КАФЕ ПАУЗА

Tag: облик

Научно докажано: Кој облик на нос е најпривлечен за мажите?

Жените честопати се опседнуваат со нивниот нос, неговата големина, облик и никогаш не се задоволни од неговиот изглед. Без разлика дали другите црти на лицето им се совршени, имаат прекрасни облини и убава коса, тие сепак имаат намалена самодоверба само поради носот. Сите посакуваат мал, истакнат нос, со правилен облик. Па, од каде потекнува таа опседнатост со носот? Науката дошла до неверојатно откритие.rnrnrnrnИмено, според едно неодамнешно истражување носот е показател на тоа дали одговарате како потенцијален партнер.rn

„Човечкиот нос е поголем од останатите црти на лицето, тој е нежен и лесно може да се скрши. Со текот на времето еволуирал во главната одлика според која луѓето го оценуваат квалитетот на една личност и прераснал во главниот фактор кој го одредува степенот на привлечност. Нашите резултати покажуваат дека привлечноста на лицето е зголемена ако врвот на носот е поставен централно во однос на другите црти на лицето“, изјавил еден од главните истражувачи.

rnСо други зборови, истражувањето покажало дека мажите ги привлекуваат жени чиј нос е централно поставен. Мажите имаат биолошки предиспозиции поради кои токму овие жени ги гледаат како потенцијални партнерки.rnrnТоа не е единствената работа која може да ја открие вашиот нос. Кога постарите луѓе се жалат дека го изгубиле сетилото за мирис, докторите знаат дека треба да бараат болести поврзани со меморијата, како што е Алцхајмерова болест. Исто така, тие откриле дека клетките во носот покажуваат одредени гени кои се користат при дијагноза на шизофренија.rnrnИ тоа не е сѐ! Друго истражување нашло поврзаност помеѓу секретот од носот и степенот на привлечност. Резултатите покажале дека крупните мажи имаат густ и жолтеникав секрет, додека, пак, послабите и попривлечните мажи имаат поредок и побистар исцедок.rnrnИзгледа дека покрај сѐ опседнатоста со носот сепак е оправдана.

July 11, 2016
Пронајдете ги идеалните очила за сонце според вашиот хороскопски знак

Сите хороскопски знаци имаат различен карактер, но исто така, и различен моден вкус и стил. Со самото тоа, секој од нив избира различни модни парчиња, бидејќи и не сè им прилега добро. Доколку сè уште не сте сигурни какви очила за сонце најдобро ви стојат, тогаш побарајте го одговорот во вашиот хороскопски знак.rnrnrn

Овен

rnВашиот див дух бара необични облици, но и силни бои како што е на пример црвената. Затоа, одличен избор за вас ќе бидат очилата со рамно исечени стакла и впечатлива рамка.rnrnrn

Бик

rnЗа вас се идеални моделите кои на некој начин се безвремени. Сепак, доколку сакате и женствени детали, розовите стакла би биле совршен избор за вас.rnrnrn

Близнаци

rnИако ги сакате класичните модели, исто така, сакате и да ги следите трендовите. Поради таа причина, очилата со округли рамки со сигурност ќе го привлечат вашето внимание, но и ќе ви стојат одлично.rnrnrn

Рак

rnИако сте доста софистицирани и уредни, дамските очила за сонце кои го вртат вниманието кон нив, а со самото тоа и кон вас, се одличен детаљ кој ќе ги „разбие“ вашите едноставни комбинации.rnrnrn

Лав

rnСосема е природно вашиот избор на очила да вклучува модел кој сите мора да го забележат. Всушност, оние кои први ќе ги забележите во продавницата поради својата необичност, токму тие се идеалните за вас.rnrnrn

Девица

rnСето она што има необично совршен облик, додека истовремено и се одликува со женственост е најдобриот избор за вас. Округли рамки и необичен дезен со сигурност ќе го привлечат вашето внимание.rnrnrn

Вага

rnИако вашиот стил воопшто не е едноставен, ниту пак лежерен, токму таквите очила најмногу ќе ви одговараат и ќе се вклопуваат со вашите внимателно избрани модни комбинации.rnrnrn

Скорпија

rnИако не се за секојдневно носење, вие сте единствените на кои им прилегаат очила кои зборуваат „изгледам опасно“. Сето тоа што го изразува вашиот став, е тоа што би требало да го барате.rnrnrn

