КАФЕ ПАУЗА

Tag: инспиративни

7 инспиративни книги што ќе ви го променат светогледот

Понекогаш, животот може да биде навистина тежок. Меѓутоа, ако ја сфатите природата на промените ќе можете полесно да се прилагодите на новите ситуации. Како прво, ќе треба да научите како да ги правите работите поинаку. Промената значи и излегување од комфорната зона како што постојано забележува мотивацискиот говорник, Тони Робинс.rnrnrnrnВажно е да се забележи дека секоја промена, без разлика дали е на професионален или на личен план, може да биде болна. Сепак, доколку не се натерате да го направите првиот чекор што ќе ве води до промена, може уште долго време да се соочувате со проблеми и тешкотии. Како да ја направите потребната промена? Еден начин е преку читање книги што можат да ве инспирираат. Во продолжение следува нашата предлог-листа.rn

1. „Уметноста на среќата“ од Далај Лама

rnДалај Лама отсекогаш бил поединец кој ја нагласувал важноста на медитацијата и личната рефлексија додека трагате по среќа и исполнетост. Во книгата, Неговата Светост, Далај Лама, дава примери како на позитивен начин да се спознаете себеси. Неговите примери ќе ве поттикнат да го смените вашиот живот на подобро на тој начин што ќе си воспоставите јасна визија и фокус.rnrnrn

2. „Магијата на големите соништа“ од Дејвид Шварц

rnСпоред Шварц, во вашиот живот ќе настапат промените само доколку го промените вашето размислување. Мора да научите како да го усогласите вашиот ум со промената. Според авторот, единственото нешто што ве спречува да поместите планини сте самите вие. Тука играат голема моќ вербата и зборовите што ќе си ги упатите кон себеси: ако верувате дека можете да поместите планини, ќе го сторите тоа; ако не верувате дека можете да поместите планина, нема да можете да го направите тоа.rnrnrn

3. „Најголемиот трговец на светот“ од Ог Мандино

rnИако оваа мала книга за првпат е издадена во 1968 година, сепак содржи многу мудрости од кои и денес можеме да учиме. Како прво, дали некогаш сте се запрашале какви атрибути поседуваат успешните луѓе? Оваа книга ќе ви ги даде потребните одговори. Друга причина зошто вреди да се додаде на листата со инспиративни книги е затоа што изобилува со одлични тактики и стратегии за позитивно размислување.rnrnrn

4. „Сè се случува со причина и други лаги кои ги сакав“ од Кејт Боулер

rnКога на Боулер, професорка во училиштето „Дјук Дивинити“ ѝ бил дијагностициран рак на дебелото црево во поодмината фаза и тоа на само 35 годишна возраст, сништата ѝ се срушиле преку ноќ. Во книгата таа дава детална анализа за тоа како се справила со болеста и споделува свои совети. Оваа книга е своевиден мемоар за надежта, но и за тоа како да ја прифатите сопствената смртност.rnrnrn

5. „Разбудете го џинот во себе“ од Тони Робинс

rnВо ова дело, Робинс објаснува како секој има моќ да ги контролира чувствата и мислите. Со други зборови, секој поседува моќ да постигне сè што сака да направи во животот. Робинс смета дека за да го промените вашиот живот на подобро, доволно е да ја промените вашата перцепција за себе.rnrnrn

6. „Не оптоварувајте се со малите нешта“ од Ричард Карлсон

rnКарлсон смета дека во моментот кога ќе научите како да управувате со малите работи во животот, тогаш ќе ја сфатите вистинската среќа. Книгата е полна со практични совети за како да живеете помирен и порадосен живот.rnrnrn

7. „Како да ги промените нештата макар и да е тешко“ од Чип и Ден Хит

rnОва е одлична книга за сите оние кои знаат дека треба да направат промени во животот, но не се сигурни како. Авторите споделуваат совети и стратегии за тоа како да ги спроведете вашите замисли од идеја до реализација и ве советуваат да се фокусирате најмногу на почетокот и крајот на процесот.rnrnrnrnОткако откривте кои 7 книги можат да ви го променат животот, ви препорачуваме да прочитате и кои 6 книги морате да ги прочитате доколку сакате да напредувате во вашата кариера.rnrnИзвор: powerofpositivity.com

October 27, 2021
5 инспиративни филмови номинирани за Златен глобус што ќе ве остават без зборови

