КАФЕ ПАУЗА

Tag: перење

Што сè мора да се пере на најмалку 60 степени за навистина да биде чисто?

Перењето на ниски температури реално ја намалува потрошувачката на енергија, но во исто време носи и голем ризик за здравјето, бидејќи не ги чисти сите микроорганизми насобрани на постелнината, крпите и облеката. Перењето на 30 до 40 степени Целзиусови отстранува само мал дел од микроорганизмите и прашинските грини. Од друга страна, кога переме на 60 степени, нивното отстранување е речиси 100%.rnrnrnrnПоради тоа, пред перење, облеката, крпите и постелнината треба да се селектираат, а за белите препорачливо е да се користи и избелувач. Особено внимание треба да се обрне на детската облека, бидејќи често се валка. Користете и соодветен детергент и средство за дезинфекција при перење. Луѓето кои се целосно здрави нема да почувствуваат негативни влијанија од недоволниот хемиски третман на испраните ткаенини, што не е случај кај болните и лицата со намален имунитет, особено оние кои штотуку излегле од болница.rnrnОсвен визуелно, облеката треба да биде и хемиски чиста. Сетете се дека вашите баби, а можеби и мајките, белата долна облека, навлаките за перница и чаршавите ги вриеја на 100 степени. За машинско перење, најдобро е тоа да биде на најмалку 60 степени Целзиусови, за да бидете сигурни дека се отстранети сите мртви клетки кои паднале од кожата, прашинските грини и невидливиот дел од инсектите.rnrnrn

Како да изберете детергент?

rnПостојат два вида детергенти, небиолошки (содржи избелувач и дезинфекциски честички) и биолошки, со ензими и протеини кои реагираат со нечистотиите. Исто така, дајте му предност на прашокот за перење, наместо на течниот детергент, бидејќи според експертите, содржи поголема концентрација на избелувач и дезинфициенс.rn

Долна облека

rnДолната облека, заедно со крпите и постелнината, може да содржат голем број бактерии како што се стафилокока и ешерихија коли. Затоа треба да се перат на високи температури, а потоа и да се испеглаат, за целосно да бидат исчистени од штетните микроорганизми. Особено е важно да се внимава на перењето на долната облека на лица кои страдаат од некоја болест.rn

Бебешка облека

rnОблеката на бебињата и малите деца треба да се пере одвоено од онаа на возрасните, со специјален детергент. Особено треба да се внимава во истата тура во машината да не се перат крпи од тоалетот и кујната.rnrnrn

Кујнски крпи и готвачки униформи

rnТие често се контаминирани со остатоци од храна и бактерии како ешерихија коли и салмонела. Перете ја облеката за готвење одделно од останатата и секако, на повисока температура, за да избегнете овие бактерии да ги пренесете на останатите членови на семејството.rn

Чистење на машината за перење

rnМашините за перење задржуваат дел од нечистотијата од облеката и поради тоа треба најмалку еднаш месечно (а може и еднаш неделно) да се пушти да испере „напразно“ со силен детергент на највисока температура. Исто така, ефикасно е и чистењето со оцет и сода бикарбона. Содата се става во делот за прашок, а оцет во преградата за омекнувач и се пушта на 90 степени. Редовно чистете го и филтерот на машината, но и дезинфицирајте ја фиоката за детергент.rnrnПрочитајте и што сè може да исчистите во машината за перење.

