Коралните гребени се неверојатно богати со разновиден жив свет. Освен коралните полипи, кои ги образуваат коралните гребени, тука може да се сретнат и разни видови сунѓери, ракови, полжави, риби, желки, змии и други мекотели.rnrn
rnrn
Кога летото и пријатните температури изгледаат далеку, а вие сте заглавени во работни обврски или се спремате за испити, тогаш имате право барем да сонувате за вакви бунгалови над вода.rnrn
Не е никаква новост дека на Малдивите постојат рајски одморалишта, но сепак ние чувствуваме должност да ви ги претставиме сите релаксирачки места кои ги нудат островите, дури и кога кај нас е есен.rnrn
rnrnОдморалиштето „Anantara Dhigu Resort & Spa“ е сместено на островот Дигју, а е опкружено со мирна тиркизна вода. Секоја приватна вила е опремена со луксузен мебел, има своја прекрасна палуба со лежалки, а погледот кон околината е освојувачки. Во одморалиштето се наоѓаат и 9 луксузни ресторани во кои можете да пробате храна од сите краишта на светот.rnrn
rnrn
Како малдивската егзотика да не е доволно романтична сама по себе, па прекрасниот хотел Хувафен Фуши е сместен токму овде за да го надополни амбиентот, кој е како создаден за вљубените да избегаат од реалноста.
Хотелот изобилува со луксузни детали. Највпечатлив е неверојатниот стаклен под под кој се гледа беспрекорно чистата вода, давајќи им на гостите чувство дека лебдат во некој друг свет. Но, тоа не е единствениот паралелен универзум сместен на овој приватен остров. Овде се наоѓа првиот подводен спа центар, каде што тие можат да се релаксираат во бројните третмани кои им се на располагање. Покрај тоа, посетителите можат да нуркаат на коралните гребени, да ловат риба на зајдисонце, да пливаат со делфините, да крстарат во близина на брегот итн.
Хувафен Фуши на вљубените им нуди и едно многу несекојдневно искуство: тие овде можат да се венчаат или да ги обноват заветите. Оваа венчавка нема граѓански, туку само церемонијален карактер. Сепак, и тоа е доволно за некои двојки да дојдат на оваа плажа и да си дадат завет на вечна верност, додека сонцето заоѓа зад тиркизниот океан.
rnrn
Глобалното затоплување и покачувањето на нивото на водата, можат да бидат сериозна закана за светот, особено за следниве области кои до 2100 година можат да исчезнат од лицето на земјата.rnrn
rnЕден од најубавите пацифички архипелази, Карибите, кој се состои од 33 острови, е еден од најзагрозените токму поради постепеното подигнување на нивото на водата.
rn
rnСекоја година поради обилните дождови барем една четвртина од територијата на оваа земја е потполно под вода, а понекогаш се случува дури и 60% од територијата да биде поплавена. Клучен проблем е тоа што најголемиот дел од оваа земја е само 4,5 метри над морското ниво.
rn
rnМалдивите со сигурност се една од најпознатите туристички дестинации кои се наоѓаат на оваа листа. Поради својата популарност, досега на Малдивите им се посветува најмногу внимание, кога станува збор за опстанокот на ова мало парче рај.
rn
rnОвој идиличен пацифички остров секојдневно е жртва на морето кое нагризува, создавајќи ерозија и уништувајќи го неговото плодно земјиште. Со ова најмногу страдаат мештаните бидејќи се загрозува нивниот опстанок на ова место.
rn
rnСпоред многу извештаи Тувалу е најизолираната земја на планетата, што ја прави вистинско место за уживање. Но, колку ситуацијата со поплавувањето е сериозна говори и изјавата на еден советник од владата на САД, кој вели дека доколку локалното население не почне да гради куќи на високи столбови, може слободно да почне со иселување од земјата.
rn
rnСе предвидува дека нивото на водата на Флорида во наредните 20 години ќе порасне за повеќе од 20 сантиметри, а до 2100 година од три до пет метра. Некои прогнози говорат дека голем број луѓе ќе бидат принудени да се иселат од своите домови.
