Според обичајот, невестата секогаш стои од левата, а младоженецот од десната страна. Тоа не е така случајно, туку постои причина која воопшто не е романтична. Имено, во минатото мажот требало да ја киднапира жената за да се венча со неа. Овој обичај постоел илјадници години и е забележан во грчката митологија (кога Парис ја киднапирал убавата Елена Тројанска), во библијата и во многу други историски документи.rnrn
rnrnОвој обичај има влијание и ден денес и тоа преку начинот на кој невестата и младоженецот се наместени на свадбата. Според податоците во енциклопедијата „The Knot and Compton“ постои причина за тоа: Во минатото десната рака на мажот требало да биде слободна за да може да го извлече мечот ако има потреба.rnrnКако и Парис кој бегал со Елена држејќи ја во левата рака, потенцијалниот младоженец очекувал отпор од страна на семејството на невестата и другите додворувачи, па затоа морал секогаш да биде подготвен да го употреби мечот ако некој му застане на патот. Ова се случувало сѐ до Средниот век.rnrnСо оглед на тоа што повеќето мажи се деснаци, погодно било невестата да стои од левата страна за десната рака на младоженецот да биде слободна. Не звучи многу романтично, се согласувате?rnrnПрочитајте ги и овие обичаи за првата брачна ноќ кои ќе ве шокираат.
Tag: младоженец
-
Зошто невестата стои од левата страна на младоженецот? Причината не е воопшто романтична!
-
Младоженец напишал прекрасен свадбен завет за неговата 5-годишна поќерка
Младоженецот Мајк Селдон ги трогнал сите гости на свадбата откако дал не еден, туку два емотивни завета. Тој најпрво го кажал неговиот завет за невестата Британи Вилијамс и потоа клекнал на колена и дал навистина прекрасни ветувања на нејзината 5-годишна ќерка Хајди.rnrn
rn„Неговиот гест многу ми значи, бидејќи тој не само што се ожени со мене, туку ѝ ги вети и нејзе истите работи и на тој начин сите ние станавме семејство“, изјавила невестата.
rnОва е заветот на Мајк:rn
„Ветувам дека секогаш ќе бидам фер и искрен со тебе. Ветувам дека ќе те поддржувам на секаков можен начин. Ветувам дека секогаш ќе те држам за рака и ќе ти ја чешлам косата кога ќе ме замолиш. Ветувам дека секоја вечер ќе те покривам пред спиење. Ветувам дека ќе ти покажам како еден маж треба да се однесува со неговата жена, преку мојата врска со мајка ти. И најмногу од сѐ, ветувам дека ќе те штитам, ќе се грижам за тебе и ќе те сакам најмногу засекогаш.“
rn
rnrnМладоженецот се обидувал да ги задржи солзите и убаво да ги изговори зборовите. Невестата исто така била преплавена со емоции.rn„Навистина е реткост да се најде човек кој ќе ве сака безусловно, но кога во врската доаѓате со голем багаж и со уште едно мало девојче, вистински благослов е да се најде маж кој ќе ѝ вети безусловна љубов и нејзе“, објаснува Британи.
rn
rnrnМајк бил присутен во животот на Хајди уште кога имала само 14 месеци. На почетокот, Британи се однесувала многу заштитнички кон нејзината ќерка и не сакала да избрзува. Не сакала Хајди да се приврзе за Мајк пред да биде сигурна дека нивната врска ќе трае.rn„Мајк беше многу трпелив. Ми се случуваше да прекинувам филмови и љубовни состаноци за да менувам пелени и да ја заспивам Хајди во 10 часот навечер. Немав слобода да одам на нормални љубовни состаноци и да бидам спонтана затоа што имав дете. Не му дозволував да преспие кај мене, освен кога Хајди беше кај татко ѝ. Тој ниту еднаш не се изнервира, ниту, пак, покажа дека му е непријатно поради ваквата ситуација“, раскажува Британи.
rnКако што изминувале годините, Биртани и Мајк се спријателиле со таткото на Хајди, кој сѐ уште претставува голем дел од нејзиниот живот.rn
„Два дена по венчавката отидовме во посета на татко ѝ. Откако се разделивме со татко ѝ, целта ми беше да останам пријателка со него, но и да ѝ дадам на Хајди добар пример за тоа како треба да функционира една здрава врска. И успеав во сето тоа“, отворено зборува Британи.
