Tag: очекувања

Првите неколку љубовни состаноци се онаа фаза од врската кога не ни е баш пријатно да кажеме сè што очекуваме од другата личност, најчесто затоа што се плашиме дека ќе бидеме оценети како несоодветни за врска. Сепак, сите многу добро знаеме што точно сакаме, па така сега момците откриваат што очекуваат од девојките, а немаат храброст да го кажат гласно. Ќе се изненадите, но ни една од тие работи не е поврзана со сексот. Ова се 4-те најважни работи кои се пресудни за тоа дали ќе дојде до втор љубовен состанок…rnrnrn

1. Да им се јават први

rnНекои момци се ловци и сакаат сè да направат сами, но на поголемиот дел сепак ќе им падне камен од срце доколку девојката преземе иницијатива. Девојката која се јавува прва понекогаш може да делува нападно, но сепак момците сакаат и тие да завршат дел од работата. Не чекајте секогаш тој да го направи првиот чекор бидејќи верувајте дека и тој се чувствува исто толку несигурно колку и вие, без разлика што делува толку самоуверено.rn

2. Да им поставуваат прашања

rnЕдна од најчестите работи на кои момците се жалат е фактот што девојките не се трудат околу нив онолку колку што тие би сакале. Тие ги испитуваат девојките за секакви ситници, додека девојките се поповлечени и мислат дека ќе мораат само да одговараат на прашања. Ако досега сте биле една од тие кои се плашат да прашаат нешто затоа што мислат дека ќе изгледаат премногу љубопитно, знајте дека момците сакаат прашања. Покажете дека сте заинтересирани за него и прашувајте го за некои секојдневни работи. Секако одбегнувајте ги прашањата за поранешните врски, барем на првите состаноци.rnrnrn

3. Да покажат интерес за работите што му значат

rnНормално дека не треба да се преправате дека ве интересира фудбал, ако не ве интересира навистина, но момците велат дека девојките честопати ги игнорираат нивните страсти и хобија. Поставете му две-три прашања за она што го прави во слободното време и ќе добиете бонус поени.rn

4. Да остават тој да ја плати сметката

rnОва им е многу важно, не затоа што не веруваат во еманципација на жената туку затоа што сакаат да испаднат кавалери. Нормално, сакаат прво и девојките да се фатат за паричникот и да покажат дека се подготвени да платат, но на крајот сепак сакаат да се држат до традиционалните принципи и да платат тие. После првите неколку љубовни состаноци сосема е во ред да ја поделите сметката, а одвреме-навреме добро е да покажете дека и вие сте спремни да го почестите.

Љубовта е прекрасна и сите посакуваме да ни се случи онаа вистинската, која едноставно знаеме дека е совршена за нас. Но, таа исто така може да биде и слепа. Вашиот партнер во вашите очи е најсовршеното суштество во универзумот, но сепак имајте на ум дека и тој/таа е само човек. Погледнете ги следниве неколку причини зошто никогаш не треба да ги ставате вашите љубени на пиедестал. rn

rn

1. Вашиот партнер е човек, а не бог.

rnБез разлика колку мислите дека вашите партнери се прекрасни, сепак и тие со тек на време ќе направат грешка. Тие ќе паднат од пиедесталот на кој сте ги поставиле и кога ќе можат да се исправат на нозе, ќе сакаат да останат спуштени на земја, на вашето ниво.rn

2. Вашиот партнер нема да успее обидувајќи се да ја оствари вашата идеја за совршенство

rnВосхитот што го покажувате кон некого знае да ласка, но кога тој ќе премине во очекувања кои вашиот партнер чувствува дека треба да ги исполни, се претвора во притисок кој може да биде неиздржлив. Колку повеќе им кажувате дека се совршени, толку повеќе тие чувствуваат притисок да го докажат тоа. Никој не е совршен. Направете вашите партнери да се чувствуваат специјално, дека тие се сѐ што ви е потребно, но не притискајте ги постојано да докажуваат некаква совршеност.rn

3. Ненамерно ќе го сопрете нивниот развој

rnПрекрасно е да имате некој кој ве мотивира да станете подобри, но кога го ставате вашиот партнер на пиедестал, му испраќате порака дека e најдобар што може да биде. Понекогаш е полесно да се поправите и сами да го изградите патот до врвот, отколку да останете онаму каде што моментално се наоѓате.rn

4. Создавате слика за личност која вие сакате да ја видите во вашиот партнер

rnИ тие ќе се обидат да ги исполнат очекувањата кои ги имате за нив. Она што не го разбирате е дека сликата што ја имате за нив, не секогаш одговара на реалноста и партнерот се обидува да стане она што не е. Тие ќе се обидуваат да бидат онакви какви што вие сакате да се, а не какви што навистина се. Тоа неизбежно води кон пропаст.rn

5. Можно е да предизвикате несигурност

rnТешко е самите да се видиме онака како што другите нѐ гледаат, па ако го гледате вашиот партнер како совршенство, тој можеби ќе почне да размислува за своите недостатоци. Пиедесталот на кој го местите вашиот партнер е толку висок, што тој ќе почне да се прашува како воопшто успеал да стигнал таму.rn

6. Ќе им биде непријатно да ви ги покажат своите несовршености

rnВие треба да ја сакате оваа личност поради нејзините или неговите квалитети и слабости, бидејќи секој човек ги има и двете. Кога партнерот ќе почувствува дека вие ги препознавате само неговите или нејзините квалитети, ќе се исплаши и никогаш нема да ви ги покаже мааните. Љубовта е прифаќање и вашиот партнер очекува да го прифатите онаков каков што навистина е.rn

7. Пиедесталот може да е причина за разделба

rnСовршениот партнер во одреден момент може да направи голема грешка и некогаш е толку исплашен дека ќе ве разочара што си заминува пред да се случи тоа. Никогаш нема да го видите нивното несовршенство бидејќи ќе избегаат пред да имате шанса за тоа и на тој начин ќе останат на пиедесталот и после нивното заминување.