КАФЕ ПАУЗА

Tag: навика

Од понеделник…

Го спушташ пенкалото на последниот испит од сесијата, го предаваш листот и да те нема низ врата. Се осеќаш ко преродена личност. Излегуваш од факултет и ти се чини дека светот го гледаш сосема поинаку. Еј, луѓе, животот е убав! La vita è bella! Сабајлево ми се превртуваше стомакот, ама сеедно, видете сега, сонцето свети, славејчињата пеат, т.е. не баш, сè уште не дошла пролетта, ама сеедно, ти се причинува дека слушаш песна на славејчиња.rnrnПа се враќаш дома. Прво и основно, си ја враќаш собата во нормала. Од соба која изгледа како да припаѓа на помалку (или повеќе) налудничава личност, си ја претвораш во твојата стара, убава, удобна соба. Ги тргаш шолјите за кафе, во секоја од нив останале по неколку капки кафе и се здрвиле на дното. Мама има да вика. Нека вика. Тебе не ти е грижа, ти леташ, ти поминаа испитите. После ги тргаш сите листови, копии, скрипти кои ти стоеле на подот. Од некои навистина си учел, а други стоеле пред тебе колку да те тешат. Демек си ги отворил, тука се. Можеби во текот на ноќта некако магично, целото знаење ќе ти се всади во глава. Одиш наредниот ден на испит и сфаќаш дека методот ти бил погрешен, требало да прочиташ нешто.rnrnrnrnЕ добро, супер, да не драматизираме многу, не дека сме биле ослободени од некој логор, иако можеби по малку така се чувствуваш. И сега што? Ти останува нервозно да се логираш на секој половина час и да чекаш резултати. Некогаш па, потсвесно посакуваш да ги нема. Денот ти е убав, зошто да си дозволиш да ти го расипат? Зошто, ете на пример, баш денес да се разочараш? И така сè до наредната сесија…rnrnАма сè е тоа психа. Тоа ти е како, не учам сега, сè уште е рано, сè ќе заборавам до испитот. Па си ја вртиш познатата, од понеделник ќе почнам да учам, таман една недела пред испит. Па доаѓа понеделник, тебе ти текнува дека собата не ти е средена и дека всушност треба да си направиш шопинг листа, за да знаеш точно што треба да си купиш. Нели, да си имаш претстава до каде стоиш со работите, за после на мира да си учиш. Леле на какви сè глупости ти истекнува кога имаш важни обврски. А шопинг листите, е тие се чудо. Значи никогаш, ама баш никогаш не остануваш стриктно до напишаната листа. Сè нешто ќе ти истекне. Или па, ќе има попуст, специјална акција, па и тоа на што никогаш не си помислил, сега очајно ти треба како да животот ти зависи од него. Сеедно, си го купуваш, еднаш се живее….rnrnОсвен шопинг листа, си правиш и must do листа. Всушност, не разбирам, зошто некои луѓе се против must do? Ок, по малку е застарен методот, сега можеш да си напишеш планер или роковник во телефон, и го правиш тоа, само што се чувствуваш подобро кога истото ти е напишано на лист хартија. И так, залепено на огледало, и ај сега да те видам не забележи го! Неодамна, во книга во која авторот советува како навремено да си ги извршиме обврските, доживеав вистинско откровение (добро, не до толку, само сакам да преувеличувам). Патем, книгата се вика Getting Things Done: The Art of Stress – Free Productivity, во случај да сакате да си ја прочитате. Во ред се must do листите, навиката сама по себе не е лоша. Она што е погрешно е начинот на кој ги правиме. На пример, нема да напишеш само она што треба да го завршиш, туку ќе го напишеш и начинот на кој истото би било направено. Па така, наместо Проектот да ти биде готов до петок, со три извичници на крај, пишуваш: собери материјали, договори се за консултација со професорката, напиши драфт и сл. Супер, сега знаеме како правилно да ги составуваме. Ама пак има проблем, во многу случаеви пак се јавува она познатото ОД ПОНЕДЕЛНИК. Е веќе, аман! А во понеделник наутро, обично изгледаме вака:Понеделник е нешто како магичен ден. Ден кога сите обврски ќе бидат извршени. Нов почеток, нова работна седмица. Демек, оние кои многу често своите обврски ги одлагаат за понеделник, биле неодговорни, речиси никогаш не ги исполнувале… Како да не! Па јас не кажав точно на кој понеделник мислам!rnrnОд понеделник најчесто се започнува и диета, нешто како од понеделник има да се хранам здраво. Мижи да те мамам. Мојот прв, и до сега единствен обид за диета, (кој бил резултат на тинејџерски хормони), резултирал со јадење повеќе од половина кутија карамели. Видете, во средина имаа лешници, а јас сум само човек, обичен смртник кој не може да одолее на божественото, така што, give me a break.rnrnА вие која обврска си ја закажавте за „од утре“?rnrnДо следното читање,rnrnВашата Ели.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 24, 2013
30 предизвици за 30 дена!