Стрелец

rnИако сте по природа авантурист, очилата кои најдобро ви стојат се секако едноставни, но и женствени модели, како што се четвртести рамки и златните детали.rnrnrn

Јарец

rnРетро моделите со „мачкести“ рамки се како создадени за вас. За среќа, тие се многу популарни, па многу лесно ќе ги пронајдете.rnrnrnrn

Водолија

rnНикој друг покрај вас не може толку добро да носи светки на рамките од очилата. Тие на вистински начин ја опишуваат вашата откачена страна.rnrnrn

Риби

rnИмате способност да го изберете она што некој ретко би го пробал. Сепак, кога носите необични принтови на рамките сите ќе ве прашуваат од каде сте ги купиле.rnrn

June 30, 2016
Одберете ја идеалната долна облека според формата на вашиот задник

Веројатно никогаш не ви паднало на памет дека долната облека што моментално ја носите можно е да не прилега на формата на вашиот задник. Сигурно не сте ни помислиле дека формата на задникот зависи од поставеноста на карлицата и колковите, количината на масти и нивната распределеност, големината на мускулите на задникот и начинот на кој тие се прицврстени за бутната коска. Резултатот од сите овие параметри е задник кој припаѓа на една од петте можни категории. Исто како што избирате градник кој совршено ви одговара според обликот на градите, можете да изберете и долна облека која најдобро ќе ви прилега според формата на задникот. Застанете пред огледало и откријте во која од следниве 5 категории можете да го сместите вашиот задник, како и која е соодветната долна облека за вас.rnrnrn

1. Форма на квадрат

rnДоколку линијата помеѓу вашите колкови и надворешната страна на бутовите паѓа под прав агол надолу, вашиот задник има форма на квадрат.rnrnИдеалната долна облека за вас: Женски боксерки, бикини, танга, сите овие се удобни и совршено стојат на жени со рамен задник во форма на квадрат. Избегнувајте обични гаќички со еластични рабови кои имаат вишок материјал, бидејќи се набираат и може да не изгледаат убаво под облеката која ја носите.rnrnrn

2. Форма на V

rnАко линијата помеѓу карлицата и колковите паѓа под остар агол навнатре, тогаш вашиот задник е во форма на V. Овој облик на задник е најчест кај жени што имаат широки раменици и многу тесни колкови.rnrnИдеалната долна облека за вас: Одберете длабоки гаќички, боксерки или бикини што немаат големи отвори за нозете бидејќи во спротивно нема целосно да го покријат вашиот задник. Задникот во форма на V може да делува како да е спуштен, па затоа внимавајте отворите за нозете да бидат така поставени што ќе можат да го обликуваат задникот и да му дадат подефинирана форма.rnrnrn

3. Форма на А

rnЖените со крушовиден облик на телото обично имаат задник во форма на А и широки колкови.rnrnИдеалната долна облека за вас: Доколку имате задник во форма на буквата А, веројатно имате пополни бутови и затоа најудобно би ви било во долна облека со поголеми отвори за нозете. Носете танга, бикини или боксерки од растеглива чипка, а одбегнувајте гаќички со еластични рабови кои можат да бидат неудобни.rnrnrn

4. Форма на круг

rnТука нема што многу да се објаснува, доволно е само да се споменат имињата Ким Кардашијан, Бијонсе и Џеј Ло и веднаш сè ќе ви биде јасно. Доколку сакате да имате задник во кружна форма, кој денес е многу популарен, треба да работите на тоа да ги зацврстите мускулите за тој да изгледа поистакнато.rnrnИдеалната долна облека за вас: Кружниот задник си бара повеќе материјал за да може целосно да биде покриен, во спротивно делот од долната облека што се наоѓа помеѓу нозете ќе се помести наназад и ќе го спушти ластикот напред на половината. Танга, длабоки гаќички и растегливи боксерки со централен шев се идеални за вашиот облик на задник.rnrnrn

