КАФЕ ПАУЗА

Tag: очекувања

7 духовни отрови што ви го загорчуваат животот

Духовните отрови се однесуваат на причините за човечката несреќа и тага. Се верува дека постојат 7 духовни отрови што можат да ја загорчат вашата животна среќа. Како што сигурно веќе знаете, во човечката природа е да се негуваат желби и очекувања. Овие очекувања ги создаваат добрите и лошите емоционални состојби на човекот. Оттука може да се заклучи дека отровните очекувања ги предизвикуваат негативните животни состојби и тагата. Прочитајте за кои духовни отрови станува збор и како можете да ги надминете овие проблеми…rnrnrn

1. Верувате дека животот создава можности

rnВистина е дека животот понекогаш мистериозно создава можности и дава одредени знаци. Но, тоа не значи дека треба да се откажете од идејата самите да барате можности. Погрешно е мислењето дека животот ќе ви го донесе секој избор пред врата. Тоа ќе ве доведе до ситуација да ви останат само ограничени опции во животот. Тоа исто така ќе ви ги уништи шансите за личен развој. Мора да верувате во напорната работа. Успехот постигнат преку вложениот труд секогаш трае долго. Па, како да барате можности? Бидете љубопитни. Не ја пропуштајте можноста да пробувате нови работи. Не живејте во границите на вашиот сопствен ум и запознавајте луѓе кои работат во различни области.rn

2. Имате потреба сите да ве сакаат

rnПостојат поединци што сакаат да им се допаднат на сите луѓе кои ќе ги сретнат. Ова создава големи проблеми во нивниот живот. Мора да разберете дека дури ни Бог не им се допаѓа на сите луѓе во светот. Сите ние сме човечки суштества. И покрај тоа што давате сѐ од себе, никогаш нема сите да ве сакаат. Во поголемиот дел од случаите, проблемот не е во вас, туку во минатото и природата на поединецот кој не може да ја прифати вашата добрина. Па, што можете да направите во врска со ова? Тргнете се од сите непотребни неволји. Кога ќе почнете да го правите ова, ќе забележите дека сте изградила неколку навистина значајни пријателства. Со текот на времето ќе почувствувате спокој и леснотија. Ќе се ослободите од непотребните грижи и повредени чувства.rn

3. Верувате дека животот е праведен

rnСите ние, во одреден момент, сме кажале „Животот не е фер“. Меѓутоа, многумина не можат да го прифатат овој факт. На потсвесно ниво, сите ние очекуваме дека животот е праведен. Очекуваме дека по некое време, животот сам ќе ни ги избалансира работите. Тоа ни помага да се опуштиме и да не си го трошиме времето и шансите. Ако чувствувате дека го правите ова веќе подолго време, време е да престанете. Мора да се подготвите за претстојната борба и да застанете во ваша одбрана.rn

4. Мислите дека луѓето ќе ве разберат

rnОвој проблем постојано се појавува во љубовните врски. Ова се случува кога ќе почнеме да очекуваме дека другите луѓе ќе знаат на што мислиме ако им даваме знаци. Добро е ако постојат луѓе што можат да ве разберат, но тоа нема да се случува цело време. Најчесто, ќе бидете погрешно разбрани, па и повредени поради тоа што некој не успеал да ги прочита вашите мисли и ве повредил со начинот на однесување. Ако сакате да се ослободите од овој проблем, мора да ја смените вашата перцепција. Поставувајте си го прашањето „Што мисли тој/таа?“. Во секој случај, искрениот разговор е вистинскиот противотров во вакви ситуации.rnrnrn

5. Очекувате сите да се согласуваат со вас

rnОва е еден од најчестите проблеми со кои се соочуваат луѓето. Секако дека другите треба да ги почитуваат вашите мисли и идеи. Треба да бидете чуени. Но, ако очекувате дека сите треба да се согласуваат со она што го кажувате, тогаш ситуацијата може да стане проблематична. Мора да разберете дека другите луѓе имаат различно потекло и не живеат во исти услови. Токму затоа, природно е да постојат некакви разлики. Гледајте го тоа како мислење што доаѓа од друга перспектива. Сите работи можат да бидат сфатени на најмалку 2 различни начина. Почнете да обрнувате внимание на важните работи и игнорирајте ги непотребните судири што не се воопшто продуктивни.rn

6. Барате среќа во материјалните богатства

rnМатеријалните работи се измислени за да го направат животот полесен. Тие можат само да ја зголемат удобноста на вашите секојдневни активности. Иако добро е да се имаат, не смеете да дозволите да верувате дека овие нешта ќе ви донесат апсолутна среќа и мир. Материјалните добра можат да ги исполнат само нашите физички потреби. Но, задоволството од вистинската среќа се наоѓа илјадници километри подалеку од материјалното богатство.rnrnДенес, речиси сите луѓе се борат за пари и луксуз. Меѓутоа, не ни текнува дека луѓето кои го поседуваат сиот тој луксуз, не спијат баш мирно навечер. За да се ослободите од оваа отровна идеја, мора да се уверите дека во животот има многу поважни нешта од материјалните богатства. Предметите нема да ви донесат мир и среќа и овој факт треба да се научи уште во детството.rn

7. Се сомневате во себе

rnЛуѓето кои се заглавени во овој страв од старт се осудиле себеси на неуспех. Во ред е да мислите дека не можете постојано да победувате. Меѓутоа, ако почнете да мислите дека никогаш не можете да победите, тоа значи дека сте изгубиле волја за победа. Почнете да верувате во себе. Мора да разберете дека поразот ви помага да научите нови работи. Подготвувајте се за новите подвизи со ентузијазам и жар. Откако ќе стекнете оптимизам и самодоверба, веќе ќе бидете на половина пат до успехот.rnrnНе дозволувајте вашите емоции да владеат со вас. Ако почнете да се борите против вашето внатрешно зло, ќе постигнете големи успеси и среќа во животот.rnrnВо продолжение прочитајте за следниве отровни мисли кои ви ја трујат визијата за подобар живот.