Велат дека за да создадете нова навика потребни се 30 дена. Самиот процес не е баш наједноставен, потребни се одлучност и посветеност, особено ако сакате некоја стара навика да ја замените со нова. Но, кога станува збор за подобрување на некои аспекти на нашиот живот и работење на тоа да бидеме сè подобри личности, тогаш трудот дефинитивно вреди!rnrnРазмислете добро каква личност сакате да бидете за 5 години од сега, кои доблести сакате да ги поседувате, а кои навики да ги отстраните. Изберете го вашиот предизвик и бидете доследни 30 дена, затоа што времето секако поминува без разлика дали ни се допаѓа тоа или не. Па тогаш, зошто да не го искористите месецот пред вас за животна промена? На крајот на краиштата, не мора да биде некоја животна промена, можеби редно е да најдете време секој ден за нешто во коешто уживате. Еве некои интересни идеи кои можеби ќе се најдат на вашиот список.rnrnrnrn1. Пишувајте по една убава порака за некој што го сакате. Сигурно има барем 30 нешта што ги сакате кај драгата личност. Искористувајте по една за вашите пораки секој ден во наредниот месец.rnrn2. Секој ден нова фотографија! Не дозволувајте прекрасните моменти да поминат незабележни, овековечете ги.rnrn3. Одвојте време за љубов кон самите себе и научете да се сакате со сите доблести и недостатоци.rnrn4. Разговарајте со непознат. Ќе ја победите срамежливоста, а можеби и ќе наидете на некоја несекојдневна приказна.rnrn5. Размислете повторно за некои ваши верувања и запрашајте се дали сè уште стоите зад нив. Ако не, можеби е време за реевалуација на она во коешто верувате.rnrn6. Одвојте 30 минути за прошетка!rnrn7. Пробувајте нов рецепт секој ден. Најблиските сигурно ќе се израдуваат.rnrn8. Откажете се од алкохол во наредните 30 дена. Можеби е најдобро да се одлучите за овој предизвик откако ќе завршат куќните слави. :)rnrn9. Отсекогаш сте сакале да напишете роман? Ве предизвикуваме, 50.000 зборови за 30 дена!rnrn10. Искористете го вашиот талент за сликање и научете некоја техника во наредниот месец. А и да не сте многу талентирани, кој вели дека мора да имате талент за да си играте со бои?rnrn11. Гледајте документарец секој ден и проширете ги вашите знаења.rnrn12. Прочитајте неколку страни од вашиот омилен роман.rnrn13. Одберете тема или вештина којашто сакате да ја совладате еден ден и одвојувајте време секојдневно во нејзино изучување.rnrn14. Офлајн цели 30 дена! Без Фејсбук, Твитер, вести, телевизија… само вие и вашето слободно време. Ограничете го протокот на информации, изберете неколку омилени сајтови (не ја заборавајте Кафе пауза 🙂 ) и пробајте да живеете едноставно.rnrn15. Имате лоша навика од која навистина сакате да се ослободите? Одложувањето нема никако да помогне, така што, соберете сили и преминете на дело. Ние целосно ве поддржуваме!rnrn16. Инспирирајте се! Некоја добра песна, инспиративно видео, нова мантра за време