КАФЕ ПАУЗА

Tag: љубомора

Можеби ги правите несвесно: 10 работи со кои го излудувате вашето момче

Има некои работи кои девојките можеби ги прават сосема несвесно, но тоа многу лошо влијае врз нивните момчиња. Не станува збор за нивна помала самодоверба, туку едноставно најголемиот дел од мажите имаат потреба да ја совладаат конкуренцијата и да бидат први, единствени и најдобри. Иако можеби нема да ви каже или покаже, кога правите една од следните 10 работи, во главата на вашиот партнер почнуваат да се мотаат секакви мисли, исполнети со лутина, нервоза, недоверба, инает, љубомора…rnrnrn

1. Флерт со други момчиња

rnКога флертувате со други момци пред него, тогаш во неговата глава се одвива вистински хорор. Мажите во тие моменти реагираат најразлично, во зависност од нивниот темперамент и карактер, но внимавајте во негова близина да нема остри, ниту тапи предмети.rn

2. Се смеете на туѓи шеги

rnОва е една работа која комплетно ги излудува момците. Ако го прашате него, веројатно ќе ви одговори дека само тој има право да измами насмевка на вашето лице.rn

3. Женски излегувања

rnФактот дека мажите не знаат што точно се случува за време на вечерните дружења со жени е доволна причина да чувствуваат несигурност. Додека седи сам, во главата си замислува како ви приоѓаат и ви се додворуваат десетици момци таа вечер.rn

4. Ви се допаѓаат познати личности кои изгледаат подобро од него

rnЗнаете ли зошто некои момци едноставно не можат да поднесат некој актер, пејач, фудбалер? Па, поради вас. Поради нешто што вие сте кажале или сте направиле поврзано со таа позната јавна личност. Поради оној ваш излив на емоции кога ќе го видите на малите ТВ екрани. Ете, токму поради тоа.rn

5. Кога споменувате други момци само по нивното име, без објаснување

rnДоколку на вашето момче му раскажувате одредена случка од работа, внимавајте како ги употребувате зборовите. Ако ја почнете реченицата со „Оној Горан од работа“ или „Горан од мојот оддел“ тогаш е во ред, но доколку започнете со „Како ме изнасмеа денеска Горан“, тогаш создавате хаос во неговата глава.rn

6. Праќате пораки на други момци

rnТој полудува во моментот кога сфаќа дека праќате порака на друго момче, без оглед за каква содржина станува збор.rn

7. Најдобриот пријател не ви е девојка, туку момче

rnНема врска колку долго се познавате со вашиот другар и колку сте „само другари“. Вашиот партнер сигурно веќе неколку пати си помислил дека веројатно сте имале интимни односи, некогаш одамна. Еднаш, некогаш, случајно. За таквото размислување обвинете ги стереотипните романтични комедии.rn

8. Се сеќавате на позитивни спомени од поранешните момчиња

rnКога ќе споменете некое ваше поранешно момче во некоја позитивна конотација тогаш се создава страв и несигурност кај вашиот партнер. Почнува да размислува дали можеби сè уште сте заљубени во тоа момче, дали е можеби тој подобар од него. Доколку добро погледнете, ќе забележите суптилен бес во неговите очи.rn

9. Слободните денови ги користите за одмор со пријателите

rnТоа е време кое сте можеле да го минете со него. Ако е повлечена личност и сака да поминува време сам со себе, тогаш нема да има некои големи реакции, но доколку е дружељубив веднаш ќе ве праша зошто не го земате со вас.rn

10. Доколку не го поддржувате во кавгите со други луѓе

rnБез оглед дали сметате дека е во право или не, секогаш пред другите треба да го поддржувате. Доколку застанете на страната на неговите родители, браќа, сестри, пријатели, колеги, тогаш навистина ќе се чувствува повреден.

August 5, 2016
11 знаци дека вашите пријатели ви љубоморат

Многу почесто се зборува за љубомората што постои во љубовната врска, отколку за пријателската љубомора. И во двата случаи станува збор за чувство од кое дефинитивно треба да се ослободите. Таа се јавува во различни форми, сите подеднакво ужасни и фрустрирачки. Доколку сте забележале дека во последно време односите со вашите пријатели се оладени или чувствувате некаква негативна енергија кога сте со нив, голема е веројатноста тие да ви се љубоморни. Ова се 11-те знаци кои ќе ви помогнат да ја препознаете нивната љубомора…rnrnrn

1. Велат дека животот не е фер

rnДали вашите пријатели често ви велат дека не е фер тоа што вие имате некои работи кои тие ги немаат? Ова може да се однесува на работата, на љубовната врска или на материјални работи, како што е добриот автомобил. Многу често, овие луѓе го користат терминот „не е фер“ со цел да ги обвинат надворешните фактори за тоа што не можат да го постигнат она што нивниот пријател може.rn