Минатата година не беше лесна, но зад себе остави врвни филмски наслови. Ако сакате малку посериозни приказни и дејства снимени според вистински настани, погледнете ги овие пет филмови кои заслужено се натпреваруваат за филмската награда Златен глобус.rn

„Ветувачка млада жена“ („Young Promissing Woman“)

rnhttps://youtu.be/7i5kiFDunk8rnrnКаси е поранешен студент по медицина што го напуштила колеџот и личност која нема амбиции. Живее со своите родители, работи како келнерка и нема момче. Но, Каси има една тајна во форма на едно чудно хоби. Се облекува секоја недела, оди во клубот и се преправа дека не може да стане или да си оди дома сама. Во тој момент настапуваат мажи кои, преправајќи се дека сакаат да ѝ помогнат, ја носат дома и тука настанува целото шоу. Иако истовремено е драма, црна комедија и трилер со елементи на фикција, заплетот на овој филм не е далеку од нашата реалност. Во последниов месец се случија многу работи поврзани со сексуалното насилство и вознемирување. Говореа многу жени, а Емералд Фенел, чие деби е номинирано во четири категории (најдобра драма, најдобар режисер, најдобро сценарио, најдобра главна актерка), им даде глас на оние што не можеа да го кажат тоа.rn

„Номадленд“ („Nomadland“)

rnhttps://youtu.be/6sxCFZ8_d84rnrn„Номадленд: Преживеаната Америка во дваесет и првиот век“ е книга на Џесика Брудер, која ги проучувала животите на Американците принудени да живеат во кампери, откако морале да ги продадат своите имоти и куќи поради економската криза. Авторските права на книгата ги купија актерите Франсис Макдорманд и Питер Спирс, а филмот, кој претставува мешавина од документарен филм и фикција, го режираше кинеската режисерка Клое Жао. Заплетот на филмот, како и сцените полни со пустини и со животот на вистински номади ќе ве остават без здив. Филмот е номиниран за Златен глобус во неколку категории – за најдобра драма, најдобра режија, најдобра главна актерка и најдобро сценарио.rn

„Судењето на седумтемина од Чикаго“ („The Trial of the Chicago 7“)

rnhttps://youtu.be/FVb6EdKDBfUrnrnЗаплетот на овој филм се врти околу група млади момчиња кои биле дел од протестите во Чикаго против војната во Виетнам. Кога тим од осум неповрзани лица е обвинет за заговор против државата, следува вистинска потера против луѓе кои навистина не сториле ништо лошо. Филмот за борбата на младите против насилството и борбата за љубовта на оние луѓе кои веруваа во подобро утре е номиниран за најдобра драма, најдобро сценарио, најдобра оригинална музика и најдобар актер во споредна улога.rn

„Парчиња од жена“ („Pieces of a Woman“)

rnhttps://youtu.be/1zLKbMAZNGIrnrn„Парчиња од жена“ е шокантна драма што го остави светот без зборови со самата најава која јасно укажуваше на болката и на проблемите на младите родители. Приказната следи еден млад пар кој чека дете и кој се одлучува за пораѓај дома. Кога ќе го изгубат детето по породувањето, нивниот свет се руши и започнуваат проблеми за кои не биле подготвени. Оваа тешка приказна ја покажува силата на жената која никогаш немала поддршка. Нејзиното потесно семејство ја смета за луда, вклучително и партнерот кој ја изневерува на најлошиот можен начин. Ванеса Кирби, која ја игра улогата на мајка, е номинирана за најдобра главна улога.rn

„Планинска елегија“ („Hillbilly Elegy“)

rnhttps://youtu.be/KW_3aaoSOYgrnrnФилмот „Планинска елегија“ е базиран на истоимениот мемоар на Џ. Д.Ванс за неговиот однос со неговата мајка зависник и со остатокот од неговото семејство. Префрлувајќи се помеѓу 1997 и 2011 година, Ванс ретроспективно внесува увид во своето растење, што во никој случај не било лесно. И покрај тешкото минато и мајка која на моменти била неподнослива, Џ. Д. успева да прерасне во убав и паметен млад човек. Најголема поддршка имал од својата баба, која ја глуми талентираната Глен Клоус, номинирана за најдобра споредна женска улога.rnrnПогледнете ги овие нови семејни филмови кои ќе можете да ги гледате оваа пролет.