на вашата медитација, што и да е, само да го одржува вашиот дух. Инспиративните и креативни луѓе се докажано посреќни.rnrn17. Водете дневник, 30 дена без отстапка. Ова е одличен филтер за вашите насобрани емоции, а и секогаш ќе имате прекрасно место за да се навратите на убавите спомени.rnrn18. Цел месец без ниту една лага? Ова сигурно е еден од најтешките предизвици на листата, но можеби конечно ќе научите да го кажете она што ви лежи на душа на начин на којшто нема да ги повредите луѓето околу вас.rnrn19. Будете се рано секој ден. Докажано е дека организмот најдобро функционира кога имате точно одредено време за легнување и станување. Потрудете се барем наутро да станувате во приближно исто време секој ден.rnrn20. Победете ги конечно вашите стравови! Се плашите да му се спротивставите на шефот, цел живот ги избегнувате лифтовите или пак не погледнувате од балкон доколку се наоѓате повисоко од втори кат? Време е да се соочите со стравовите, со по еден секој ден.rnrn21. Медитирајте.rnrn22. Секој ден, направете нешто хумано и од срце, нешто што нема корист за вас воопшто, а многу би им помогнало на другите.rnrn23. Сигурно има мал милион работи во вашиот дом кои треба да се поправат, преместат или едноставно да се фрлат. Менување на прегорената светилка или поправање на чешмата што капе се мали задачи кои нема да ви одземат премногу време, а ќе направат веднаш да се чувствувате подобро.rnrn24. Организирајте си филмски маратон – којшто ќе трае 30 дена. Сите филмови што некогаш сте сакале да ги гледате, а сте немале време, омилените филмови што би ги гледале пак, а и оние за коишто сте сигурни дека не се ваш жанр, но би било добро да ги гледате заради проширување на видиците.rnrn25. Сменете го ставот и наредниот пат кога ќе ве прашаат како сте, одговорете – прекрасно! Уште подобро, во наредните 30 дена користете само позитивни зборови кои ќе измамуваат насмевки и ќе направат да се чувствувате одлично.rnrn26. Споделете го вашето знаење или некоја ваша вештина со луѓето околу вас и научете некого по нешто секој ден.rnrn27. Создадете нешто сосема ново во наредните 30 дена. Во секој од нас се крие креативна душа и сите имаме некој талент кој можеме да го развиеме. За што и да се одлучите да направите, по нецел месец ќе имате нешто ново и целосно ваше!rnrn28. Исплатете некој долг што одамна ве мачи и во наредните месец дена потрудете се да не должите никому ништо.rnrn29. Точно е дека секоја врска треба да се одржува и некогаш е потребна напорна работа за односите да останат добри, но доколу постои личност во вашиот живот којашто постојано ве повредува, можеби е редно време да ја оставите во минатото.rnrn30. Одвојте 10 минути секоја вечер пред спиење и размислете за сè она што ви се случило во текот на денот.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 3, 2012
Како да знаете кога станува збор за вистинска љубов?

