КАФЕ ПАУЗА

Tag: напредок

6 совети кои ќе ви помогнат да го смислите најдобриот животен план за личен развој

Без оглед на тоа колкаво е нашето животно искуство и колку сме работеле на тоа да се запознаеме себеси, секогаш има простор за личен развој. Но, секогаш се јавува прашањето од каде да се почне и како да се организира целиот тој процес на личен напредок. Следниве 6 совети за создавање на вашиот план за личен развој ќе ви помогнат да добиете појасна слика за она што сакате да го постигнете и како да го сторите тоа.rnrnrn

1. Запишувајте ги вашите идеи

rnПостојат неколку работи кои веднаш се појавуваат во умот кога размислувате за личниот напредок. Ако ги запишете тие работи, вашите идеи ќе продолжат да течат и ќе можете да ги согледате претходно незабележаните врски помеѓу различните аспекти од вашите особини и способности.rnrnМногу корисно е користењето на ментални мапи. На пример, можете да ставите неколку клучни теми во непосредна близина на централниот дел од листот (како што се „тело“, „интелигенција“, „креативност“ и „емоции“) и потоа да нацртате гранки кои ќе излегуваат од секоја тема.rnrnПотоа, можеби ќе сфатите дека има простор за емоционален развој во областите на позитивно размислување и самодоверба, додека запишувате работи како што се „научи нов инструмент“ и „најди повеќе време за читање“ во полето посветено на креативноста. Овој процес може да ви даде јасна слика за она што е важно и да ви ја прошири перспективата на вашиот начин на живот.rn

2. Размислете за вашите постоечки таленти

rnПри изработката на вашиот план за личен развој, не треба да се фокусирате само на вашите потешкотии, на работите кои ги игнорирате или на она што го сметате за ваша слабост. Направете листа на сите ваши вештини, а потоа запишете некои работи во кои сте навистина добри. Тоа се таленти кои можат да бидат усовршени и кои ќе ја стимулираат вашата самодоверба, така што ќе можете да ги постигнете сите ваши замислени цели.rn

3. Бидете точно одредени

rnДоколку сте запознаени со законот на привлечност, веројатно веќе знаете колку е важно да се биде точно одреден. При поставувањето на какви било цели, паметно е да експериментирате со зборовите додека не ја најдете апсолутно точната верзија на вашата цел. Па, така, ако една од областите на вашиот план за личен напредок вклучува стекнување поголема самодоверба, обидете се тоа да го прецизирате. На пример, можете да одлучите да направите две презентации во следните 6 месеци, да го намалите нивото на социјална анксиозност во поголеми групи и да научите да го цените вашиот физички изглед.rnrnrn

4. Не поставувајте премногу цели одеднаш

rnЛичниот развој е доживотен проект, затоа немојте да мислите дека веднаш морате да работите на секоја област. Наместо тоа, одберете неколку цели на кои ќе се фокусирате во наредните неколку месеци или година, во зависност од големината на тие цели.rnrnЗамислете си што би се случило доколку одлучите истовремено да почнете со учење нов јазик, да излегувате повеќе, да развивате позитивно размислување, пољубезно да се однесувате кон вашето тело и да го негувате вашиот талент за свирење пијано. Голема е веројатноста дека една или повеќе од тие цели ќе отпаднат или ќе продолжите да работите на нивното остварување, но на многу површен начин. Одвојте ги најважните области за развој кои навистина ќе ви помогнат да живеете живот каков што отсекогаш сте посакувале и усовршувајте ги само нив.rn

5. Чекор по чекор до успехот

rnВистинските резултати од секоја област во вашата програма за личен развој, многу подобро ќе ги воочите доколку имате јасен план за постигнување на целите. Обидете се да изведете неколку чекори кои треба да ги преземете (мини цели на патот кон вашата голема цел) и извршувајте ги систематично.rnrnНа пример, доколку сакате да ја зголемите вашата самодоверба, можете да започнете со намерна интеракција со нова личноста секој трет ден, а потоа да продолжите со изразување на вашето мислење на поголеми собири, пред конечно да се одлучите на тежок јавен говор или некој друг вид на јавна изведба.rnrnСепак некои цели ја немаат таа линеарна структура. За тие видови цели можеби ќе ви биде покорисно да наброите 5-10 активности кои би можеле секојдневно да ги извршувате во служба на вашата цел. Ако сакате да станете попозитивни, можете да водите дневник на благодарноста, да изговарате позитивни афирмации или да биде хумани преку разна волонтерска работа.rn