5. Форма на превртено срце

rnОвој облик на задник, исто како и кружните задници, подразбира крива линија на надворешната страна од колковите, но со поголем волумен на долниот дел од колкот.rnrnИдеалната долна облека за вас: Поради тоа што вашиот задник и колкови се полни, а бутовите ниски, гаќички со високи отвори за нозете нема целосно да ви го покријат задникот. Одберете длабоки гаќички, боксерки или бикини со ниски отвори за нозете. Ако сте загрижени дека задникот ви изгледа спуштен, видете дали отворите за нозете на вашата долна облека му даваат форма на задникот создавајќи ја илузијата на „поткренат задник“.rnrn

April 20, 2016
Водич за правилно нанесување руменило според обликот на вашето лице

Ако мислите дека нанесувањето руменило е крајно едноставно, размислете уште еднаш! Ако некогаш ви се случило да не ви се допадне како сте нашминкани, тогаш најверојатно не сте го следеле вашиот облик на лице, а верувале или не, тоа е многу важно! Исто како што на сите девојки не им стои ајлајнер или одредена боја кармин, исто така не може сите девојки на ист начин да нанесуваат руменило. Затоа, најнапред погледнете го вашиот облик на лице, а потоа земете ја четката и руменилото во раце!rnrnrn

Срцевидно лице

rnЛицето со облик на срце е издолжено, со високи јаболкници и тесна брада. Руменилото би требало да го нанесете на јаболкниците, скоро во облик на буквата „С“, од средина на образите па нагоре.rnrnrn

Долгнавесто лице

rnАко вашето чело, образи и вилица се на иста ширина, вашето лице има долгнавест облик, како еден вид „мек“ правоаголник. Ставете руменило на средина на јаболкниците, а потоа благо размачкајте го накај носот од страна. Исто така, нанесете малку руменило и на слепоочниците, покрај веѓите.rnrn rn

Квадратно лице

rnДоколку имате ваков облик на лицето, најверојатно е дека имате „прави“ страни и рамни вилици, па со руменилото малку ќе го омекнете вашето лице. Нанесете го преку целиот образ, од најнискиот дел па нагоре, кон веѓите. Потоа, суптилно нанесете руменило од внатрешната страна на веѓите кон носот. Слободно ставете малку и на усните и капаците. Зарем сега не изгледате прекрасно?rnrnrnrnrn

Тркалезно лице

rnКај овој облик на лице, највпечатливи се образите, па затоа нив треба да ги „коригирате“ со помош на шминката. Насмевнете се и на највисоките точки од јаболкниците ставете руменило, размачкувајќи го кон надвор, накај ушите.rnrn rn

Овално лице

rnОвалното лице го карактеризираат благо истакнати образи, додека челото и вилиците се нешто пократки. За најдобар ефект, руменилото нанесете го на најистакнатите делови на јаболкниците, а потоа благо размачкајте го нагоре, накај слепоочниците.rnrn

February 5, 2016
Како да изберете џемпер кој одговара на вашата градба на тело?

Џемперите се нашиот најголем моден сојузник во овие ладни денови, па затоа е многу важно, освен нивниот квалитет и топлината што ни ја пружаат, да обрнеме внимание и на нивниот изглед. Зошто тој е важен? Токму поради тоа што сите џемпери не одговараат на сечија градба на тело, па затоа може да се случи поради погрешниот избор да изгледате премногу дебело или чудно. Затоа погледнете кои модели на џемпери најмногу одговараат на вашата градба на тело.rnrnrn

1. Тело со облик на песочен часовник

rnДоколку имате тело во облик на песочен часовник, веднаш заборавете ги вреќестите и широки џемпери. Избирајте ролки и џемпери со впечатлива јака, за на тој начин долниот дел од џемперот да ги истакнува вашите занесни облини. Од друга страна пак, џемперите на преклоп претставуваат одличен избор за вас, особено кога сакате да го нагласите вашиот струк. Освен тоа, избирајте струкирани џемпери, но и џемпери кои се врзуваат под градите.rnrnrn

2. Тело со облик на круша

rnЗа вас се идеални џемперите со голема, впечатлива јака, но и оние на кои задниот дел им е подолг од предниот, кои по можност би биле и гломазни. Избирајте модели кои ќе го насочат вниманието на вашето торзо, но и модели со V-израз или А-крој. Добар избор се и џемперите со капа или со детали на рамената, но исто така вам ви одговараат и модели со дијагонално шиење, бидејќи ќе направат вашите колкови да изгледаат потесни. Кога станува збор за боите, телото со облик на круша е идеално за носење џемпери во силни бои.rnrnrn