November 7, 2017
4 промени што треба да ги направите за да не се разочарувате од најблиските

Кога би живееле во совршен свет, сите наши врски со луѓето би биле стабилни, цврсти, коректни и никогаш не би биле разочарани. Ужасно е кога ќе се разочарате од некој близок. Меѓутоа, вистината е дека порано или подоцна ќе мора да се соочите со одредени разочарувања. Без разлика дали станува збор за родител, дете, пријател или партнер, големи се шансите дека тие некогаш ќе ве разочараат.rnrnrnrnТоа можеби ќе ве натера да посакате да ѝ ставите крај на врската со човекот кој ве разочарал или да се оддалечите од него, но не треба веднаш да се откажувате. Разочарувањата не се последица од непријателскиот однос или недостатокот на љубов, туку од неисполнетите очекувања. Најголемата штета настанува кога ќе им дозволите на разочарувањата да се зголемуваат и полека да ги трујат вашите односи. Па, како треба да се справите со разочарувањата пред да ги уништат вашите врски со најблиските? Експертите препорачуваат да ги применувате следниве 4 совети…rn

1. Покажете им на вашите блиски дека ги цените

rnСпротивно на разочарувањето е ценењето. За да можете да ги надминете разочарувањата, најпрво треба да се цените себеси и другите. Почнете така што ќе го цените она што се случило наместо да се фокусирате на она што не се случило. На пример, замислете си дека сте го замолиле партнерот да расчисти по вечерата и гледате дека тој само ја собрал масата и ги ставил садовите во лавабо. Наместо да се лутите поради тоа што партнерот не ги измил целосно садовите, фокусирајте се на тоа дека ја исчистил масата и ги тргнал остатоците од храната.rnrnАко гледате на позитивната страна на нештата, ќе ги забележите сите работи што вашиот партнер ги направил за да помогне, а тоа порано или подоцна ќе доведе до она што всушност сте го посакувале. Со други зборови, ситуацијата не е толку лоша. Ако управувате со вашите очекувања на ваков начин, ќе почнете повеќе да го цените партнерот и да бидете позадоволни во врската.rn

2. Намалете ги вашите очекувања

rnНамалете ги, но не се откажувајте целосно од нив. Понекогаш луѓето немаат никакви очекувања од луѓето кои ги сакаат за да ги одбегнат разочарувањата. Но, тоа е исто толку лошо колку и превисоките и нереалистични очекувања. Најлесно ќе можете да го балансирате ова ако се фокусирате на она „што го имате“, а не на она „што би требало да го имате“. Сконцентрирајте се на реалноста, а не на вашите фантазии и нема да бидете толку разочарани од животот. Немојте да очекувате дека вашите блиски ќе се однесуваат лошо и неодговорно со вас. Ваквиот начин на размислување воопшто нема да ви помогне.rnrnrn

3. Комуницирајте

rnЗапрашајте се искрено: Дали отворено сте ги кажале вашите очекувања? Дали сте биле јасни? Дали ве чуле и разбрале? Дали се согласиле да го направат или да ви го дадат она што сте го побарале? Многу често, разочарувањата потекнуваат од недоразбирањата. На пример, ако сте му кажале на вашето дете да си ја среди собата, а тоа само го наместило креветот и ја здиплило облеката, вие ќе го обвините дека е мрзеливо. Во реалноста, вашето дете не можело да знае дека кога сте рекле „среди ја собата“ сте мислеле на тоа да избрише прашина и да ги организира книгите. Ако правилно ги изразите вашите очекувања, вашите блиски ќе можат многу полесно да ги исполнат.rn

4. Разберете дека не се сите како вас

rnОва е многу важен чекор. Честопати очекуваме луѓето да постапат онака како што би постапиле ние. Вистината е ако вие знаете како да направите нешто, не значи дека и вашите блиски го можат истото и обратно. Вие можеби сте способни да направите совршен план за излегување со вашиот најдобар пријател со недели однапред, но тој можеби е поспонтан и не прави никакви планови. Сите имаат свои позитивни и негативни страни. Многу е важно да разберете дека не се сите исти. Ако очекувате од луѓето да го направат истото што и вие би го направило, разочарувањата се неизбежни.rnrnНајголемата вистина е дека не можеме целосно да ги одбегнеме разочарувањата, бидејќи тие се неминовен дел од животот. Добрите вести се што можете да управувате со вашите очекувања така што нема да им дозволите на разочарувањата да завладеат со вашиот живот и ќе можете да изградите успешни и стабилни врски со вашите најблиски.rnrnПрочитајте и кои се најголемите разочарувања во животот.

April 10, 2017
15 работи кои треба да престанете да ги очекувате од другите

Многупати сме страдале бидејќи некои луѓе не ги исполниле очекувањата кои сме ги имале за нив. Вистина е дека секој од нас ги сака основните работи како што е почит, но некои очекувања можат само да нè разочараат. Еве ги 15-те работи што не би требало да ги очекувате од другите.rnrnrn

1. Никогаш не ги судете другите според вашите стандарди

rnТреба да сфатите дека многу луѓе се поразлични од вас. Имаат други морали и принципи. Фокусирајте се на вашето чувство за добро и лошо и никогаш не го наметнувајте на друг. Сè додека некој не ве повредил, немојте да го судите.rn

2. Никој не е совршен

rnНе можете да очекувате некој да биде направен совршено за вас. Разочарувањата се дел од животот. Несовршеностите се направени за да бидат совршени. Опсесијата сè да биде совршено понекогаш може да биде многу опасна.rn

3. Не очекувајте секој да се согласува со вас

rnДури ни најдобрите пријатели не се согласуваат во сè. Можете да не се согласувате во ништо, и сè уште да имате прекрасни врски.rn

4. Никој не може да ви ги чита мислите

rnПостојат интуитивни личности, но ова не ги прави сите чувствителни и читачи на мисли. Не се сите луѓе исти, па затоа престанете да очекувате да се случат чуда кога знаете како некој размислува.rn