„Не можам да живеам без тебе“, „ти си воздухот кој го дишам“, „ти си сè што ми треба, јас и ти сме едно“… Ова се дел од најчестите фрази кои луѓето ги користат со цел да ја искажат својата љубов. Но, доколку љубовта навистина постои, тогаш секоја од овие фрази и многу слични на нив, би биле кажани сосема поинаку.rnrnrn

Можам да живеам без тебе

rnЗа да бидете способни во иднина да доживеете стабилна и силна врска, тогаш мора да знаете самите да се грижите за себе и за своите потреби. Факт е дека би преживеале без кој било, вашиот партнер не е клучниот фактор кој ве одржува во живот. Сè додека користиме вакви излитени и невистинити фрази со цел да ја искажеме нашата љубов, таа всушност не е онаа вистинската. Ако некој ве чекал вас цел живот за да почне вистински да живее, ако му требате исто колку што му е потребен кислородот или во состојба е да се убие доколку му раскинете, не залажувајте се, не се тоа симптоми на љубов туку на опседнатост.rn

Мојата љубов за тебе ќе се промени

rnВродена карактеристика на секој човек е да сака промени, само што некој ја поседува во помали, а друг во поголеми количини. Како и да е, секој се менува. Во текот на животот созреваме, ги менуваме нашите интереси, почнуваме да сакаме различни работи, се дебелееме, слабееме, ја менуваме бојата на косата, менуваме имиџ… Исто како што луѓето се менуваат, така се менува и љубовта. Кога некој ќе ви рече дека љубовта која ја има за вас никогаш нема да се промени, лаже! Некогаш љубовта е послаба, некогаш поинтензивна, некогаш поинаку ја чувствуваме… но едно нешто е факт, кога станува збор за вистинска љубов, да, таа се менува, како што изминуваат годините љубовта е поцврста, позрела, поиздржлива.rn

Ти не си сè што ми треба

rnНекогаш навистина би се запрашале колку партнерите кои се постојано заедно и еден во друг наоѓаат апсолутно сè што им е потребно, навистина се сакаат или пак станува збор за навика и зависност. Луѓето се „дизајнирани“ да работат во групи, да се надградуваат себеси, да имаат повеќе личности околу себе. Да речете дека вашиот партнер е сè што ви треба во животот е исто како да сте рекле дека бананата ги содржи сите витамини кои ви се потребни. Нам, покрај љубовниците, потребни ни се и пријатели, роднини, родители, колеги… Ако љубовта е вистинска нема да чувствувате дека само вашиот партнер ви е неопходен, туку дека тој совршено исполнува еден дел од вашиот живот.rn

Нема секогаш да сум блиску до тебе

rnЛуѓето кои тврдат дека секогаш ќе бидат блиску до вас, ве сакаат исто како што пајаците ги сакаат инсектите – ги ловат, ги врзуваат во мрежа без да ги оспособат слободно да се движат. Да, тој кој ве љуби ќе сака да биде близу до вас, но не 24/7, туку ќе ви ја даде слободата која ви е потребна. Тогаш ќе знаете дека е вистинска љубов.rn

Ти и јас не сме едно

rnНа никаков начин не е возможно двајцата да сте едно. Вие не сте камелеон кој се претвора во она што му е во близина. Вие сте своја личност, со сопствени ставови и мислења и оној кој ве сака ќе ужива во вашите разлики и во начинот на кој се надополнувате еден со друг. Вистинските вљубени се со два различни идентитети, нив не ги гледате постојано заедно, тие некогаш имаат различни мислења и различни цели. Тоа што сте вљубени, не значи дека треба да го изгубите вашиот идентитет и да станете едно со некој друг, туку да најдете личност која ќе ве сака и покрај сите разлики меѓу вас.

November 19, 2012
Како да се ослободите од стресот во новата година?

Менувањето на лошите навики и нивното заменување со добри, не е едноставно бидејќи промените се тешка задача. Потребно е огромно количество енергија и силна волја за да направите коренити промени, кои ќе го променат вашиот начин на живот, на подобро.rnrnНо, што ако големите промени бараат сосема мало внимание и се инкорпорирани во вашите секојдневни активности, така што би било невозможно да ги заборавите? Можеби звучи премногу добро за да биде вистинито, но ако се потрудите да вклучите барем една од следниве пет практични навики во вашето секојдневие, ќе се чувствувате хармонично и значително ќе го намалите вашиот стрес.rn

1. Додека ги четкате забите – очекувајте денот да ви биде позитивен

rnДодека ги четкате вашите заби, помислете на три работи со кои треба да се соочите во текот на денот. Речете си „со задоволство ќе отидам на состанокот/ручекот/родителската средба…“ Убедете се себеси дека ќе бидете добро расположени и љубопитни во врска со настаните кои очекувате да ви се случат во текот на денот, наместо да бидете критички настроени и да размислувате негативно. Ако ги негувате вашите позитивни емоции, ќе го отфрлите стресот кој го чувствувате во вашето тело и ќе го пресретнете денот со оптимистички дух.rnrnrn

