КАФЕ ПАУЗА

Tag: положба на телото

9 штетни положби на телото за кои веројатно не сте свесни и како да ги избегнете нивните несакани ефекти

Кога нешто не е во ред, вашето тело ќе најде начин да ве извести за тоа. Ви испраќа знаци или, со други зборови, симптоми за да преземете нешто во врска со тоа. Првиот чекор што треба да го направите е да ги лоцирате и да ги третирате областите каде што чувствувате непријатност. Тогаш, од суштинско значење е да се обидете да спречите одредени движења или практики што ја предизвикале таа болка. Во продолжение прочитајте кои работи што ги правите секој ден може да ви предизвикаат болка.rn

1. Лошо држење на телото пред вашиот лаптоп кога работите

rnrnrnКога поминувате многу време седејќи со свиткан грб, може да развиете болка во долниот дел на грбот и болка околу централното подрачје на грбот. Покрај тоа, многу е вообичаено да чувствувате непријатност во вратот или во горниот дел од рамената бидејќи вратот треба да се справи со долготрајната напнатост кога гледате во екранот со часови.rnrnПравилен начин на седење: Опуштете ги рамената, а лактите потпрете ги на телото. Со грбот потпрете се на задниот дел од столот. Исто така, направете агол од 90 до 100 степени на колковите и на колената. Не треба да ги свиткате нозете во висина на колковите или да ви висат во воздухот. Можете да го поставите горниот дел од екранот на лаптопот на дофат на хоризонталната линија на видот, така што вратот нема да вложува толку многу напор.rn

2. Кревање предмети од земја со наведнат грб

rnrnrnКога станува збор за кревање тежина, голема е веројатноста дека не го правите тоа правилно. Помислете кога треба да земете кутија од подот. Секако, првото нешто што треба да се земе предвид е дали имате доволно сила да кренете одредена количина тежина. Правењето погрешно движење или преценувањето на вашиот капацитет за подигнување тежок предмет може да доведе до сериозни повреди на грбот. Но, покрај тоа, еден од најважните фактори што треба да се разгледа е свиткувањето на грбот или на половината кога вршите толку тежок напор.rnrnПравилен начин да кренете некој предмет: Раширете ги нозете и свиткајте ги колената. Затегнете го стомакот додека го кревате предметот и држете го колку што е можно поблиску до вашето тело и користете ги мускулите на колковите и на колената. Грбот треба да ви биде исправен постојано и да не го виткате ‘рбетот напред.rn

3. Спиење со лицето надолу

rnrnrnСпиењето е една од најважните работи што ги правите и тоа е единствената активности што телото ја користи за да закрепне и да се подготви да ги извршува многуте функции што ги барате од него секој ден. Многу луѓе обожаваат да спијат со лицето надолу, но оваа позиција може да доведе до здравствени проблеми. Додека лежите со лицето надолу, вратот и вилицата се во неприродна положба. На крајот на краиштата, ова може да доведе до оштетување на мускулите, болка во вратот, па дури и тортиколис.rnrnПрепораки: За да се ослободите од оваа лоша навика, можете да лежите со лицето надолу додека не заспиете. Потоа, можете да ја смените положбата и да лежите со лицето нагоре или настрана. За да не се разбудите повторно на истиот начин, можете да поставите перница покрај вас и да ја гушкате во текот на ноќта за да избегнете враќање на какво било неправилно држење на телото додека спиете.rn

4. Носење на ранецот само на едното рамо

rnrnrnКога носите ранец или чанта само на едното рамо, вашето тело има тенденција да ја балансира таа тежина со другата страна на телото. Тоа може да предизвика контрактури и болка во вратот, особено ако тежината што ја носите е голема или ако не ја менувате тежината на другото рамо одвреме-навреме. Проблемите можат да се влошат ако немате активен начин на живот бидејќи вашето тело не може да издржи преоптоварување поради недостаток на отпор во мускулите.rnrnПравилен начин за носење тежина: Дајте му приоритет на она што сакате да го носите во ранецот и префрлете го товарот од едното рамо на другото за да го избалансирате влијанието на тежината врз вашето тело. Ако носите ранец, треба да ги ставите најтешките работи на дното, а најлесните работи на врвот за да не го оштетите вратот.rn