May 7, 2018
10 важни совети за правилно перење во машина за алишта и сушење на зимската јакна

Купувањето зимска јакна не е евтина инвестиција, па затоа сите ние внимателно постапуваме при нејзиното перење. Главно се препорачува да ја носиме на хемиско чистење, но понекогаш сме присилени да ја испереме дома, во машината за перење алишта. Многумина при перењето и сушењето на ова парче облека искусиле големи проблеми кои знаеле да резултираат со згрутчени пердуви во внатрешноста на јакната поради кои таа го изгубила својот првобитен облик. За да не ја уништите вашата омилена зимска јакна, тогаш прочитајте ги советите кои ги споделуваме со вас.rnrnrn

Перење

rn1. Немојте да перете повеќе јакни одеднаш. Зимната јакна во текот на перењето ќе се надуе и ќе заземе поголем простор во машината, па затоа внимавајте да не ја пренатрупате и перете само една јакна.rnrn2. Немојте да користите класичен детергент. Задолжително перете ја јакната со пердуви со течен детергент за чувствителна облека или пак, со специјализиран детергент за овој тип облека.rnrn3. Пред перењето во машината ставете топчиња. Силиконски или пак тениски – изберете сами и никако немојте да заборавите на нив, бидејќи тие ќе го спречат згрутчувањето на пердувите во текот на перењето. Немојте да се плашите ако јакната од машината излезе непрепознатлива, бидејќи со правилното сушење ќе ја вратите во првобитната состојба.rnrn4. Перете ги овие јакни на програмата за чувствителна облека. Секоја машина има поразлични програми, но за перењето на јакните со пердуви секогаш избирајте ги оние за чувствителна облека во кои температурата на водата не преминува преку 30 или 40 Целзиусови степени.rnrn5. Не перете ја премногу и избегнувајте ја центрифугата. Јакните од пердуви не мора да ги перете повеќе од еднаш или максимално два пати годишно, а кога ќе ги перете немојте да користите центрифуга.rnrnrn

Сушење

rn1. Ако се одлучите да ја сушите на воздух, тогаш почекајте ветровит ден. Перењето на јакната испланирајте го однапред и задолжително проверете ја временската прогноза доколку планирате да ја суштите на воздух. Односно, пожелно е времето да биде ветровито, бидејќи токму ветрот ќе помогне за побрзо и полесно сушење на јакната.rnrn2. Редовно протресувајте ја јакната во текот на сушењето. Можете да ја ставите на жица или пак на сталажа за сушење алишта, но задолжително протресувајте ја од горната и долна страна за да ги распоредите пердувите. Фатете ја за јаката или горниот дел и протресете ја, а потоа за долниот и повторете ја постапката.rnrn3. Обрнете внимание на згрутчените пердуви. На јакната од пердуви ѝ е потребно доста време да се исуши, понекогаш и од 2 до 3 дена ако ја сушите во текот на влажно и студено време и без помош на ветар. Сè додека имате проблеми со „кршењето“ и растресувањето на згрутчените пердуви, тоа значи дека јакната однатре е влажна, па поради тоа пердувите не се одвојуваат. Јакната на изглед и на допир може да изгледа потполно суво, но грутките се знак дека однатре сè уште не е исушена.rnrn4. Бидете внимателни со машината за сушење. Ако ја ставите јакната во машина за сушење, секогаш правете го тоа на најниската температура, никогаш на висока. Брзото сушење на висока температура ќе го исуши само надворешниот дел, а однатре ќе ја остави влажна. Во машината за сушење задолжително ставете силиконски или тениски топчиња исто како и кај перењето.rnrn5. Центрифугата е последното решение за собраните пердуви. Перењето и сушењето на јакната со пердуви во домашни услови секогаш е ризично и мора да знаете дека секогаш постои можност да се оштети. Токму поради тоа не се препорачува користење на центрифуга во текот на перењето. Меѓутоа, кога во целост ќе ја исушите јакната, но не сте задоволни со конечниот изглед и начинот на кои пердувите се распределиле, јакната можете да ја ставите на програмата за сува центрифуга со најслаба брзина. Тоа може да ви помогне во целост да ги растресете пердувите, но тоа секогаш нека биде последното решение.