6. Редовно размислувајте за себе

rnБез оглед на тоа каков е вашиот план на личен развој, важно е да го следите вашиот напредок и да размислувате за тоа како се чувствувате. Пишувањето дневник на личен развој може да ви помогне да ги препознаете и совладате пречките и ограничените верувања кои би можеле да ви застанат на патот.

August 10, 2016
10 непријатни знаци кои покажуваат дека сте на вистинскиот пат

Зоната на удобност е убаво место, но доколку останете таму никогаш не би можеле да напредувате. Кога сте задоволни со животот, вие престанувате да растете како поединци бидејќи се наоѓате во период кога мирувате. Овие период се сосема нормални, и здрави по долгиот пат до остварувањето на вашата цел, но не треба да останете засекогаш заглавени во нив. Како инаку би продолжиле да напредувате? Токму затоа и кога доживувате непријатни емоции, тоа е всушност знак дека поминувате низ доба на промени која ве води до следната цел. Следуваат најчестите 10 од овие непријатни емоции кои покажуваат дека сте на вистинскиот пат во вашиот живот и дека растете како личност.rnrnrn

1. Бесцелност

rnМожеби ви делува парадоксално, но чувството на бесцелност е еден од најголемите знаци дека сте на вистинскиот пат. Дури ни кога не знаете во која насока треба да тргнете, но сепак знаете што сте изгубиле досега, вие всушност почнувате да се пронаоѓате себеси.rn

2. Тежина

rnКога чувствувате тежина која доаѓа од одговорноста за вашиот сопствен живот, вие станувате свесни дека сте единствената личност која има контрола врз сите оние нешта кои ви се случуваат. Оваа одговорност е знак дека вие сте зрели и знаете што сакате од животот.rn

3. Страв од неуспех

rnОткако ќе ја освестите вашата одговорност, големи се шансите дека ќе почне да ви се појавува чувство на сомнеж, па дури и страв дека ќе доживеете неуспех при обидот да ги остварите вашите соништа. Овој страв расте само кога мора да направите промена со цел да успеете.rn

4. Страв од промени

rnКако што спомнавме погоре, понекогаш е повеќе од неопходно да направите промена со цел да можете да продолжите понатаму. Но, тоа значи и дека ќе мора да излезете од вашата удобна зона, па затоа и сте толку исплашени од правењето на следниот чекор.rn

5. Чувство дека времето пребрзо поминува

rnДури и ако знаете како можете да ги претворите вашите планови во дела, вие едноставно не можете да се оттргнете од чувството дека времето не е на ваша страна. Неделите, месеците, па дури и годините како да летаат крај вас, оставајќи ви многу малку време за вашите цели.rn

6. Истоштеност

rnНе е воопшто чудно што многумина се чувствуваат истоштено живеејќи го овој нов, модерен и брз начин на живеење. Токму затоа и секој ги брои деновите до следниот викенд и празник, со цел да може да паузира од бескрајниот циклус работни обврски.rn

7. Безначајност

rnДоволно е само да погледнете нагоре, кон ѕвезденото небо, и да се почувствувате како мало и неважно парче од сложувалката, без кое воопшто нема ни да се забележи разлика во големата слика. Но, не заборавајте дека дури и парчињата кои се невидливи, имаат своја улога!rn

8. Тага

rnБез разлика колку сте постигнале, вие понекогаш не можете да се спречите да чувствувате необјаснива тага. Најчесто станува збор за умор, кое вашето тело го преточува во тага со цел да ви даде до знаење дека треба да забавите, за да можете наредниот ден да стартувате со полна сила.rn

9. Посакувате време за себе

rnСега, повеќе од кога било порано, уживате да поминувате моменти на мир, со цел да се ослободите од грижите и потешкотиите кои доаѓаат со секојдневниот живот и да ја почувствувате слободата кога сте сами со вашите мисли.rn

10. Посакувате да се чуе вашиот глас

rnИмате толку многу нешта што сакате да ги кажете, но не сте сигурни како да го сторите тоа. Вие сакате да ве чујат сите, јасно и гласно, но сте неодлучни бидејќи не сте сигурни како другите ќе ве доживеат. Заборавете на тоа и погрижете се вашиот глас да биде слушнат!