5. Се движите додека гледате надолу во телефонот

rnrnrnДенес, повеќето луѓе шетаат гледајќи ги својот телефон. Но, кога гледате како некој друг го прави тоа, можете да видите дека грбот и вратот страдаат поради тоа. За да постигнете правилно држење на телото, вашиот ‘рбет треба да биде во оптимална положба. Во спротивно, веројатно ќе се исцрпи и ќе ги изгубите рамнотежата и правилниот начин на движење на зглобовите. Освен тоа, може да се повредите или да почувствувате болка во мускулите.rnrnПравилен начин за одржување добро држење на телото: Правете вежби кои ги зајакнуваат мускулите на грбот, карлицата и стомакот. Исто така, одржувањето здрава телесна тежина е клучно за да се избегнат проблемите со грбот. Обидете се да избегнувате многу високи и непријатни потпетици и проверете дали работите што најчесто ги гледате или ги користите се на соодветна висина.rn

6. Возење со лактот надвор од прозорецот или со седиштето премногу назад

rnrnrnПовторувањето на одредено движење со текот на времето, особено она што вклучува повторувачки движења кои вршат притисок на тетивите, може да резултира со повреда. На пример, кога возите и ја потпирате раката надвор од прозорецот на автомобилот или ако седите премногу назад, го присилувате лактот или рамото да бидат во неприродна положба, што може да доведе до развој на тендинитис.rnrnПрепорака: Намалете ги сите активности што може да предизвикаат болка во зглобовите. Ако тоа не е можно, обидете се да ги релаксирате зглобовите комбинирајќи ја оваа активност со полесни вежби, како што се возење велосипед или пливање. Се разбира, не заборавајте да се истегнете по секоја активност. Се подразбира дека треба да обрнете внимание и да го исправите секое погрешно држење на телото што го имате при возење или извршување други задачи што вклучуваат користење на зглобовите.rn

7. Седнување со паричникот во задниот џеб на панталоните

rnrnrnКога не седите во правилна положба, првиот дел од вашето тело што може да претрпи последици е ишијасниот нерв. Тоа е нервот што ги поврзува вашите нозе со ‘рбетот. Понекогаш, овој вид штета се нанесува при извршување на секојдневните активности и вие не сте ни свесни што се случува. Класичен пример за тоа би било да седите на стол со паричник во задниот џеб. Оваа навика, покрај тоа што е непријатна, може да доведе до силна болка во ишијансиот нерв, кој го поврзува ‘рбетниот мозок со надворешниот бут. Ако не го смените начинот на седење со текот на време, оваа состојба може да стане трајна.rnrnПрепорака: Седете правилно, со празни џебови и со нозете на земја. Не ставајте ги нозете под задникот.rn

8. Седење со прекрстени нозе подолг временски период

rnrnrnКолку и да изгледа пријатно, прекрстувањето на нозете подолг временски период е една од главните причини што може да доведат до проширени вени. Исто така, прекрстувањето на нозете може да ве направи повеќе склони кон развој на згрутчување на крвта.rnrnПрепорака: Постојано држете ги нозете паралелно. Вашите нозе секогаш треба да имаат некаква поткрепа, без разлика дали е тоа подот или некој друг предмет. Грбот секогаш треба да биде исправен.rn

9. Чистење стакло и други површини

rnrnrnКога ги чистите прозорците, може да ги изморите зглобовите. Ова може да придонесе за развој на повреда од постојан притисок. Тоа значи дека можеби нема да можете да ја движите раката или зглобот ако се појават компликации.rnrnПрепорака: Развијте силни коски со соодветен внес на калциум и избегнувајте да паѓате колку што е можно повеќе. Исто така, кога правите повторувачки движења, правете паузи почесто.rnrnПрочитајте кои се придобивките од 4-те положби на спиење во однос на страните на светот.

January 18, 2021
Киропрактичарите предупредуваат: Немојте да спиете на вашата десна страна!