January 23, 2017
Еве кој е најдобриот начин да ги перете вашите фармерки за тие подолго да ви траат

Фармерките се едни од најсекојдневните парчиња облека кои сигурно често ги носите, па според тоа, често и ги перете. Секој има свој начин на кој го прави ова, било тоа да е во машина за перење алишта или рачно. Некои дури ги носат и на хемиско чистење. Бидејќи сите знаеме колку е тешко да се пронајдат фармерки што совршено ќе ни прилегаат, во продолжение ќе ви откриеме неколку начини што ќе ви помогнат да го продолжите рокот на траење на ова омилено парче облека.rnrnrnrnРоберт Шејфер, основач и сопственик на една од најголемите фабрики за производство на фармерки, „Schaeffer’s Garment Hotel“, открива мали трикови кои би требало да ги применувате кога ги перете своите фармерки. Еве кои се неговите совети за тие подолго да траат.rnrn1. Пред да ги перете фармерките свртете ги наопаку и изберете ја најслабата програма на машината за перење. Перете ги во топла вода со благ прашок, по можност да биде течен. Шејфер советува кон фармерките да се однесувате како кон бебе, со нежен сапун и топла вода.rnrn2. Бидете во близина на машината додека пере, за да ја паузирате центрифугата. Всушност, оставете ја да работи една минута, потоа запрете ја програмата и извадете ги фармерките. Центрифугата може да ја уништи бојата и да ги деформира фармерките.rnrn3. Закачете ги да се сушат, но не оставајте ги да се исушат целосно, односно, настојувајте тие секогаш да бидат 90% суви. Во тој момент тие ќе се соберат и ќе се вратат во првобитниот облик. Многу е важно да не ги перете често, а и да не ги ставате во машина за сушење алишта.

September 23, 2016
Науката открива: Каде завршуваат изгубените чорапи?
Сигурно ви се случило да изгубите барем еден чорап во машината за перење, оставајќи ве со еден куп работи кои ја изгубиле својата половина. Експертите тврдат дека конечно ја решиле мистеријата на загубените чорапи и дури и развиле една формула која ја предвидува веројатноста за нивното исчезнување и конечно разјаснува зошто се случува овој интересен феномен.rnrnrnrnСпоред истражувањето, просечниот човек во својот живот губи повеќе од 1.200 чорапи. Така, психологот д-р Сајмон Мур и статистичарот Џеф Елис ја извеле формулата „Индекс на губење на чорапи“: (L(p x f) + C(t x s)) – (P x A), каде што:rn
- L стои за големината, односно количината на облеката што се пере
- (p) – бројот на луѓето кои живеат во домот
- (f) – честотата, односно фреквенцијата на перење
- C – сложеноста на програмата за перење
- (t) – типови перење
- (s) – бројот на чорапи исперени во една недела
- (P) – позитивност на перењето
rnСпоред формулата, колку е поголема количината на облеката што се пере, толку е поголема веројатноста да ги изгубите чорапите. Истражувањето ги идентификувало и четирите главни психолошки теми односни причини кои придонесуваат во губењето на чорапите за време на перењето, и тоа:rnrn1. Дифузија на одговорноста: Индивидуалните личности кои се вклучени во процесот на перење на облеката претпоставуваат дека некој друг ќе ја преземе одговорноста и како последица на ова мислење, никој не го прави тоа, што значи дека некои од помалите парчиња облека може да се загубат.rnrn2. Визуелна свесност: Станува збор за нашата способност ментално да решаваме проблеми по скратен пат за да заштедиме време и напор. Тоа значи дека ќе ги побараме чорапите или далечинскиот управувач на најочигледните места и ако не ги најдеме, ја губиме целата надеж и претпоставуваме дека се изгубени засекогаш.rnrn3. Потврдна пристрасност: Ова се случува кога веруваме дека нешто е вистина доколку сакаме да е вистина. Така, ако не ги забележуваме чорапите кои не се во пар, тогаш се убедуваме дека тоа навистина е така.rnrn4. Бихејвиорални грешки на омисија и комисија: Човечката грешка вклучува многу грешки, несреќи и мистерии и тоа важи и за процесот на перење на облеката. Пропустот е демонстриран кога некој ќе погледне чорап на подот и нема да го земе и да го фрли во корпата за облека или машината за перење, додека комисијата е оној момент кога правиме нешто што не треба да го направиме, на пример, кога ставаме бел чорап во црната облека или го ставаме на некое рандом место за да ја избегнеме потрагата по неговата втора половина.rnrnИако оваа формула успева да ни објасни зошто луѓето често ги губат своите чорапи или помалите парчиња облека во машината за перење, сепак не го решава проблемот со нивното пронаоѓање. Според студијата, грешката, се разбира, е во луѓето и доколку сакаме да го спречиме губењето на облеката тогаш треба да го посветиме вниманието во правилната селекција.
April 28, 2016
Дали и вие ја перете облеката на погрешен начин?