5. Немојте да мислите дека другите ќе ви помогнат

rnОва може да биде погрешно очекување во блиските врски. Но многу луѓе денес не би ви подале рака кога тоа би ви требало. Секој си има свои проблеми, па затоа вие самите справувајте се со вашите.rn

6. Нема сите да ве разберат

rnНема потреба сите да ве разбираат. Она што е важно е функционална врска со вашите блиски. Не ви треба прифаќање од секој.rn

7. Не мислете дека другите ќе ве третираат како вие нив

rnИако ова изгледа како совршено правило, работите не излегуваат секогаш како што сме сакале. Подобро соочете се со реалноста и бидете фер кон сите. Не ја очекувајте благодарноста и сочувството од другите.rn

8. Луѓето се менуваат

rnПовеќето луѓе се менуваат со секоја помината година. Светот во којшто живееме не е совршен и секој ден е нова битка каде што повеќето нè осудуваат. Луѓето се менуваат со текот на времето и важно е да ги спуштите вашите стандарди.rn

9. Ретко кој ги средил сите свои проблеми

rnЖивотот знае да биде негативен и повеќето од нас се соочуваат со падови. Понекогаш не е можно сè да биде во ред. Важно е ваквите падови да ги прифаќате полесно.rn

10. Создадете чувство на љубов однатре

rnТреба да бидете способни самите да се љубите. Наместо да ја трошите на неискрени луѓе, пробајте самите да си подарите малку љубов.rnrnТреба да ви стане јасно дека животот не е секогаш лесен и дека некои работи ќе ги добиете само со многу труд. Штом ќе го сфатите ова, разликата ќе биде очигледна.rn

12. Не очекувајте другите да бидат секогаш фер

rnЖивотот е како бојно поле. Научете дека некогаш нема да добиете ништо за возврат.rn

13. Престанете да мислите дека противниците нема да успеат

rnОва е многу чест проблем. Сè што можете да направите е да го извлечете најдоброто од себе и да не очекувате нешто за возврат. Наместо да се фокусирате на другите, фокусирајте се на себе!rn

14. Контролирајте ги вашите пари

rnНе очекувајте некој друг да ви ги плати сметките. Дури и со најдобро однесување, вашите блиски не се должни да ви ги плаќаат сметките. Треба да бидете финансиски стабилни и независни.rn

15. Поставувајте си стандарди само за вас

rnМногу е важно да заборавите на очекувањето дека некој ќе ги исполни сите ваши очекувања за совршеност. Можете да си поставите стандарди само за вас, но другите нема да го следат тоа. Прифатете го ова и продолжете понатаму.rnrnПрочитајте и за моќта на живеењето без очекувања!

April 5, 2017
Како да поставите соодветни очекувања од љубовната врска и да се заштитите од разочарувањата?

Многу е важно да знаете што сакате од една врска. Ако сѐ уште си немате дадено соодветен одговор на ова прашање, треба да размислите сериозно на оваа тема пред да се впуштите во љубовните води. Сепак, мора да бидете сигурни дека вашите очекувања се нормални. Со цел да го живеете животот онака како што сте го замислувале, треба пред сѐ да си дадете точен одговор на прашањето што е она што навистина го сакате.rnrnrnrnДоколку се засновани на реалноста, очекувањата најчесто се добри. Но, од друга страна пак, доколку имате многу нереални и високи очекувања, вие ќе се соочите со пречки во вашата врска, при што ќе доживеете и разочарување. Токму затоа најважно е да ги балансирате вашите очекувања со вашата реалност, па иако ова не е лесно и едноставно да го направите, сепак, мора да научите.rn

Не плашете се да откриете што е она што го сакате

rnНајдобар начин да откриете што сакате, е процесот на елиминација. Со други зборови, доколку знаете што не сакате, вие го намалите вашиот избор и полесно ќе откриете што ви е потребно. Преку неколку состаноци, вие ќе можете да согледате што сакате од вашиот живот и од потенцијалниот партнер. Она што е добро кога имате очекувања е тоа што тие ве прават сигурни дека вие работите за да ги остварите вашите цели. Не треба постојано да се задоволувате со одредено ниво, бидејќи така никогаш нема да го добиете она што го сакате од животот. Затоа, отфрлете го стравот и следете го она што го сакате во животот.rn

Лоши очекувања од љубовната врска

rnЛошите очекувања многу лесно може да излезат од контрола. Секоја личност пред да отиде на состанок, во својот ум си создаваа слика за тоа како изгледа другата личност. Но, овие прерано создадени очекувања може да ѝ наштетат на потенцијалната врска. На пример, можеби очекувате од другата личност да биде висока, згодна и со многу пари, па по неколку минути од вашиот состанок да заклучите дека ќе морате да ја промените својата замисла. Затоа, запрашајте се дали очекувањата ви се засноваат на реалноста, без разлика дали излегувате на прв состанок или не. Очекувањата не работат секогаш во ваша полза, туку понекогаш се и против вас. Најчесто се засноваат на многу околности, а изгледот, кариерата и материјалните средства не треба да бидат одлучувачки фактор за тоа дали ќе останете со некоја личност.rn

Очекувањата и залажувањето на самите себеси

rnЕден аспект на очекувањата од врските со кои многумина си имаат проблем, е тоа што тие очекуваат личноста со која се состануваат да биде искрена, вредна и чесна како што се тие самите. Па, сето ова завршува со скршено срце. Понекогаш вие може да очекувате другите да бидат исто толку внимателни и грижливи, како што сте и вие кон нив, а ова води кон недоразбирање и повредување. Со тоа што очекувате другите да бидат и да се однесуваат како вас, вие самите се изложувате на тоа да бидете повредени. Важно е да запаметите дека другите го гледаат светот на поинаков начин отколку вие самите. На пример, некои личности не сакаат редовно да комуницираат, што може да ги изнервира оние кои се навикнати на спротивното. Треба да сфатите и да прифатите дека секој е различен и дека не секој умее на ист начин да ја покажува љубовта како што го правите тоа вие. Не залажувајте се себеси дека можете да промените некого кога ќе започнете врска. Повеќето луѓе не се менуваат, освен ако премногу не го сакаат тоа.rnrnrn