Проблемите со спиењето стануваат сѐ почести помеѓу луѓето. Ако не спиете добро, ќе се изложите на ризик од депресија, висок крвен притисок, зголемен стрес и вишок килограми. Експертите препорачуваат да спиеме 7-8 часа, но постојат и други фактори што треба да се земат предвид. Не е важно само колку време поминувате во кревет. Многу е важен и квалитетот на сонот.rnrnrnrnЕден од најважните фактори што придонесува за квалитетот на сонот е положбата на телото. Киропрактичарот Џон Дуилард советува дека квалитетот на вашиот сон значително ќе се подобри ако спиете на вашата лева страна. Тоа ќе ви помогне да си го подобрите здравјето и ќе го продолжи вашиот животен век. Постојат неколку причини зошто треба да спиете на вашата лева страна.rn

1. Ослободување од киселините

rnАко имате чувствителен стомак и редовно имате киселини, треба да се обидете да спиете на вашата лева страна. Според експертите, тоа може да ви помогне да ги ублажите киселините.rn

2. Подобрено здравје на срцето

rnСпиењето на левата страна ќе ја подобри работата на вашето срце додека спиете.rn

3. Подобрена функција на лимфниот систем

rnДали сте чуле за лимфно одводнување? Левата страна од телото е всушност вашата лимфна страна, така што спиењето на неа ќе ви помогне поефективно да ги отстраните вишокот вода, токсините и лимфната течност.rn

4. Намалено ’рчење

rnМногу луѓе имаат проблем со ’рчењето и тоа може да влијае на здравјето. Не само што го нарушува сонот на партнерот, туку и може да се одрази негативно на срцето на човекот кој ’рчи. Спиењето на левата страна им помага на луѓето кои страдаат од ноќна апнеа.rnrnПрочитајте и ги следниве 8 совети за подобар сон.

January 27, 2018
2 трика со чија помош ќе изгледате послабо и поженствено во фустан

Скоро секоја жена има нешто што би сакала да го промени на себе, а најголемите проблеми се кријат зад вишокот килограми. Но, секогаш постојат начини на кои можете да изгледате поелегантно и поубаво, притоа подигнувајќи ја вашата самодоверба.rnrnrnrnПоложбата и држењето на телото во секунда може да направи да изгледате поелегантно и поженствено. Исто како и вашиот став. Не станува збор за инстант рецепти за слабеење, туку за мали промени со огромно значење кои можат визуелно да го трансформираат вашето тело. Па, доколку планирате наскоро да го облечете вашиот омилен фустан за некоја елегантна прилика, придржувајте се до следниве правила кои доколку ви станат навика, можат да бидат од клучно значење за вас.rn

1. Виснати гради

rnЗа градите кои веќе не стојат како некогаш, најдоброто решение е соодветниот градник. Исто така, држењето, односно положбата на телото може да допринесе многу за визуелниот пуш-ап ефект. Виснатите гради дополнително се нагласуваат со спуштените рамена кон напред, правејќи ве да изгледате и подгрбавено.rnrnРешение: Секо пат кога сте во можност исправете го ‘рбетот, спуштете ги рамената и турнете ги кон назад, издолжете го вратот и подигнете ја брадата. Задржете ја оваа положба што подолго можете, а потоа опуштете се и повторете.rn

2. Нагласен стомак

rnМасното ткиво на стомакот не може да исчезне преку ноќ, но со соодветно избраната долна облека за обликување на телото може лесно да се камуфлира. Исто така имајте на ум дека и во овој случај положбата и држењето на телото можат многу да ви помогнат. Причината за нагласениот стомак кај жените кои немаат проблеми со вишок килограми лежи во позицијата на колковите и карлицата кои се исфрлени кон напред. Со цел да се справите со овој вид деформација, потребно е да издвоите малку време за едноставна вежба.rnrnРешение: Клекнете на едно колено, а другата нога потпрете ја на стапалото, како да застанувате во положба за запросување. Исправете го грбот и започнете да ја туркате карлицата кон напред колку што можете повеќе. Задржете ја положбата 30-тина секунди и потоа опуштете се. Повторете ја постапката неколку пати со двете нозе.rnrnИнстант решението се крие во вашиот задник. Секој пат кога стоите исправено, израмнете ги рамената и ‘рбетот и туркајте го задникот кон напред. Можеби ќе се чувствувате необично, но вашиот стомак веднаш ќе почне да изгледа порамно, а вие поженствено.