2. Секогаш се премногу натпреварувачки настроени

rnДобро е да се има по малку конкуренција, но ако ја има премногу, тоа може да е знак дека зеленото чудовиште ги посетило вашите пријатели. Ако забележите дека тие ве доживуваат како конкуренција, вашите пријатели не само што ви се љубоморни, туку и пријателството во целост е токсично.rn

3. Секогаш се многу негативни

rnИм соопштувате на вашите пријатели дека сте добиле унапредување и одеднаш забележувате негативност од нивна страна. Се прашувате како е тоа возможно? Љубомората функционира токму на овој начин. Тие ќе се обидат да ве омаловажат со зборови како „Па, добро, се знаеше, и онака немаше кој друг да унапредат“. Внимавајте на скриената негативност и сфатете ја како знак.rn

4. Имаат потреба да ве засенат

rnДа се вратиме на примерот со унапредувањето. Ако си имате работа со љубоморни пријатели, тие прво ќе ве нападнат со гореспоменатата негативност, и потоа веднаш ќе преминат на коментари наменети за да го засенат вашиот успех. Љубоморните пријатели кога ќе чујат за вашето достигнување, веднаш ќе почнат да зборуваат за тоа како тие постигнале нешто подобро и поголемо.rn

5. Многу се несигурни

rnЗад секоја љубоморна личност се кријат нејзините несигурности. Дали вашите пријатели се несигурни во себе? Докажано е дека луѓето на кои им е пријатно во своја кожа и кои имаат цврста самодоверба, не им љубоморат на останатите. Спротивно на тоа, доколку забележите дека вашите пријатели не се воопшто самоуверени, голема е веројатноста дека ќе ја развијат нивната љубомора и ќе ја насочат кон вас.rn

6. Прават да се чувствувате лошо во секоја можна прилика

rnСте земале слободни денови од работа за да отидете на одмор со вашиот партнер. Наместо да се радуваат за вас и за тоа што конечно ќе го добиете потребниот одмор, тие прават да се чувствувате виновни за тоа што ја запоставувате работата. Веројатно ќе ви кажат нешто како: „Одморот звучи супер, но да бев на твое место немаше да ја оставам работата туку-така“. Ако ви се чини дека вашите пријатели ја потценуваат секоја одлука што ќе ја донесете, тоа може да биде уште еден знак дека тие ви се љубоморни.rnrnrn

7. Опседнати се со престиж

rnДали вашите пријатели се опседнати со тоа да бидат поканети на некои елитни настани? Дали секогаш сакаат да бидат во друштво на популарни и финансиски моќни луѓе? И потоа кога ќе добиете нешто повеќе од она што го имаат, тие одеднаш полудуваат. Статусот и успехот имаат голема улога во љубомората. Понекогаш, амбицијата е поттикната од несигурноста.rn

8. Се преправаат кога ќе им кажете некои добри вести

rnИмате некои возбудливи вести кои сакате да ги споделите со пријателите, но кога ќе ги изговорите зборовите, веднаш ги забележувате нивните лажни насмевки. Ова не се случува еднаш, туку секогаш. Покажувањето лажна среќа е уште еден знак за љубоморен пријател. Со нивното преправање тие сакаат да компензираат за љубомората што ја чувствуваат поради тоа што не се на ваше место.rn

9. Потценуваат сѐ што ќе постигнете

rnСте постигнале нешто големо? За вашите пријатели тоа воопшто не е голема работа. Дури може и да ви кажат нешто како: „Доби покачување? Добро де, и јас добив. Многу луѓе добија покачување оваа година“. На овој начин љубоморните луѓе сакаат да направат да се чувствуваат подобро во врска со самите себеси.rn

10. Секогаш ве обесхрабруваат

rnПријателите би требало да ве охрабруваат, а не обратно, нели? Кога си имате работа со љубоморни пријатели токму обратното се случува. Љубоморните луѓе се фокусираат на причините зошто не можете да направите нешто, а не на причините зошто можете.rn

11. Воопшто не ве поддржуваат

rnСекогаш кога ви е потребно некој да ве сослуша, не можете да најдете ни еден од вашите пријатели. Не само што тие ги потценуваат вашите цели и желби, туку и воопшто не се тука за вас. Вистинскиот пријател ќе сака да успеете и да бидете среќни, и секогаш ќе биде подготвен да ви ја даде неговата поддршка.rnrnДоколку ги препознаете овие знаци кај вашите пријатели, сигурно ќе се запрашате што треба да направите. Љубомората не значи дека пријателството е готово. Постои начин да го решите овој проблем, а тоа подразбира да бидете отворени и искрени со пријателите кои сметате дека се љубоморни. Треба да ги отворите картите и да им објасните што ви пречи. На тој начин, вашите пријатели можеби ќе размислат два пати пред да коментираат нешто и да се однесуваат на начин кој прави да се чувствувате лошо. Запаметете дека треба да бидете искрени со нив, бидејќи само на тој начин ќе успеете да го зачувате и зацврстите вашето пријателство.