May 27, 2016
Тест кој ја потврдува теоријата на еволуцијата: Дали го имате овој мускул во вашата рака?

Сите ние имаме делови од телото кои ни изгледаат бескорисно, но кои всушност се доказ за нашата еволуција од животни. Тие вклучуваат и мускул во рацете кој е наречен „palamaris longus“ и кој веќе недостасува кај 10 до 15% од луѓето. Тој е остаток од нашите предци кои ги користеле своите раце за искачување и движење. Но, доколку го немате овој мускул, не значи и дека имате помала сила во рацете од останатите.rnrnrnrnСо цел да откриете дали го имате мускулот или не, поставете ја вашата рака на рамна површина, со дланките отворени нагоре. Притиснете ги заедно палецот и малиот прст и потоа подигнете ја дланката од површината. Доколку забележите линија која се издигнува под вашата кожа, тоа значи дека сè уште го поседувате овој мускул во вас.rnrnЗарем има поголем доказ за еволуцијата од еден мускул кој бил клучен дел од анатомијата на нашите предци и кој сега исчезнува бидејќи нашиот животен стил е целосно сменет? Токму ова е и основата на теоријата за еволуцијата – дека нашите тела еволуираат со цел да се адаптираат на промените во текот на милиони години. Но, недостигот на овој мускул не значи и дека сте повеќе еволуирани од некој кој го има, туку дека едноставно еволуцијата балансира.rnrnВо една студија од 2014 година, објавена во „BioMed Research International“, истражувачите ни покажале дека овој мускул е подолг кај оние животни кои повеќе ги користат своите раце за искачување, како лемурите. Додека пак, може да недостасува кај оние луѓе и мајмуни кои не ги користат толку редовно своите раце за таа намена.rnrnПогледнете го и следново видео кое ни објаснува кои биле причините за постоењето на одредени делови од нашето тело кои денес повеќе не ги користиме…rnrn

March 22, 2016
Научниците се чекор поблиску до создавањето човечки срца

Колку поинаку би се одвивале работите ако никој не го напушта светот на живите додека чека за трансплантација на неговите болни органи. Наместо да чека со месеци, замислете колку би било полесно кога клетките на пациентот би можеле да бидат искористени во создавањето на еден сосема нов и здрав орган во рок од само неколку недели, без никаква шанса од одбивање на истиот. Можеби звучи како научна фантастика, но истражувачите направиле голем напредок во правењето на оваа невозможна мисија во реалност, создавајќи ново, функционално човечко срце со помош на матични клетки.rnrnrnrnДостигнувањето, кое детално е опишано во „Дневникот за теренски циркулации“, еден ден ќе може да даде надеж на илјадници луѓе низ светот кои умираат бидејќи не добиле трансплантација на срце поради невозможноста да се пронајде соодветен орган. Техниката сѐ уште ќе вклучува дарител, но клучната разлика е тоа што секое срце ќе одговара. За да се направи повторно здраво, срцето се мие со посебен детергент кој ги чисти сите клетки од органот, заедно со сѐ друго што може телото на реципиентот да го одбие. Она што останува е една протеинска структура која служи како гнездо за матичните клетки кои ќе прераснат во едно ново срце. За процесот да биде целосно завршен се потребни две недели во кои срцето се чува во инкубатор и на кое потоа му се дава електричен шок кој ќе овозможи да започне повторно да пумпа.rnrnУбавината на оваа техника е тоа што таа не е ограничена само на срца. Претходните истражувања покажаа сличен успех и со бубрези, трахеи и ткивото на црниот дроб. Сепак, научниците сѐ уште се соочуваат со бројни предизвици и недостатоци кои секојдневно се обидуваат да ги поправат. Еден проблем е бројот на матичните клетки. За сите 73 срца користени за оваа студија се употребени 500 милиони матични клетки, но за да можат тие срца да бидат подготвени да работат во едно човечко тело, потребни се милијарди матични клетки. За жал, нивната достапност е регулирана од владата, па научниците за истражувањето биле принудени да создадат свои клетки користејќи ги клетките од кожата, што во никој случај не е идеално сценарио.