3. Тело со облик на јаболко

rnДоколку имате тело со облика на јаболко, избегнувајте ги кратките џемпери и секогаш избирајте долги. На овој начин визуелно ќе ја издолжите фигурата, а воедно и ќе ги истакнете своите облини. Добар избор за вас се џемперите со V-израз, но и џемперите кроени во облик на срце или квадрат. Избегнувајте ги широките џемпери, бидејќи тие визуелно ќе го прошират вашето тело, а доколку многу сакате да ги носите, тогаш комбинирајте ги со тесни фармерки или здолништа. Освен наброените видови џемпери, за вас одличен избор претставуваат и кардиганите.rnrnrn

4. Тело со облик на правоаголник

rnСо оглед на тоа дека немате изразени облини, џемперот е оној кој визуелно треба да ги создаде. Затоа избирајте џемпери кои може да ги стукирате со каиш и на тој начин да создадете илузија на тело со облик на песочен часовник, но и големи, вреќести џемпери. Кардиганите се уште еден добар избор, но и ролките, кои ќе ги нагласат вашите бутини. Може да избирате и џемпери со детали на градите, за визуелно да ги истакнете, а доколку сакате џемпери со подлабок израз, тогаш задолжително со нив комбинирајте впечатлив накит, како обетки или ланчиња.rnrnrn

5. Големи гради

rnДоколку имате големи гради, немојте премногу да се оптоварувате околу тоа каков џемпер треба да носите, бидејќи сè што треба да направите е да го вовлечете вашиот џемпер во панталоните или здолништето кое го носите. Големите џемпери се уште еден добар избор, бидејќи во нив ќе се чувствувате пријатно, додека комбинацијата од светли и неутрални бои, при што неутралните бои се резервирани за горниот дел од џемперот, е совршен избор за вас!rnrn

January 18, 2016
Обликот на вашите прсти отсликува интимни аспекти од вашиот карактер
Изгледа на нашите дланки и прсти е запишано многу повеќе одошто мислиме. Ако должината на малиот прст нѐ опишува на љубовен план, а линиите на дланките зборуваат општо за нашиот живот, среќата и љубовта, подгответе се за нешто плус – формата на вашите прсти го открива вашиот карактер. Можеби ќе ви звучи смешно, но изненадувачки – прилично е точно.rnrnrn

Тип А

rn
- Имате тенденција да ги криете вашите чувства и да се однесувате меланхолично.
- Често се преправате дека сте цврсти и кул, и понезависни одошто навистина сте.
- Во суштина, вие сте доста емотивен тип. Се поставувате фино кон луѓето што ги запознавате.
- Вие сте фер личност која мрази лаги, хипокризија и измама.
- Малку сте ексцентрични и арогантни. Не можете да поднесете многу нешта.
- Имате големо срце и сакате да помагате.
- Ја завршувате секоја зададена задача дури и ако не сакате.
- Многу сакате да се смеете и го правите тоа дури и кога нешто не ви е многу смешно.
- Сите ваши мисли можат да се видат преку вашите експресии.
- Ладни сте кон луѓето со кои не сте многу блиски, но доста емотивни кон оние со кои сте.
rn

Тип Б

rn
- Не сте навикнати да преземате иницијатива за да им пријдете на луѓето.
- Многу сте лојални. Штом се заљубите во некој, ќе им го дадете целото свое внимание и секогаш ќе мислите на нив.
- Вие сте во суштина многу чувствителни, но не изгледате како да сте, бидејќи често штитите нечии чувства преправајќи се дека не знаете ништо.
- Штом одлучите да направите нешто, максимално ќе се трудите да го завршите докрај.
- Се плашите да бидете повредени, па се преправате дека ви е добро да сте сами, но всушност не ви е.
- Останувате смирени дури и кога се чувствувате многу вознемирени поради нешто.
- Изгледате како силна и независна личност која секогаш зборува остро иако имате меко срце и лесно можете да бидете повредени однатре.
- Сакате да си замислувате разни нешта. Секогаш сонувате за некој што ќе ве разбира и сака и ќе ви дава сѐ што ќе посакате.
rn

