Бебињата знаат како да ги изненадат родителите со ненадејни движења, па дури и со паѓање од кревет. Ова се тие ситуации кога доволно е само да ја свртите главата за еден момент и потоа да слушнете силен плач од бебето што лежи на подот. Во оваа ситуација, најважно е да останете смирени, а во продолжение прочитајте кој знак покажува дека треба да посетите лекар.rnrn
rnrnЧесто се случува бебето да падне од креветот, што е ненадејна моментална ситуација, а не последица на невнимателноста на родителите.rnrnРодителите треба да знаат дека тоа е честа појава, но ако вашето бебе плаче повеќе од 10 минути по падот и не можете да го смирите, треба да размислите за посета на педијатар.rnrnПо падот, треба да го прегледате бебето за да се проверите дали има видливи повреди, отоци или гребаници. Обрнете особено внимание на забите и проверете дали се оштетени. Ако има мал оток, ставајте ладни облоги на тоа место во следните неколку часа. Исто така, испитајте ги рацете и нозете, а што се однесува до главата, имајте на ум дека фонтанелата, која се затвора до 18-тиот месец, може да ги амортизира ударите.rnrnАко има големи отоци, црвенило или сомнителна скршеница, задолжително посетете го вашиот лекар. Бебето треба да го набљудувате најмалку 48 часа по падот. Исто така, ако бебето е поспано, незаинтересирано, одбива храна или повраќа, посетете педијатар кој може да ве испрати кај педијатриски неврохирург за понатамошни прегледи. Но, во повеќето случаи, паѓањето од кревет нема никакви последици врз здравјето на бебето.rnrnПоради тоа, ако се најдете во оваа ситуација, не создавајте непотребна паника. Прегрнете го исплашеното бебе и утешете го, а по десетина минути повеќето бебиња стануваат расположени како ништо да не се случило.rnrnПрочитајте колку е штетно за бебето ако живее во дом во кој се пуши.
Tag: пад
-
Дали треба да се загрижите кога вашето бебе ќе падне од креветот?
-
Како да преживеете смртоносен пад од голема висина?
Иако падовите не се една од најчестите причини за смрт како што се срцевите заболувања и ракот, сепак годишно се случуваат околу 420.000 смртни случаи предизвикани од падови ширум светот. А кога станува збор за смртни случаи предизвикани од повреди, тие се на второ место по сообраќајните несреќи.rnrn
rnrnПовеќето од нас најверојатно нема да се најдат во ситуација каде што би имало можност да паднат од голема висина, но добро е да бидеме свесни дека тоа се случува многу почесто одошто мислиме. Од таа причина, многу е важно да знаеме како да преживееме смртоносен пад. Не верувате дека тоа е возможно? Возможно е, само треба да знаете како!rnrnБраќата Алсидес и Едгар Морено чистеле прозорци и секој ден го поминувале гледајќи ги од високо забрзаните улици на Менхетн. Тие сосема добро си ја вршеле својата работа сѐ додека не добиле задача да чистат прозорци на зграда со 47 ката. Кога се качиле на скелето, тие забележале дека не е стабилно и одеднаш целата структура попуштила и браќата паднале надолу. За жал, Едгар починал веднаш штом паднал на дрвена ограда. Меѓутоа, Алсидес бил најден во сосема поинаква состојба.rnrn
rnrnДокторите што пристигнале го нашле Алсидес жив и свесен. Тој објаснил дека неговото преживување се должи на неговата техника: Тој лежел мирно и се држел на платформата додека паѓал. Тоа им било кажано и на другите работници доколку дојде до најлошото можно сценарио. Но, ако паѓате од голема висина и немате скеле за коешто би можеле да се држите, што треба да направите? Постојат неколку техники кои навистина можат да ви го спасат животот.rnrnИако поголемиот дел од повредите предизвикани од паѓање се случуваат во домашни услови, а не од згради, добро е да знаете како да паднете доколку некогаш се најдете во таква ситуација.rn„Падовите имаат три фази: Иницирање, спуштање и судар. Дознавме дека падовите кај возрасните најчесто се случуваат во текот на стоењето и одењето. Само 3% од падовите се предизвикани од лизгање, а 21% од нив се предизвикани од сопнување. Дури 41% од падовите се случуваат поради неправилно префрлување на тежината“, објаснил доктор Стивен Робинович од факултетот за инженерска наука на Универзитетот Сајмон Фрејзер.