Кога на етикетата ќе видите ознака „хемиско чистење“, повеќето би избегнувале тоа парче облека да го носат повеќе од еднаш, за да не би морале да го перат. Сепак, кога имате облека која и не е баш евтина, сигурно нема едноставно да ја ставите во машината за перење. За облеката да ви остане сочувана, потребно е да знаете како да ја перете. Откријте дали тоа го правите на вистинскиот начин!rnrnrn

1. Читајте што пишува на етикетата

rnПостои причина зошто некои работи мора да ги перете само на 30 степени, а некои можете и на 60. Така, дел од вашата облека би се уништила доколку ја перете во машина за перење, наместо рачно.rn

2. Омекнувачот за алишта навистина помага

rnОмекнувачот за алишта го прави истото што и балсамот го прави за вашата коса – тој се погрижува вашата облека да биде поубава и подобро да мириса. Исто така постојат и омекнувачи коишто помагаат исперената облека да ја врати бојата, па не двоумете се при неговото користење.rn

3. Нема потреба да ја перете облеката доколку сте ја носеле само еднаш

rnСекако дека блузата со којашто сте тренирале ќе ја ставите на перење веднаш штом се вратите дома, но фармерките, џемперите и кошулите слободно можете да ги носите и повеќе пати.rnrnrn

4. Не мора да значи дека облеката ќе се собере при перењето

rnОсвен ако на етикетата не е назначено поинаку, не морате да се грижите дека вашата гардероба ќе се собере при перењето. Тоа повеќе би можело да се случи во машината за сушење алишта, па чувствителните парчиња облека не сушете ги на овој начин.rn

5. Кога ја сушите облеката не ставајте ја секогаш да виси

rnКога парчето облека е осетливо, внимавајте на кој начин ќе го сушите. Од штипките може да останат трагови, па затоа подобро е да ги сушите налегнати.rn

6. Кашмирот, свилата и полиестерот можете слободно да ги перете во машина

rnМатеријалите коишто ретко кој би ги ставил во машина за перење, може да се перат на овој начин, но на ниски температури. Сепак, внимавајте да не ги ставите заедно свилената блуза и панталоните од полиестер.rnrnrnrnИако имаме среќа што живееме во време кога сепак не мораме сè да переме рачно, мораме да внимаваме како го правиме тоа, со цел облеката да ни остане убава подолго време.

April 19, 2016
Направете сами: Антиалергиски детергент од 3 состојки
Поради сите отровни материи кои ги содржат куповните детергенти, многу луѓе користат алтернативни средства за перење на облеката, посебно за долната облека

rnrn

Потребни состојки:

rn
- органски сапун
- 600 грама сода бикарбона
- 20 капки етерично масло по желба
rn

Начин на подготовка:

rnПриродниот органски сапун изрендајте го во чинија и додајте ја содата. Добро промешајте и додајте го и етеричното масло. Повторно промешајте и подготвената смеса ставете ја во стаклен сад.rn

Зошто да почнете да користите природен детергент?

rnПриродниот прашок за облека има многу предности во однос на куповниот. Неговата изработка е брза, едноставна, лесна и евтина, а со додавањето на етеричното масло, овој детергент добива мирис каков што посакувате. Погоден е и за луѓето кои се борат со алергиите, бидејќи постои многу мала можност за појава и развој на какви било симптоми. Со неговото користење го заштитуваме телото и организмот од сите непотребни токсини и што е најважно, природниот детергент не ја загадува околината.
March 1, 2016
Зачувајте ги омилените џемпери: Како да ги перете без да ги оштетите?