Тип В

rn
- Лесно се трогнувате.
- Лесно се откажувате од нештата кои ве прават лути и не сакате да држите лутина.
- Не сакате предизвици и не сакате да се занимавате со нешто што ви е непознато.
- Го почитувате мислењето на другите луѓе.
- Понекогаш може да сте наметливи. Вашето его е многу големо кога се расправате, но потоа први се извинувате.
- Секогаш ги чувате вашите чувства и проблеми само за себе.
- Не сакате да се преправате и добро знаете што сакате, а што не.
- Сакате луѓето да ви веруваат и да се потпираат на вас.
- Имате меко срце и лесно можете да бидете повредени, па штом некој ви се извини, веднаш простувате бидејќи не можете да поднесете да бидете скарани со некого премногу долго.
October 18, 2015
Какви се вашите заби? Нивниот облик ги открива вашите амбиции и вашите врски со луѓето

Следниот пат кога ќе ја откриете вашата блескава насмевка, погледнете се во огледало. Вашите заби треба да бидат негувани, а нивниот облик, изглед и боја се разликува од останатите. На тој начин тие покажуваат кои сте вие, а покрај тоа што физички ве разликуваат, тие зборуваат и за некои особини од вашиот карактер.rnrnrn

Конвексни (издадени нанапред) заби

rnОваа личност е зборлеста и бучна, по малку агресивна и ретко се помирува со „не“ како одговор. Кога ќе ви пријде некој со вакви заби, бидете внимателни бидејќи од вас ќе бара нешто што ретко кога би можеле да го одбиете. Конвексните заби кај жените се знак на удобен живот.rn

Комбинирано: Конвексни и конкавни

rnЗабите со ваков облик се во долниот дел конвексни, додека горните се конкавни. Овие личности се добри оратори и многу се уверливи, но немаат многу среќа во кариерата и натпреварувањето. Секогаш се на второ место.rn

Остри заби

rnВаквите заби потсетуваат на глувчешки, остри се и ефикасни, а се знак за паметна личност која поседува одлично знаење во својата струка. Тие се одлични математичари и имаат добар почеток во животот, иако со тек на време почнуваат да се борат со големи препреки.rn

Нееднакви заби

rnЛичностите со нееднакви заби често се алчни и мислат само на себе. Темпераментни се, често си го менуваат мислењето, имаат проблеми во врските и во пронаоѓањето работа. Мораат да ги контролираат своите емоции за да создадат подобар живот.rn

Конкавни (вдлабнати кон внатре) заби

rnЛичноста која има конкавни заби би требала да направи здравствен преглед бидејќи може да има некое генетско нарушување.rn

Повеќе непца отколку заби

rnЛуѓето со вакви заби имаат помалку среќа во љубовта, врските и посебно со семејството. Можно е да отпочнат свое семејство на многу рана возраст. Пријателите им се поблиски од семејството.rn

Заби „на сите страни“

rnПроактивни, смислуваат нови идеи и иницијативни, страсни и искрени. Имаат добри комуникациски вештини, но се многу тврдоглави и кавгаџиски настроени.rn

Мали заби

rnЗајадливи се и за нив парите се сè. Мотивирани се само ако се работи за пари бидејќи заработувањето им значи сè. Љубоморни се и ретко им веруваат на другите. Разделувањето меѓу забите означува личност која не може лесно да заштеди пари.

October 8, 2015
Како да го одредите вистинскиот облик на веѓи за вашето лице?

Сведоци сме на реалноста дека на некои девојки би требало да им ја забраниме употребата на пинцета, бидејќи претеруваат во кубењето на своите веѓи или воопшто ги немаат. Од друга страна пак, во модната индустрија се појавуваат многу манекенки со густи веѓи, па овој стил со голема брзина се враќа на модната и бјути сцена. Затоа денес, со помош на еден совет, ви откриваме како да го одредите вистинскиот облик на веѓи за вашето лице.rnrnrnrnЗемете обичен молив и држете го исправен покрај носот, но така што вашата почетна точка за двете веѓи да биде линијата која на сликата подолу е одбележана со број 1.rnrnrnrnВо текот на следниот чекор, наместете го моливот да формира линија од врвот на носот низ зеницата. Ова точка треба да ја означува највисоката точка на вашите веѓи.rnrnПри третиот чекор треба да го поставите моливот во позиција од ноздрата до аголот на окото и токму таа линија означува каде треба вашите веѓи да завршат.rnrnКога ќе го одредите обликот на вашите веѓи на овој начин не треба да се грижите за тоа како тие изгледаат ниту дали сте претерале со кубењето или пак не.