March 20, 2016
Како да ги откриете своите приоритети?

Сите понекогаш го губиме животниот компас и размислуваме што навистина би нè направило среќни и би нè натерало да уживаме во секојдневните искуства и предизвици. Во овие моменти, најдобро е да размислиме кои работи од нашиот живот се или треба да ни бидат приоритетни. За среќа, постои еден многу едноставен начин како да ги откриеме и да се вратиме на патот кон личниот напредок.rnrnrnrnЗемете лист хартија и едно хемиско пенкало, па запишете ги следните вредности: љубов, соработка, интегритет, трудољубивост, праведност, слобода, благодарност, моќ, скромност, разумност, почитување, статус, толеранција, имунитет и пријателство. Пречкртајте ги оние за кои сте апсолутно сигурни дека не ви се важни, а заокружете ги оние кои сметате дека имаат големо значење за вас. Запишете ги сите вредности на посебни листови хартија и наредете ги по важност. rnrnОткако ќе завршите со оваа листа, почнете да ги забележувате сите случувања и емоции кои се поврзани со заокружените вредности и кои ќе ви се случат во текот на наредната недела. За да ја олесните потрагата, поставете си неколку прашања: Дали ве разочарал некој близок кој ве озборувал со другите – искреност, дали ве повредило тоа што вашиот партнер одлучил да ја помине вечерта со пријателите, наместо да дојде на закажаната средба со вашето семејство – почитување и така натака…rnrnКога ќе откриете кои вредности ви се поважни, повторно наредете ги и истакнете ги оние кои сметате дека имаат најголема важност. Постапката повторувајте ја сѐ додека не сте сосема сигурни кои вредности го дефинираат вашиот живот и ве мотивираат да работите на личниот напредок. Така, ќе можете многу полесно да ги донесувате одлуките, независно дали тие се лесни или тешки, бидејќи конечно ќе знаете по што навистина копнеете и што недостасува во вашиот живот.

February 7, 2016
Жени, време е: 24 работи на кои треба да им кажете збогум во 2016-тата

Во продолжение следуваат 24 резолуции кои ќе го унапредат вашиот живот и ќе внесат позитивни промени. Комбинирајте ги и прилагодете ги на себе во своето слободно време. Доколку се чувствувате особено амбициозни, тогаш остварете ги сите.rnrn

1. Неучтиви средби

rnТажно е што веќе стана сосема нормално да се откажуваат средбите во последен момент. Нормални се и непристојните коментари и незгодните забелешки. Ако сакате подобро искуство, мора да ги подигнете стандардите и да почнете поцврсто да стоите на вашиот став.rn

2. Лажни пријателства

rnСите ние сме возрасни. Знаеме кој ни е вистински пријател, а кој не. Престанете да наоѓате време за луѓето кои прават да се чувствувате лошо/искористено/непочитувано или кои будат во вас слични токсични емоции. Кажете им збогум!rn

3. Грешки од минатото

rnКолку долго болните сеќавања и спомени ве спречувале вистински да го живеете животот и да уживате го сегашните моменти? Направете сè што е потребно за да им ја одземете таа моќ. Побарајте терапевт, читајте книги за самопомош, медитирајте или одете на групни терапии.rn

4. Мразење други жени

rnВреме е да бидете инспирирани и да ги поддржувате другите жени. Како е омаловажувањето на жените од страна на други жени поразлично од малтретирањето на жените од страна на мажите?rn

5. Извинувања за својот успех

rnОва е 2016-та. Жените се бореа долго и тешко за да стекнат право на глас, на работа, како и да можат да ги остварат своите визии кон кои напорната работа може да ги одведе. Не се спречувајте, сјајте. rn