Едно од омилените дневни парчиња во зимскиот период е дефинитивно џемперот, кој често го комбинираме со сите останати парчиња. Баш поради тоа што често го носиме, ова дневно парче треба внимателно да го переме, за подоцна да не дојде до ситуација каде што нема да можеме да го носиме, бидејќи изгледа премногу растегнато. Затоа денес ви даваме неколку совети кои ќе ви помогнат да го исперете вашиот омилен џемпер, така што нема да го оштетите.rnrnrn

1. Превртете го џемперот наопаку

rnСтанува збор за првиот и клучен чекор во перењето на џемперот, бидејќи на тој начин ќе спречите детергентот директно да го загрози и да го оштети.rn

2. Наполнете го леѓенот со вода и сапун

rnПосле доброто миење на леѓенот во кој ќе го перете џемперот, наполнете го со ладна вода и во него ставете сапун. Многу е важно да не претерувате со сапунот, бидејќи последиците од ваквото перење би ги забележале подоцна. Можеби е најдобро тоа да биде сапун или шампон со мирис на лаванда.rn

3. Оставете го потопен

rnОставете го вашиот џемпер да постои во водата од 5 до 10 минути, но благо протривајте го на секои неколку минути.rnrnrn

4. Исперете ја сапуницата од џемперот

rnПосле оставањето на џемперот во водата околу 10 минути, испразнете го леѓенот, исплакнете го, потоа наполнете го со ладна вода и измијте го џемперот, така што ќе ја отстраните целата сапуница од него. Со оглед на тоа дека вашиот џемпер ќе биде полн со вода, немојте да се колебате да го исцедите со раце, но не правете го тоа премногу агресивно, бидејќи можете прилично да го оштетите.rn

5. Ставете го џемперот да се исуши

rnОставете го џемперот наопаку, а потоа ставете го во сушалната, но така што таа да биде наместена на најмалата брзина и да не биде премногу топла. Никако немојте да го сушите џемперот на полна брзина, бидејќи ќе го оштетите, туку повеќе настојувајте да биде потполно сув, а неоштетен.rn

6. Оставете го додатно да се исуши

rnБаш како првиот, така и последниот чекор во перењето на џемперот е клучен. Значи, никогаш не сушете го џемперот закачувајќи го на жица, туку така што ќе ставите пешкир на подот, а потоа ќе го ставите џемперот врз него за така да се исуши. Доколку сте во брзање, џемперот можете да го исушите со помош на фен за коса дувајќи неколку минути, а потоа да поминете врз него со ладна пегла, за влакненцата и кончињата да се смират.rnrn

January 17, 2016
Топ 7 трикови за секогаш свежа и миризлива гардероба

Сите ние го сакаме мирисот на свежо испраната облека, но за жал, тој не трае долго. Доволно е само облеката да стои малку подолго во гардероберот и мирисот од омекнувачот набрзо ќе исчезне. Но, со овие трикови ќе овозможите мирисот да трае многу подолго.rnrnrn

1. Перете ги алиштата после едно носење

rnНе е некоја голема мудрост. Облеката треба да ја переме почесто, односно после секое носење, ако сакаме таа да биде свежа и миризлива. Сепак, исклучок се фармерките. Експертите нѐ советуваат дека нив не треба да ги переме често, бидејќи така тие брзо се уништуваат. Исперете ги откако ќе ги носите 2-3 пати.rn

2. Валканите алишта треба да ги исперете што е можно побрзо

rnОблеката исперете ја веднаш после носењето. Никако немојте да дозволите да стои со недели во корпата за валкана облека.rn