rn
rnrnВо случај на паѓање, најважно е да знаете што да направите. Најпрво, многу е важно да ја заштитите главата. Потоа, повеќето експерти советуваат да се тркалате и да се обидете да се наместите така што помеките делови од телото ќе го апсорбираат главниот удар од падот.rnrnЧак Којл, експерт за боречки вештини, советува дека треба да посегнете по подот со рацете. Чак им дава инструкции на професионалните актери за тоа како да паѓаат правилно на сцена.rn„Пренесете ја тежината на листот, бутот и задникот и стркалајте се на надворешната страна од ногата, наместо да паѓате наназад“, советува Чак.
rnЗвучи ризично и на овој начин можете да си го скршите рачниот зглоб, но подобро скршен зглоб отколку скршен колк!rnrn
rnrnПокрај овие техники, луѓето кои се изложени на ризик од паѓање треба да ги отстранат лизгавите теписи, да вградат безбедносни решетки во туш кабината и да се погрижат скалите да им бидат добро осветлени.rnrnОсвен тоа, многу е важно да внимавате. Ако го чепкате телефонот додека одите, можете да се изложите на разни опасности, особено ако немате добра рамнотежа. Исто така, треба да се грижите за вашето тело. Тоа значи дека треба да ги зајакнете мускулите особено оние во пределот на стомакот и нозете. Треба да водите сметка и за исхраната и да јадете производи што ќе ви ги зацврстат коските. Овие мерки можеби ви се чинат очигледни и здодевни, но полесно е да се кажат отколку да се спроведат на дело.rnrnИако можеби нема да се најдете во ситуација како онаа на Едгар и Алсидес Морено, постојат големи шанси дека ќе ви се случи нешто посекојдневно како што е паѓање во туш кабината. Токму затоа, многу е важно да бидете подготвени! -
Ако сте психички силна личност, тогаш сигурно не ги кажувате овие работи
Сите би сакале да бидат психички силни луѓе кои би преживеале секаков пад во животот. Колку и да ни се чини на моменти убав и лесен, животот е исполнет со падови, мали и големи, кои на еден или друг начин влијаат на нас. Некогаш не сме ни свесни дека дадена ситуација за нас претставува загуба, слегување на подолно морално ниво и сл. И додека секој функционира индивидуално справувајќи се со животните падови на свој начин, постојат одредени нешта кои можат да ви укажат колку всушност сте подготвени да се справите со тие падови во зависност од вашата психичка состојба.rnrn
rn„Заслужувам да бидам среќен/на“
rnИако можеби се чини како добра мотивација кон доаѓање во состојба во која би биле среќни, ваквата изјава, како и сите изјави од сличен карактер, можат всушност да ја оддалечат уште повеќе таа цел. Како? Многу лесно може да се најдете себеси како ја очекувате таа среќа на погрешни места и од погрешни луѓе. Кога наместо помислата дека заслужувате среќа би поминале повеќе време посветувајќи се на луѓето и работите кои ги сакате и кои ве исполнуваат, среќата која ја барате ќе дојде сама по себе.rn
„Побрзо би молел/а за прошка отколку да барам дозвола“
rnИ додека самите зборови нагласуваат дека станува збор за нешто што веројатно не би требало да го правите, она што треба да се запрашате е дали тоа што имате намера да го направите вреди за последиците кои ги носи со себе? Уште повеќе, кои точно последици се тие? Дали влијаат на вас или на вашите сакани, дали некому ќе предизвикаат проблеми, дали ќе го означат крајот на нешто? Правејќи нешто што уште на самиот почеток ве тера да мислите дека ќе треба да барате прошка на крајот е нешто што не треба да го направите, барем не во тој момент. Ако ништо друго, можеби би било подобро убаво и детално да ги разгледате околностите, така што кога конечно ќе се решите да го направите првиот чекор, ќе бидете сигурни во себе знаејќи зошто навистина го правите тоа.rnrn
rn„Животот е само еден“
rnИзговори. Изјави како оваа се доказ дека барате изговор во животот да направите нешто што разумот во вас не би ви го дозволил во која било друга околност. Убедувајќи се себеси дека животот е еден, вие всушност си давате дозвола да направите нешто нетипично за вас. Да, некогаш тоа е добра работа бидејќи на тој начин пребродувате некои стравови, доживувате нешто возбудливо и различно од вашето секојдневие, запознавате нови луѓе. Но многу почесто, се наоѓате себеси уверени дека ова важи и за сите останати гранки во вашиот живот. На тој начин, вие сигурно ќе се најдете во ситуација кога ќе направите нешто што не е во ред, често дури и несвесни дека е така.rn