June 22, 2016
Жените во овој знак се едни од најљубоморните и најпосесивните личности во хороскопот

Секогаш приземна, принципиелна и практична. Но, ако е уверена дека некој лошо се однесувал спрема неа или дека ја злоупотребил нејзината добрина, таа никогаш нема да му прости бидејќи е навистина големо злопамтило! Можете да претпоставите за кого станува збор? Можеби ќе се изненадите, затоа што таа секогаш изгледа рамнодушно и ладно, но од внатре врие од емоции. Станува збор за жената Бик.rnrnСтоите цврсто на земја и ги сакате работите кои се постојани и опипливи. Сонувањето не е за вас. Вашето чувство за практичност е посилно од желбата за бегство од реалноста. Никогаш не им верувате на слатките ветувања, бесмислените илузии и фантазии.rnrnВие сте добар и верен пријател, но барате лојалност и од другата страна. Што кога некој ќе ве изневери? Тогаш нема бурно да реагирате затоа што вашите реакции се суптилни и помалку видливи, но затоа пак имаат бескрајна длабочина.rnrnrnrnНе сакате промени и пресврти, ниту работи кои би можеле да го променат постојаниот тек на вашиот живот, или што е уште полошо, да ја доведат до опасност вашата удобност. Толку тврдоглаво се држите до вашите принципи, што тоа се граничи со имање предрасуди. Многу ретко ги слушате туѓите совети и предупредувања. Тврдоглаво продолжувате по свое дури и тогаш кога сè оди во прилог на спротивставените теории. Тоа вам не ви е важно!rnrnВашата склоност кон удобноста понекогаш прераснува во пасивност и мрзливост. Не сакате премногу компликации, како ни брзање без потреба и безумие. Тоа не е вашиот стил.rnrnЉубовта игра голема улога во вашиот живот. За вас таа не е синоним за страст, бура од емоции или романса, тука за нежност и уживање. Со оглед на тоа што сте љубител на постојаните форми и на сè она што се однесува на материјалната реалност, кај мажот пред сè ве привлекува неговиот физички изглед. Тоа што се крие под неговата надворешност ќе го откриете подоцна.rnrnКога ќе запознаете некоја личност која ви се допаѓа, тргнувате во освојување иако и вие сакате да бидете освојувани. Набљудувањето и проценувањето кај вас долго траат, некогаш дури и предолго. Тоа не е никакво изненадување, бидејќи одлуките ги донесувате по долго и зрело размислување, а истото важи и за оние кои се поврзани со љубовта.rnrnИако изгледате како ладна личност, во суштина, вие сте многу сензибилни. Не се врзувате лесно. Љубовта во вашето срце бавно созрева и зависи од нежноста и топлината што ја чувствувате од страна на партнерот.rnrnНе сакате да ги покажувате вашите емоции во јавност, но знаете да бидете многу љубоморни, па дури и посесивни. Не го поднесувате присуството на други жени, макар била таа и колешка на вашиот партнер. Во оваа борба сте многу вешти: Плетете мрежа околу вашиот сакан и ги истиснувате сите други жени од неговиот живот.rnrnА ако тој ве изневери? Ќе вратите со иста мера и тоа уште пожестоко, како што само вие знаете и умеете!

May 13, 2016
10 нивоа на љубомора низ кои поминуваат девојките во нова љубовна врска

Сомнежот е нормален сегмент од секоја врска, особено додека е на почеток и сè уште не се познавате добро. Никогаш не можете да бидете целосно сигурни, особено денес кога на верноста не се придава некое особено значење, а и малку љубомора може да влијае позитивно на врската и да служи како потврда дека партнерот сè уште се интересира за вас. Меѓутоа ако не се внимава, таа мала доза непотребна љубомора лесно може да прерасне во опсесија која дефинитивно ќе се одрази лошо на врската. Откријте до кое ниво стигнува вашата љубомора на следнава скала:rn

1. Прогонување на социјалните мрежи

rnrnrnЕднаш дневно го отворате неговиот Фејсбук профил. Ништо сериозно, само една од основните претпазливи мерки. Чисто онака колку да видите дали има некои сомнителни коментари со двосмислена содржина и со колку и какви девојки станал пријател. Ова е нешто што редовно се случува дури и целосно да му верувате на партнерот, така што одвај влегува во скалата за мерење љубомора.rn