February 10, 2021
Цитати за надежта кои веднаш ќе ви го подобрат расположението

Дали минувате низ тежок период полн со проблеми и предизвици? Дали изгубивте верба во вашите способности и решивте да се откажете од вашите цели? Пред да потонете во очај, сетете се дека надежта последна умира. Следниве цитати ќе ви ја обноват вербата во подобро утре и веднаш ќе ви дадат сила да продолжите понатаму посилни од кога било претходно…rnrnrn

Надежта е светлина

rn

„Надежта се состои во способноста да се види светлината и покрај сета темнина.“ – Дезмонд Туту

rn

Надеж за подобро утре

rn

„Учете од вчера, живејте за денес, надевајте се за утре. Најважното нешто е да не ја изгубите вашата љубопитност.“ – Алберт Ајнштајн

rn

Надеж за децата

rn

„Драги деца, слушајте ги забраните. Слушајте ги ограничувањата. Слушајте ги предупредувањата и обесхрабрувањата. Слушајте ги никогаш недоживеаните искуства и потоа слушнете внимателно… Сѐ може да се случи. Сѐ е возможно.“ – Шел Силверстајн

rn

Борба за светот

rn

„Постојат добри работи на светов и вреди да се бори човек за нив.“ – Џ. Р. Р. Толкин

rn

Надежта последна умира

rn

„Многу е важно да знаете дека сте направиле сѐ што сте можеле. Но, никогаш не се откажувајте од надежта, бидејќи во спротивно нема да вреди ништо од тоа што го правите. Надевајте се до последен момент!“ – Чарлс Дикенс

rn

Љубете за да биде подобро

rn

„Кога љубиме, секогаш се стремиме да станеме подобри одошто сме. Кога се стремиме да станеме подобри одошто сме, сѐ околу нас станува подобро.“ – Пауло Коелјо

rn

Сите сме сонувачи

rn

„Можете да кажете дека сум сонувач, но не сум единствен. Се надевам дека еден ден ќе ни се придружите и светот ќе живее како едно.“ – Џон Ленон

rn

Надежта никогаш не исчезнува

rn

„Надежта е последното нешто што исчезнува.“ – Италијанска поговорка

rn

Ѕвезди на надежта

rn

„Но, некако знам дека само тогаш кога е доволно темно можете да ги видите ѕвездите.“ – Мартин Лутер Кинг Јуниор

rnrn

Луѓето се добри во душа

rn

„Вистинско чудо е тоа што не сум се откажала од моите идеали, затоа што се чинеше дека е апсурдно и невозможно да се спроведат. Сепак, ги задржав, бидејќи и покрај сѐ, сѐ уште верувам дека луѓето се навистина добри во душа.“ – Ана Франк

rn

Имајте храброст

rn

„Нема да можете да пливате кон нови хоризонти додека не соберете храброст да го изгубите брегот од вид.“ – Вилијам Фокнер

rn

Создадете нешто ново

rn

„Во време на уништување, создадете нешто.“ – Максин Хонг Кингстон

rn

Живејте со надеж

rn

„Најмалку што можете да направите во вашиот живот е да откриете за што се надевате. Најмногу што можете да направите е да живеете со таа надеж. Не да ѝ се восхитувате од далеку, туку да живеете со неа, под нејзиниот покрив.“ – Барбара Кингсолвер

rn

Сите суштества имаат надеж

rn

„Надежта е недостижна желба со позитивни очекувања. Таа е особина на сите живи суштества.“ – Едвард С. Ејм

rn

Надежта ретко пристигнува

rn

„Колку и да делува чудно, сѐ уште се надевам на најдоброто, иако најдоброто исто како и интересниот имејл, многу ретко пристигнува, а и тогаш кога ќе пристигне, лесно може да биде изгубено.“ – Лемони Сникет

rn

Секогаш надевајте се

rn

„Никогаш не се откажувајте. Надевајте се. Очекувајте го само најдоброто од животот и преземете нешто за да го добиете тоа.“ – Кетрин Пулсифер

rn

Правете им услуги на другите

rn

„Работите што ги правите за себе ќе исчезнат кога ќе исчезнете и вие, но работите што ги правите за другите, ги оставате како наследство.“ – Калу Ндукве Калу

rn

Добрите нешта не умираат

rn

„Запомнете дека надежта е нешто добро, можеби и најдобро, а добрите нешта никогаш не умираат.“ – Стивен Кинг

rnrn

Надеж за подобро утре

rn

„Интересно е тоа како малку утре може да надомести за големото вчера.“ – Џон Гуаре

