По илустрациите на Алиса во земјата на чудата во 1946 и на есеите на Монтејн во 1947, Салвадор Дали, во 1967 ги илустрира дванаесетте знаци на зодијакот, во уште посовршен, надреалситичен стил. Уживајте.rnrn
Фотографката Лиза Вуд од Ајдахо, САД ги претвора навидум обичните фотографии од полиња, во прекрасни, надреални и богато обоени селски пејзажи, од кои застанува здивот. Насловена „Art of Farmland“, оваа фотосерија е создадена како резултат на користење тајмлепс техника и комбинација од повеќе експозиции. Овие трикови убаво испреплетени создаваат импресивен ефект во фотографиите, кој отпрвин не изгледа толку очигледен, но е видлив доколку се загледаме подлабоко. 
rn
„Се надевам дека гледачите ќе имаат прилика да ги погледнат руралните пејзажи од поинаква перспектива и дека ќе ја ценат имагинацијата зад овие фотографии и расположенијата кои ги евоцираат“ – вели артистката.
rn
rnrn
Прочитајте дел од цитатите на легендарниот шпански сликар и протагонист на надреализмот Салвадор Дали, кои ја потврдуваат неговата генијалност, но и ексцентричноста…rnrn
rn
„Рајот не е горе на небото, туку во срцето на човекот.“
rn
„Кога жената на мажот му купува кошула, тогаш таа е заљубена во него. Кога ја пегла, тоа значи дека е мажена. Ако пак, за време на пеглањето пее, тогаш таа е и едното и другото.“
rn
„Интелигенција без амбиција е птица без крилја.“
rn
„Постојат денови кога помислувам дека ќе умрам од предозирање со задоволство.“
rn
„Има само една разлика помеѓу мене и луд човек. Лудиот мисли дека е нормален, јас знам дека сум луд.“
rn
„Оние кои не сакаат ништо да имитираат, тие ништо и не прават.“
rn
„Секое утро кога ќе се разбудам, најмногу му се радувам на сознанието дека јас сум Салвадор Дали.“
rn
„Или е лесно или е невозможно.“
rn
„Луѓето разбираат многу малку работи, особено оние образованите. Им недостасува култура. Ја сум самоук.“
rn
„Иронијата е неопходна естетска компонента на мислењето.“
rn
„Термометарот на успехот е завидливоста на злонамерните соперници.“
rn
„Почитувам секакви убедувања, пред сè оние кои не се совпаѓаат со моите.“
rn
„Уметник не е оној којшто се инспирира, туку оној кој инспирира.“
rn
„Политиката е вицот на историјата.“
rn
„Надреализам, тоа сум јас.“
rn
„Скромноста не е мојата најголема доблест.“
rn
„Не мачете се да бидете модерни. За жал, тоа е нешто, кое што и да правите, не можете да го избегнете.“
rn
„Разликата помеѓу лажните и вистинските сеќавања е иста како кај накитот. Оној што изгледа најреално, најбрилијантно, секогаш е лажен.“
rn
„На шест години сакав да бидам готвач, на седум Наполеон. Оттогаш мојата амбиција постојано расте.“
rn
„Ми се допаѓа вкусот на парите. Тој не е ништо помалку од мистицизам. Парите се слава.“
rn
„Јас не сум чуден. Јас само не сум нормален.“
rn
„Чесноста во уметноста е цртањето. Таму не постои можност за мамење. Или е добро или е лошо.“
rn
„Дали е бесмртен, тој никогаш нема да умре.“
rn rnrn
Нурнете се во магичниот и надреален свет на фотографот и студент по графички дизајн, Мануел Родригез Санчез. Со неговите вешти фото-манипулации, Санчез нè води во имагинарен и чудесен свет. Тој важи за голем ентузијаст меѓу љубителите на уметноста. Во неговото креативно творештво најзастапени се облаците и контрастот. Погледнете дел од неговите фасцинантни дела.
rnrn
Инспириран од натприродната уметност на Дали и Рене Магрит, романскиот сликар Михаи Кристе ја проширил оваа невообичаено експресивна артистичка форма во неговите илузионистички слики. Тој располага со обилно портфолио, богато со имагинативни уметнички дела, кои ги прикажуваат неговите вешти способности за креирање надреално и двојно значење на елементите во нив. rnrn
rnrnСекоја слика нуди двојна перспектива, а зависи од самиот набљудувач што од сликата ќе воочи прво, а што ќе смета за вешто осмислена оптичка илузија од страна на уметникот. За восхит е способноста на Михаи да гледа толку неограничено на светот. За почит е и неговиот талент за соединување на природата со неживите предмети.rnrn
rnrn
Автор: Тања ИлиевскаrnrnJerry Uelsmann почнал да спојува фотографии години пред дигиталните алатки како Фотошоп да бидат достапни. Тој е фотограф од САД, кој се смета за предвесник на фото-манипулациите. Неговите надреални композиции, кои се комбинација од реализмот на фотографијата и флуидноста на соништата, се создадени на потешкиот начин, со користење на апарати за зголемување и повеќе негативи.