2. Рационално грижење

rnrnrnКога прв пат ќе забележите дека флертува со келнерката, немојте веднаш да донесувате заклучоци. Останете прибрани и добро набљудувајте ја ситуацијата. Пред да го преплавите со непотребни прашања, обидете се сами да процените дали е едноставно шармантен или навистина има задни намери. Понекогаш добро е да побарате и второ мислење, но останете доследни на вашата проценка бидејќи сите имаме различна перцепција на нештата. Во секој случај не се опседнувајте поради ова, сè уште сè се одвива во границите на нормалата.rn

3. Постојано испрашување

rnrnrnВторото ниво може лесно да ескалира во наредното доколку тоа прво чувство на љубомора не исчезне. Почнувате постојано да се прашувате дали е верен, па се обидувате одговорите што ве интересираат да ги добиете преку секојдневен разговор, меѓу редови. Тој сè уште не може да забележи дека сте љубоморни, но тоа полека станува дел од вашата врска.rn

4. Прегледување на телефонот

rnrnrnЉубомората сега веќе станува видливо присутна. Вие имате мисија по секоја цена да најдете нешто сомнително, дури и ако во реалноста нема ништо такво. Одвај чекате да отиде до тоалет за да го грабнете телефонот. Ниту пасвордот не може да ве сопре да дознаете со кого уште зборува во доцните часови.rn

5. Непотребни критики

rnrnrnНа ова ниво љубомората веќе преминала во злоба. Порано ви се допаѓаше што секогаш е среден, но сега се прашувате за кого се облекува толку убаво. Му давате двосмислени комплименти за неговата нова фризура и го прашувате зошто токму тој добил унапредување на работа. Немојте да мислите дека ваквото однесување е нормално. Веќе ги преминавте границите на нормалата.rn

6. Социјално шпионирање

rnrnrnОд оваа фаза веќе нема враќање назад. Официјално ја добивте титулата за љубоморна девојка. Честитки! Се појавувате на секој настан каде што оди тој и се преправате дека се работи за случајност. Вие само сакате да бидете сигурни дека не зборува со други девојки, но не е неопходно тој да знае за тоа. Во овој момент неговите другари се обидуваат да го убедат дека комплетно сте го изгубиле разумот.rn

7. Гушење од 5-ти степен

rnrnrnВо последните неколку месеци имате пропуштено безброј излегувања со другарките поради вашите прогонувања и шпионирања. Тој сака да оди сам на викенд со другарите, но вие сте решени да дојдете со него. Одвај му дозволувате сам да излезе од соба и секогаш гледате да е барем на метар оддалеченост од друга девојка.rn

8. Опсесија со валидација

rnrnrnВоопшто не сте сигурни во себеси и целосно имате изгубено допир со реалноста. Вие сте опседнати и единственото нешто што го задржува во оваа врска е неговите чувства за вас. Постојано му создавате грижа на совест и тој се чувствува обврзан да ја искажува неговата љубов речиси секој ден. Вака само го оддалечувате од себе, а неговите емоции избледуваат сè повеќе и повеќе.rn

9. Повици кон други жени

rnrnrnАко има барем грам памет, полека ќе почне да се оддалечува од вас. А вам веќе воопшто не ви е грижа за како другите ве гледаат. Едноставно се јавувате на неговата најдобра пријателка и без предупредување ја прашувате дали спие со вашето момче.rn

10. Зеленооко чудовиште

rnrnrnЕпа тоа е тоа. Зеленоокото чудовиште излезе од својата пештера и спремно е за напад. Ги поминавте сите нивоа на љубомора од беснеење без никаква причина до појавување на секоја можна локација каде што тој се наоѓа. Не го ни сакате повеќе, само не сакате никој друг да биде со него. Запаметете дека нема победник во оваа изопачена игра на љубомората.rnrnДоколку се пронајдовте во првите три нивоа сè уште се движите во границите на нормалата и сосема е во ред да ви се случуваат такви работи. Но, ако забележите дека со текот на времето чувството на љубомора наместо да се намали или барем да стагнира, сè повеќе расте и евентуално ќе кулминира, преземете мерки на време. Не пуштајте го Зеленоокото чудовиште надвор од неговото засолниште. Размислувајте рационално и разговарајте со вашиот партнер. Повеќето работи се најчесто плод на нашата бујна имагинација. Ќе се изненадите од тоа колку лесно еден обичен разговор може да го реши проблемот и да ги успокои вашите грижи.