Да се биде „совршен“

rnНа пример, замислете дека сте многу заљубени во вашето/вашата момче/девојка, па ги гледате преку „розови очила“ и пропуштате да ги видите сите оние недостатоци кои ги согледуваат другите. Тогаш мислите дека вие двајцата сте предодредени да бидете заедно и ќе се однесувате во согласност со тоа верување. Вие сте нивни и тие се ваши. Звучи едноставно, зар не? Но, реалноста е дека тоа е многу покомплицирано. Прво и основно, со кој и да сте во врска, е независна личност која имала живот и пред вас. Таа личност имала свои подеми и падови, несигурности, проблеми и верувања. Не можете да очекувате од таа личност да биде совршена. Перфекционизмот е илузија. Исто како што не можете да очекувате вашата друга половина да има исти очекувања од врската како и вие. Ваквите очекувања ќе ве изневерат, само прашањето е кога. Најдоброто нешто што можете да го направите е да го прифатите вашиот партнер онаков каков што е, со сите негови недостатоци и јасно видливи несовршености.rn

Стандардите и очекувањата од љубовната врска

rnСтандардите и очекувањата се различни работи. Очекувањата првенствено се засноваат на тоа што другата личност „може“, „треба“ или „не треба“ да направи за вас. Од друга страна, стандардите се барања, квалитети, морали, навики и/или етика и кои верувате дека треба да ги има личноста за да биде прифатлива за вас. На пример, повеќето луѓе би очекувале партнерот со кој се состануваат да биде учтив, дури и ако келнерот ја згреши нарачката. Тоа е ваш стандард, личноста да се однесува човечно и љубезно. Вашите стандарди секогаш треба да бидат високи, но што се однесува до очекувањата, треба да имате предвид тие да бидат реални. Ако очекувате вашето момче со кое се состанувате 6 месеци да ве одведе на некое скапо патување, тогаш тоа не е реално и вие само ќе се разочарате.rn

Совршено несовршени

rnОчекувањата, дури и оние разумните, нема секогаш да бидат исполнети и вие ќе завршите со разочарување. Тоа е дел од животот. Какви било разочарувања доаѓаат и си одат, но вие треба да се трудите да ги одржувате во рамнотежа со реалноста и со вашите потреби. Покрај сè, треба да сфатите дека вашите сакани не може секогаш да бидат во можност да ги исполнат вашите очекувања. Можеби ќе ви подарат погрешен подарок или ќе заборават некој важен датум, но потсетете се дека и вие не можете секогаш да ги исполните нивните очекувања. Ние сме совршено несовршени суштества кои сме на оваа земја со цел да станеме подобри. А понекогаш доживуваме неуспеси. Имајќи го ова на ум, вие ќе можете да заборавите на разочарувањето кога вашиот партнер ќе ја заборави вашата годишнина или роденденот. Луѓето постојано прават грешки, особено кога животот станува премногу зафатен. Затоа, не обидувајте се да бидете совршени, затоа што никој не е!rnrnДоколку сепак сте со соочиле со некое љубовно разочарување, прочитајте ги овие 6 начини за справување со истото.

February 13, 2017
Каква е поврзаноста помеѓу очекувањата и превенцијата на рак?

На почетокот од секоја нова година, луѓето обично сакаат да направат промени и си поставуваат нови цели со цел да го извлечат најдоброто од себе. Сите ние развиваме одредени надежи и очекувања за тоа што ќе ни донесе иднината, особено ако сакаме да почнеме со редовно вежбање и здрава исхрана. Според тоа, нашите очекувања честопати се поврзани со нашето здравје. Најновите истражувања покажале дека очекувањата имаат директно влијание на превенцијата и терапијата за рак.rnrnrnrnПсихолозите истражиле како луѓето носат одлуки поврзани со превенција на одредени заболувања (како на пример, ставање крема со заштитен фактор) и колку сериозно го сфаќаат ризикот по нивното здравје, за колку сериозна ја сметаат болеста од која сакаат да се заштитат и каква е нивната перцепција за општествените норми кои налагаат преземање одредени превентивни мерки. Тие исто така го истражиле влијанието на одредени лекарски препораки за преземање мерки за превенција. Освен тоа, тие сакале да дознаат како луѓето очекуваат дека ќе се чувствуваат по преземените превентивни мерки.rnrnУлогата на очекуваните емоционални реакции била особено видлива во случајот на земање лекови за хемопревенција, како што се тамоксифен и ралоксифен, од страна на жени кои се изложени на поголем ризик од рак на дојка. Жените ги одбегнувале овие опции не само поради тешките несакани последици од лековите, туку и поради тоа што сметале дека ако ја примаат оваа терапија подолго време, нема да се ослободат од грижата дека постои можност да заболат од рак, туку само ќе си го зголемат стресот и нервозата.rnrnСо цел да се испита оваа појава, психолозите интервјуирале неколку жени во постменопауза кои биле изложени на поголем ризик од рак на дојка и земале лекови за хемопревенција. Тие ги прашале какви биле нивните очекувања во однос на тоа како ќе се чувствуваат по земањето на лековите. Поголемиот дел од жените не очекувале дека терапијата со лекови за хемопревенција ќе им помогне да се ослободат од стресот предизвикан од грижата за сопственото здравје. Освен тоа, кај жените кои имале негативни очекувања околу тоа како ќе се чувствуваат постоеле помали шанси дека ќе останат доследни на терапијата во текот на наредните 3 месеци.rnrnВо едно друго слично истражување, биле испитани очекувањата на пациентите болни од рак поврзани со веројатноста да ги доживеат несаканите последици од терапијата како што се мачнина, болки, исцрпеност и повраќање. Се открило дека очекувањата го предвидуваат степенот до кој пациентите навистина ќе ги почувствуваат несаканите последици. Поврзаноста помеѓу очекувањата и вистинските искуства е многу силна. Кога очекувањето ќе биде потврдено со доживувањето на одреден симптом, тоа поттикнува понатамошно верување во сите останати претскажувања што се јавуваат несвесно и ненамерно.rnrnrnrnОва се примери на случаи кога негативните очекувања ги попречуваат позитивните резултати. За жал, нашите очекувања честопати се погрешни и субјективни. Ако се фокусираме само на стресниот аспект од идните ситуации, нема да можеме да дејствуваме разумно. Не треба да донесуваме одлуки врз основа на тоа како очекуваме дека ќе се чувствуваме, бидејќи тоа може да биде многу погрешно. Можеби тоа што постојано ги очекувате несаканите ефекти од лековите што ги земате се до некаде оправдани, но тие имаат многу поголемо влијание на крајните резултати одошто мислите. Ваквите очекувања се толку моќни што можат да доведат до негативни последици, дури и да нема основа за тоа. Оваа појава се нарекува ноцебо ефект, што е спротивно на познатиот плацебо ефект.rnrnПостојат и многу примери каде позитивните очекувања придонеле за постигнување одлични резултати кога станува збор за заболувањата од рак. На пример, луѓето кои го победиле ракот во детството и имале позитивни очекувања за тоа како ќе се одвива нивната болест, биле физички и психички поздрави од оние кои имале негативни очекувања.rnrnБила спроведена и лонгитудинална студија која докажала дека пациентите со рак на простатата кои имале попозитивни очекувања пред операцијата (околу тоа дали ќе имаат проблеми со уринарниот систем, дали ќе бидат способни за сексуални односи, како ќе бидат прифатени од партнерката и какви ќе бидат резултатите од терапијата) живееле многу поквалитетно од останатите.rnrnОд сето ова може да се заклучи дека очекувањата имаат големо позитивно или негативно влијание на превенцијата и терапијата за рак. Луѓето треба да го разберат нивниот моќен ефект за да можат да ги спречат или олеснат несаканите последици по сопственото здравје.rnrnДоколку ве заинтересира оваа тема, прочитајте ги и 10-те факти за ракот, една од најопасните болести на денешницата.