2. Додека се туширате – ослободете се од вашите грижи

rnДодека се туширате, помислете на три грижи кои ве измачуваат во последно време. „Уловете“ ја секоја мисла која ви проаѓа низ вашиот ум, дефинирајте ја и потоа ослободете се од неа, замислувајќи си како таа си „заминува“ преку водата, низ одводот. Ако не го ослободите вашиот ум, грижите можат да ве прогонуваат во текот на целиот ден. Затоа, создадете си навика да ги оставате вашите грижи дома, за си дадете шанса да ги започнувате вашите денови со свеж старт.rnrnrn

3. Додека го пиете вашето утринско кафе – уживајте!

rnДодека ја голтате првата голтка од вашето тазе сварено утринско кафе, вдишете од убавата миризба и почувствувајте како вкусната топла течност поминува низ вашето грло. Помислете си „Ах, животот е убав“ и запомнете дека со секоја нова убава навика, го подигнувате вашиот дух и си помагате себеси да ве следи добро расположение во текот на целиот ден.rnrnrn

4. Додека го ставате клучот во бравата – вдишете длабоко

rnДлабокото вдишување и издишување е клучот за релаксирање на вашето тело и успокојување на вашиот ум. Додека го ставате клучот во бравата, застанете за момент, вдишете длабоко преку стомакот и испуштете го воздухот, бавно испуштајќи го преку устата. Правете го ова секој ден кога го напуштате домот и збогувајте се со стресот.rnrnrn

5. Кога ќе ја ставите главата на перница – заблагодарете се

rnКога ќе легнете во кревет, непосредно пред да заспиете, направете умствен преглед на вашиот изминат ден и помислете на три работи за кои сте благодарни што ви се случиле. Премотајте го целиот филм на ситуациите, така што повторно ќе го доживеете истото искуство во вашите мисли. Задржете се на убавите мисли и замислете си дека вие сте сунѓер, кој ги впива фантастичните спомени. Да се биде благодарен за убавите работи кои ви се случуваат во животот, е навика која треба да ја стекнете. Повикувајте ги позитивните мисли секоја вечер пред спиење, во текот на три седмици и неизбежно ќе ја воочите позитивната промена во вашиот живот.rnrn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 11, 2012
Стекнете нови навики и променете си го животот

„Вашата нето вредност за светот е обично одредена од она што ќе остане откако лошите навики ќе се одземат од добрите.“ – Бенџамин Френклин

rnrnrnСекој може да си го подобри животот, воведувајќи некоја нова навика. Една по една, навиките кои ќе изберете да ги стекнете, можат да направат позитивна промена во вашата иднина и во иднината на луѓето околу вас. Еве како да го постигнете тоа низ 5 лесни чекори:rn

1. Направете си план

rnЗаборавете на вашите неуспеси од минатото. Закажете си датум и почнете од почеток со добар план. Планот може да вклучува некоја ваша секојдневна рутина, односно мала промена во дел од неа. На пример, сакате да почнете да медитирате наутро откако ќе станете од спиење. Вашата рутина може да гласи: будење, тоалет, медитација. Така, секој ден ќе се стремите да не правите отстапка од вашиот план. Набрзо ова ќе ви стане навика.rn

2. Изберете си поттикнувач

rnПоттикнувачот е некаква ситуација која ја поттикнува навиката. Ако вашата навика претходно била да пиете кафе откако ќе завршите со миењето во тоалетот, тогаш подготовката за денот во бањата била поттикнувач за пиењето кафе што било навика. Сега, навиката е променета според планот. После бањата, ќе бидете веднаш поттикнати на медитација.rn

3. Добијте позитивен фидбек

rnЛесно е да се откажете без признание и поддршка. Затоа треба да се фалите со вашите постигнувања и да добивате охрабрување во тешките моменти. Покрај споделувањето на чувството и постигнувањата во однос на вашата навика, добро е доколку секојдневно се потсетувате и на придобивките од неа. На пример, во случајот со медитацијата, тоа би биле задравствените придобивки.rn