April 15, 2016
Погледнете од што треба да се ослободите за да постигнете успеси во животот

Еден од начините да бидете попродуктивни и посреќни е да пораснете – лично и професионално. Сите тежнееме да создадеме нови можности од неколку причини: амбиција, пари, влијание, напредок во кариерата, нови предизвици и слично. Сосема е нормално да барате можности и околности кои ве предизвикуваат и тераат да бидете најдобри во она што го правите.rnrnrnrnДодека голем дел од нас го знаат сопствениот рецепт за успех – напорна работа, посветување повеќе време, поголема одговорност – затоа, помало внимание се обрнува на нештата кои мора да престанеме да ги правиме за да ја реализираме целта. Ќе забележите дека голем дел од овие деструктивни однесувања и навики се резултат на сопственото мислење, кое можеби е најважниот атрибут при постигнување успех и тоа е она поради кое можете или да бидете во огромна предност или да назадувате. Погледнете кои се 6-те нешта од кои мора да се ослободите веднаш ако сакате да успеете.rn

1. Ослободете се од желбата да ги усреќите сите

rnБез разлика дали е правилно или не, сите имаат мислења за луѓето околу нив. За жал, голем дел од нас премногу се фокусираат на она што другите го мислат за нас. Тоа е природно, затоа што сакаме да бидеме сакани, прифатени и ценети. Но, треба да знаете дека секогаш ќе има луѓе кои нема да ве прифаќаат поради завист, огорченост, страв или нешто друго, додека вие свесно правите напор за да постигнете некој успех во вашиот живот.rnrnУспехот може да ги истакне овие чувства затоа што не секој има цел да си ги подобри животните услови. Важно е да запомните дека тоа не е ваш проблем. Не е ваша работа да ги усреќувате овие луѓе – туку само да бидете среќни со она што го правите со сопствениот живот.rn

2. Ослободете се од изговорите и бидете одговорни за вашите дела

rnПостојат интелигентни и талентирани луѓе кои никогаш нема да го постигнат зацртаниот успех во нивните животи затоа што не можат или не сакаат да престанат да наоѓаат изговори и да ги обвинуваат другите. Кога ќе добиете можност, мора да ја грабнете во целост и да запомните дека само вие можете да го остварите тоа. Ако ги обвинувате другите за вашите проблеми и ако наоѓате разни изговори никогаш нема да имате позитивен исход.rnrnАко сме искрени со себеси, веднаш знаеме дека сме биле виновни – во еден момент или во друг. Проблемот со ова е дека се обесхрабруваме од она што може да стане наше ако преземеме одговорност и го направиме она што треба да се направи. Работете напорно, признавајте ги грешките и имајте за цел да не наоѓате изговори или да ја пренасочувате вината на други луѓе.rn

3. Ослободете се од големите грешки и неуспесите од минатото

rnЛуѓе сме – правиме грешки. Сите ние во еден момент од нашиот живот сме направиле некоја страшна грешка или не сме успеале во нешто. И не постои ништо со што можете да го избришете минатото или нешто што можете да преземете за да го исправите направеното. Постојат огромен број луѓе кои прво не успеале за потоа да се прослават со некој голем успех. Стивен Спилберг, Ричард Бренсон, Волт Дизни – листата е долга…rn

4. Ослободете се од болките и траумите

rnНекогаш зборот „тешкотија“ не целосно ги доловува нештата што ни се случиле во минатото. Некои од нас имаат искусено значајна болка – што дури преминала во траума. Својствениот проблем во ослободување од болката и траумите е тоа што може да ги намали напорите за подобар живот.rnrnАко не се ослободите од мислите кои психички ве уништуваат никогаш нема да можете да уживате во можностите од сегашноста и иднината. Иако можеби нема целосно да заборавите на она што се случило, сепак можете да водите успешен и среќен живот без разлика што сте доживеале траума.rn

5. Ослободете се од несигурностите

rnКако и другите проблеми, така и несигурноста може да биде тешка за надминување, но тоа не значи дека е невозможно. Имајќи го тоа на ум, нема потреба да се грижите што мислат луѓето околу вас. Повторно – тоа е нивен проблем, а не ваш. Плус, голем број од луѓето се толку себични што гледаат само за нив, тие не ни имаат време да мислат на вас.rnrnАко верувате дека сте силна и способна личност од непроценлива вредност, тогаш никој и ништо не може да го промени тоа, освен ако вие им дозволите. Несигурноста е состојба на мозокот, но исто се и храброста и самодовербата. Држете ја главата високо, верувајте во себе и уште поголема е веројатноста дека и другите ќе веруваат во вас.rn

