Tag: лице

Не секогаш мора да потрошите цело богатство со цел да се ослободите од несаканите појави на вашето лице и тело. Кога подобро ќе размислите, сите состојки кои ви требаат за успешно да се справите со овие непријатности, веќе ги имате во својот дом, само треба правилно да ги искомбинирате.rnrnrnrnГруба кожа на рацете – веднаш ви треба пилинг, а еве како да го направите. Во еден сад ставете 2-3 филџани млеко (само малку загрејте го за да биде млако), додадете неколку кафени лажици шеќер и со смесата масирајте ги вашите дланки. Доколку кожата на дланките ви е многу сува, додајте 2 кафени лажички мед. После тоа темелно исплакнете ги дланките со млака вода.rnrnПротив мрсна кожа на лицето – помешајте еден пивски квасец во прав со малку јогурт и притоа внимавајте добро да се соединат состојките. Мешајте сè додека смесата не стане хомогена, а потоа нанесете ја на вашето лице. Мирувајте 15-20 минути, па добро исплакнете го лицето.rnrnИсто така, за ослободување од мастите и истовремено освежување на лицето, можете да направите мешавина од сок од краставица и свежо исцеден лимон. Нека стои 10-15 минути, а потоа исплакнете. Сокот од краставица направете го дома. Изрендајте една краставица и со помош на газа исцедете ја течноста од неа.rnrnЕве уште еден трик за справување со мрсната кожа – редовно чистете го лицето со памук на кој ќе нанесете малку чај од нане или камилица.rnrnФлеки од акни – доколку имате проблем со дамки односно флеки од акни на кожата на лицето или телото, добро измијте кора од лимон, врз неа нанесете малку шеќер и масирајте нежно.rnrnПротив целулит – уште една примена на кафето – кофеинот кој е составен дел од талогот на кафето е одличен борец против најголемиот непријател на женскиот пол – целулитот. Многу фабрички направени третмани против целулит во себе содржат кофеин. Соберете талог (од обично црно кафе или пак од ќесичка за филтер кафе) и додека се туширате, втријте го на најзагрозените области, како задникот и бутовите. Додека се туширате гледајте да користите што е можно потопла вода за подобар ефект, но кога ќе го плакнете талогот од себе, правете го тоа со млака вода за потоа да добиете ефект на позатегната кожа. Кафето во борбата против целулитот можете да го употребите и на други начини.rnrnЗа омекнување на кожата на лицето направете лесна и брза мешавина од брашно, маслиново масло и млеко, нанесете ја на лицето и почекајте 15-20 минути, а откако ќе ја исплакнете маската, ефектите ќе бидат веднаш видливи.rnrnПори на лицето – порите на лицето не се пријатна глетка и можат да прераснат во вистински проблем. Затоа, неколку пати неделно, откако ќе го исчистите лицето, исцедете малку течност од свеж домат на парче памук и поминете преку целото лице. Потоа исплакнете го лицето со ладна вода која ќе помогне за затворање на порите.rnrnЗа сува кожа на лицето – проблемот со сува и недоволно потхранета кожа на лицето станува уште поголем во зимскиот период поради студот. Пробајте да ја потхраните со следнава смеса: 1 јајце и малку маслиново масло. 20 минути откако ќе ја нанесете, добро исплакнете го лицето. rnrnИли пак, измешајте 1 жолчка од јајце со една кафена лажичка павлака, 1 лажичка масло и 1 лажичка природно исцеден сок од грозје. Мирувајте 15-20 минути откако ќе ја нанесете маската, па темелно измијте го лицето.rnrnЗа тонирање на сите типови кожа – на лицето нанесете изрендано јаболко, нека отстои 15 минути, па исплакнете. Така кожата ќе ви биде тонирана и хидратирана.rnrnТрик за справување со подочници – големите темни подочници се резултат на бурна ноќ, а се појавуваат дури наредниот ден. Веднаш ослободете се од нив. Тоа може да го направите со ставање ќесички од сварен чај (внимавајте да не се премногу топли), по можност зелен чај бидејќи е природен антиоксидант, или чај од нане. Нека стојат 10-15 минути. Или пробајте со нанесување на парчиња домат или краставица врз очите, но пред тоа чувајте ги во замрзнувач, нека бидат малку поладни за побрз ефект.rnrnПротив сува кожа на усните и петите – усните, особено во текот на зимата, можат да бидат подложни на сушење и пукање, затоа откако ќе измиете заби, исплакнете ја четката и додека е водена, поминете неколку пати врз усните. После тоа нанесете бадемово масло. rnrnДоколку имате проблем со сува и испукана кожа на петите, направете нежна купка, а после тоа масирајте ги 10 минути со какво било масло за нега на бебешка кожа.rnrnДомашен третман на пареа – исчистете го лицето со препаратите кои обично ги употребувате, но не правете пилинг за да не ви е надразнета кожата. Зовријте вода, нека постои 5 минути да се подолади и додадете некаква билка, како зелен чај или пак етерично масло. Над садот со вода останете 5-10 минути. Овој третман има најголем ефект во прочистување на порите.rnrnСпа-третман – кој вели дека не можете да си направите спа-третман во вашиот дом? Направете смеса од три лажички какао во прав, 2 лажички брашно (по можност овесно) и додадете мед по избор.rnrnМаска против стареење на кожата – интересна употреба на аспиринот. Издробете 2-3 апчиња аспирин и измешајте ги со млака вода. Нека стои на лицето 5 минути и одвреме-навреме масирајте нежно, за да добиете ефект на пилинг. После тоа исплакнете го лицето.rnrnЗа ослободување од мртви клетки – доколку имате свежа тиква во вашиот дом, еве уште еден начин како може да ја искористите. Во еден сад додадете свежа изрендана тиква (количински, колку еден филџан за кафе) и 1 јајце, па добро измешајте ги состојките. Доколку кожата ви е сува, може да додадете малку мед и млеко. Оставете да дејствува 15-20 минути. Потоа темелно исплакнете.rnrnДомашен третман за оживување и сјај на косата – направете мешавина од 1 лажица сок од јаболко и една лажица сок од лимон. Откако ќе ја измиете косата на вообичаениот начин, нанесете од мешавината низ целата коса и по неколку минути исплакнете. rnrnЗа зајакнување на косата, изматете 2 јајца и додадете половина лажичка маслиново масло. Нанесете по целата должина на косата, масирајте на сува коса, нека делува 10-15 минути, па измијте ја косата со шампон.rnrnВнимавајте! Третманите треба да ги прилагодите според вашите потреби и според видот на вашата кожа. Маските за лице употребувајте ги еднаш до два пати неделно, а пилинг правете најмногу два до три пати месечно, бидејќи кожата треба да создаде нови клетки, а со правење пилинг премногу често, вие ù го оневозможувате тоа. Кога правите домашни маски за коса, доколку косата ви е подолга, дуплирајте ги дадените количини на потребните состојки.rnrnКолку други третмани во домашни услови за нега на кожа и коса знаете вие? Споделете ги со нас!rn
rn