rn

rn

Ни треба повеќе надеж

rn

„На светот му треба помалку жештина и повеќе светлина. Му треба помалку од жештината на гневот, одмаздата и повеќе од светлината на идеите, вербата, храброста, амбицијата, радоста, љубовта и надежта.“ – Вилфред Питерсон

rn

Продолжете да сонувате

rn

„Сонуваме за да си дадеме надеж. Ако престанете да сонувате, тоа е исто како да кажете дека не можете да ја смените вашата судбина.“ – Ејми Тен

rn

Прво доаѓа неуспехот, па потоа надежта

rn

„Надежта најмногу се појавува по поразот и неуспехот, бидејќи тогаш се произведува внатрешната сила и цврстина.“ – Фриц Нап

rn

Надежта е сон

rn

„Надежта е буден сон.“ – Аристотел

rn

Бидете позитивни

rn

„Позитивната реченица ја поттикнува надежта за подобра иднина, ја гради вашата и туѓата верба и ги охрабрува промените.“ – Џан Даргац

rn

Ништо не е совршено

rn

„Сите работи имаат пукнатина. Така влегува светлината.“ – Леонард Коен

rn

Никогаш не бидете безнадежни

rn

„Никогаш не треба да бидеме безнадежни, бидејќи никогаш не можеме да бидеме непоправливо скршени.“ – Алберт Ајнштајн

rn

Држете се!

rn

„Кога сте на крајот од вашето јаже, врзете јазол и држете се.“ – Теодор Рузвелт

rnПрочитајте ги и следниве инспиративни цитати што ќе им ја вратат надежта на сите оние кои поминуваат низ тежок период.

March 7, 2018
5 одлични документарци за храбри и инспиративни жени

Доколку сте расположени да направите пауза од гледањето на вашите омилени ТВ серии и да ја поминете неделата на малку поинаков начин, сигурно ќе ви се допадне нашиот предлог. Заменете ги моменталните филмски хитови со поучни документарци! Ние ви ги препорачуваме следниве 5 документарни филмови кои ги прикажуваат животите и делата на неколку извонредни жени…rnrnrn

1. „Што се случи госпоѓице Симон?“, 2015 година (What Happened, Miss Simone?)

rnФилмот ги прикажува раните години на Нина, кога ја добила титулата „возвишена свештеничка на соул музиката“, но и нејзините подоцнежни желби да учествува во движењето за граѓански права во текот на 60-тите години.rnrnhttps://www.youtube.com/watch?v=moOQXZxriKYrn

2. „Маја Ангелоу: И сепак се издигнувам“, 2016 година (Maya Angelou: And Still I Rise)

rnФилмот го опфаќа целиот неверојатен живот на оваа поетеса и активистика, вклучувајќи ги и нејзините позначајни интервјуа, листа на познавачи на нејзините дела, како и многу архивски снимки, со цел да ја доближи искрата на оригиналната и креативна Маја Ангелоу.rnrnhttps://www.youtube.com/watch?v=Ihsqa4mVjEwrn

3. „Непремолчено: Глорија Вандербилт и Андерсон Купер“, 2016 година (Nothing Left Unsaid: Gloria Vanderbilt & Anderson Cooper)

rnРодена во едно од најбогатите и најпознатите семејства во Америка, Глорија Вандербилт живеела под лупата на јавноста речиси 90 години од нејзиниот живот.rnrnhttps://www.youtube.com/watch?v=rpgeN7uGDyErn

4. „Џоан Дидион: Средиштето нема да издржи“, 2017 година (Joan Didion: The Center Will Not Hold)

rnПознатата авторка Џоан Дидион ѝ ја отворила вратата на јавноста и ја споделила нејзината животна приказна во овој неверојатно трогателен документарен филм.rnrnhttps://www.youtube.com/watch?v=99NaRJQzXiMrn

5. „Дијана Вриленд: Окото мора да патува“, 2011 година (Diana Vreeland: The Eye Has to Travel)

rnНејзината појава во модната индустрија беше еден од најдобрите потези во историјата на модата. Нејзината смисла за стил стана безвременска. Овој документарен филм го прикажува нејзиниот живот и нејзината работа.rnrnhttps://www.youtube.com/watch?v=Rh8-6PRiysornrnКога ќе ги изгледате овие документарци, ние ви предлагаме да ги погледнете и следниве топ 7 документарни филмови.