6. Ослободете се од љубомората и презирот

rnЉубомората и презирот се чести човечки чувства, но тие ви ја одземаат енергијата и ве исполнуваат на негативен начин. Исто така, љубомората и презирот се ирационални, непродуктивни мисли од кои немаме корист. Ова особено важи во моментите кога се обидувате да постигнете каква било цел или успех.rnrnДа чувствувате презир кон некого поради нивниот успех или постигнување е одраз на слаб карактер и е непродуктивно. Наместо тоа, пробајте да го цените нивниот труд и нивната напорна работа, одличност и жртвување. Од луѓето кои постигнале успеси можеме многу да научиме, наместо да акумулираме негативни чувства кон нив. Обидете се да изградите врска со нив и да го исполните социјалниот круг врз основа на такви луѓе. Успехот создава успех и веројатно ќе најдете добра личност што ќе ви обезбеди мотивација и охрабрување за да ги постигнете вашите цели.

February 12, 2016
Ценете го она што го имате: Туѓото ниту е послатко, ниту подобро!

Сите ние живееме во ова општество, и на овој или оној начин, се споредуваме со другите луѓе. Споредувањето во одредена смисла раѓа љубомора. За тоа колку е бесмислено ова чувство и колку е важно да го цениме она што го имаме, ни покажува овој стрип во кој на некој начин е изразена оваа идеја.rnrn

November 24, 2015
10 типови токсични луѓе кои ја одземаат вашата енергија

Луѓето често се грижат за храната која ја јадат – дали овошјето и зеленчукот се прскани, дали месото е добро зготвено, дали водата која ја пијат е здрава, дали во воздухот има токсини итн. Притоа се трудат да внесуваат што е можно помалку отрови во своето тело, но што е со токсичните луѓе во нашето опкружување?rnrnСекој познава барем две такви личности. Можеби живеете, работите или се дружите со нив. Токсичните луѓе ја црпат вашата енергија и си играат со вашето ментално здравје. И баш исто како во допир со секој друг отров, така и контактот со овие луѓе би требало да биде сведен на минимум, за да се заштитите. Ова се 10 типови токсични луѓе кои би требало да ги избегнувате.rnrnrn

1. Токсично арогантни

rnПостои голема разлика помеѓу самодоверба и ароганција. Самодовербата инспирира, додека ароганцијата заплашува. Арогантните луѓе секогаш знаат најдобро и мислат дека се супериорни во однос на останатите. Тие никогаш нема да ја слават вашата самодоверба, бидејќи тоа ја руши нивната ароганција.rn

2. Токсични жртви

rnЕдна од најопасните личности која може да ја имате во вашето опкружување е постојаната жртва. Тие ги согледуваат своите проблеми и грешки, но секогаш другите им се криви за тоа и никогаш нема да ја преземат одговорноста за нивниот живот.rn

3. Токсични контролори

rnОние кои контролираат секогаш знаат сѐ и секогаш го знаат најдобриот начин да се направи нешто. Најчесто, под површината, се многу несигурни, но додека тие се во вашето опкружување, вашата идеја никогаш нема да биде прифатена, ниту ќе можете да направите нешто сами, без нивна „помош“.rn

4. Токсично завидливи

rnТие се љубоморни, никогаш не се среќни со она што го имаат и не се способни да бидат среќни кога нешто убаво ќе ви се случи вам. Тие не знаат да го ценат напредокот на останатите, но и ќе шират лаги за вас на другите луѓе.rn

5. Токсични лажговци

rnСѐ додека има луѓе, ќе има и такви коишто лажат. На хроничните лажговци никогаш нема да знаете кога да им верувате, па затоа не можете да се потпрете на нив. Ќе ви кажуваат лаги за другите, но и ќе ги лажат другите за вас.rnrnrn

6. Токсични негативци

rnСигурно познавате некој кој е секогаш бесен, спремен да се откаже, сомничав. Времето кое го поминувате со негативните луѓе само ја црпи енергијата од вас.rn

7. Токсично алчни

rnДо одредена точка желбите и амбициите може да бидат добри. Но стануваат токсични, кога луѓето сакаат сѐ, и она што е нивно и она што не е. И побитно им е да имаат, отколку да работат и да постојат.rn

8. Токсични судии

rnГолема е разликата помеѓу тоа „да донесете суд за некого или нешто“ и да осудувате. Оние кои осудуваат сакаат да критикуваат, а своите судови ги донесуваат избрзано, врз основа на првиот впечаток. Тие не знаат да сослушаат.rn

9. Токсични озборувачи

rnОзборувачите сакаат да се издигнат себеси над својата несигурност, на туѓа сметка, не правејќи разлика помеѓу шпекулации и факти.rn

10. Луѓе со токсичен карактер

rnКога на некој му недостига интегритет и искреност, кога изневерува, лажe, манипулира, озборува, кога не дозволува ништо да му застане на патот, ништо нема да го спречи да ве прегази доколку вие му станете пречка.rnrnДоколку познавате вакви луѓе, не чекајте го утрото за да ги отстраните од вашиот живот, но доколку не можете да го сторите тоа целосно, обидете се барем да ги држите на дистанца.