January 17, 2017
Ако вашата цел е да бидете вистински среќни, тогаш заборавете на овие работи во животот

Речиси сите луѓе се трудат да пронајдат вистинска среќа, но тоа не успева толку лесно. Доколку сакате да се најдете на тој пат, потребно е да отфрлите некои работи кои влијаат на начинот на кој размислувате. Споредувањето со другите нема никогаш да ви донесе комплетно задоволство и исполнетост. Затоа, разгледајте што е она што ве прави среќни, а еве од кои работи треба да се откажете за да вметнете нова сила во вашиот живот.rnrnrn

1. Љубомора и завист

rnЛесно е да ги видите вашите пријатели, колеги, браќа или сестри како постигнуваат некој успех, па да се прашувате зошто и вие не можете да го правите тоа. Кога другите постигнуваат нешто, честопати кај вас се јавува завист и ја сакате славата која тие ја имаат. Но, овие емоции не водат кон успех, баш напротив. Потребно е да сфатите дека успехот не ве следи вас затоа што не е вистинскиот момент, а сѐ што треба е да останете фокусирани на вашите сопствени цели и да го живеете вашиот, а не животот на другите.rn

2. Премногу работите

rnИ покрај тоа што напорната работа е важна, сепак, треба да правите баланс помеѓу тоа колку напор вложувате. Вашиот ум и тело може да потрошат одредено ниво енергија во еден ден, па преголемата исцрпеност ќе доведе до поголем стрес. Затоа, обидете се да работите ефикасно и овозможете му го потребниот одмор на вашето тело и вашиот ум.rn

3. Имате страв од поставување цели

rnДали сте доволно добри? Па, тоа зависи. Дали сте подготвени да ги преземете потребните чекори за да станете доволно добри? Ако сте подготвени, тогаш да, вие сте доволно добри, дури и ако сѐ уште не сте во таа позиција. Доколку само седите и се прашувате што би било ако можете да ги правите работите што ги сакате, никогаш нема да постигнете успех. Поставете си реални цели и движете се со мали, но сигурни чекори.rn

4. Одложувате

rnДа започнете со нешто најверојатно е најтешкиот дел. Честопати кај луѓето е присутен стравот дека не се доволно подготвени. Но, реалноста е дека никој никогаш не може целосно да биде подготвен. Со тоа што ќе започнете, вие ќе бидете во можност да ги согледате своите предности и недостатоци. Доколку само седите и размислувате, без да дејствувате, тогаш тоа нема да ве одведе никаде.rnrnrn

5. Мислите на вчерашниот ден

rnЧестопати се потсетувате на минатото и се преправате дека не сте погрешиле. Во вашите фантазии, денес ќе биде прекрасен ден и ќе ги постигнете сите цели, без да се грижите. За жал, животот не функционира на овој начин. Секој греши и токму грешките се шанси да откриете нешто ново за себе. Надминувањето на тешкотиите започнува со решението кое треба да го донесете денешниот ден, без притоа да се задржувате на она што би требало или сте можеле да го направите изминатиот период.rn

6. Мислите на утрешниот ден

rnИдејата за она што може да го понуди утрешниот ден е застрашувачка. Дали би можеле да ги одржувате вашите цели? Како би се снајделе во животот? Дали би ја имале потребната поддршка доколку доживеете неуспех? Сите овие проблеми треба да ги имате предвид, но не треба да дозволите тие да ве вознемируваат. Потсетете се зошто сте се одлучиле да преземете некои чекори. Секој ден, денес е денот кој е најважен.rn