February 25, 2018
6 силни жени кои одбиле да ја прифатат нивната судбина и успеале да станат среќни

Честопати се верува дека жените се нежни и слаби. Меѓутоа, кога станува збор за справување со проблеми и минување низ потешкотии, повеќето жени покажуваат неверојатна сила и упорност. Овие неколку жени продолжиле да се борат за нивната среќа, дури и тогаш кога им било најтешко. Прочитајте ги нивните инспиративни приказни кои ќе ве поттикнат да се борите за својата среќа…rn

1. Девојката која поминала низ 18 операции сега работи во болница

rnrnrnКоди Хол е девојка од Велика Британија која била родена со сериозен деформитет на лицето. Докторите им кажале на нејзините родители дека не можат ништо да сторат, па целото семејство се обидело да собере пари за нејзината прва терапија во САД. Коди имала само 1 година кога подлегнала на првата операција.rnrnrnrnВо наредните 14 години, Хол направила 18 операции. И покрај сите потешкотии, таа живеела нормално и постигнала одличен успех на училиште. На малото девојче му било тешко да се справи со сите нејзини соученици, но Коди никогаш не им дозволила да ѝ се смеат или да ја сожалуваат.rnrnrnrnКоди моментално работи во болница, во одделот за хирургија и се омажила за нејзиното момче од средно училиште. Таа го изјавила следново: „Сакам само да им покажам на луѓето дека постојат среќни краеви“.rn

2. Активистка за човечки права им овозможила на девојчињата во исламските земји да продолжат со нивното образование

rnrnrnМалала Јусафзаи е вистинска хероина и неверојатен пример за сите девојчиња. Таа станала позната откако го почнала нејзиниот блог за Би-Би-Си посветен на животот во талибански режим, кој им забранувал на девојчињата од Пакистан да одат на училиште.rnrnДевојчето се соочило со неколку смртни закани во Пакистан. Таа дури и преживеала обид за атентат и медицински предизвикана кома.rnrnrnrnНејзината храброст и бестрашна душа им помогнала на многумина да ги постигнат своите цели. Сега таа има 20 години и е најмладиот добитник на Нобелова награда. Таа студира на Оксфорд и сѐ уште им помага на девојчињата ширум светот да го продолжат своето образование. Таа отворила училиште за девојчињата бегалки од Сирија и напишала книга со наслов „Јас сум Малала“ (I Am Malala).rn

3. Првата жена со Даунов синдром која учествувала во избор за убавина во Минесота, САД

rnrnrnМикајла Холмгрен е првата жена со Даунов синдром која се натпреварувала во изборот за Мис на Минесота и ја добила наградата за најубав дух. Во нејзиниот говор, таа кажала дека сакала да покаже една поинаква страна на Дауновиот синдром.rnrnrnrnМикајла обожава танцување и гимнастика и учествува во многу хуманитарни акции. Луѓето велат дека нејзината насмевка, ентузијазам, искреност и упорност се заразни. Ова е уште инспиративен пример на човек со пречки во развојот кој продолжил да се бори во животот и да напредува. Микајла смета дека девојчињата како неа можат да учествуваат во истите избори за убавина и таленти како и сите останати.rnrnПродолжете на следната страница за останатите инспиративни приказни…rnrn

December 19, 2017
Инспиративните зборови на Лујза Хеј: 25 посебни афирмации за празниците