rn
rnrnВо 2015 година парот се свршил и почнале да живеат заедно. Тогаш врската меѓу Хајди и Мајк навистина почнала да цути.rn„Мајк веднаш ја презема улогата на татко со тоа што ја заспиваше и ја бакнуваше пред да замине на работа. Нормално дека се соочивме со некои пречки на патот, сепак не постои упатство за вакво нешто, но на крајот на краиштата ова беше едно прекрасно патување на кое сите бевме трпеливи, отворени и искрени. И најважно од сѐ, не заборавивме да се забавуваме“, завршува Британи.
rnОваа прекрасна приказна не е приказна со среќен крај, туку со среќен почеток на една нова авантура која влева надеж дека вистинската љубов навистина постои.
-
Парализирана невеста која проодува на својата свадба ни покажува дека ништо не е невозможно
Одот на невестата до олтарот е еден од најнезаборавните моменти од свадбената церемонија. Но, за оваа невеста, тоа било најемоционалниот момент. Џеки Гончер, која од својата 17-та година била парализирана од вратот надолу, ги изненадила сите гости кога станала од својата инвалидска столица и самата изодела до олтарот.rnrn
rnrnОткако се здобила со повреда на ‘рбетот во несреќа со пливање, докторите тврделе дека таа најверојатно никогаш повторно нема да прооди. Но, таа почнала полека да им пркоси на шансите, така што чекор по чекор, полека ја враќала контролата на своето тело. Сепак, во следните 8 години, Џеки претежно зависела од својата инвалидска количка.rnrnБидејќи била спортистка пред несреќата, за неа најтешкиот дел бил да не вежба. Таа се обидувала да се врати на вежбањето, но била обесхрабрувана од сите падови во теретаната и со тек на време едноставно престанала да се обидува. Но, точно една година пред свадбата, Џеки си дала само една цел – да може да оди на нејзината свадба.rnrnКако што можеме да видиме од овие фотографии, таа не само што ја постигнала својата цел за одење, туку исто така и можела да танцува! Младоженецот е пресреќен што има олку силна и неверојатно прекрасна жена како сопруга. Им посакуваме само најдобро!rnrn
-
4-годишно девојче со неочекуван бакнеж го украло целото внимание на свадбата на нејзината мајка
За време на свадбите, во центарот на вниманието најчесто се наоѓаат невестата и младоженецот, но изгледа никој не ѝ го објаснил тоа на 4-годишната Андерсон. На свадбата на нејзината мајка, Андерсон станала ѕвезда на денот откако го бакнала момчето кое ги носело прстените во истиот момент кога фотографот Лија Булерд ја направил фотографијата од новиот брачен пар.rn
„Ја поставив сцената за формална фотографија, како што правам на секоја свадба и тогаш побарав од невестата и младоженецот да се бакнат“, вели фотографот. „Бидејќи Андерсон цел ден се нарекуваше невеста, сигурно претпоставила дека го барам тоа од неа, па токму затоа и таа си доби бакнеж.“
rn
-
Нови адети за невообичаена свадба
Ако сте од оние кои сакаат свадбата да им изгледа уникатно и ослободена од традиционалните адети, ви нудиме 8 оригинални решенија.rn
1. Светулки во воздухот
rn
rnrnТие може да претставуваат замена за традиционалното држење свеќи. Палењето на ваквите светилки ќе ја задржи истата симболика како и пламенот на свеќата, само што овој пат ќе може сите поканети да бидат активно вклучени.rnrnОткако вие и вашиот иден сопруг ќе ја пуштите првата светилка да се издигне во воздухот, тогаш и гостите можат да ги пуштат своите светулки кои ќе бидат во различни бои од вашата. Тоа ќе биде симбол на нивната надеж за вашата љубов и меѓусебно разбирање.rnrnДруга идеја поврзана со светулките е секој од гостите да ви напише по една желба која посакува да ви се оствари и да ја пушти на небото задно со светулката. Така ќе добиете јато од пораки кои ќе бидат испратени до небото.rn2. Порака во јајце
rn