7. Очекувате совршенство

rnДа се биде среќен не е синоним за совршенство. Совршенството го означува крајот на растот, затоа што ништо повеќе не може да се направи и ништо друго не може да се постигне. Личноста ориентирана кон целите која нема ништо што да направи, не е среќна личност.rn

8. Очекувате совршена врска

rnВо никој случај љубовта не е совршена. Врските, па дури и пријателските, бараат одржување, работа и рамнотежа. Не постои совршен партнер и покрај тоа што може да ви се чини така. Прифатете ја љубовта што ја имате и обидете се да не бидете премногу окупирани со недостатоците на личноста и погледнете ги во нивното вистинско светло. Добриот партнер или пријател ќе го направи истото и за вас.rnrnrn

9. Очекувате совршено тело

rnКолку често ви е присутна идејата за тоа како треба да изгледате? Од каде да ја купувате облеката? Кој број облека е совршен за вас? Овие високи стандарди се опасни извори на стрес. Тешко е да ги игнорирате, но не е невозможно. Создадете си мислење за себе и продолжете да ги подобрувате целите и стандардите кои самите сте си ги поставиле, затоа што секој е различен.rn

10. Не го прифаќате зборот „Не“

rnОвој збор со две букви може да има многу голема моќ. Тој може да ве порази, одново и одново. Но, на патот кон среќата, вие почесто ќе слушате „Не“ отколку „Да“ и тоа е сосема во ред. Секое „Не“ е чекор понапред кон она „Да“ кое го барате. Не сфаќајте го лично секое негирање.rn

11. Правите изговори

rnКажувајќи си лаги и други приказни со цел да ја олесните ситуацијата не е здраво, затоа што тоа доведува до заблуда. Така, наскоро ќе почнете да верувате во сите изговори што ги правите и на крајот нема да можете јасно да ги видите недостатоците, кои го запираат вашиот личен развој.rn

12. Очекувања

rnКои се вашите очекувања? Кој ги бара од вас? Дали овие стандарди ги поставивте вие или некој друг? Доколку самите не ги одредите своите очекувања, тогаш ослободете се од нив. Никогаш нема да бидете среќни ако се обидувате да живеете нечиј друг живот. Нивните очекувања нека бидат за нив, а вие самите изберете ги своите.rnrnrnrnВие ќе бидете вистински среќни ако научите да се слушате себеси. Одвлекувањето на вниманието, очекувањата и двојните стандарди честопати го презаситуваат вашиот ум и ве спречуваат да пронајдете мир во самите себе. Вашите сопствени гласови стануваат помали и подалечни. Најдете го вашиот глас и откажете се од овие работи, па ќе бидете чекор понапред кон пронаоѓањето вистинска среќа.

November 28, 2016
Понекогаш тоа што ќе го добиете е подобро од тоа што сте го посакувале

Сите ние имаме претстава каков живот би сакале да живееме. Кога станува збор за замислената иднина сите сме експерти и понекогаш толку многу знаеме да се занесеме што не сакаме да прифатиме ништо друго.rnrnМожеби си мислите дека тоа што не прифаќате ништо помалку од она што сметате дека го заслужувате е доказ за вашата упорност и решителност, но тоа не е секогаш случајот особено кога се работи за љубовните врски. Вие на тој начин само се лажете дека контролата на работите е во ваши раце. Вие сте главните. Вие одбирате што сакате и нема да се помирите со ништо помалку од тоа.rnrnrnrnЗа жал, во реалноста работите не функционираат баш така. Можеби нема да ви се чини како многу продуктивно тоа што ќе се откажете од она што сте го сакале, но тоа е всушност најбрзиот начин да пронајдете среќа. Кога ќе престанете да се држите до вашите очекувања, ќе се отворите себеси кон нови искуства и ќе го доживеете животот на вистински начин.rnrnКлучот е да прифатите дека сѐ е минливо, да бидете отворени кон промени и да го цените она што го имате сега. Добро е да имате цели и планови и дефинитивно треба да се обидете да ги реализирате, но немојте да мислите дека сѐ ќе испадне совршено.rnrnСте запознале момче што ви се допаѓа? Супер! Запознајте го, но не очекувајте дека тој ќе биде вистинскиот или вашиот иден партнер. Сакате да дадете отказ од работа и да почнете свој бизнис? Одлично! Но, немојте да мислите дека така ќе заработите милиони.rnrnЖивотот станува многу подобар кога ќе престанеме да го претвораме во нешто што не е. Животот е таков. Чуден, непријатен и понекогаш страшен. Ниту еден план или дејство нема да го променат тоа.rnrnДоколку сакате да бидете среќни, мора да одберете да бидете среќни уште веднаш. Не треба да се грижите за тоа што ќе се случи за 5 години, 5 дена, па дури ни за 5 минути. Имајте на ум дека каде и да сте, таму сте каде што треба да бидете, а останатото ќе се среди само по себе.

August 30, 2016
Хороскопот открива: Што потајно посакуваат луѓето да променат кај вас?

Сите луѓе имаат свои недостатоци и мани, а некогаш тие знаат да внесат немир и незадоволство кај луѓето од поблиската и подалечната околина. Секој хороскопски знак има некоја своја одлика, којашто луѓето, доколку имаат можност, со задоволство би ја смениле кај своите родители, партнери, пријатели, колеги… Проверете која ваша особина особено ги иритира луѓето од вашето опкружување.rnrnrn

Овен

rnВашите очекувања. Бидејќи вие сте силни, амбициозни и одлучни, имате многу високи стандарди кои останатите тешко можат да ги постигнат. Луѓето мислат дека понекогаш не сте фер, затоа што не можат сите да бидат на вашето ниво на перфекционизам.rn

Бик

rnВашата тврдоглавост. Вие едноставно не слушате совети откако ќе донесете одредена одлука. Понекогаш вашите пријатели посакуваат да сте малку пофлексибилни за да се почувствуваат барем малку значајни во вашиот живот, да забележат дека имаат одреден улога. Но, тоа се случува само ако вие им дозволите.rn