Сите ги обожуваме празниците! Тогаш славиме и ја разменуваме нашата љубов со пријателите и семејството. Тогаш им помагаме на луѓето, а љубезноста, љубовта и благодарноста се најголемите дарови. Следниве 25 афирмации ќе ви помогнат да создадете прекрасен живот за себе и за најблиските…rnrnrnrn1. „Го почнувам денот со љубов и го прифаќам секој дел од себе, однадвор и однатре. Се прифаќам себе баш таков/таква каков/каква што сум.“rnrn2. „Денес гледам убавина во сѐ и во сите.“rnrn3. „Денес, кога ќе ми притреба нешто, знам дека ќе го добијам тоа.“rnrn4. „Јас сум благодарен/а за сите добри работи што ме очекуваат.“rnrn5. „Денес ќе одвојам момент за да се сетам на сите мои благодати.“rnrn6. „Кога мислам на другите, јас потврдувам дека се среќни и здрави и дека сѐ е како што треба во светот.“rnrn7. „Големите гужви за време на празниците ми даваат повеќе време за афирмациите.“rnrn8. „Изобилството ми пристигнува од очекувани и неочекувани извори и благодарен/а сум за сето тоа.“rnrn9. „Имам неограничена енергија за време на празниците и добро ја користам.“rnrn10. „Ова е стабилен, спокоен и мирен период. Имам време за сѐ околу себе.“rnrn11. „Сега им дозволувам на новите прекрасни работи да дојдат во мојот живот. Јас сум отворен/а и чувствителна/а за сѐ што е добро.“rnrn12. „Промените и изненадувањата се случуваат денес каде и да одам. Со восхит го гледам сето она што го гледам.“rnrn13. „Сета храна што ја јадам за време на празниците придонесува за моето здравје.“rnrn14. „Ја давам мојата љубов и ја дела празничната радост со сите луѓе што ќе ги сретнам. Животот е убав.“rnrn15. „Го отворам мојот дом и ги поздравувам гостите со музика и празнична љубов. Ги сметам за свое сакано семејство.“rnrn16. „Мојот дом е среќно место за време на празниците. Ги благословувам сите што ќе поминат низ вратата, вклучувајќи се и себе.“rnrn17. „Моите пријатели се полни со љубов и поддршка.“rnrn18. „Сите од моето семејство имаат божествена заштита.“rnrn19. „Лесно е да се сакаат другите луѓе кога се сакам и прифаќам себеси.“rnrn20. „Хуморот и радоста придонесуваат за мојата целокупна благосостојба.“rnrn21. „Комплиментите се дарови на благосостојбата. Научив љубезно да ги прифаќам.“rnrn22. „Животот е многу едноставен за време на празниците, но и секој ден. Она што го давам, ми се враќа назад.“rnrn23. „Денес си дозволувам да го сторам она што ми причинува најголемо задоволство.“rnrn24. „За време на празниците, јас сум мирен/а и урамнотежен/а.“rnrn25. „Кога сум смирен/а и фокусиран/а на убавите работи во мојот живот, отворена сум за моите исцелувачки моќи.“rnrnПрочитајте ги и овие моќни афирмации кои ги користат најуспешните луѓе во светот.

December 14, 2017
Инспиративни цитати од Сузан Сарандон што ќе ви докажат дека жените се непобедливи

Сузан Сарандон веќе 50 години се занимава со глума, има добиено Оскар и е голема активистка. Таа секогаш успеваше да ги помести границите и да предизвика восхит со нејзините улоги, но и со активностите надвор од Холивуд. Таа беше многу ангажирана за време на последните политички избори во Америка и често зборува за проблемите со сексизмот, расизмот, се залага за забрана на смртните казни и непрестајно докажува дека жените се непобедливи! Сарандон го прослави својот 71-ви роденден во средата, на 4-ти октомври и во нејзина чест, ние одбравме неколку од нејзините најдобри цитати што ќе ве инспирираат и ќе ви помогнат да ја пронајдете вашата внатрешна сила…rnrnrn

„Му се радувам на стареењето, бидејќи во тој период нема да биде толку важно како изгледате, туку какви сте.“

rn

„Навистина ли мора да бидеме или интелигентни ледени кралици или мивки? Зар не можеме да бидеме и двете?!“

rn

„Потребно е многу малку труд и пари за да ја искорениме маларијата, да донесеме чиста вода и да им дадеме на луѓето можност да се образуваат. Кога нема надеж, луѓето почнуваат да прават чудни, страшни и насилни работи. Тоа е поентата. Станува збор за прашање на приоритет. Пари секогаш има.“

rn

„Кога имате гради, лошо е тоа што мора да одлучите дали ќе ги имате нив или ќе имате памет. Убаво би било кога би можеле да ги имаме и двете.“

rn

„Еднаквоста во платите на жените и мажите нема да стане реалност, бидејќи врескаме и викаме за неа. Ќе стане реалноста кога ќе почнеме да бараме еднаква плата.“

rnrn

„Прекрасно е кога ќе сфатите дека можете да го гледате животот надвор од тесните граници на сопствениот свет. Тогаш разбирате дека можете да ги промените работите на многу едноставни начини: Од волонтирање, па сѐ до залагање за големи проблеми од светски размери.“

rn

„Се обидувам да го живеам секој ден од животот во сегашноста и да не го тргам погледот од неправдите.“

rn

„Страдањата не треба да се однесуваат само на жените! Само затоа што сте мажи, не значи дека вас не ве засега тоа. Помогнете им на жените да ги победат табуата и осаменоста предизвикана од ендометриозата и другите женски болести. Бидете полни со разбирање, покажете сочувство и немојте да ги обвинувате дека се чувствителни, нежни или премногу драматични. Ова е можност за вас да покажете дека се грижите и дека сте вистински мажи.“

rn

„Ќе биде супер доколку некоја жена добие добра работа, без да се крева врева околу тоа.“

rn

„Кога знаете само за болка, не знаете дека тоа не е нормално. Судбината на жените не е да страдаат, иако нѐ воспитувале да мислиме така.“

rnПрочитајте ги и најдобрите совети што успешните актерки некогаш ги добиле.