rn
rnШангај се разви како метропола најмногу поради неговото излегување на вода, но поради тоа во иднина може да има големи проблеми. За заштита од поплави и реновирање на комплетната инфраструктура градските власти веќе инвестираа многу милијарди долари, со цел да биде избегната катастрофа.
rnrnrn
Секоја година во февруари излегува нов број на модното списание специјализирано за костими за капење, „Sports Illustrated Swimsuit Issue“. Фотографиите се прават на најегзотичните места ширум светот, а ова се плажите кои се нашле на насловните страници. 
rn
rnШарк Беј е прекрасна плажа која се наоѓа северно од Перт. Црвените песочни дини, тиркизната вода и делфините привлекуваат илјадници туристи годишно. Во 1985 година, „Sports Illustrated Swimsuit Issue“ ја донесе Полина Поришкова во Шарк Беј, каде што младиот модел позираше за нејзината втора насловна страна. 
rn
rnМауи е вториот најголем хавајски остров познат белите песочни плажи и кристално сината вода. На Мауи можете да уживате во неповторливата глетка на изгрејсонцето преку вулканската карпа Халеакала. Овој остров беше одлично место за насловната фотографија од ланскиот број на Sports „Illustrated Swimsuit Issue“, кога позираше рускиот модел Ирина Шеик. 
rn
rnДомениканската Република претставува прекрасна мешавина од шпанска, африканска и локална култура, храна и историја. Таа го дели островот Хиспаниола заедно со Хаити. Прекрасните доменикански плажи може да ги видите во „Sports Illustrated Swimsuit Issue“ од 1987 година, кога на насловната страна се најде популарната Ел Макферсон. 
rn
rnЗаливот Фангнга се смета за национално богатство на Тајланд, поради што тајландската влада сака Обединетите Нации да го прогласат ова место за светско културно наследство. Во далечната 1988 година, Ел Макферсон се појави уште еднаш на насловната страна на „Sports Illustrated Swimsuit Issue“, овој пат позирајќи на карпестото крајбрежје во близина на Пукет. 
rn
rnРомантичните Сејшели сместени во Индискиот Океан претставуваат одлично луксузно засолниште за љубителите на нуркањето и риболовот. Овие острови имаат тропска температура во текот на целата година, а во 1979 година песочните плажи на Сејшелите се најдоа на насловната страна на „Sports Illustrated Swimsuit Issue“ заедно со моделот Кристи Бринкли. 
rn
rnВо 1992 година Шпанија беше во центарот на вниманието на светската јавност, не само заради Олимписките игри кои се одржаа таа година во Барселона, туку и заради вулканскиот остров Ланзароте, познат по плажите Плаја Бланка и Пуерто дел Кармен, кој заедно со американскиот модел Кети Ајленд се најде на насловната страна на „Sports Illustrated Swimsuit Issue“. 
rn
rnЗемјата на реки и потоци, како што уште се нарекува Јамајка, во 1983 година ја красеше насловната страна на „Sports Illustrated Swimsuit Issue“. Американскиот модел Шерил Тигс беше фотографирана под водопадите на реката Дан, во близина на гратчето Очо Риос. 
rn
rnВо 1982 година, американскиот модел Керол Алт, се најде на насловната на „Sports Illustrated Swimsuit Issue“, позирајќи на зајдисонце, на коралниот крајбрежје на Кенија, облечена во црвен костим за капење. И додека синооката убавица беше во преден план, во позадина се протегаше Индискиот Океан по кој пловеа белите едрилици. 
rn
rnНајвпечатливите места во Јужна Африка, пустината Калахари, африканските резервати и полуостровот Кејп, се места кои не само што се привлечни за туристите, туку и за „Sports Illustrated Swimsuit Issue“. Во 1996 година, американската манекенка Тајра Бенкс, облечена во бикини со леопардски принт, беше фотографирана токму на овие места кои подоцна се најдоа на насловните страници. 
rn
rnВодата околу Бахамските Острови е толку бистра што можете да гледате на длабочина до 70 метри. Заради тоа, Бахамите се најпосакувана дестинација за нуркање и пливање. Во 2005 година, Бахамите беа најпосакувана дестинација и за „Sports Illustrated Swimsuit Issue“, па затоа се најдоа на насловната страна, заедно со американскиот модел Каролин Марфи. 