Близнаци

rnВашата потреба да се спријателувате со сите. Вие едноставно сте познати по тоа што на едноставен и брз начин можете да станете пријател со кој било, што понекогаш го намалува квалитетот на пријателството со луѓето кои се до вас цел живот. Многу често може да ви се случи по само 10 минути, да ги запоставите вашите пријатели со кои сте излегле и цела вечер да си правите муабет со целосни странци кои случајни сте ги запознале.rn

Рак

rnВашата тишина. Сите знаат колку многу емотивни и чувствителни можете да бидете додека не одлучите да си ја отворите душата и да кажете што ве мачи. Многу сте затворени кога станува збор за емоциите, па затоа многу често се случува дури и вашите најблиски да не можат да ве прочитаат.rn

Лав

rnВашата доминација. Да, знаете како да водите и веројатно тоа го правите најдобро од сите останати, но некогаш можете да „парадирате“ на начин на кој останатите ќе се почувствуваат инфериорно или несоодветни во одредена ситуација. Понекогаш вашите пријатели сакаат да се смирите и да одите чекор по чекор, затоа што сите луѓе ги немаат самодовербата и самосвеста кои вие ги поседувате.rn

Девица

rnВашата индиферентност. Некогаш сте толку затворени, поради што може да изгледате студено и незаинтересирано. Таквата резервираност кај луѓето остава впечаток дека воопшто не се грижите за нив или дека не ви се допаѓаат. Иако, сте многу потопли и понежни личности отколку што изгледате, начинот на којшто се прикажувате кај луѓето може да предизвика чувство дека воопшто не сте свесни за нивното постоење.rnrnrn

Вага

rnВашата дипломатија. Вие сте толку дипломатски настроени и политички коректни, поради што луѓето не знаат кога ја говорите вистината. Вие секогаш ја кажувате вистинската работа во вистинското време, па околината се прашува како успевате речиси никогаш да не погрешите.rn

Скорпија

rnВашата ароганција. Вие сте супер интелигентни и харизматични и сте свесни за тоа и не го криете таквото сознание за себе. Но, тоа кај околината создава впечаток дека мислите оти сте подобри од останатите. Иако, повеќе станува збор за самодоверба отколку за ароганција, би било добро да ги оставите луѓето да зборуваат повеќе за себе, а не секогаш вниманието да го вртите кон вас.rn

Стрелец

rnВашата негрижа. Вие многу им верувате на луѓето, поточно многу лесно им верувате на непознати луѓе. Многу лесно знаете да ги искажете вашите тајни на некој кој само што сте го запознале, затоа што сметате дек на тој начин се зближуваат луѓето. Но, таквата ваша карактеристика понекогаш ги полудува вашите вистински пријатели, бидејќи многу често се отворате на погрешни луѓе.rn

Јарец

rnВашата себичност. Вие знаете што сакате и како да го добиете, но знаете и како секогаш да се истуркате во „првите редови“. Што секако не е лоша карактеристика, но вашите пријатели би сакале некогаш да направите компромис, наместо сè да биде по ваше.rn

Водолија

rnВашето расположение. Вие знаете лесно да го менувате расположението, па од смеење за неколку секунди да преминете во муртење, поради што вашите пријатели се прашуваат дали тие се виновни за таквото ваше расположение. Вашиот ум секогаш работи, поради што влијае на вашите емоции и на фацијалните експресии, што на луѓето од околината понекога им создава чувство на непријатност.rn

Риби

rnВашата ексцентричност. Вашите пријатели не можат секогаш да сметаат на вас, затоа што може да не се појавите тогаш кога сте се договориле. Тие се навикнати на вашата карактеристика да откажувате планови и да се предомислувате во последна минута. Многу често се обврзувате на задачи кои знаете дека нема да можете да ги завршите, што ја фрустрира околината и создава тешкотии при планирање активности во кои сте вклучени и вие.

July 18, 2016
Кои се најчестите неоправдани причини поради кои му се лутиме на нашиот партнер?

Уште пред 2.000 години, римскиот император Марко Аврелиј рекол: „Доколку сте вознемирени поради некој надворешен фактор, болката не е резултат на самиот тој фактор, туку на вашата проценка на истиот, која имате моќ да ја промените во секој момент“.rnrnИли со други зборови: Се чувствувате онака како што мислите. Вашите верувања, очекувања и мисли во врска со нешто доведуваат до чувствата што ги имате. Токму затоа две различни личности реагираат на сосема различен начин кога ќе се најдат во иста ситуација. Доколку заглавите во сообраќај, или ќе се нервирате и ќе викате, или ќе се опуштите, ќе си пуштите музика и ќе грицнете нешто. Не е сообраќајот она што ве вознемирува, туку вашите верувања и мисли за него.rnrnrnrnОва важи за сите нешта во животот. Верувале или не, можете да почувствувате болка и вознемиреност, без да се налутите и нервирате. Ние сме несреќни само поради нашата перцепција и очекувања. Кога доживуваме некои негативни емоции, сакаме веднаш да се ослободиме од нив и наместо да се соочиме, ги насочуваме кон некоја друга личност или на повеќе луѓе кои нѐ опкружуваат.rnrnПочнуваме да ги обвинуваме надворешните нешта и луѓе, наместо да погледнеме што се случува во нас самите. Кога станува збор за љубовни врски, најлесно е да се обвини личноста со којашто сме, односно нашиот партнер. Ова се двете најчести причини поради кои неоправдано му се лутите на вашиот партнер…rn

Сте имале нереалистични очекувања

rnМногу е важно да имате високи стандарди, но ниски очекувања. За повеќето луѓе важи обратното. Имаат ниски стандарди и прифаќаат секакво можно токсично однесување од останатите, но истовремено имаат и неверојатно високи очекувања, па се чувствуваат разочарани кога тие нема да бидат исполнети.rnrnДоколку некогаш сте разочарани или фрустрирани, тоа значи дека вашите очекувања веројатно биле многу високи во одредена ситуација. Можеби сте очекувале некаков посебен подарок за вашиот роденден или сте очекувале вашиот сакан да ви ги прочита мислите и да знае дека треба да ви помогне околу домашните обврски. Треба да имате високи стандарди, но не и да очекувате од вашиот партнер да ги исполни 100% од времето.rnrnrn