September 15, 2015
На овој начин нема шанси да погрешите во одредувањето на обликот на вашето тело

Иако некои ќе кажат дека тоа е лесно да се одреди, поголемиот дел од жените не можат да кажат каков е обликот на нивното тело, а сите ние знаеме дека од него зависи изборот на гардеробата која ќе ја носиме. Затоа, одлучивме да ви покажеме начин на кој нема шанси да го погрешите обликот на вашето тело.rnrnrnrnНајнапред, неопходно е да се измерите. Тоа ќе го направите така што со метро ќе ги измерите вашите рамена, гради, струк и колкови, а кога ќе завршите со тоа, пронајдете ги вашите параметри во описите на различните облици на тело.rnrnrn

1. Облик на обратен триаголник

rnДоколку имате тело во облик на превртен триаголник, тоа значи дека вашите рамена се многу пошироки од вашите колкови, односно дека вашите мерки за рамената се за 5% поголеми од мерките за вашите колкови. Количникот на мерката за вашите рамена со мерката за вашите колкови треба да биде ≥ 1,05.rnrnrnrnГардероба која најдобро ви стои: Струкирани јакни со асиметрични копчиња, бидејќи ќе направат вистински баланс помеѓу вашите рамена и колкови.rn

2. Правоаголен облик

rnДоколку вашето тело е во облик на правоаголник, тоа значи дека вашите гради, колкови и рамена се во иста линија, т.е. имаат исти мерки, без истакнат струк.rnrnrnrnГардероба која најдобро ви стои: Волуменски здолништа кои содржат детали во вид на набори, машни или различни други украси.rn

3. Облик на триаголник или круша

rnДевојките коишто имаат тело со облик на триаголник или круша имаат пошироки колкови отколку рамена. Тоа значи дека ширината на нивните колкови е за 5% поголема од ширината на нивните рамена и гради. Самиот количник треба да биде поголем или еднаков на бројот 1,05.rnrnrnrnГардероба која најдобро ви стои: Струкирани фустани, бидејќи на вистински начин ќе ја неутрализираат ширината на вашите колкови.rn

4. Облик на песочен часовник

rnДоколку имате тело во облик на песочен часовник, тоа значи дека ширината на рамената ви е иста со ширината на колковите, но со нагласен струк. Тоа значи дека вашиот струк е за 25% помал од ширината на вашите колкови, но и од ширината на вашите рамена и гради.rnrnrnrnГардероба која најдобро ви стои: Кошули или блузи кои се врзуваат околу струкот, бидејќи на вистински начин ќе го привлечат вниманието на најтенкиот дел од вашето тело.

August 25, 2015
Каква брада ви одговара според формата на лицето?

Машките кои сакаат да носат брада, треба да ја обликуваат не само според моменталните трендови, туку и во склад со својот облик на лицето.rnrnrnrnБрадата, како и фризурата, би требало да ја прилагодите на себе, но и да биде во тренд. Прво, проценете каков облик на лице имате, па потоа прочитајте каква брада ви одговара според советите на професионалните стилисти.rn

Четвртесто лице

rnВи одговара брада од недела дена, која можете да ја скратите со ножички. За мазна кожа околу устата и брадата, посоветувајте се со бербер, барем на почетокот, а потоа контурата можете да ја одржувате сами.rn

Издолжено лице

rnНа оваа форма на лице најдобро стои брада која визуелно го скратува лицето. Оставете ја да расте недела дена и одржувајте ја таа форма и должина.rn

Кружно лице

rnИдеална е стилизирана и разретчена брада, која се спојува со мустаќите, но избегнувајте ги бакенбардите. Најдобро е бербер да ви ја обликува брадата според ваша желба, а потоа можете и сами да ја одржувате.rn

Триаголно лице

rnВам ви одговара разбушавена брада. Оставете ја да расте во линија со образите, оставете бакенбарди, a „накострешените“ влакна отстранете ги со жилет или ножички.

June 29, 2015