rnrnОва е идеја за сите оние парови кои сакаат меѓусебно да си подарат добро осмислен подарок. Она кое треба да го направат е и двајцата сопружници да земат по едно јајце. Јајцето ќе го прободете од горната и долната страна, за да истече целата течност од него и да остане само лушпата. Преку тесниот отвор ќе внесете едно ливче со ваша порака или желба до партнерот. Лушпата украсете ја онака како што вие сакате и на свадбата разменете си ги јајцата. Пораките кои се во нив прочитајте ги за време на некој ваш значаен момент: Раѓањето на вашето бебе, годишнина од брак итн. А до тогаш јајцето ќе претставува убава декорација и потсетник на вашата љубов.rn3. Отпечатоци од прсти
rn
rnrnАко сте од оние кои не сакаат да се расфрлаат со пари за скапи прстени и сметате дека подобро истите пари да ги дадете за ексклузивен меден месец, тогаш имаме идеја за вас.rnrnОд надворешната или внатрешната страна на вашиот златен или сребрен прстен отпечатете го отпечатокот од прстот на вашиот партнер.rnrnСимболиката е да имате отпечаток со кој вашиот партнер го закружува вашиот прст во симбол на единство.rn4. Катанец и клуч
rn
rnrnЗа оваа идеја ви се потребни два катанци и два клуча кои ќе ја симболизираат личноста на сопружниците. Можете да изберете какви било катанци и клучеви, раскошни или обични сеедно.rnrnИма повеќе варијанти на оваа идеја. Едната е доколку има вода во близина на церемонијата заклучените катанци со клучевите да ги фрлате во водата. Но, доколку не сте во близина на вода, тогаш повторно симболично ги заклучувате катанците, но клучевите ги чувате, за потоа да ги отклучите катанците во вашето ново живеалиште.rnrnУште една варијанта е, по церемонијата да ги поставите катанците на местото каде прв пат сте се сретнале. Идејата е засекогаш да останат заедно заклучени и да ја чуваат безбедноста во бракот.rn5. Мапа за патувања
rn
rnrnОваа идеја е поврзана со медениот месец и ги вклучува и вашите најблиски. Она што треба да го направите е да земете една голема карта на светот. Дајте им ја на вашите родини и пријатели тие да ви посочат места за меден месец кои сметаат дека вам ќе ви бидат најинтересни и да ги назначат со иглички на картата. За меден месец одберете го местото кое има најмногу забодени иглички. Потоа урамете ја и закачете ја картата на ѕид и отворете „штеден фонд“ за вашите следни патувања. Па, така во текот на вашиот заеднички живот, остварувајте ги сите патувања кои ви ги предложиле блиските.rn6. Крофна торта
rn
rnrnНаместо да давате вртоглави суми за свадбени торти и колачи, поедноставете ја работата со крофни. Поставете ги крофните во сад на катови, прекријте ги со шлаг или со шеќер во прав за да изгледаат поелегантно. За поспецифичен вкус додадете ванила или друг вид арома.rnrnНе само што ова е поевтина варијанта туку е и поедноставна и за децата затоа што се полесни за сервирање и за јадење.rn7. Артистички букет
rn
rnrnОва е супер идеја за сите оние девојки кои се љубители на читањето и некоја која почесто ќе можете да ја најдете во кафетерија отколку во ноќен клуб. Наместо цветови кои се скапи и кои ќе овенат за една недела направете уникатен букет од омилените книги и извадоци.rnrnСо фаќање на букетот не само што споделувате среќа, туку споделувате и книжевен вкус. Истава идеја може да се направи и со листови со петолиние за музичари или со цртежи за ликовни уметници.rn8. Здравица
rn
rnrnСмислете рецепт за коктел кој подоцна ќе го именувате по невестата и младоженецот. Кога ќе биде главната здравица сите да наздрават за среќа на брачниот пар со тематскиот коктел. Исто така можете да приложите мени каде што имињата на коктелите ќе бидат поврзани со некои ваши носталгични моменти и гостите ќе треба да погодат според името за кој коктел станува збор. -
Силвер и Зорка засекогаш – пони коњчиња кои стапија во брак
Машкото шетландско пони Силвер и женката Зорка, биле дотерани како младоженец и невеста во руската зоолошка градина Ројев Ручеј, во сибирскиот град Краснојарск, на 14 февруари. Вработените во зоолошката градина ја организирале венчавката на овие две неодоливи пони коњчиња, за да го обележат Денот на вљубените.rnrn