Верувате дека вашата гледна точка е единствената гледна точка

rnЛуѓето имаат тенденција да мислат дека секогаш се во право и дека ги знаат вистинските факти. Но, постојат различни начини на кои може да се гледа одредена ситуација. Ако 5 луѓе се сведоци на сообраќајна несреќа од 5 различни гледни точки, веројатноста е дека ќе дадат различни изјави за она што „навистина“ се случило и кој бил виновен. Ниту еден од нив нема да биде 100% во право. Се работи само за нивната лична перцепција на она што се случило.rnrnКога сме во врска, ние постојано го правиме ова. Но, ако ја отфрлате гледната точка на вашиот партнер само затоа што се разликува од вашата, тоа неизбежно ќе доведе до караници и конфликти.rn

Преземете одговорност за вашите сопствени очекувања и перцепција

rnПред да му се истурите на партнерот, направете анализа на она што го размислувате и зошто го размислувате. Запрашајте се: „Кој вели дека ова е вистина?“ или „Што друго би можело да биде вистина?“.rnrnНареден пак кога ќе се скарате или ќе се почувствувате фрустрација поради вашиот сакан, земете воздух, застанете и поставете си ги тие прашања. Ако сакате да го промените начинот на кој се чувствувате, прво мора да го промените начинот на кој размислувате.

July 12, 2016
5 заблуди за среќните љубовни парови во кои сите веруваме

Општеството, медиумите, нашите пријатели и семејство, сите тие се обидуваат да ја создадат идејата за совршена љубовна врска. Идеја која се заснова на фиктивните верувања на среќните луѓе. Недостижните идеали кои ги поврзуваме со совршените парови можат да нѐ натераат да направиме некои опасни и штетни избори кога станува збор за вистинските врски во нашиот живот. Секако дека овие парови не се секогаш среќни, ниту, пак, нивниот сексуален живот е секогаш одличен. Ние честопати веруваме во некои заблуди поврзани со тие идеални врски кои можат да ја загрозат нашата моментална љубов, која всушност и самата е позитивна и здрава во реалноста.rnrnrnrnНекогаш дури не се ни осмелуваме да почнеме врска затоа што веруваме дека вистинската љубов може да се случи само на прв поглед. Поради тоа воопшто не преземаме иницијатива да работиме на врската и да ѝ дозволиме да се развива. Важно е да бидеме свесни за заблудите поврзани со среќните љубовни парови за да не дозволиме тие да ја обликуваат нашата врска врз основа на нереалистични очекувања. Во продолжение прочитајте кои се 5-те најчести заблуди…rn

1. Среќните парови никогаш не се караат

rnСекоја врска минува низ тешки периоди, тоа е животен факт. Несогласувањата се неизбежни, така што нема поента да ги сметаме како лош знак за врската. Наместо тоа, треба да ја фокусираме нашата енергија кон решавање на конфликтите, бидејќи од секое лошо може да се извлече нешто позитивно. Несогласувањата не мора секогаш да бидат огромни, драматични и насилни, туку треба да ги сфатиме како нормален сегмент од секоја врска.rn

2. Среќните парови секогаш излегуваат заедно

rnТоа не е возможно и е многу напорно. Ако не можете да уживате со партнерот сами, во домашна атмосфера, седејќи прегрнати на каучот, тоа зборува многу за фактот дали и колку всушност си одговарате. Доколку уживате со него или неа само кога сте излезени во некој преполн клуб или во кино, тогаш основата на вашата врска не е многу цврста, бидејќи можете да зборувате само за тоа што се случува околу вас.rn

3. Среќните парови никогаш немаат проблеми во креветот

rnСо оглед на фактот што вашиот партнер е човечко суштество, а не механичка секс играчка, веројатноста е дека понекогаш сексуалната желба нема да биде иста кај двајцата, стресот и расположението ќе влијаат на вашиот перформанс и нормално е дека нема баш секогаш да доживеете оргазам. Тоа не мора да биде показател дека постои некаков проблем во компатибилноста. Тоа само покажува дека вие и вашиот партнер сте нормални луѓе кои не можат постојано да бидат совршено сексуално активни.rnrnrn

4. Среќните парови веднаш знаеле дека нивниот партнер е вистинскиот

rnНајпрво, треба да запаметите дека не сите луѓе што се во врска очекуваат истата да заврши со брак. Исто така, ако луѓето веднаш не почувствуваат желба да се врзат, ја осудуваат врската на пропаст и ги уништуваат сите можности подобро да го запознаат партнерот. Секако дека некои парови искусиле љубов на прв поглед, но тоа не е никакво мерило за тоа дали врската ќе биде среќна во иднина. Доколку сте задоволни од вашиот партнер во моментов, но не сте сигурни дали сакате да останете заедно до крајот на вашиот живот, тоа е сосема логично и разбирливо. Тоа значи дека треба да продолжите да ја истражувате поврзаноста што постои помеѓу вас во сегашноста.rn

5. Среќните парови се секогаш активни и романтични на социјалните мрежи

rnНема сомнеж дека социјалните мрежи претставуваат важен дел од секојдневието, но никако не смеат да го заземат целиот живот. Воопшто не е важно колку често вие и вашиот партнер се појавувате на социјалните мрежи, бидејќи тоа не е никаква гаранција за вашата среќа и љубов во вистинскиот живот. Голем број истражувања покажале дека толку многу енергија се троши на селфиња и други објави, што тоа има негативно влијание на вашата динамика како пар. Тоа што не сте активни на социјалните мрежи значи дека сте презафатени со тоа да бидете присутни во вашата врска од реалноста.

July 6, 2016