„Само сум искрен/а“
rnМожеби ве учеле како мали дека секогаш треба да бидете искрени, но факт е дека искреноста не е секогаш најдоброто решение (барем не во целост), а уште помалку изговор во секој аспект од вашиот живот. Искреноста е навистина во поголем дел од случаите подобро решение во споредба со премолчувањето (никогаш со лажењето), но често свесно или не, луѓето ја користат како добар изговор да повредат некого или да направат нешто што не е во ред. Така, наместо искрени, поверојатно е дека ќе делувате како груби и безобразни луѓе кои немаат почит кон нечии чувства.rn
„Не се грижам што мислат другите“
rnОва во целост ве карактеризира како сосема бесчувствителна личност која не се грижи за туѓите мисли, чувства или ставови и која се обидува да се убеди себеси дека е подобра од сите останати. Иако има вистина во тоа дека постојаното согласување и удоволување секому не е здраво, постои уште поголема вистина во тоа дека секој човек треба да има обѕир кон луѓето околу себе. Нема потреба да се согласите со нечие мислење ниту, пак, да правите нешто што не го сакате, но покажете почит кон личноста со која зборувате на тој начин што барем ќе ја ислушате докрај. Никогаш не можете да знаете што тој/таа има да ви каже и како тоа на крајот може да влијае на вас.
-
Вистината за видеото во кое девојката се самозапалува танцувајќи
Откако собра 9 милиони прегледи на Јутјуб за помалку од една недела, го привлече вниманието на медиумите, и многумина се загрижија дали девојката е добра после лошиот пад и огинот кој избувна на нејзината нога, вистината е откриена во шоуто на Џими Кимел. Погледнете што се случило после крајот на снимката.
rnrnrnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn -
Најсмешните падови на модните писти
Незгоди можат да му се случат секому. Сите сме имале лош ден, сме се соочиле со незгодни ситуации и моменти кога сме посакале да се отвори земјата под нас и да нѐ голтне. Замислете дека сте успешен модел, носите облека од најновите модни колекции од познатите брендови, совршено ве средиле сите шминкери и фризери зад сцената, излегувате на модната писта гордо чекорејќи и бум, се сопнувате, се наоѓате на земја, се исправате барајќи рамнотежа и соочувајќи се со срамот кој ви се случил.rnrn
rnrnДали за овие засрамувачки ситуации се виновни високите потпетици, неудобната облека, очилата за сонце, лошата осветленост или тремата која преовладала во моментот, не е ни важно. Она што е важно е дека овие девојки се храбри, некои се ослободуваат од џиновските потпетици, други пак, ги облекуваат повторно, но сите со насмевка знаат да ја исправат главата и да продолжат да чекорат. Сепак, тие се само луѓе.rnrnПогледнете некои од најлошите и најзасрамувачки падови, незгоди, сопки и непосакувани испади на модните писти…rnrn
rnrnИ токму кога помисливте дека незгодите завршиле, тие се случуваат повторно. А во случај да се прашувате што се случува со девојката во 2.47. Таа е дел од модна ревија која тргнала навистина лошо поради револт кај дел од моделите.rnrnrnrnНели е ова најдолгиот пад во модната историја?rnrnrnrnВо позадина оди „Clumsy“, а која би била посоодветна песна за целава ситуација? И секако, дел од ова видео се одлично подготвени модни ревии, пропратени со ненадејни протести против природното крзно.rnrnrnrnНаоми е позната по својата темпераментност, а во неколку наврати и по нервозните испади врз нејзините асистентки. Што мислите, што се случило после оваа нејзина модна ревија? Не знам за вас, но јас би се обложила дека некој настрадал.rnrnrnrnМожеби малку постари снимки, но сигурна сум дека тоа што облеката на моделите не е по најнова мода нема да ве спречи да се насмеете… а да, и машките модели можеле да изгубат рамнотежа. А кој е нивниот изговор, високите потпетици?rnrnrnrnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.