July 10, 2015
12 положби за фотографирање благодарение на кои вашите нозе ќе изгледаат многу послабо

Сте се запрашале ли некогаш како одредени славни ѕвезди секогаш изгледаат витки на фотографиите иако реално знаете дека тие не се толку слаби? Постојат неколку трикови со кои секоја од вас може да создаде илузија дека имате послаби нозе на фотографиите. Погледнете како да го сторите тоа…rn

1. Невидлива затегната жица

rnrnrnКако да ја направите: Додека одите, движете ги вашите нозе исто како да треба да одите на затегната жица (иако треба да стоите во место).rnrnКолку природно изгледа на скала од 1 до 10: 4. Не е многу чудна, но дефинитивно изгледа малку неприродно.rnrnПознати ѕвезди кои ја практикуваат: Кендал Џенер, Жизел, Кери Вашингтонrn

2. Нозе во форма на машна

rnrnrnКако да ја направите: Свртете ги прстите на нозете навнатре сè додека не се почувствувате малку чудно, но внимавајте да не претерате и да заличите на луда балерина. Застанете таму.rnrnКолку природно изгледа на скала од 1 до 10: 6. Но, поголемата грижа е луѓето да не помислат дека имате криви нозе.rnrnПознати ѕвезди кои ја практикуваат: Катрина Боуден, Кристин Кавалари.rn

3. Триаголникот на Бијонсе

rnrnrnКако да ја направите: Раширете ги нозете колку што е можно повеќе со цел да ја доловите оваа позиција.rnrnКолку природно изгледа на скала од 1 до 10: Па, не многу природно…rnrnПознати ѕвезди кои ја практикуваат: Бијонсе.rnrn

April 17, 2015
10 начини како да почнете да живеете поздрав живот за само една недела

Што и да направиме во животот си носи свои последици, особено кога станува збор за нашето здравје. Најчесто не обрнуваме преголемо внимание, сè додека не настане некој проблем. Со неконтролираното пиење газирани пијалаци голем е ризикот од дијабетес, а со брза и масна храна ризикуваме добивање на срцеви болести. Често ги правиме нештата неразмислувајќи за последиците. Секогаш е полесно да се спречи отколку да се лечи. Ова се 10 многу едноставни и лесни начини како да се живее поздрав живот, кои треба да ги претворите во своја навика.rnrnrn

1. Јадете што е можно повеќе природна храна

rnКога храната се обработува, се додаваат разни хемикалии и адитиви со цел да трае подолго и да биде повкусна. Секогаш кога имате можност одбирајте сезонска храна, свежо овошје и зеленчук, неконзервирана и непреработена храна.rn

2. Пијте многу вода

rnПотребата за жед е лесно да се помеша со чувството на глад, па доколку мислите дека сте гладни, можеби на вашето тело му се потребни течности. Водата е како гориво за телото, му помага да функционира подобро и го забрзува метаболизмот. Пијте што е можно повеќе вода. Секогаш со себе носете си шише со вода, особено додека вежбате или извршувате други физички активности.rnrnrn

3. Намалете ја количината на храна која ја внесувате

rnПросечен човек се прејадува 4-5 пати неделно. Само еден оброк во ресторан најчесто содржи повеќе од бројот на калории што човек треба да ги внесе преку целиот ден. Не дека треба да гладувате, напротив. Но, редовното прејадување не само што ќе ја накачи килажата, туку е штетно за вашето здравје. Избегнувајте оброци во ресторани, бидејќи во домашните оброци сами одлучувате колку ќе ставите во чинијата и не секогаш мора да изедете сè бидејќи сте платиле за цел оброк или бидејќи другиот до вас сè уште не завршил со оброкот. Научете да го препознаете моментот кога сте сити и да престанете со јадење.rn

4. Секојдневно бидете активни

rnНедоволната физичка активност може да придонесе за голем број здравствени нарушувања. Освен тоа, луѓето кои не се движат редовно и не се активни полесно паѓаат во депресија и повеќе чувствуваат замор. Не мора да следите некој измачувачки тренинг, доволно е да го зголемите бројот на чекори во секојдневните активности. Одберете ги скалите наместо лифтот, појдете пеш до продавница или паркирајте се подалеку од маркетот, искористете ја секоја можност да бидете поактивни без претерано да се заморувате и телото ќе ви биде благодарно.rnrnrn

5. Намалете со алкохолот

rnНе само што влијае штетно на вашето здравје и надворешна убавина, алкохолот може да ви го отежне донесувањето разумни одлуки. Поголемата количина алкохол ќе ве спречи наредниот ден да станете на време и да ги извршите обврските. Секогаш е добро да се наздрави и прослави, но умерено и со самоконтрола.rnrnrn