6. Да дозволите да ве полудува електронската пошта

rnСеднете, направете план, организирајте се и потоа почнете да бришете или да архивирате.rn

7. Игнорирање на работи кои треба да се сработат

rnСите ние имаме проблеми, а нивното решавање ќе ни помогне да живееме подобар и посреќен живот. Која е користа од игнорирањето на проблемите освен тоа што на тој начин само го тешиме егото?rn

8. Трчање кај мама и тато

rnДобро е што родителите се секогаш тука за вас, но знаете што е потребно? Да им покажете како направиле одлична работа и створиле една независна, самостојна личност.rn

9. Често нарачување храна

rnНе само што е скапо, туку не е ни здраво. Направете листа од сите прехранбени производи кои веќе се наоѓаат во вашата кујна и згответе нешто едноставно и здраво.rn

10. Излегувате дури и кога сте преморени

rnНе мора да излезете надвор од вашиот дом кога сте уморни само затоа што се плашите дека ќе одбиете некого и со тоа ќе го повредите.rn

11. Возење со автомобил – секогаш и насекаде

rnСеднете и размислете колку сте потрошиле на бензин изминатава година. Време е да направите промена и повеќе да пешачите. Којзнае, можеби на тој начин ќе успеете да заштедите доволно за да заминете на мини одмор.rn

12. Излегувања преку неделата

rnИзлегувањата на вечера и пијалак можат повремено да бидат забавни, но ако сте мамурни на работа неколку дена во неделата, би требало да се потсетите дека не сте повеќе средношколци. Како можете да го импресионирате шефот и да напредувате, ако постојано се движите надвор од шините?rn

13. Пребарување на социјалните мрежи пред спиење

rnИскрено, не постои ништо на Инстаграм што би можело да го промени вашиот живот. Социјалните мрежи можат да почекаат.rn

14. Останување во односи, бидејќи се надевате дека одеднаш другата личност ќе стане она што го сакате/заслужувате

rnОдносот би требало да вклучува две личности кои гледаат во иста насока и заедно се трудат тоа да го постигнат, истовремено наоѓајќи забава и утеха едни во други. Не е паметно да очекувате ситуацијата, или уште полошо личноста, да се променат.rn

15. Користење на кредитната картичка бидејќи немате кеш

rnЕве едно правило кое ќе ве доведе до финансиска слобода: Ако нешто не можете да си го дозволите, немојте ни да го купувате.rn

16. Непрекинато барање совети

rnДа, сите имаме некоја мудрост која можеме да ја споделиме и одлично е да се имаат паметни пријатели кои ќе ни понудат решение. Но, ако не можете да сфатите како да донесете одлука, не знаете како се чувствувате и што е добро за вас, често ќе се најдете во ситуација на паника каде што ќе се прашувате: „Што да правам сега?“ Таквите ситуации ќе ве остават парализирани.rn

17. Гледање реални шоуа наместо живеење на вистинскиот живот

rnСметаме дека тука не е потребен коментар.rn

18. Набројување на изговори поради кои не требате да одите на вежбање и да бидете активни

rnВежбите се повеќе од добар изглед. Редовното движење, освен што е добро за општото здравје, ја зголемува флексибилноста, го смалува кортизолот, помага во испуштањето ендорфини, активно се бори против депресијата, го зајакнува умот, како и дисциплината, дава чувство на бистрина, задоволство и достигнување. Време е здравјето да стане вашиот вистински приоритет.rn

19. Незгодно ви е да кажете: „Јас го заслужувам најдоброто“

rnНе, тоа не значи дека не треба да се срамите да ѝ кажете на фината личност која ве одвела во еден убав ресторан дека сакате јадење од 100 евра. Тоа значи да се погледнете во огледало и да знаете дека го заслужувате најдоброто од себе секој ден.rn

20. Играње мачка и глушец

rnГи знаете оние ситуации во кои некој ве сака само кога го игнорирате, но кога ќе му обрнете малку внимание, просто исчезнува? Продолжете понатаму.rn