rn
„Имам седум апарати за зголемување. Јас сум зависник од работата, кој многу внимава на деталите. Ги ставам негативите во апаратите за зголемување и имам систем со кој можам да ги закочам леќите, за да добијам мазен раб. Развив и многу други техники со текот на годините.“
rn
rnrn
За разлика од останатите нормални љубители на книги, лосанџелешкиот артист Мајк Стилки, нив ги користи не за да ги прочита, туку како подлога за цртање. Овој уметник подредува во висина стотици стари книги и црта по нивниот бочен дел, употребувајќи мешавина од мастила, дрвени боички, лак и акрилни бои. Него отсекогаш го привлекувало цртањето, не само на хартија, туку и на омоти од цедеа, на страниците на книгите и на нивните корици.rnrn
rnrn rn
„Ги имам овие книги и никогаш не планирам да ги прочитам, но ги сакам од некоја причина, не знам која е таа. Така, еден ден почнав да цртам по нив.“
rn
rnrn rn
„Сакам да гледам на моите цртежи, како на една џиновска поема. Всушност, јас никогаш немам некоја конкретна идеја за тоа што планирам да правам. Едноставно се внесувам во цртањето и на крајот излегува на начин на кој не сум очекувал дека ќе излезе. Навистина се трудам да не правам многу корекции.“
rn
rnrnМајк црта меланхолични, понекогаш чудни и ексцентрични ликови, збогатувајќи ги со надреални моменти, емоционална длабочина, поетичност, мистерија и духовитост. Според нивната тематика, неговите дела ја претставуваат човековата фантазија и бајките.rnrn
rnrnМајк Стилки е роден во Лос Анџелес, Калифорнија во 1975 година и има завршено виша школа на колеџот Санта Моника во 1997.rnrn
rnrn rnrn
Тешко е да одлучите да се откажете од својата редовна работа за да почнете да го живеете својот сон. Дизајнерот Јау Хунг Танг ја донел оваа тешка одлука, на која и претходело едно убаво изненадување. Откако станал инженер, Танг лесно можел да си го продолжи животот по многу постабилен пат. Тој се занимавал со дизајн само од хоби, но еден ден победил на онлајн натпревар за дизајн на маици, што му дало сигурност и храброст дека ќе може да живее и да заработува од илустрации. За овој момент од својот живот, тој вели дека бил најголемиот ризик што некогаш го направил.
Во последните четири години тој креира илустрации, кои всушност претставуваат илузии со елементи на надреализам и примена на негативен простор. Негативниот простор е дел од сликата кој не е зафатен со форми и често е занемарен. Цртежите со негативен простор подразбираат концентрација и фокусирање на позадината на сликата, оставајќи го главниот субјект бел или празен. Noma Bar е ултимативниот господар на оваа уметност од поново време.
.
rnrn
rn
„Уживам во уметноста искреирана од илузии, бидејќи таквата уметност има моќ да нè доведе во заблуда. Во нашите животи се потпираме на видот, а сепак тоа е многу кревка потпора, затоа што лесно може да се изманипулира“ – објаснува Танг.
rn
rn
Ви претставуваме неколку од неговите најдобри дела. Внимателно погледнете ги и ќе забележите колку лесно може да се изгубите во неговите „умни“ илустрации.
Музејот Салвадор Дали во Сент Петерзбург, Флорида официјално ги отвори вратите на новата неверојатна зграда во близина на водите на Тампа Беј. Новиот музеј ја замени старата зграда, која повеќе од 30 години чуваше огромна колекција на дела направени од Салвадор Дали, но сепак не беше во склоп со дивата имагинација на артистот.
Новиот музеј е распослан на 6.320 метри квадратни, а во него можат да бидат видени стотици слики и други дела на авторот во најразлични големини. Новиот дизајн на зградата е дело на компанијата HOK Florida. Благодарение на нив, таа сега го претставува креативниот дух на Дали и е соодветно место за чување на делата на најпознатиот надреалистичен сликар во историјата.rn
Сепак, градбата не е направена само за да се истакне духот на авторот, туку и за да се заштитат неговите дела од елементарни непогоди. Иако ураганите се ретка појава во Тампа Беј, зградата е направена да може да издржи бура и од трета категорија, притоа да не се оштети нејзината геодетска стаклена фасада. Делот во кој се чуваат делата на Дали е ограден со бетон со дебелина од најмалку 30 сантиметри во сите правци. Оваа зграда е направена толку издржлива, така што доколку денеска би била погодена од ураган, утре би можела нормално да функционира за посетителите.
Доколку некогаш се најдете во овој регион, посетата на овој музеј е задолжителна. Обемноста на складираната колекција на ремек дела на авторот, предизвикува големо задоволство за сите негови обожаватели и посетители. Оваа нова градба на музејот претставува огромен напредок во поврзувањето со визијата на големиот уметник.
rnrn
Јацек Јерка е роден во Торун, Полска во 1952 година. Студирал ликовна уметност и графички дизајн. Јерка вели дека бил под притисок од страна на неговите универзитетски инструктори да ги одбегнува деталите и реализмот во корист на модата во тоа време – но на крајот сепак не попуштил. Дипломирал на Универзитетот Никола Коперник во Торун, специјализирајќи се за графика. Како уметник, работи од 1980 година до денес.