rnrnНа фотографиите можеме да забележиме дека сведоци на нивната љубов, се двете камили. :)rnrn
rnrnШто можеме да речеме друго освен: „Честито свадба коњчиња! Бидете среќни до крајот на вашите животи!“rnrn
rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Најпознатите суеверија поврзани со љубовта
Дали имате среќни обетки кои ги носите на прв состанок или важна средба? Дали чекате три дена пред да ѝ се јавите и да ја повикате на состанок личноста со која сте се запознале? Како за сè останато, така постојат суеверија за љубовта. Многумина не веруваат во нив, но сепак ги прават смеејќи се самите на себе. Верувањата во вакви суеверија ни помагаат кога сме исплашени и несигурни, ни даваат чувство дека имаме некаква контрола над нашата судбина. Кои се најпознатите суеверија поврзани со љубовта и од каде влечат корени?rnrn
rnrnМе сака, не ме сака – Сигурно макар еднаш сте зеле цвеќе и сте почнале да му ги кинете листовите велејќи: „Ме сака, не ме сака“. Тоа е како цвеќето да ви го дава одговорот кој го очекувате, а доколку не ви се допаѓа одговорот, секогаш можете да скинете друго цвеќе. Верувале или не, ова суеверие влече корени уште од средновековна Франција, каде се играла играта наречена effeuiller la marguerite, што во превод би значело кинење маргаритка. Во денешно време, најчесто тоа го прават девојките, но не само маргаритката, туку и кое било друго цвеќе може да ви заврши работа. Исто така, слично на ова е играта со јаболкото, кое го вртите држејќи го за дршката и изговарајќи ги имињата на симпатиите. Оној на чие име ќе се откине дршката е вистинскиот за вас.rnrnФрлање паричка во бунар – Освен што се извор на вода, бунарите се места каде се замислуваат желби. Во минатото жените фрлале паричка во бунар и си замислувале желба, најчесто посакувајќи сопруг или деца. Ако после тоа си го виделе сопствениот одраз во бунарот, тоа е знак дека желбата ќе се исполни. Во денешно време сè уште постојат вакви и слични верувања, некогаш луѓето фрлаат паричка иако и самите се свесни дека не е логично исполнувањето на нивната желба да зависи од тоа.rnrn
rnrnЧекај три дена пред да ја побараш – Ова најчесто го гледаме во филмовите, но некои од момците навистина преферираат да чекаат неколку дена пред да ја побараат девојката со цел да не остават впечаток дека се очајни. Оваа теорија, добро ја „разработи“ Барни од серијата „Како ја запознав мајка ви“, поврзувајќи ја дури со Исус кој чекал три дена за да воскресне. Сепак, на вас останува колку дена ќе чекате и дали воопшто ќе ја употребите во пракса оваа теорија на Барни.rnrnСтавање бонбонче под перница – Сигурно сте чуле дека свадбеното бонбонче кое ви го дала невестата треба да го ставите под перница за да го сонувате вашиот иден сопруг. Друга варијанта е ставање дел од свадбената торта под перница со истата намера – на сон да ви се појави оној вистинскиот. Ваквите верувања за првпат се појавуваат во Англија во 17-ти век.rnrn
rnrnФрлање ориз над младоженците – Ваквата традиција потекнува од старите хебрејски, асирски и египетски култури и верувања, каде оризот бил симбол на плодност и добра среќа. Во Кина се верувало дека оризот ќе им го одвлече вниманието на злите духови со цел да не ги чепкаат младоженците. Во зависност од различните обичаи, во денешно време кај нас по младоженците се фрла со ориз, ситни парички или бонбони. -
Свадбени обичаи од различни делови на светот
Автор: Тања ИлиевскаrnrnЗошто светот е привлечен? Заради различноста. Ист повод, но различни обичаи. И сè во името на новиот почеток.
rnМенување фустани
rnВо модерна Кина невестата избира не еден, туку три свадбени фустани. Еден е традиционалниот фустан „qipao“ или „cheongsam“ кој е навезен и кој за свадби вообичаено се прави во црвена боја, бидејќи во Кинеската култура црвената боја е симбол на среќата и се смета за силна боја која може да ги избрка злите духови. Другиот е раскошен, бел, балски фустан, додека последниот е коктел фустан, кај кој нема ограничување во поглед на бојата.