October 6, 2017
Инспиративни цитати што ќе ви докажат дека поседувате неверојатна внатрешна сила

Сите луѓе поседуваат внатрешна сила, без разлика дали сте свесни за тоа или не. Внатрешната сила се стекнува кога поминувате низ раскинување, загуба или некој тежок проблем. Можеби мислите дека не сте емоционално силни, но грешите.rnrnrnrnВнатрешната сила не подразбира почнување на денот со насмевка и полетна енергија. Внатрешната сила подразбира одење на работа и покрај тоа што едвај станувате од кревет. Таа подразбира пребродување на тешките периоди и покрај тоа што секоја вечер сте заспивале со плачење. Внатрешната сила се покажува тогаш кога имате проблеми и не се чувствувате баш најдобро.rnrnДоколку сте заборавиле на вашата внатрешна сила и ви треба поттик за да ја разбудите, следниве инспиративни цитати ќе ви помогнат да го сторите тоа…rn

„Понекогаш вашата внатрешна сила не е огромен пламен што сите можат да го видат. Понекогаш тоа е мала искра што тивко ви шепоти ’Можеш да го сториш ова. Продолжи понатаму’.“

rn

„Вашиот внатрешен херој се открива кога минувате низ најтешкото поглавје од животот и прекрасно е кога ќе сфатите дека имате сила за да се спасите себеси.“

rn

„Понекогаш животот нѐ тестира. Не за да ги покаже нашите слабости, туку за да ги открие нашите моќи.“

rn

„Силата на жената не се мери според влијанието што го имале сите нејзини животни потешкотии на неа, туку според нејзината отпорност на тие потешкотии и решеност да не им дозволи да ја претворат во нешто што не е.“

rn

„Најсилните луѓе не се оние коишто ја покажуваат силата пред нас, туку оние за чиишто битки не знаеме ништо.“

rn

„Проблемот што го имате никогаш не е поголем од внатрешната сила што ја поседувате.“

rn

„Моментите на најголема мудрост и внатрешна сила најчесто се најтешките моменти во животот.“ – Далај Лама

rn

„Битката што ја водите денес ја развива силата што ќе ви треба за утре.“

rnrn

„Нема да знаете колку сте силни сѐ додека тоа не стане единствениот избор што го имате.“

rn

„Не гледајте ги најтешките животни периоди како моменти на неуспех, туку како планини што сте научиле да ги качувате.“

rn

„Една мала пукнатина не значи дека сте скршени, туку дека сте го положиле испитот и не сте се распаднале.“

rn

„Сте преживеале затоа што оганот во вас горел посилно од оганот околу вас.“

rn

„Силата се зголемува во моментите кога мислите дека не можете повеќе, но сепак продолжувате понатаму.“

rn

„Мрачните денови не ве направиле посилни, туку ве натерале да докажете колку сте силни.“

rn

„Силата е она што го добивате од лудилото што успевате да го преживеете.“

rn

„Сите можат да се откажат, тоа е најлесно да се направи. Најтешко е да останете прибрани кога сите други би го забележале вашиот неуспех.“

rn

„Силата не доаѓа од работите што можете да ги направите, туку од надминувањето на работите што некогаш сте мислеле дека не можете да ги направите.“

rn

„Запомнете дека овој живот ви е подарен, затоа што сте доволно силни за да го живеете.“

rn

„Силата не зависи од вашата физичка подготвеност, туку од вашата непокорлива волја.“ – Ганди

rnДоколку ви се допаднаа овие цитати, прочитајте ги и следниве инспиративни цитати што ќе ве потсетат дека секогаш треба да ги следите вашите соништа.

September 8, 2017
Здодевни инспиративни цитати што треба да престанете да ги користите на социјалните мрежи!