21. Не се соочувате со вашиот страв од конфликт

rnНема успешни и среќни личности на планетава кои не го иритираат некого во овој момент. Време е да се соочите со својот страв од конфликт, така што конечно ќе можете да го направите она што навистина го сакате, да го кажете она што го чувствувате и да живеете автентичен живот каков што заслужувате да живеете.rn

22. Живеење вечен студентски живот

rnКупете си убави чинии, врамете ги вашите фотографии, купете еден пристоен комплет на постелнина и добра книга за готвење.rn

23. Ставање на важните работи на чекање

rnСекогаш постои утре, сè додека нема да го има. Размислите за тоа кои сте и што навистина сакате од животот и направете план. Никогаш нема да има време ако чекате, но ќе го има доста ако се одлучите да направите чекор напред.rn

24. Грижа за тоа што мислат другите

rnНе заборавајте дека сите го живееме својот живот. Секој мисли најмногу на себеси. Животот е дар, а вие можете да го спакувате и да го носите како што сакате.

January 4, 2016
Пронајдоци кои ќе го променат светот: Погледнете зошто 2015 беше година на технологијата

Уредите кои ќе ги видите во продолжение сигурно ќе ја направат нашата планета поубаво и посигурно место за живеење. Благодарение на еволуцијата на модерната технологија, 2015 година зад себе остави бројни иновативни гаџети и уреди кои би можеле да го променат модерниот свет.rn

Книга што ја филтрира водата

rnrn663 милиони луѓе ширум светот сè уште немаат пристап до чиста вода за пиење. Меѓутоа, пронајдокот наречен „Drinkable Book“ или „Книга што се пие“ може да го реши овој проблем. Имено, таа во себе содржи страници кои служат како филтер за водата и уништуваат 99 проценти од штетните бактерии. Овој пронајдок би можел да спаси милиони човечки животи ширум светот.rn

Океански вакуум

rnrnrnКако резултат на тоа што голем број од луѓето не се грижат за животната средина, во Тихиот Океан се создал остров од ѓубре со големина на сојузната држава Тексас. Поради тоа „Ocean Cleanup Project“ развиле мрежа што плови, која е долга 100 километри, а под површината на океанот достигнува до три метри. Овој пронајдок ќе помогне заедно со природните океански струи да се собира ѓубрето, а овие мрежи нема да загрозат ниеден животински вид кој живее во океанот. Се очекува таа за десет години да го намали количеството на ѓубре во океаните за 42 проценти.rn

Камиони со екрани

rnrn rnПовеќе од илјада луѓе годишно умираат во сообраќајни несреќи, а меѓу главните причини за овие трагедии е лошата видливост при престигнување. Оваа година Самсунг и Лео Бурнет започнаа соработка која ќе ги донесе „транспарентните“ камиони на патиштата ширум светот. Овие камиони напред ќе имаат камера, а назад на приколката екран кој во живо ќе прикажува што се случува пред нив.rn

Microsoft Hololens

rnrn rnИако паметните очила дизајнирани од Oculus Rift и Google Glass се појавија пред Microsoft Hololens, од тоа што го гледаме во рекламните видеа мора да признаеме дека Мајкрософт одат еден чекор напред. Овие очила во вашата околина ќе ви прикажат холограми кои ќе можат да се допрат. Покрај тоа што ќе го променат светот на видео игрите, тие ќе можат да се користат и во научни цели, па така научниците од НАСА со нивна помош ќе можат да ја симулираат површината на Марс во своите лаборатории, додека хирурзите ќе можат до најситни детали да го видат телото на своите пациенти.rn

Upright

rnrn rnАко поголем дел од денот поминувате во седење на работното место и работите на компјутер, овој гаџет ќе го спречи искривувањето на вашиот ‘рбет, како и болката во грбот. Имено, секогаш кога неправилно ќе го искривите вашиот грб, Upright ќе ви испрати сигнал во вид на вибрации кој ќе ве предупреди да се исправите.rn

Sesame

rnrn rnSesame всушност е паметна брава која ќе ви овозможи сигурност и можност никогаш повеќе да не се грижите дали сте го заклучиле вашиот дом. Бравата се контролира преку вашиот телефон и може да се заклучува и отклучува без разлика каде се наоѓате. Sesame исто така следи кој влегува и излегува од куќата.rn

Nora

rnrnrnАко спиете покрај некој што ‘рчи секоја вечер, Nora е тука да го реши вашиот проблем. Овој мал уред ја прилагодува перницата кога детектира дека некој почнал да ‘рчи, а токму тие мали движења ќе ги опуштат мускулите во грлото кои го контролираат ‘рчењето.