rnЦртање по рацете
rnЦртањето по раце е обичај кој е застапен во Индија. Пред свадбата, уникатни дизајни се аплицираат на рацете и нозете на Индиската невеста, процес познат под името „mehndi“.rnrnВаквите дизајни се привремени, траат неколку недели, а се прават со користење на исушени листови к’на. Процесот на аплицирање бара време и тоа не само да се исцртаат дизајните, туку потребно е време за к’ната да се исуши на кожата. Вообичаено семејството на невестата прави мала забава во текот на која се цртаат дизајните.
rnМазел тов
rnПри крајот на церемонијата, за време на традиционална Еврејска свадба, обичај е младоженецот да скрши чаша со десната нога. Симболиката на оваа традиција се толкува на различни начини, а еден од нив е дека и во моментите на голема радост, треба да се потсетиме дека животот носи и тага. Откако стаклото ќе се скрши, гостите извикуваат „Mazel Tov“, што значи „Со среќа“.
rnПрескок на метла
rnПрескокнувањето метла се смета за африканско-американски свадбен ритуал. Метлата се украсува со ленти, цвеќиња и предмети кои имаат симболичко значење. Скокот претставува нов почеток, бришење на грижите и стариот начин на живот и навлегување во нова авантура како маж и жена.
rnМали деверуши
rnОвој обичај е најкарактеристичен за кралските свадби во Велика Британија. Невестата е придружувана од страна на мали девојчиња, наместо од деверуши на нејзина возраст. Така во 1947 година кралицата Елизабета II, која тогаш имала 21 година, имала 8 деверуши, од кои повеќето помали од неа. Принцезата Дајана имала 5 деверуши, од кои најмалата имала 5, а најголемата 17 години. Најмалото девојче кое ја придружувало Кејт Мидлтон имало 3 години.
rnВлечење ленти од свадбената торта
rnВо Перу, девојките кои се немажени учествуваат во традиција која е послатка од фрлањето на бидермаерот. Секоја од нив влече една од лентите кои се поставени помеѓу слоевите на свадбената торта. На крајот од една лента се наоѓа лажна бурма, па се смета дека девојката која ја извлекла лентата со бурмата е следната која ќе се мажи.
rnВесела поворка
rnВо Либан свадбите започнуваат со многу музика, играње и извици од радост веднаш пред вратата на младоженецот. Ова се вика „Zaffe“, поворка составена од семејството и пријателите на младоженецот, кои заедно со него одат до куќата на невестата. Дел од оваа поворка можат да бидат и професионални музичари и танчери. Оваа група потоа го испраќа брачниот пар со многу благослови и цветни ливчиња.
rnЖртвување животни
rnТрадиционалните свадби од Зулу, Јужна Африка, се одбележани со живописни бои и со надигрување помеѓу семејствата на невестата и младоженецот. Како и многу невести од светот, така и невестата од Зулу се облекува во бела венчаница, која по венчавањето во црква може да ја замени со традиционална облека. Обичај е фамилијата на младоженецот да заколе крава во знак на добредојде за невестата, а невестата става пари во стомакот на кравата, како знак дека и таа сега е дел од тоа семејство.
rnОткуп на невеста
rnТрадиционален свадбен ритуал во Русија е откупот на невеста или „vykup nevesty“. Младоженецот пред свадбата најпрво оди во куќата на неговата идна сопруга, каде го пречекуваат нејзините пријатели и семејство и тие на шега не му даваат да ја види својата сакана, сè додека не им даде пари или подароци. Понекогаш младоженецот треба да погодува гатанки, да танцува или да изведе нешто едноставно што ќе се побара од него. Откако ќе ги импресионира семејството и пријателите на овој начин, тие му дозволуваат да ја види саканата. Сличен ритуал се практикува и во Македонија.
rnОткуп на чевли
rnЗа разлика од Руските младоженци, мажите во Пакистан треба да платат доколку сакаат да си ги задржат чевлите. По Пакистанската свадба, парот се враќа дома за церемонијата наречена „откривање на лицето“. Семејството и пријателите држат зелена шамија над главите на невестата и младоженецот и невестата го симнува превезот кој го носи во текот на свадбената церемонија. И додека сето ова трае, женските роднини на невестата ги земаат чевлите на младоженецот и бараат пари за да му ги вратат.
rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.