rn
rnВо далечната 1964 година, на насловната страна на првиот број на „Sports Illustrated Swimsuit Issue“ се појави германката Бабет Марч која, облечена во скромни бели бикини, позираше на островот Козумел, кој се наоѓа источно од мексиканскиот полуостров Јукатан. Тогаш Козумел беше ново и сè уште неоткриено место, а денес неговите гребени се заштитени заради ретките видови на риби кои егзистираат тука. 
rn
rnБора Бора е синоним за рајски остров со бели песочни плажи и кристална сина вода. Тропскиот амбиент кој е карактеристичен за Бора Бора, во 1986 година придонесе овој остров да се најде на насловната страна на „Sports Illustrated Swimsuit Issue“, кога на бескрајните песочни плажи се најде Ел Макферсон. 
rn
rnМалдивите беа одбраната дестинација која се најде на насловната страна на „Sports Illustrated Swimsuit Issue“ во 1998 година, кога Хајди Клум беше во фокусот на насловната фотографија. Пријатните температури во текот на целата година и недопрената природа ги прават овие корални острови и денес едни од најубавите места на земјата. 
rn
rnПалм Бич, Игл Бич и Бејби Бич се најжешките точки на карипскиот остров Аруба, објавени на насловната страна на „Sports Illustrated Swimsuit Issue“ во 1984 година. Полина Поришкова уште еднаш се фотографираше за ова списание, но овој пат позираше на островот Аруба кој некогаш беше холандска колонија. 
rn
rnНекогашна британска колонија, а денес веќе независна држава, островот Барбадос е идеален за оние кои ги сакаат топлото време, мирната вода и песочните плажи, од кои најпознати се плажите Браунис и Брендонс, лоцирани околу главниот град на Барбадос. Во 2003 година, чешкиот модел Петра Немцова позираше на Барбадос за насловната страна на „Sports Illustrated Swimsuit Issue“. 
rn
rnДве третини од островот Сент Џон отпаѓа на националниот парк, што прави овој остров да биде беспрекорен. Плажите се мирни, песочни и се протегаат долж целиот северен брег. Во 2008 година, на овој остров, американскиот модел Мариса Милер беше фотографирана за насловната страна на „Sports Illustrated Swimsuit Issue“. 
rn
rnБританската традиција оставила голем печат врз културата на Бермудските Острови. Попладневниот чај и голфот се само дел од многуте атракции кои ги нудат Бермудите. Дел од шармот на овие острови е и ограниченото возење кое се сведува само на велосипеди и скутери. Можеби тоа ја привлече и Даниела Пестова која се фотографираше на Бермудите за насловната страна на „Sports Illustrated Swimsuit Issue“ од 1995 година. 
rn
rnИако северниот дел на Африка е политички доста нестабилен и небезбеден за патување, тимот на „Sports Illustrated Swimsuit Issue“ одлучи во 2001 година мексиканскиот модел Елза Бенитез да биде фотографирана на медитеранското крајбрежје во Тунис, за насловната страна на списанието. Тунис е посакувана туристичка дестинација заради посебната мешавина од берберска, арапска, римска и феникиска култура и заради прекрасните крајбрежни плажи. 
rn
rnМексиканската ривиера на Маите се најде на насловната страна на „Sports Illustrated Swimsuit Issue“ во 1975 година, кога моделот Шерил Тигс повторно беше одбрана да биде во фокусот на насловната фотографија, овој пат позирајќи на плажите во Канкун. Освен заради рајските плажи, Канкун е привлечен за туристите и заради многубројните спортови на вода, рушевините од храмовите на Маите и луксузните одморалишта. 
rnrn
Оние кои престојуваат во луксузниот Сонева Гили на Малдивите треба да следат само две правила: да се шетаат боси и да не гледаат или да дискутираат вести од останатиот дел од светот. Тоа, сепак, воопшто не е тешко во овој тропски рај, затоа што штом еднаш стигнете тука, лесно се заборава на остатокот од светот.
