КАФЕ ПАУЗА

Tag: јавно

Манекенка прошета на модната писта доејќи го своето дете

Манекенката Мара Мартин се најде во центарот на вниманието откако помина на модната писта доејќи го нејзиното бебе како дел од ревијата на Sports Illustrated. Настанот бил опишан како инспиративен од многу медиуми, а Мара на својот Инстаграм профил напишала:rnrnrn

„Многу сум благодарна што можам да ја споделам оваа порака и се надевам дека ќе го нормализирам доењето и ќе им покажам на другите дека жените можат да направат сè.“

rnСе разбира, не сите биле импресионирани. Помеѓу позитивната енергија и почитта, имало и доста критичари и луѓе кои ширеле омраза.rnrnrn

„Мислам дека е одвратно.“

rn

„Го поддржувам доењето. Извади ја дојката, не ми е грижа. Но ова е навистина глупаво.“

rn

„Ако друга мајка помине на пистата со нејзиното дете кое јаде златна рипка дали ќе ја третираме исто? Немам ништо против доењето, но си можела да почекаш 5 минути да прошеташ на пистата, па да го нахраниш детето. Ова не е ништо освен барање внимание.“

rn

„Доењето е убаво, но тоа е интимно поврзување. Не треба да се користи за 2-секундно внимание. Неа ѝ е потребно вниманието повеќе отколку на детето што му е потребно млекото.“

rn

„Што е следно, да видиме некој во тоалет? И тоа е природно.“

rnЦелиот настан ја отворил дебатата за доењето во јавност, а поддршката што ја добила Мара покажува дека оваа стигма полека се надминува. Нејзината најдобра пријателка, Саманта, не можела да се воздржи и им одговорила на сите кои ја критикувале постапката на Мара.rnrnrn

„До луѓето со негативни коментари: Мара ми е најдобра пријателка. За време на кастингот поминуваше по 12 часа со високи потпетици држејќи го нејзиното дете секој ден од процесот на елиминација. Екипата го сакаше нејзиното бебе, па дури и ѝ предложија да прошета на пистата со него. Кога дојде време да се појави на пистата, веднаш пред да почне ревијата, бебето јадеше. Уредникот предложи да излезе и да го земе бебето со неа. Не беше планирано. Всушност, таа ми прати порака и паничеше по ревијата. Нема ништо лошо во ова. Бебето беше гладно. Крај на приказната. Дали е неопходно да се има жена со протеза на ногата на модната писта? Не, но го направија тоа и беше убаво. Целта на отворениот кастинг беше да се слават сите видови жени, вклучувајќи ги и мајките. И јасно е каде стојат – мајките треба да можат да го хранат своето бебе каде било, кога било и како што сакаат. Мара е неверојатна мајка, жена и пријателка. Не заслужува ништо друго освен поддршка.“

rnrnКои се вашите размислувања на оваа тема?

July 20, 2018
Корисник на Редит во живо пренесувал како го изневерува сопругата

Гледаме како многумина постираат сè и сешто на социјалните мрежи правејќи да се чувствуваме чудно поради тоа. Не сме навикнати да гледаме секакви работи да бидат јавно објавени, а тоа во меѓувреме многу брзо навлезе во нашите животи. Сега имаме и приказна за корисник на Редит кој во живо пренесувал како дознава дека сопругата го изневерува, а потоа прима совети од другите членови на социјалната мрежа пред да продолжи со следните чекори. rnrnrnrnТој почнал со претставување, велејќи дека се во брак со сопругата Џени веќе осум години. За да ја опише нивната блискост нагласил дека никогаш немале некоја голема караница, не биле одвоени на подолг период, па дури си ги размениле лозинките од телефоните и имејл адресите. Еден ден, таа требало да излезе надвор заедно со неговата снаа Карли додека тој, брат му и пријателите требало да гледаат фудбал. Слушнал дека на нејзиниот телефон стигнала порака и видел дека таа е од неговиот брат којшто бара да ѝ пренесе нешто на Карли затоа што таа го изгубила телефонот. Сакал тој самиот да одговори затоа што неговата сопруга сè уште спиела. Тоа е моментот кога забележал дека таа разменува пораки со сексуална содржина со некој си Зак.rnrnОткако го постирал ова на Редит, оние кои го следат почнале да му праќаат пораки со совети за тоа како да постапи понатаму. Бргу ангажирал адвокат за развод и приватен детектив кој требало да ги следи жена му и снаа му на нивниот „женски викенд“. Продолжил со објавување на својата приказна на интернет, а тоа изгледало вака:rn
rn

