денес.rnrn8. Знам дека храброста значи да станам и гласно да го кажам своето мислење. Но, знам дека таа понекогаш значи и да седнам, да молчам и да слушам.rnrn9. Нема да очајувам во оние моменти кога ќе бидам одбиен/а за нешто добро, бидејќи знам дека така само добивам нова насока кон нешто подобро.rnrn10. Ако животот не ме предизвикува, тогаш тој не ме ни променува.rnrn11. Нема да го чекам совршениот момент, туку ќе се обидам да го направам секој момент совршен.rnrn12. Јас верувам во себе и знам дека само еднаш се живее. Но, ако живеам онака како што сакам, тогаш и еднаш е доволно.

April 7, 2016
10 цитати кои ќе ја зајакнат вашата мотивација

Во оние моменти кога се чувствувате слабо и немоќно и кога мислите дека повеќе нема надеж, сетете се дека не можете да се искачите на врвот ако претходно не го допрете дното. Кога ви фали мотивација и инспирација, прочитајте ги овие цитати кои ќе ве поттикнат да продолжите понатаму со животот и да не престанете да верувате во успехот.rnrnrn

„Кога некој ќе ви рече ‘Не можеш’, тој всушност мисли ‘Јас не можам’.“ – Шон Стефансон

rn

„Постои мала разлика помеѓу луѓето, но таа мала разлика прави голема разлика. Малата разлика е во ставот. Големата разлика е во тоа дали тој е позитивен или негативен.“ – Клемент Стоун

rn

„Што и да сакате да направите, направете го одма. Преостануваат уште толку малку утра.“ – Мајкл Ландон

rn

„Среќата, како и несреќата, е работа на проактивниот избор.“ – Стефан Кови

rn

„Мора да донесете одлука дека ќе продолжите понатаму. Тоа нема да се случи автоматски. Морате да станете и да речете: ‘Не ми е грижа колку е ова тешко, не ми е грижа колку сум разочаран, нема да дозволам тоа да го украде најдоброто од мене. Продолжувам со својот живот.’“ – Џоел Остин

rn

„Кога нареден пат ќе се чувствувате лошо поради тешкотиите во својот живот, сетете се дека без притисок нема ни дијаманти. Притисокот е дел од успехот.“ – Ерик Томас

rn

„Кога веќе не можеме да ја промениме ситуацијата, предизвикани сме да се промениме себеси.“ – Виктор Франкл

rn

„Среќата често поминува низ вратата за која сте заборавиле дека сте ја оставиле отворена.“ – Џон Баримор

rn

„Најдобриот начин да се стекне самодоверба е да го правите она од кое се плашите.“ – Непознат автор

rn

„Бидете меки. Не дозволувајте светот да ве отврдни. Не дозволувајте болката да ве натера да мразите. Не дозволувајте горчината да ви ја украде сласта. Бидете горди на тоа што и понатаму верувате дека светот е прекрасно место, дури и кога остатокот не се сложува со вас.“ – Курт Вонегурт

March 6, 2016
Како да се мотивирате себеси?
Во многу моменти од животот, потребна ни е поддршка и поттик за да останеме мотивирани и да се справуваме со предизвиците. Секој си има своја замисла и цел за успех и просперитет, но за исполнување на соништата, на секого му е потребна мотивација и упорност.rnrnrnrnСепак, во сите моменти од животот не можеме да очекуваме поддршка од луѓето кои најмногу ни значат, па така треба да најдеме начини како самите да се мотивираме и да си го подигнеме моралот. Еве неколку совети, кои можете да ги примените:rnrn

1. Приклучете се кон некое здружение со исти цели како вашите

rnrnИако ви се чини дека сте сами на светот обидувајќи се да постигнете нешто, сепак има милиони луѓе кои со сигурност целат кон истото. Па така, доколку целта ви е да ја намалите телесната тежина, најубаво би било да се приклучите кон некој фитнес клуб. Тренерите и луѓето кои ќе ве опкружуваат во таквата средина, ќе ви овозможат да се чувствувате сигурно, а нивото на вашата самодоверба и верба во успехот, сигурно ќе се зголемат.rnrn

2. Организирајте го времето

rnrnrnКолку и да не се чувствувате како некоја организирана личност, со оваа метода ќе можете многу брзо да се адаптирате на работите кои треба да ги сторите. Кога целите кон исполнување на вашите приоритети, многу лесно може да се случи да се дезорганизирате, па така подобро би ви било да се посветувате на добро организирање на вашето време.rn
- Запишувајте ги вашите дневни обврски во нотес
- Поставете основни правила и строго придржувајте им се (пример: нема гледање телевизија додека не ги измијам садовите)
- Определете временски периоди за поголемите обврски (пример: учење за испити од 12 часот напладне до 20 часот навечер)
- На крајот на денот запишувајте ги работите кои сте ги исполниле и следете го вашиот напредок.
rn

3. Поставете си пократки цели

rnrnrnКога целите кон нешто, не се оптоварувајте со конечниот резултат. Секогаш пред себе поставувајте ги работите чекор по чекор, и погрижете се да ги исполнувате. Ќе ве мотивира напредокот, гледајќи се себеси како си ги остварувате замислите.rnrn

4. Прославувајте ги и малите успеси

rnrnrnrnСекој чекор напред е голем успех, затоа вреди да се прослави. Па така, пофалете се на пријателите, купете си нешто за себе како награда или пак излезете на некоја полуксузна вечера. Не е важен начинот на прославата, важно е да си покажете дека напредувате и да се чувствувате добро поради тоа.
September 20, 2010