October 20, 2015
6 проблеми во врските кои никогаш не би постоеле да не беа социјалните медиуми

Иако дигиталната ера ни олесни многу нешта, сепак ги искомплицира љубовните врски. Ако не постоеја социјалните медиуми, тогаш и овие проблеми немаше да постојат.rnrnrn

1. Дали сте „во врска“ на Фејсбук?

rnАко не сте ставени „во врска“ на Фејсбук, дали воопшто сте во вистинска врска? Па секако дека сте. Вашата врска не треба да ја омаловажувате само затоа што не сте ја искажале љубовта пред куп странци на интернет. Треба да се грижите еден за друг, а не за тоа кој знае дека сте пар. Ако двајцата имате доверба и сте сигурни во вашата врска, статусот на интернет воопшто не е важен.rn

2. Дали сте на нивната профилна фотографија?

rnАко вашиот партнер нема профилна фотографија со вас, тоа сигурно ве тера да помислите дека не ве сака доволно. Грешно. Не се чувствувајте како да не сте доволно сакани само поради една фотографија. Партнерот сигурно ја избрал таа слика бидејќи изгледа добро на неа и сигурно не мисли дека тоа ви е толку важно. Ако ви е толку важно, тогаш зборувајте со него/неа околу тоа. Ако им значите, тогаш тие сигурно нешто ќе променат.rn

3. Дали ги „лајкнуваат“ вашите фотографии?

rnЗарем не ви е многу поважно тој/таа да ве „лајкнува“ вас, наместо вашите фотографии? „Лајковите“ се само бројка – таа никако не ја определува вашата вредност. Колку побрзо го сфатите ова, толку подобро за вас.rn

4. Дали бившите им ги „лајкнуваат“ фотографиите?

rnКога поранешен партнер ќе „лајкне“ слика од вас од некоја журка на која изгледате одлично, секако дека партнерот барем малку ќе се стане љубоморен. Малата љубомора е здрава за врската, а и плус не можете да контролирате кој ви ги „лајкнува“ фотографиите (добро, можете, ама не сакате). Ако бившиот/ата ви „лајкне“ слика, во денешно време тоа е виртуелната верзија на додворување, а вие и вашиот партнер го знаете тоа.rn

5. Зошто го тргнале својот таг од вашата слика или сосема ја тргнале сликата од нивниот профил?

rnСигурно досега мислите дека партнерот ве изневерува. Дишете. Смирете се. Тие најверојатно го тргнале тагот или ја сокриле фотографијата од некои банални и плитки причини – не им се допаѓало како им изгледала косата.rn

6. Зошто ве исекле од сликата?

rnАх, ова можеби е најголемата навреда во дигиталниот свет. Кога вашиот партнер ќе ве исече од некоја фотографија е исто како да ве сече од неговиот живот. Овде имате причина да се прашувате зошто го прави тоа. Зошто некој би уредувал слика за да се осигура дека вие не сте на неа? Без разлика колку онлајн екитерањето не ви е важно во љубовниот живот, тоа сепак може да стане новата реалност на модерните врски. Можеби има добра причина зад тоа, а можеби и партнерот се обидува нешто да ви каже.

October 18, 2015
Љубовна астрологија: Откријте колку е љубоморен вашиот хороскопски знак

Што мислите, колку е љубоморен вашиот знак и како оваа карактеристика влијае врз вашиот љубовен живот? Според астрологијата, Скорпиите и Раковите се први на листата за љубомора, додека пак, Водолиите се на самото дно. Што мислите вие?rnrnrn

Овен

rnОвните се прилично љубоморни, далеку над она кое би можеле да го наречеме нормално. Но, на тој начин тие и покажуваат колку се грижат за својот партнер. Тие се страсни во љубовта, па затоа имаат и толку силни љубоморни испади.rn

Бик

rnУмерената љубомора е карактеристична за овој знак, но тие не сакаат да ја чувствуваат бидејќи им е многу напорна. Биковите сакаат стабилни врски во кои нема да имаат причина за љубомора. Сепак, таа понекогаш ги надвладува и тие брзо преминуваат во категоријата на натпросечно љубоморни.rn