„17.1.2015 16.04: Пристигнаа во хотелот. Зак, Џени и уште еден човек се движат кон хотелот, а Карли изгледа е внатре. Претпоставувам дека другиот човек е швалерот на Карли. Да беше платен убиец ќе беше повисок и поснажен. Овој е само просечен тип, дури и малку низок. Не знам како приватниот детектив може да се движи без да го забележат.“

rn

„17.1.2015 16.11: Мојот приватен детектив ги следеше до рецепција, каде што Џени зеде клуч и сите тројца се упатија кон лифтот. Сега не можеме да видиме ништо и не знаеме што се случува во хотелската соба. Детективот сака да знае дали да го надгледува хотелот или да си оди. Се чини дека ќе го поминат денот во собата и најверојатно ќе спијат заедно таму.“

rn

„17.1.2015 16.14: Добро, значи сите четворица се внатре во хотелската соба и прават нешто, најверојатно имаат секс. Помислата дека жена ми има секс со друг човек ме тера на повраќање, но се држам. Нема шанси детективот да се качи горе и да дознае што прават. Ќе го надгледува хотелот уште неколку часа, а потоа ќе си оди.“

rnПотоа тој му кажал на брат му што се случува, па подоцна заедно се соочиле со двете сопруги. Тие прво се правеле на удрени, но потоа признале. Според тоа што го кажале, Џени спиела со Зак, а Карли не го сторила тоа, иако имала намера. И тоа било ставено на Редит:rn
rn

„Брат ми имаше израз на олеснување и гнев на лицето. Ги прекоруваше петнаесетина минути поради лажењето, им кажа колку многу нè повредиле, а тие плачеа сè повеќе. Бев бесен. Мислев дека бракот ни е супер затоа што таа никогаш не покажа знаци дека би можела да ме изневерува. Ја прашав колку долго трае ова, но таа не одговори ништо. По неколку минути плачење рече дека прв пат имале секс пред неколку недели. Бев уништен, но сфатив дека тоа е тоа што таа го сака. Си поигра со моите чувства, но очигледно таа не е некој што се врзува. Сака да спие со други мажи и јас немам проблем со тоа, само што не можеме да останеме заедно и затоа јас продолжувам со разводот.“

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 23, 2015
5 начини како да го надминете стравот од јавен настап

Наближува моментот кога ќе треба да го одржите вашиот говор или да го презентирате вашиот проект. Дланките ви се потат, главата ви е на сите можни страни, чувствувате толкава несигурност што стравувате дека ќе го заборавите она што треба да го кажете. Ви звучи познато?rnrnrnrnКако прво, не грижете се, не сте единствени. Речиси секој се соочува со помал или поголем страв пред некаков настап. Дури и светски познатите политичари може да почувствуваат трема пред некој говор, а на вашите идоли од музичкиот свет, неретко ќе им се затресат колената пред настап. Позитивната страна на ваквиот страв е тоа што нè тера да се подготвиме многу добро и да вложиме повеќе труд. Негативната е тоа што поради тремата може да го заборавите текстот, да се збуните и да изгледате неподготвени иако поседувате големи способности.rnrnОва се 5 начини кои ќе ви помогнат да го надминете ваквиот страв.rn

1. Подгответе се добро

rnБез разлика дали станува збор за устен испит или презентација пред важни клиенти, клучно е да бидете добро подготвени. Кога сте вложиле труд во вашиот говор ќе имате повеќе самодоверба бидејќи многу добро знаете за што зборувате. Актерите го учат сценариото напамет, политичарите добро се подготвуваат пред секој јавен говор. Никој нема вродена способност магично да се тренира пред јавните настапи.rnrnНајважно е вашиот говор или проект да го сработите добро, уредно да го организирате со вовед, главен дел и заклучок, а секој параграф да се состои од по неколку важни точки кои ќе ве водат. Ваквата организација пожелно е да ја запишете на ливче. Може и воопшто да не погледнете во белешките, но со самото тоа што ги имате пред себе ќе бидете посигурни во себе. Дури и да се збуните, без паника, погледнете која точка е следна и продолжете понатаму. Нема зошто да се плашите, вие знаете што зборувате. Вие сте се подготвиле за ова.rn

2. Вежбајте

rnВежбајте го вашиот говор пред огледало. Обрнете внимание на вашите гестови и на начинот на кој се движите. Пожелно е да вежбате и пред вашето семејство или пријателите за пообјективно да ве насочат кон она што ви е послаба страна.rnrnrn

3. Визуелизирајте

rnОдвојте 10-15 минути и сместете се на удобно место каде никој нема да ве вознемирува. Затворете ги очите и дишете длабоко. Замислете го вашиот настап, сцената, публиката. Фокусирајте се на позитивниот исход. Како ќе се чувствувате кога ќе завршите со говорот?rnrnПовторувајте си себеси дека сте успешни личности и потсетете се дека сте надминале и многу поголеми стравови и предизвици во животот. Можеби звучи како самите да си го перете мозокот, но всушност не се лажете само треба да се потсетите на она што е вистина. Би се изненадиле колкав е бројот на луѓето кои го применуваат овој метод.rn