6. Чистете ја околината во која живеете

rnЧистотата на просторот околу вас е клучна за вашето здравје и позитивно расположение. Доколку просторот каде живеете не е добро исчистен ризикувате редовно да се дружите со многу бактерии и вируси. Прашината и мувлата имаат негативен ефект врз системот за дишење. Редовно проветрувајте ги просториите, внесете зеленило во вашата канцеларија или дневна соба и грижете се за хигиената на просториите.rn

7. Обрнете внимание на држењето на вашето тело

rnЛошата позиција на телото ќе резултира со болки во мускулите или искривување на `рбетот. Покрај болките во грбот, кои најчесто се појавуваат при неправилна позиција на телото, проблемите со рамената и вратот не се исклучок. Трудете се да седите правилно и да одите исправено. Не поминувајте долго време седнати пред компјутер или телевизор. Не потценувајте ја болката во мускулите или `рбетот. Доколку редовно чувствувате болка, купете ортопедски помагала.rnrnrn

8. Вклучете се во активности кои ги сакате

rnДоколку не најдете начин да се ослободите од стресот, тој ќе продолжи да расте во вас, сè додека еден ден не резултира со вртоглавици, несоница, или посериозни болести. Редовно посветувајте им внимание на нештата кои ве опуштаат, како работењето во градина или спортување. Што и да е, направете ја таа активност клучен дел од вашиот живот.rn

9. Редовно поминувајте време со семејството и најблиските

rnНаправете место во вашите зафатени распореди за луѓето кои ви значат и ве расположуваат. Не само што ќе го подобрите вашето здравје и расположение, туку и нивното. Луѓето кои имаат длабоки и емотивни врски живеат поисполнет и поздрав начин на живот.rnrnrn

10. Не потценувајте го дејството на сонот

rnСпиењето е најважен фактор за функционирање на организмот. Во тие часови на комплетна релаксација, вашиот мозок има време да ги складира информациите примени во текот на денот. Некогаш ги намалуваме часовите за спиење мислејќи дека така добиваме време за други обврски. Но, вистината е дека по доволен сон вашата работа ќе биде попродуктивна.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 25, 2013
5 трикови за паметење на вашите соништа
Сонувањето претставува серија од слики, идеи, емоции и впечатоци кои се случуваат во потсвесниот дел од мозокот, во текот на одредени фази од спиењето. Кога спиеме, се одмораме и се ослободуваме од нашата будна реалност. Така, соништата се начин на релаксирање и оставање на нашите умови да „заталкаат“ во некои далечни, недостижни светови, каде можеме во нефизичка смисла да разговараме со живи и неживи луѓе, да бидеме на реални и непостоечки места, да правиме работи, кои никогаш не би ни паднале на ум во реалниот живот.rnrnrnrnЗигмунд Фројд, таткото на психоанализата верувал дека анализата на соништата е силно средство за откривање на несвесните желби и мисли на луѓето, особено сексуалните пориви и скриените стравови. Тој верувал дека нашите свесни умови се гадат од нашите скриени желби и ги потиснуваат тие пориви, затоа што се срамиме или се плашиме од тоа што би го помислиле или рекле другите луѓе. Фројд тврдел дека целта на она што го сонуваме е начин луѓето да ги задоволат во фантазиите, инстинктивните пориви, кои општеството ги смета за неприфатливи.rnrnrnrnФројд создал метод наречен „слободна асоцијација“ со кој пациентот ги опишува мислите и чувствата како што му доаѓаат во умот. На пример, ако терапевтот рече „сино“, сонувачот би требало да го каже првиот збор кој му доаѓа на ум. Методот бил користен за да се открие вистинската заднина на соништата. Според Фројд, постои потиснат сексуален мотив зад повеќето соништа. Сонувањето чаша за вино, ракавица, пештера или тунел ги претставуваат женските гениталии, додека соништата со змија, молив или птица ги претставуваат машките гениталии. Па така, соништата со паѓање, летање, качување или симнување по скали, сите тие претставуваат секс.rnrnКарл Јунг, друг прочуен теоретичар на сонот, тврдел дека причината поради која сонуваме е да ги компензираме оние делови на психата, кои се недоволно развиени во будниот живот, за да се чувствуваме поцелосно.rnrnДруги теоретичари на сонот велат дека целта на соништата е да понудат некакво решение на проблемите кои не можеме да ги решиме во будниот живот.rnrnСоништата се интересна работа и секој од нас понекогаш размислува или го бара низ соновниците значењето на симболите. Но, соништата се забораваат. Всушност повеќето ги забораваме одошто ги паметиме. Колку пати само ви се случило да сонувате нешто толку јасно, со чисти, дефинирани слики, звуци и емоции, така што не сте сигурни дали сте будни или сонувате и одненадеж: пип, пип, пип, се будите изненадено од вашиот аларм и сфаќате дека е време за започнување нов ден. Додека сте отишле до кујна да си направите кафе, веќе сте го изумиле вашиот интересен сон. Еве неколку трикови како да ги запаметите соништата:rn