January 4, 2016
10 „пред и потоа“ цртежи кои покажуваат дека праксата ве усовршува

Лесно е да се стане вешт и способен во одредена област, но потребна е секојдневна и макотрпна работа. Ова е многу важно за тие кои цртаат, бидејќи разбирањето на пропорциите и вистинските техники можат да престорат неправилен круг во детално нацртано лице. Следнава листа од „пред и потоа“ цртежи покажува драматична разлика во вештините, како резултат на вложениот труд.rn

1. Напредок за неколку години

rnrn

2. 7-годишен напредок

rnrn

3. Напредок во цртањето од 2 години до 25 години

rnrn

4. 3-годишен напредок во цртање очи

rnrn

5. Околу 8 години макотрпна работа

rnrn

6. 5-годишен напредок

rnrn

7. Напредок во цртањето од 12 до 14 години

rnrn

8. Разликата после 2 години секојдневно вежбање

rnrn

9. Очигледна е разликата во стилот

rnrn

10. 3-годишно вежбање

rn

December 18, 2015
Зошто треба да го оставите момчето кое ветува?

Се заљубуваме во нешто што ќе го видиме во него, а тоа обично е потенцијалот, кој тој никогаш нема да го развие. Ние гледаме дека може, сите гледаат дека тој има нешто во себе, но нему тоа му е доволно – добро му служи за да ги освојува жените, да стекнува пријателства, да биде симпатичен и мил…rnrnrnrnТој потенцијал, тој талент, таа енергија, остануваат такви какви што се, необработени, недокажани, закржлавени – а тој е единствениот кој не го гледа тоа. На него му е добро, удобно. И тука е крајот на неговиот домет. Можеби тој има прекрасни соништа и многубројни идеи, но нема ниту малку волја и истрајност за да ги реализира.rnrnТој постојано бара нешто големо и сите оние кои се сомневаат во него еден ден ќе видат дека тој успеал во тоа. Но, еден по еден, деновите минуваат и момчето кое ветува и понатаму замислува дека ќе дојдат неговите пет минути и не забележува дека одамна не е момче.rnrnЕдно е сигурно – еден ден ќе сфатите дека вашето момче пука во празно и дека залудно го охрабрувате и верувате во неговиот потенцијал. Него не му е потребна вашата поддршка, бидејќи тоа е уште една комфорна зона, поради која не помислува да се тргне од неа.rnrnТоа не значи дека ќе постигнете многу ако го третирате како куче кое треба да се издресира и да се спрема за изложба, но сепак многу мажи почесто реагираат на дресура отколку на поддршка. Момчето кое ветува не верува во своите ветувања. Тој само си игра. rnrnТој најверојатно е многу привлечен, забавен и паметен, многу талентиран и тотално без фокус и идеја што да прави со својот живот. Ќе го препознаете по тоа што има пет резервни варијанти, а тоа значи дека во првата, која е негов приоритет во овој момент, не дал сè од себе. Иако тој никогаш нема да признае, тој се познава себеси. Знае дека мора да има пет варијанти за да се чувствува дека работи на нешто големо, а исто така знае дека ниту една од нив нема да успее и ќе го изгуби интересот веднаш после првиот неуспех и нема да стигне до петтата варијанта за можен успех.rnrnrnrnТој е програмиран да успева само половично, да дава само себично (сè додека нему му создава задоволство) и да се оддалечува од вас сè повеќе, доколку започнувате да го запознавате сè подобро и често ја изразувате својата загриженост и го излагате своето разочарување во врска со неговиот потенцијал.rnrnМомчето кое ветува одвај добило некоја самосвест и веднаш штом започнало да се чувствува добро, нешто во него заклучило дека тој постигнал сè што му е потребно и треба да се држи само до тоа.rnrnТој ги залажува сите околу себе, но единствено успева да се залаже самиот себе.rnrnАко останете со момчето кое ветува некое време, година, две, три, совршено ќе забележите како се зголемува просторот помеѓу вас, затоа што вие одите нанапред, се менувате, учите, созревате, ги постигнувате своите цели и поставувате нови, додека тој останува таму каде што бил кога сте се сретнале. Вие не може да го вложите во него, она што тој самиот не го вложува во себе. Може да се обидете, а тогаш совршено ќе сфатите зошто не можете да му помогнете да го развие својот потенцијал!