4. Соочете се со вашите стравови и бидете самоуверени

rnОбично нашите стравови од јавен настап се сведуваат на две нешта: страв од реакцијата на публиката и страв да не се посрамотиме.rnrnСите ние сме луѓе, нормално е да чувствуваме некоја несигурност, но храбро исправете се пред таквото чувство. Што е најлошото што може да ви се случи? Ако го заборавите текстот ги имате своите белешки, поврзете ги нештата, важно е да не престанете со зборување. Ако се доведете во непријатна ситуација, земете воздух, напијте се вода, направете некоја мала шега или интеракција со публиката. Не е воопшто страшно, им се случило на многумина. Работите се онолку сериозни и опасни колку што ние самите ќе дозволиме да бидат.rnrnrn

5. Последни подготовки

rnНа ваквите настани секогаш со себе понесете шише вода. Стравот и тремата ќе предизвикаат вашата уста да се суши. Земете и чоколада или енергетски бар. Шеќерот ќе ве подигне и ќе ви даде енергија. Облечете се лесно и одберете облека која нема да открива доколку почнете да се потите. Важно е да бидете сигурни во себе и во тоа како изгледате. Доколку во текот на вашата презентација постојано мислите како изгледа вашата облека, се фокусирате на сосема погрешна работа и ќе си го одвлечете вниманието од она што навистина е важно.rnrnНе е возможно да воспоставите целосна контрола врз вашите мисли и емоции, но со сигурност може да најдете начини да си помогнете себеси.rn
rn

„Чекорете низ стравот со верба. Никогаш не дозволувајте стравот од неуспех да стане причина за неуспех.“ – Том Ландри, фудбалер и тренер

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 16, 2013
Фејсбук-статус за бремени жени
Корисниците на Фејсбук сега ќе можат да наведат на нивниот профил дека очекуваат дете, како и датумот кога се очекува тоа да се роди и неговото име, се разбира доколку е одбрано. Корисниците на оваа социјална мрежа можат да додаваат членови од нивното семејство на нивниот кориснички профил, уште од декември 2010. Но, со новите промени, корисниците ќе можат да ја искористат опцијата „Expected: child“, за да им ја соопштат добрата вест на нивните пријатели. Пред активирањето на оваа опција, родителите кои сакаа да ја споделат радоста, мораа да отвораат нов профил за нивното неродено дете, при што ги кршеа правилата на Фејсбук, според кои секој корисник мора да има минимум 13 години.rn.rn

Додавање на статусот „очекувам дете“ на вашата сметка:rn.

rn
- Изберете ја опцијата „Edit Profile“ на вашата профил-страница на Фејсбук.
rn
- Одберете го табот „Family and Friends“ и селектирајте ја опцијата „Add another family member“.
rn
- Од паѓачкото мени кликнете на „Expected: Child“.
rn
- Означете го датумот кога бебето се очекува да биде родено и впишете го неговото име, доколку сте го одбрале и сакате вашите пријатели да го дознаат.
rnВашата статусна промена ќе биде објавена и во јавниот дел за новости „news feed“, со која вашите пријатели ќе бидат информирани за новата голема промена во вашиот живот.rnrnКога била пуштена новата опција на 24 јуни, Фејсбук имал некој проблем во системот, при што шегобијците практично можеле да си ги додаваат имињата на нивните другари како бебиња кои допрва треба да се родат. Сега тој проблем е поправен.rnrnОд формирањето на Фејсбук до денес, се направени доста промени во опциите за персоналните врски, што им овозможува на неговите корисници да ги прилагодат информациите кои сакаат да ги споделат, на начин на кој целосно ќе се претстават себеси.rnrnВо февруари 2011, Фејсбук овозможи како љубовен статус да се одбере опцијата „in a civil union“ (во пристојна заедница) или “in a domestic partnership“ (во семејно партнерство). Оваа опција е корисна за нетипичните љубовни партнерства, како и за хомосексуалните двојки, а беше доживеана како извојувана победа на граѓанските права. Ваквата опција е активна за корисниците од САД, Канада, Велика Британија, Франција и Австралија.rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
August 4, 2011
7 причини зошто не треба да комуницирате преку Фејсбук

Во последниве неколку години, комуникацијата преку Фејсбук сосема го промени начинот на живот. Наместо да излеземе надвор, воздух да не фати, дремеме пред нашите компјутери и гледаме што денес објавиле нашите „пријатели“ на нивните Фејсбук-профили. Наместо да се јавиме некому на мобилен или да му испратиме СМС порака, му праќаме приватна порака на Фејсбук и очекуваме веднаш да ни врати без разлика што не знаеме дали таа личност моментално е на Интернет. Навиките и вредностите се менуваат од корен, но без разлика на реалноста, доколку сакате да одржувате добра комуникација и односи со вашите пријатели, секогаш треба да имате на ум, што НЕ треба да правите на Фејсбук. Во продолжение следуваат 7 причини поради кои интерперсоналната е подобра од онлјан комуникацијата.rnrnrn