3. Изберете миризлив детергент за алишта

rnДетергентот за перење алишта е многу важен фактор за квалитетното перење и убавата миризба. Детергентите се разликуваат, но секој има свој фаворит. Исто така, пронајдете и свој омилен омекнувач за алишта кој ќе направи алиштата да мирисаат прекрасно.rn

4. Нанесете лосион за тело пред облекувањето

rnАко непосредно пред облекувањето на телото нанесете миризлив лосион, вашата облека ќе го задржи тој мирис и во наредните денови. Вреди да се испроба!rnrnrn

5. Пронајдете го својот парфем

rnПостојат жени кои имаат свој омилен парфем и секогаш го нанесуваат истиот мирис, а тој им дава посебен печат. Ако секогаш нанесувате ист парфем, ќе станете препознатливи по него секогаш кога ќе влезете во просторијата.rn

6. Правилно нанесете го парфемот

rnАко веќе сте го пронашле својот совршен мирис, тогаш треба да знаете како правилно да го нанесете. После нанесувањето парфем на клучните точки, напрскајте во воздухот и поминете под замислениот облак од парфем. Немојте да прскате од парфемот директно на вашата облека, бидејќи тоа може да создаде дамки. Дури и кога парфемот ќе престане да се чувствува на вашата кожа, вашата облека и понатаму ќе мириса убаво.rn

7. Држете го гардероберот отворен

rnГардероберите понекогаш имаат чудни мириси, посебно во лето. Затоа е важно редовно да се проветруваат, а почесто во летните месеци. Исто така, во гардероберот можете да ставите миризливи вреќички кои може да ги пронајдете во маркетите.

October 23, 2015
15 проблеми со градниците кои секоја жена ги разбира

Ах градници… совршена потпора на градите, изгледаат убаво и понекогаш имаат моќ да го заведат секој маж на планетава. Тие се неудобни, но сакале или нејќеле, без нив не можеме никаде да излеземе. Секоја жена многу добро ги знае овие маки и барем еднаш во животот се соочила со нив, ако не и секој ден.rnrnrnrn1. Кога ќе го слечете и имате црвени траги како некој да ве врзал со јаже – „Никој не ме држеше заложник, само носев градник и немам никаква идеја колку стегнат треба да биде.“rnrn2. Или има празнина која треба да се пополни или пак има дел од градите кој нема каде да оди – „Не треба да постои нешто измеѓу тие две крајности?“rnrn3. Кога немате идеја колку често треба да го перете – „Па веројатно кога веќе почнува да мириса“, што ѝ наликува на една девојка и плус успева секој пат.rnrn4. Да го ставите во машина за перење е како да го мачите додека конечно не се предаде и не умре – „…И токму затоа одлучувам да го перам кога ќе почне да мириса. Не можам да ризикувам смрт само затоа што го носев еден ден, а има и друга алтернатива…“rnrn5. Рачно перење – „Нема шанси да го ставам во лавабото да се кисне, па да го истријам 30 секунди и целата нечистотија магично да ја снема.“ Па перењето на рака е пердув лесно.rnrn6. Градници без прерамки – „Дали некогаш не го изневериле женскиот род? Не, нема таков случај.“rnrn7. Кога ја чувствувате потта во градникот, а не можете ништо да направите – И потоа го тргате и гледате траги од пот кои не можат да се отстранат дури ни со перење. Не дај Боже!rnrn8. Глупавите прерамки кои постојано паѓаат или се премногу тесни, извртени или пак никако не си ја вршат функцијата – „Како тоа сѐ уште нема решение на овој проблем?!“rnrn9. Кога купувате градник, но вашите гради се со малку различна големина, па не ви се погодува ниеден понуден модел – И им се обраќате на вашите гради „Океј која од вас ќе излегува, а која ќе ‘плива’?“rnrn10. Фактот дека нема градник на целата планета Земја кој не се проѕира преку облеката – „Тантелен? Се проѕира. Бабин градник? Понекогаш да, и тој се проѕира. Оние кои имаат малечки панделки на средина? Секако.“rnrn11. Облекувањето спортски градник треба да биде Олимписка дисциплина – „Натпреварувачката број 1 се обидува да го облече градникот преку главата, а сега и преку рацете. Ајде сега да гледаме како ги крева нејзините гради за тие да бидат високо позиционирани со цел да може да го свлече градникот врз нив и да ги згмечи. Вау, навистина дише тешко.“rnrn12. Кога читате статија за тоа колку често треба да купувате нов – Додека истовремено носите градник кој е, хм, пет години стар? Исто како и сите градници кои ги поседувате.rnrn13. Кога ве мерат за градник и ви кажуваат дека носите погрешен број околу 20 години – „Се прашувам каков ќе ми беше животот ако ја знаев оваа информација порано.“ Но, годините си заминаа.rnrn14. Кога вашиот омилен градник ја губи еластичноста, жицата излегува и настанува масакр – Но вие сепак го носите, иако знаете дека не треба.rnrn15. Егзистенцијалната потреба да го откинете од вашето тело истата секунда кога ќе стигнете дома – И како да не испуштите „КОНЕЧНООО!!!“ секој пат кога го оттргнувате од градите.rn