4. Кажете им на пријателите за новата навика

rnИзвестете ги вашите следачи на Твитер, пријателите на Фејсбук и воопшто на сите социјални мрежи од ваков тип за вашата нова навика. Побарајте помош и поддршка од семејството и пријателите. Кажете им дека сте цврсто решени да успеете. Правете го ова секој ден за да не се обесхрабрите. Тоа ќе ви помогне во вашата упорност и решеност да успеете.rn

5. Наградете се себеси

rnНаградете со со машина за кафе или нешто друго што би ви правело мерак, но добро е да биде поврзано со вашата навика. Ако вашата навика е медитација, тогаш вашата награда може да биде убаво кафе потоа. Но, мора да се запази редот, прво медитација, после кафе. Полесно ќе си ја остварувате зацртаната цел за секое утро, доколку знаете дека како награда за тоа ќе го добиете првото утринско кафе.rnrnrn

Вистинска приказна:

rnТес Маршал имала 27 години кога решила да ги остави цигарите. Во тој момент била мажена, со 4 деца, две ќерки на возраст 7 и 5 години и 3-годишни близнаци. Таа не сакала да пуши пред децата, па ги користела приликите кога тие биле со бебиситерката или кога спиеле. Едно време почнала да пуши во тоалетот, со отворен прозор. Еден ден нејзината 5-годишна ќерка и затропала на вратата велејќи дека нешто мириса од внатре. Тогаш се сепнала, но брзо се прибрала, излегла од тоалетот како ништо да не се случило, иако секако била вознемирена од случката. Откако ова го споделила со нејзиниот сопруг, тој и рекол: „Тес, како што гледам имаш две опции: да ги оставиш цигарите или да почнеш да пушиш пред децата.“ Нејзината одлука била да ги остави цигарите.rnrnИсто така, таа решила да ја замени старата навика со нова, па почнала да трча. Од почетокот постојано губела воздух, но нејзината цел била да додава по една милја плус секој месец за да може да ѝ се придружи на својата сосетка во трка на 10 километри. По само 6 месеци, таа успешно ја поминала линијата за финиш. По некое време, почнале да трчаат и нејзиниот сопруг и ќерките. Набргу, сите почнале заедно да се тркаат за време на викендите.rnrnДенес, 30 години подоцна, двете ќерки на Тес работат за атлетски компании, едната трча на маратони, другата учествува во тријатлони. Така, со нејзината нова навика, таа направила промена во целото семејство.rnrnМенувањето на навиките е вештина. Многу луѓе се откажуваат бидејќи немаат добар план и се обидуваат да сменат многу работи одеднаш.rnrnСтекнувањето нови навики во иднина ќе стане уште полесна цел за вас. Ќе ја имате вештината да направите таква промена.rnrnКоја навика би сакале да ја стекнете?rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 22, 2011
Насмевнете му се на денот!

Автор: АнаrnrnДраги мои, вие кои од другата страна, ги читате моите мисли, вие, на кои им подарувам дел од мојот свет, мало парче душа за да ве стопли во овие ладни моменти, тука започнува нашето дружење.rnrnКако што кажал Виктор Борг:rn.rn

„Насмевката е најблиската оддалеченост помеѓу двајца“.

rnПа јас ќе се обидам да ви украдам по една насмевка и да направам денот да ви почне со ведрина.Спонтаноста е една од најважните работи во мојот живот. Не сакам да планирам, искуството ме научило дека плановите понекогаш знаат да разочараат. Дали не се исполнил тој план? Дали не завршил како што сме замислувале? Неважно, во слободните денови и моменти, оставам спонтаноста да биде мојот водич.rnrnВо една статија поврзана со медицински истражувања, прочитав дека кај многу луѓе неостварениот план причинува стрес, разочарување, тага. Се запрашав зошто? Зошто да се разочаруваме за такви работи? Сосема непотребно… Па нели тематиката на животот е што посреќни, тоа поздрави, што поздрави, подолг живот.rnrnНасмевнете му се на денот, пред вас има време кое треба максимално да го искористите. Љубете и некој ќе ве љуби вас, смејте се и некој ќе ви ја возврати насмевката. Ако едно нешто не успеало, наредното сигурно ќе добие висока оцена.rn.rn

