Tag: кафемат

Секој од нас се расположува кога ќе седне во кафе-бар и келнерот ќе му донесе убаво кафенце со пена обликувана во срце или лист. Од што изгледа толку добро, жал ви е да го „расипете“ со првата голтка. Но, кај нас не секој бариста знае да црта на млечна пена,  па ова задоволство не ни се случува секојдневно. Отсега не ви е потребно да поседувате вештина за цртање по пената од кафето, туку само една модерна машина за кафе во вашата кујна. Технологијата се менува, а овој пат со неа се менува и начинот на доживување на искуството наречено пиење кафе.Huang Guanglei ја дизајнирал машината за кафе т.н. „iCoffee“, која може да се поврзе со вашиот смартфон, со помош на блутут уред, кој е вграден во самиот апарат. Користејќи ја блутут технологијата, вие можете да пренесувате слика од вашиот телефон, во шолјата кафе, во форма на млечна пена. „iCoffee“ има скриени одводи за кафе и млеко, т.е. матрица од иглички. Откако ќе ја прими испратената слика од мобилниот телефон, машината ја користи матрицата за да ја преслика во форма на млечната пена. Па, без разлика дали на сликата има напишано некој збор, мачето „хелоу кити“ или името на некој бренд, не треба да се грижите како ќе испадне, бидејќи овој кафемат може да ги произведе сите облици на млечна пена. Оваа екстремно интересна машина за кафе на 21-от век, не е лимитирана само на обликот на млечната пена кој го создава. Таа истовремено има и еден прекрасен, минималистички дизајн со елегантни агли, кој ќе ù даде шарм и стил на секоја кујна.Кој би помислил дека еден кафемат може да биде истовремено и печатач и дека ќе може да ја испечати на вашето кафе, сликата која вие ќе ја одберете?! Нејзиниот оперативен интерфејс вклучува копчиња за слика, време, количина и сл.Ако сте поспани наутро, можете да се разведрите со млечна плена во облик на смешко, можете да му се извините на вашиот љубовен партнер доколку сте погрешиле или да му кажете колку го сакате преку шолјата кафе. Одеднаш и пријателите повеќе ќе ве дружат бидејќи ќе сакаат да пијат кафе исклучиво кај вас дома. Ќе се сложите со нас, дека многу нешта можат да се случат во текот на една кафе-пауза…rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.