September 5, 2015
Нештата за кои внимателно се грижиме траат подолго. Еве како да го сочувате вашиот омилен костим за капење

Конечно го пронајдовте вашиот идеален костим за капење и сакате тој да ви трае што подолго? На чувствителната ткаенина на костимот за капење штета ѝ нанесуваат сонцето, жештината, средствата за сончање, морската вода или пак онаа од базен. Додатна штета ѝ нанесува и неправилното одржување. Затоа придржувајте се до овие правила ако сакате да го носите вашиот омилен костим за капење и следното лето.rnrnrn

1. Перете го рачно

rnИако ова одзема малку повеќе време и труд, сепак на крајот ќе се исплати бидејќи на овој начин тој нема да се оштети. Најпрво е потребно да го исперете костимот за капење во млака вода за да ги отстраните трагите од сол или хлор. Потоа исперете го со благо средство, најдобро е со шампон или со течен сапун. На крај, исплакнете го добро. Немојте да го цедите со раце, туку завиткајте го нежно во пешкир.rn

2. Што е со перењето во машина за алишта?

rnАко веќе мора да го перете во машина за алишта, тогаш немојте да го ставате заедно со другите алишта, бидејќи на тој начин тој ќе се замота околу нив и ќе се развлече. Најдобро би било да го ставите во мрежа за перење алишта и да го перете на програма која е наменета за чувствителни алишта, најмногу на 30 степени.rn

3. Не сушете го директно на сонце

rnНемојте да го сушите костимот за капење директно на сончева светлина ниту пак на жица за алишта. Ако е можно сушете го на рамна површина во сенка. Ако го оставите да се исуши директно на сонце, неговата боја ќе избели уште пред да заврши вашиот одмор. И без разлика колку ви се брза, никогаш немојте да го сушите во машина за сушење алишта.rnrnrn

4. Како да ги отстраните дамките?

rnАко дамката на костимот за капење е мокра, лесно отстранете ја со тапкање со марамче или памук, а потоа исперете го рачно кога ќе пристигнете дома. Сувата дамка немојте да ја стругате, бидејќи на тој начин ќе го оштетите костимот за капење, а нема ниту да ја отстраните дамката.rn

5. Како да го отстраните ситниот песок од костимот за капење?

rnПесочните плажи се прекрасни, но што е со оние ситни зрнца песок кои навлегуваат во ткаенината и не можете да ги отстраните? За почеток, намокрете го костимот за капење во млака вода и оставете го така неколку часа, а потоа исперете го рачно. Ако ова не ви помогне, почекајте костимот за капење потполно да се исуши и со помош на фен издувајте ги ситните зрнца песок. Секако водете сметка за тоа дека фенот треба да ви биде вклучен на ладен воздух.

July 14, 2015