1. Запаметете ја положбата во која сте сонувале

rnД-р Патриша Гарфилд смета дека позицијата на вашето тело додека сонувате е клучно за паметење на соништата. На пример, доколку најчесто спиете на десна страна, но се разбудите на лева и не можете да се сетите на сонот, свртете го телото на десно и полежете малку. Со оваа техника сонот обично почнува постепено да се враќа во вашите мисли и ќе можете да се присетите на настаните и деталите во него.rnrnrn

2. Спокоен старт на денот

rnЗа повеќето луѓе, паметењето на сонот е многу поедноставно доколку будењето е на природен начин, без звукот од будилникот. Природното будење им овозможува на соништата да се задржат во свесниот дел од мозокот, додека полека излегувате од фазата на спиење РЕМ (брзо движење на окото), во која соништата обично се паметат по будењето.rnrnОние од вас кои не можат да живеат без будилник, а сакаат да ги запаметат соништата, треба да ги користат викендите за кратки дремки, кога може да се максимизираат шансите за будење на природен начин. Во дремките кои траат подолго од 20 минути, мозокот оди во состојбата на спиење РЕМ. Ако успеете да се разбудите без никакво надворешно влијание, ќе можете да се концентрирате и да се сетите на сонот.rnrnrn

3. Моќта на автосугестијата

rnДруг ефикасен начин е да си сугерирате дека можете да ги меморирате вашите соништа. Употребувајте кратка, позитивна фраза во сегашно време како на пример: „ Јас лесно ги паметам моите соништа“ и повторувајте си ја секојдневно по неколку пати. Ставете си потсетник на вашиот мобилен или залепете бележник со кој ќе се присетувате дека треба да ја кажете фразата на глас или во себе.rn

4. Опишете го на лист хартија вашето секојдневие

rnОдберете некој дел од вашето секојдневие во кој особено уживате и преправајте се дека тоа сте го сонувале. На пример, можете да ги запишете деталите од вашиот работен ден или за тоа како сте си поминале за време на паузата за ручек. Започнете со одговарањето на ваков тип прашања:rn
- Во колку часот пристигнувам, а кога си одам дома?
rn
- Каква облека носам?
rn
- Какви се временските услови?
rn
- Кој ден од седмицата е?
rn
- Како сум расположен/а?
rn
- Со кого разговарам?
rn
- Како се чувствувам по пат до саканата дестинација?
rn
- Дали сум сам/а?
rnМожете да го проширите овој тренинг на вашиот мозок колку сакате, а тој ќе ви помогне преку потсетување на деталите од вашиот буден живот, да ги запаметите и деталите во вашите соништа, кои е многу битно да ги запишувате, водејќи дневник за соништа.rn

5. Погледот низ вашиот прозорец

rnЗначењето на вашите соништа лежи во најситните детали, кои постојат во вашето секојдневие, но ретко кој ги забележува. За таа цел, гледајте 5 минути низ прозорец и концентрирајте се на тоа што го гледате.rnrnrnrnДа речеме дека прозорецот има поглед кон парк. Погледнете во различните бои на небото и различните видови дрвја, тревници, цвеќиња итн. Проучувајте ги клупите, спомениците, корпите за отпадоци. Каков облик имаат? Дали се чисти? Каква боја се? Забележете дали има животинчиња, птици, пеперутки низ паркот. Дали има возрасни луѓе? Пешачат или седат, џогираат или туркаат колички со бебиња? Со што си играат дечињата?rnrnОткако ќе ја проучите целата сцена, земете еден тефтер и запишете сè што сте успеале да забележите. Оваа интересна вежба на мозокот, е ефективен начин да ги забележувате деталите во вашиот буден живот и во вашите соништа.rn

Можеби ќе ве интересира да прочитате и за петте нешта кои најчесто ги сонуваме.

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
February 16, 2011