November 5, 2015
Наједноставниот рецепт за среќа: Кажете ДА на новите предизвици во животот!

Ако се чувствувате исцрпено, тажно и без енергија тогаш е време за нов почеток во вашиот живот. Не постои подобар период од летото за воведување нови промени. Сѐ што треба да направите е да го променете ставот и да кажете ДА!rnrnrn

1. Направете мали чекори

rnАко имате сон да започнете нов бизнис додека сѐ уште сте на факултет или имате постојана работа, размислете за започнување на тој бизнис. Дозволете си себеси да учите, да растете и да напредувате во работата, но притоа да поседувате сигурност која ви ја овозможува старата работа. Со текот на времето, ќе станувате сѐ посигурни и посигурни во себе и своите квалитети, па во еден момент ќе сакате да преминете на следниот предизвик: работење со полно работно време за себе.rnrnАко сакате да трчате на маратон, прво поставете помала цел (5 километри) за да се навикнете на тренингот и на подготовките за трката. Нема потреба веднаш на почетокот да поставувате нереални цели кои знаете дека не можете да ги исполните – тоа веднаш ќе ве демотивира. Само постепениот напредок може да ве однесе таму каде што сакате да стигнете.rn

2. Соочете се со стравовите

rnОдвреме-навреме направете нешто што никогаш не би можеле да го направите. Тоа ќе ви пружи голема доза адреналин која ќе внесе големи промени во вашиот целокупен живот. Ако имате страв од височина, можеби ова е вистинското време да се осмелите и да пробате банџи скокање. Поради зголемувањето на самодовербата, која соочувањето со стравот ќе ви ја донесе, вие ќе бидете поспремни за големи промени во животот. Ако досега се плашевте од онлајн состанување или промена на кариерата сега можеби, сте спремни за таквиот ризик, без да се плашите што следува потоа.rnrnrn

3. Вклучете се во група

rnКога е во прашање преземање ризик чија цел е да му даде поинаков терк на вашиот живот, тогаш ова е вистинското време да размислите за вклучување кон некоја група луѓе со која ги делите истите желби и цели. Тоа може да биде учење на нов јазик или некоја креативна работилница. Ако немате доволно време за вакви активности, можете да запознаете луѓе на разни блогови или друштвени заедници, со кои ги делите интересите. Делете го своето мислење, совети и учете ново нешта.rn

4. Побарајте помош

rnПоследно, но не и помалку важно, ако чувствувате дека ви е потребна помош го имате секое право да ја побарате. Ако сте студент кој е насочен кон градење на кариерата, едноставно одете на консултации кај професорот. Тој сигурно ќе ви излезе во пресрет и ќе ви помогне во врска со сѐ што е врзано со вашата идна професија. Тој е оној кој најдобро ќе ве советува, ќе ви каже со какви предизвици ќе се соочите понатака и што ќе се очекува од вас.rnrnrnrnРазмислете за пријателите или за некои постари колеги кои постигнале голем професионален успех со кој можете да ги здружите силите и да соработувате на хонорарна или волонтерска база. Од ваквото искуство може да се стекнете со неверојатно знаење и вештини кои е навистина корисно да се најдат во вашето CV за подоцнежната потрага по работа. Исто така, преку прирачници и разни книги, можете да дознаете нешто ново или да научите некој нов јазик или програмирање.

July 15, 2015