„Сомнителни нешта, навики. Луѓето, самите по себе, не секогаш се свесни дека ги имаат“rn- рекла Агата Кристи.

rnЈас велам, не сите навики се сомнителни. Створете навика за која ќе бидете и повеќе од свесни, навика која ќе прави телото да ви заигрува, да сакате да запеете, што ќе го разбуди вашиот дух и ќе ви даде енергија за целиот ден.rnrnСтавете ја вашата омилена песна да ви ѕвони како аларм, така ако наутро немате огромна желба да ја напуштите вашата топла постела, нема да ви биде толку тешко да го поздравите денот… Сварете го вашето омилено кафе и наздравете за она што следува.rnrnНе чекајте посебни пригоди за да се почестите себеси, најважна е вашата насмевка, вашата среќа, зошто ако вие сте исполнети со позитивна енергија, вашата околина ќе ја почувствува моќта и позитивноста која ја ширите. Гледајте низ шарени прозорци, секој момент нека ви биде различен. Безличното е досадно. Бидете свои. Креирајте го вашиот ден. Насмевнете се.rnrnДо наредно читање,rnrnСо љубов, насликана од сè срце,rnrnАна

December 19, 2010
Совети за спречување несоница

Несоницата е состојба во која имате проблем да заспиете или пак, откако ќе заспиете имате тешкотии да ја задржите таа состојба. Таа може да биде третирана во домашни услови, но се зависи од стадиумот во кој се наоѓа. Сепак таа не е болест, туку е симптом и претставува проблем во врска со тоа колку многу или колку добро спиете.rnКонцептот на добар сон генерално се разликува од личност до личност. Просечно, на возрасен човек му се доволни 7-8 часа ноќно спиење за нормално функционирање во текот на денот, но сепак има многу луѓе на кои им се потребни барем 10 часа или пак има и од оние на кои 4-5 часа им се сосема доволни за да функционираат со полна пареа.rnrnУтврдено е дека генерално сите имаат проблеми со спиењето од време на време. Причините се различни и нивното влијание врз нашиот секојдневен живот зависи од фреквенцијата и интензитетот на истите. Постојат многу видови на лекарства кои можат да ви помогнат околу проблемот, но сепак тие можат да бидат скапи и да не ги дадат посакуваните резултати. Затоа, многу е важно да се најде коренот на проблемот и да се врати навиката за редовно спиење преку природни и здрави методи.rn.rnrn

Уживајте во топла бања пред спиење

rnЌе ви помогне да се опуштите и да ги „измиете“ грижите од работниот ден.rn.rn

Избегнувајте јадење касно навечер

rnЈадењето касно во ноќта е многу лоша и нездрава навика. Внимавајте да правите пауза од неколку часа помеѓу оброците, но и помеѓу последниот оброк и времето на легнување. Ова не само што ќе ви помогне да спиете подобро, туку и ќе ви заштеди некој денар, пари кои обично ги трошите на јадење касно и купување грицки.rn

Избегнувајте алкохол, кофеин и чај пред да одите на спиење

rnОвие работи можат да влијаат врз вашата навика за спиење и ќе ве тераат да се будите во текот на ноќта за да го користите тоалетот или пак кофеинот ќе ве одржува непотребно будни. За да ги избегнете овие непотребни ефекти, обидете се да преминете на пијалаци кои не содржат кофеин и обидувајте се да пиете помалку течности во текот на ноќта.rn.rn

Избегнувајте го пушењето цигари

rnПушењето е уште еден фактор на кој треба да внимавате бидејќи тоа може да ви го одземе сонот. Тутунот содржи никотин кој го стимулира нервниот систем и ве држи будни. Затоа, пробајте да ги избегнувате цигарите во периодот пред да легнете на спиење.rn