1. Се губи контекстот

rnЗа да може да се оствари добра комуникација, потребно е соговорниците да го разберат контекстот на разговорот. Речениците разменети преку Фејсбук треба да бидат едноставни и кратки и воопшто, не смеете да дозволите онлајн-комуникацијата да ви ја замени интерперсоналната. Кога му се обраќате некому преку Фејсбук, секогаш постои ризик таа личност нешто погрешно да протолкува, бидејќи тоа се машински искуцани зборови, преку кои тешко е да се препознаат вистинските емоции кои стојат зад нив. Исто така, понекогаш можеби се чувствувате уморно или безволно, а вашиот соговорник тоа може да го сфати како вие да сте индиферентни за муабетот или демонстрирате некоја иронија. Тогаш се создаваат проблеми во комуникацијата, па можеби и во односите со таа личност воопшто.rnrn

2. Не може да се чуе тонот на гласот

rnМногу е лесно погрешно да се протолкува нечиј тон на гласот кога комуникацијата се остварува на текстуално базиран медиум како што е Фејсбук. Ако на пример, некој ваш пријател на Фејсбук цело време пишува некои самосожалувачки, мизерни статуси, неговите пријатели, не само што нема да можат да сфатат што тој се обидува да сподели со нив, туку ќе почнат да го сметаат за „кралица на драмите“ која вечно се обидува да привлече кон себе погрешен тип внимание.rnrnrn

3. Сите гледаат што пишувате

rnИзгледа како некои луѓе на Фејсбук да не можат да сфатат дека за приватните разговори треба да ја користат опцијата „испрати порака“, а не да го вадат целиот „валкан веш“ на ѕидот на својот пријатели. Верувајте, ниеден ваш пријател на Фејбсук не сака да ви ги чита подмолните напади или саркастичните коментари кои си ги разменувате со некого онлајн, пред очите на стотици луѓе.rnrn

4. Недостаток на приватност

rnНа крајот на краиштата, социјалната мрежа Фејсбук не е основана за го заштитува вашиот приватен живот, туку токму спротивното – постои за на неа да ги споделувате вашите чувства и мисли со еден куп пријатели, познаници или странци. Самото тоа е доволен показател дека не треба да навлегувате во некои сериозни и важни разговори со вашите пријатели. Дури и кога пишувате приватни пораки, секогаш постои опасност:rnrnа) да сте останале пријавени од некој друг компјутер, бидејќи сте заборавиле да се одјавитеrnrnб) некој да ви ги прочита пораките на вашиот компјутер бидејќи никогаш не се одјавуватеrnrnв) додека разменувате приватни пораки, никогаш не можете да бидете сосема сигурни дали вашиот соговорник е сам или во друштво со некој друг.rnrnrn

5. Неусогласени мислења

rnКога ги објавувате вашите мисли јавно, очекувате да добиете некаков фидбек, во случајов да добиете „лајкови“ и/или коментари од вашите Фејсбук пријатели, преку кои тие го искажуваат нивното мислење околу вашиот статус. Но, во ситуациите кога ќе објавите некој посериозен статус, не можете да знаете како тој може да биде протолкуван од некоја друга особа и какви чувства побудува кај истата. Затоа, пред да објавите нешто на вашиот профил, имајте на ум какви пријатели имате и дали со тој статус би повредиле или испровоцирале некого на коментирање.rnrn

6. „Онлајн-тепачки“

rnСите овие недоразбирања и проблеми можат до доведат до „онлајн-тепачка“. Кој не ги мрази оние лоши надмудрувања, во кои се прават муабети на празно, поради неможноста целосно да се искажат раскараните страни!? Најлошиот дел е што овие конфронтации и провокации, имаат големо влијание и во офлајн-животот на истите луѓе.rnrnrn

7. Комуникацијата е безлична

rnМожеби најважното нешто е тоа што, обидот да се комуницира за важни работи на Фејсбук е безличен. Сосема е во ред вашите пријатели на Фејсбук да дознаат дека од сингл станувате зафатен, во врска или верен/а, но дали мислите дека и вашите блиски и семејството треба истото да го дознаат на овој начин? Исто така, обидете се личните работи да ги кажувате на луѓето в лице и со нив да разговарате за проблемите во живо, а не да се жалите преку оставање статус.rnrnКакво е вашето размислување за комуникацијата која се остварува на Фејсбук?rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 25, 2011