Туристичкиот центар Сонева Гили се наоѓа на еден од многубројните малдивски корални островчиња до кој може да се стигне само со брод. Тоа е извонредно место да се побегне од светот и да се помине на мира медениот месец, кон што и е ориентиран овој центар. Составен е од вкупно 45 вили меѓусебно поврзани со дрвени мостови карактеристични за егзотичните острови. Секоја од вилите е огромна и има свој базен оддалечен само неколку чекори од кристално бистриот океан.
Покрај во бесконечно излежување, гостите можат времето да го поминуваат во нуркање, јога или часови по таи чи организирани за нив, а можат да ги посетат и неколкуте станици за масажа распоредени на плажата на големиот атол.
rnrn
Најубавите плажи во светот доаѓаат во сите облици и големини, бои и видови, започнувајќи само од далечинскиот управувач, преку рајски места со палми и бел ситен песок, па сè до тренди места за социјализација и хедонистички центри за забава. Во потрага по песочни плажи кои ги поттикнуваат романтиката, страста и заводливиот дух, издвоивме кои се најсекси плажи во светот.rn
rnКалифорнија има една од најсекси плажите што се наоѓаат покрај брегот на Пацификот. Плажата Зума во Малибу е место каде што планините на Санта Моника речиси се спојуваат со океанот, каде може да пиете изладено Шардоне гледајќи ги делфините. Оваа плажа нуди долг песочен брег и одлично засолниште за славната клиентела. Во непосредна близина се наоѓаат куќите на Џенифер Лопез, Бред Пит и Анџелина Џоли. Плажата Зума е вистински избор за сите што ги сакаат песокот и ѕвездите.rnrn
rn
rnИако Австралија има голем избор на плажи, сепак најпопуларна е космополитската плажа Менли во Сиднеј. Како што кажува самото име, оваа плажа е рај за сурферите. Тука можете да седнете, да им се восхитувате на сонцето и брановите и да се предозирате со сладолед. Оваа плажа нуди релаксирачки одмор, мали заливи, предели со борови и целосно опуштена атмосфера.rnrn
rn
rnЗамислете си алеи од палми, приватни куќички покрај море, песок бел како креда и бесконечни базени со поглед кон рајот. Тоа се Малдивите, земја на корални острови на југозападниот брег од Индија, во Индискиот Океан. Малдивите нудат голем избор на хотели со пет ѕвездички и други луксузни сместувања, сончеви зраци во текот на целата година, прекрасни лагуни, па затоа се најчест избор кога станува збор за меден месец или некое друго романтично патување.rnrn
rn
rnТуркс и Каикос се островски архипелаг јужно од Бахамите, составен од 40 острови од кои само неколку се населени. Плажите на овие острови, поради својата географска положба (затскриени се зад Карибите) се едни од ретките кои изобилуваат со чиста и недопрена природа. Една од најубавите плажи на Туркс и Каикос е заливот Грејс, со брег долг 12 милји покриен со песок бел како шеќер. Туркс и Каикос се дестинација за сите романтичари кои обожаваат вечера на свеќи.rnrn
rn
rnЗа љубителите на жешки плажи и луди забави, сензационалните плажи Копакабана и Ипанема се вистински избор за нив. Овој рај во Јужна Америка ги има најпопуларните и најпровокативните брегови покрај Атлантикот, покриени со бел песок. Преку ден можете да уживате гледајќи ги бразилските убавици како шетаат по плажите, а навечер клубовите покрај шеталиштето нудат целовечерни забави.rnrn
rn
rnЕден од најсофистицираните острови на Карибите, Свети Мартин, се наоѓа источно од Порторико и претставува спој на европската култура, создавајќи фузија на историјата и чувство на хедонизам. Една од најзначајните области на островот е областа Гранд, поранешно рибарско село, а денес кулинарски епицентар на Свети Мартин, ако не и на Карибите воопшто. Гранд изобилува со крајбрежни гурмански бистроа кои се наоѓаат наспроти тиркизните води.rnrn
rn