Слушајте музика

rnПред да си легнете пуштете тивка и бавна музика, за да ве релаксира пред да заспиете.rn.rn

Душекот и перницата треба да се удобни

rn

Секој знае дека душекот и перницата навистина можат сериозно да го нарушуваат сонот. Проценето е дека креветот не треба да се користи повеќе од една деценија, така што имате време да штедите за нов. Кога ќе купувате нов кревет пробајте неколку пред да се одлучите и немојте да се залажувате од изгледот, бојата или пак од неговата цена.

rnrn

Избегнувајте попладневни дремки

rn

Преспивањето неколку часа преку ден го намалува потребното време за спиење навечер, па така го нарушува целиот концепт. Доколку сме здрави, на нашето тело му се потребни само одреден број часови поминати во спиење. Дневните дремки не ви се добредојдени, доколку потоа не можете да си обезбедите ноќен сон.rn.

rnrn

Малку вежбање пред спиење

rnМалку вежбање пред спиење може одлично да му дојде на вашето тело. Но, во ниеден случај немојте да претерате и да го правите тоа касно во ноќта. 10 до 15 минути вежбање пред спиење, три пати неделно, може да ви помогне да ги исфрлите природните хемикалии од телото и полесно да заспиете.rn

Правилна употреба на спалната соба

rn

Спалната соба нека ви користи само за спиење и интимност. Избегнувајте да ја користите како соба во која ќе разговарате за дневните, работните и фамилијарните проблеми.rn.

rnrn

Станување во исто време секое утро

rn

Многу е важно секое утро да станувате во исто време, без разлика колку часови сте поминале спиејќи. Обидете се да си ја создадете навиката за станување рано, бидејќи станувањето во подоцните часови може да ви предизвика мрзеливост.

rnrn

Апчиња за спиење

rn

Иако е непрепорачливо, во краен случај консултирајте се со вашиот матичен лекар и почнете да пиете апчиња кои ќе ви помогнат полесно и побрзо да заспиете.

December 6, 2010
Што ќе се случи со вашето тело ако престанете да пушите?
Веројатно многумина ги знаат опасностите од пушењето, но свесно не се откажуваат од оваа своја навика, бидејќи повеќе уживаат во цигарата, одошто се загрижени за своето здравје. А можеби почесто и не сакаат да ја знаат реалната вистина за пушењето како предизвикувач на сериозни болести. Ако не се грижите на долгорочен план, погрижете се барем за својата најблиска иднина. Видете какви позитивни промени ќе ви се случат, доколку престанете да пушите. Потоа, престанете и уверете се.rnrnrnrn
- За 20 минути вашиот крвен притисок ќе се спушти до нормален.
- За 8 часа нивото на јаглеродниот моноксид (отровен гас) во вашиот крвен систем ќе се намали за половина, а нивото на кислород ќе се врати во нормала.
- За 48 часа шансите да добиете срцев удар ќе се намалат. Целиот никотин ќе го има напуштено вашето тело и чувствата за мирис и вкус ќе се вратат на нормално ниво.
- За 72 часа, вашите дишни патишта ќе се опуштат и ќе ви се зголеми енергијата.
rnrnrnrn
- За 2 недели ќе ви се зголеми циркулацијата и ќе продолжи да се подобрува во следните 10 недели.
- За 3-9 месеци, кашлањето, тешкото дишење и воопшто проблемите со дишењето ќе се намалат како резултат на зголемувањето на капацитетот на вашите бели дробови за 10%.
- За 1 година ризикот да доживеете срцев удар двојно ќе се намали.
rnrnrnrn
- За 5 години ризикот да добиете мозочен удар ќе стане ист како за непушачите.
- За 10 години шансата да заболите од рак на белите дробови станува иста како кај непушачите.
- За 15 години ќе имате подеднаков ризик да доживеете срцев удар како и кој било непушач.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 2, 2010