Близнаци

rnТие не се претерано љубоморни, бидејќи и самите сакаат да флертуваат и да бидат во центарот на вниманието. Како причина за љубомора, не ги сметаат туѓите погледи кон партнерот, како ни неговото/нејзиното дружење со спротивниот пол. Но, кога се случува да ги обземе љубомора, тие знаат да бидат досадни со прашања и коментари.rn

Рак

rnРаковите се многу љубоморни. Тие се наоѓаат на второто место, веднаш зад Скорпиите кои се најлоши. Раковите бараат многу од врската, но исто така се и лојални. Тие се склони на драма и преувеличување па токму затоа и знаат да помислат дека се во лоша врска, иако реално тоа може да не е вистина.rn

Лав

rnПрипадниците на овој знак имаат проблеми со големи дози љубомора, но тоа се обидуваат да го скријат на сите можни начини бидејќи истовремено имаат и проблем со егото. Сепак луѓето кои добро ги познаваат веднаш ги забележуваат овие нивни карактеристики. Нивната љубомора понекогаш толку многу нема смисла, што може дури да биде и духовита.rn

Девица

rnДевиците се малку љубоморни, бидејќи се многу лојални и разбираат дека и нивниот партнер е таков. Но, ако во нешто се посомневаат, ненаметливо ќе обрнат внимание на деталите на однесувањето на партнерот со цел да можат да ги сложат сите делови од сложувалката.rn

Вага

rnСпоред количината на љубоморните испади, во однос на другите знаци, Вагите се точно во средината. Тие не се ниту премногу, ниту премалку љубоморни. Дури и во тој аспект од животот се неодлучни.rn

Скорпија

rnНајљубоморниот знак во зодијакот е Скорпијата, а причината се наоѓа во начинот на кој тие го гледаат светот. Бидејќи во сè се сомневаат, тие се често и љубоморни. Припадниците на овој знак, иако самите знаат дека зрачат со силен сексапил, ќе имаат проблем ако на истиот начин го доживуваат и својот партнер. Тие се најсреќни во врска со личност која е спремна целосно да им се посвети.rn

Стрелец

rnСтрелците ретко ги опфаќа љубомората, бидејќи и самите имаат проблеми со верноста. Исто така, тие се многу активни и друштвени, па немаат ни време ни волја да се нервираат со неа. За нив совршено стабилна врска е онаа од која повремено можат да одлутаат во флерт и да не се сметаат одговорни за тоа.rn

Јарец

rnКај нив постои мала љубомора, едвај забележлива. Припадниците на овој знак цврсто стојат на земја, посакувајќи стабилна врска па затоа се и склони кон доверба, исто како и Девиците. Тоа значи и дека му веруваат целосно на својот партнер, бидејќи и самите се личности од доверба.rn

Водолија

rnВодолиите се најмалку љубоморниот знак во зодијакот. Нив толку ретко ги фаќа љубомора што понекогаш нивните партнери се прашуваат дали воопшто тие ги сакаат. На Водолиите како сè да им е рамно. Тие се несигурни во себе, па затоа знаат и да одлутаат во вонбрачни врски.rn

Риби

rnПрипадниците на овој знак се прилично љубоморни, многу повеќе од Бикот и Вагата, но помалку од Скорпијата, Ракот, Овенот и Лавот. Тие се склони на долги и стабилни врски и многу се нервираат кога нешто ќе им ја наруши таа концепција. Тие се искрени, па затоа имаа тенденција за време на своите љубоморни испади да кажат нешта кои не ги мислат.

October 11, 2015
Љубоморни сте што тој гледа во друга жена? Не треба да бидете, а еве и зошто…

Без разлика колку жената е привлечна и самоуверена, само еден поглед во правец на друга жена има моќ да предизвика лавина од љубомора кај неа. Иако постојат такви кои ќе го премолчат тоа, голем дел од жените си мислат „Сигурно мисли дека таа е поубава и позгодна од мене“. Но сепак, мажите тврдат дека тоа не е вистина.rnrnrnrnВсушност, мажите гледаат во други жени само затоа што не се слепи. Тоа што се во врска не значи дека ја изгубиле смислата за убавo. И тоа е сѐ.rnrnИако понекогаш помислуваат дека девојката која ја виделе на поминување е поатрактивна од нивната партнерка, за чудо, тоа на мажите не им е важно. Со самото тоа што ве избрал вас, а не неа, значи дека ви е посветен вам.rnrnИсто така, постои уште едно нешто што, според мажите, жените треба да го знаат – штом погледнат згодна девојка како поминува покрај нив не значи дека ќе фантазираат за неа во следните пет дена. Најчесто тие жени им испаруваат од главата уште откако ќе се разминат – што значи, престанете да се мачите и уживајте во врската затоа што навистина немате причина за нервози.

September 3, 2015