rnВулканскиот тропски архипелаг на Хаваи е оддалечен илјадници километри од најблискиот континент и изобилува со осамени плажи. Плажите на Северниот брег на Оаху се познати по нивната природна убавина и брановите погодни за сурфање. Во текот на летото, брановите се речиси рамни и се добри за сурфери-почетници, но во октомври и март, брановите формирани од зимските бури, патуваат од Алјаска сè до Оаху и се одлични за професионалните сурфери.rnrn
rn
rnАко ве привлекува лудиот ноќен живот проследен со романтични средби, плажите на Тајландските острови се вистинскиот избор за вас. Секој месец, кога настапува полна месечина, 20.000 трагачи по луди забави доаѓаат на плажата Хаад Рин за да присуствуваат на целовечерната забава позната како „Полна месечина“. Патниците привлечени од танцовите кои се изведуваат со помош на оган, конзумираат евтино локално виски и одат од еден во друг клуб сè до изгрејсонце.rnrn
rn
rnИако овој грчки остров има многу плажи, сепак најнеобична е Црвената плажа која има облик на млада Месечина. Заради посебните географски карактеристики и вулканската активност, брегот на оваа плажа е црвен и црн. Карпите создадени од лавата полни со железо, навлегуваат длабоко во Егејското Море. Во текот на летните месеци, Црвената плажа нуди луди вечерни журки во крајбрежните клубови.rnrn
rn
rnПлажата Боракеј е вистински трофеј за Филипините. Оддалечена 30 минути со авион од Манила, Боракеј не е многу долга плажа. Широка е помалку од еден километар и се смета за туристички центар, каде што луѓето доаѓаат за да се дружат и да ја апсорбираат културата на Филипините. Плажата Боракеј нуди бел песок ситен како прашина и чиста сина вода. Оваа плажа е вистинската дестинација за сите кои ги преферираат водните спортови.rnrn
rnrn
Во овие жешки денови, со температури од над 30 степени Целзиусови, доколку сè уште не сте заминати некаде на летен одмор, идејата да се нурнете во еден фантастичен бесконечен базен, лоциран во некое ексклузивно место, сигурно ви звучи волшебно.rnrn
Спиењето под вода помеѓу живиот воден свет, е нешто за кое секој од нас би можел само да сонува. Но за некои среќни туристи, со „подлабоки џебови“, овој сон сега може да постане реалност.rnrn
rnrnПред нешто повеќе од пет години хотелот Конрад Малдиви, кој се наоѓа на островот Рангали, го отвори првиот ресторан под вода. За да ја прослават петгодишнината, сопствениците сега на нивните гости им ја нудат можноста, не само да ручаат гледајќи во морското совршенство, туку и да заспиваат гледајќи во распливаните рипчиња. Ресторанот со дванаесет места за седење, кој се наоѓа на 5 метри под нивото на Индискиот океан, беше преобразен во приватна спална соба за двајца, во која на гостите им се носи шампањско, вечера и појадок во кревет. Погледот кон живописниот корален гребен низ чистиот таван од плексиглас, просто го одзема здивот.rnrn
rnrnРесторанот пак, покрај тоа што нуди неверојатна глетка која најверојатно никогаш нема да исчезне од вашите спомени, располага со богато мени од малдивската кујна. Исто така, се шират гласини дека за време на ручек, во ресторанот е толку светло, што гостите и персоналот мораат да носат очила за сонце. Вработените дури носат резервни очила за сонце в рака и нудат услуга за нивно забришување. Звучи неверојатно, но сигурно ќе се сложите дека гледањето на изгревот на Сонцето со појадок во кревет или вечерањето во друштво со Месечината е уште поспектакуларно искуство!?rnrn
rnrnОстатокот од одморалиштето кој е над океанското ниво, исто така не е воопшто мизерен. Овој хотел лоциран на Малдивите може да се пофали со 50 луксузни вили во вода, 79 вили на плажа и 21 фабулозни спа-вили во вода, со приватни соби за третмани. Воодушевувачките апартмани за летување, се опколени со прекрасен двор, со фонтана, а огромната рајска тераса покрај океанот, уште повеќе го зачинува тропскиот „шмек“, покрај стаклените врати кои се замена за ѕидови и генијалното уредување кое обезбедува тотална изолација од остатокот од светот. Епа, доколку навистина постои Рај, тогаш дефинитивно би изгледал вака.rnrn
rnrn rnrn