Сигурно знаете од лично искуство дека не е лесно да се биде постојано мотивиран и инспириран. Инспиративните цитати понекогаш не можат да ве поттикнат на личен развој, особено ако сте ги слушнале милион пати и веќе ви станале здодевни. Но, сепак тие се насекаде иако никој не ги побарал и не сакал да ги прочита. Луѓето коишто се навистина инспирирани, немаат време да објавуваат инспиративни цитати на секои 5 минути. Ова се цитатите што треба да престанете да ги користите на социјалните мрежи еднаш засекогаш…rnrnrn

„Живејте со полни гради“

rn„Само еднаш се живее“ и „Живеј го секој ден како да е последен“ исто така припаѓаат во оваа категорија. Овие цитати се употребуваат премногу често и сигурно ви е веќе смачено од нив. Можете да ги сретнете во биографиите на Фејсбук профилите на многу луѓе и во описите под нивните фотографии каде што држат змија или се пијанат до бесвест. Веќе сме ги чуле овие цитати и не ни помагаат да се чувствуваме подобро. Не можеме сите да се разбудиме и да скокаме со падобран секој ден.rnrnrn

„Бидете нечија причина за насмевка“

rnДоста беше со оваа реченица! Кој има време да им го разубавува денот на сите? Овој инспиративен цитат звучи како фалење. Ако сакате да му се насмевнете на некој човек кој очигледно има лош ден, сторете го тоа, но тоа не ве прави посебни. Не сте херои затоа што сте се насмевнале. Сте пренеле позитивна енергија и тоа е супер, но не значи дека треба да добиете медал.rnrnrn

„Сѐ се случува со причина“

rnВистина е дека сѐ се случува со причина, но која е причината за она што се случува и како можеме да ги подобриме работите? Овој инспиративен цитат воопшто не е корисен и промовира незнаење. Вашиот дечко ве изневерил со најдобрата пријателка? „Сѐ се случува со причина“. Ви изгорела куќата со сите ваши работи во неа? „Сѐ се случува со причина“. Ви помогнавме? Не? Тогаш, престанете да го користите овој цитат!rnrnrn

„Кога животот ви дава лимони, направете лимонада“

rnНе мора да направите лимонада, можете да направите многу други работи, како на пример да купите текила! Можете и да ги искористите лимоните за да удрите некого по глава, зошто мора да пиете лимонада? Не бидете толку ограничени!rnrnrnrnВреме е да се замолчат сите оние претенциозни корисници на социјалните мрежи што си замислуваат дека се некакви гуруа. Ако веќе сакате да користите инспиративни цитати, бидете креативни и смислете некоја ваша реченица што навистина ви помогнала. Не е поентата да напишете што било само за да изгледате мудри и спиритуално прочистени.rnrnПрочитајте ги и следниве неинспиративни цитати што ќе ги насмеат сите скептици.

September 1, 2017
Среќата е личен избор: Инспиративни цитати за одличен почеток на денот

Потрагата по среќата не е воопшто комплицирана, но многумина мислат дека е така и никако не можат да ја пронајдат. Среќата се крие во едноставноста и следниве цитати го докажуваат токму тоа. Прочитајте ги овие инспиративни реченици кои ќе ви помогнат да го започнете денот со насмевка на лицето…rnrnrn

„Ако сакате да бидете среќни, направете ги и другите среќни.“ – Дада Васвани

rn

„Ако го правите она што го сакате, тоа е слобода. Ако го сакате она што го правите, тоа е среќа.“ – Непознат автор

rn

„Јас не постојам за да го импресионирам светот. Јас постојам за да живеам на начин што ќе ми донесе среќа.“ – Ричард Бах

rn

„Што и да одлучите да правите, погрижете се да ве прави среќни.“– Непознат автор

rn

„Повеќето луѓе се среќни онолку колку што ќе одлучат да бидат.“ – Абрахам Линколн

rn

„Среќата е личен избор.“ – Непознат автор

rn

„Секој ден правете по еден човек среќен и за 40 години ќе имате направено 14.600 луѓе среќни барем за кратко време.“ – Непознат автор

rn

„Луѓето се поврзуваат со мене, па затоа се обидувам да правам песни што ќе извлечат насмевка од нивното лице.“ – Оли Мурс

rn

„Сите се смеат на истиот јазик, бидејќи смеата е универзална поврзаност.“ – Јаков Смирноф

rn

„Едноставноста носи среќа.“ – Алиша Кис

rn

„Само обидете се да бидете среќни. Тагата почнува со желбата да се биде посреќен.“ – Сем Левенсон

rn

„Почесто правете го она што ве прави среќни.“ – Непознат автор

rn

„Среќата најчесто е спореден производ што се добива кога го правите она што ви носи среќа.“ – Бенџамин Спок

rn

„Среќниот човек ќе ги направи и другите луѓе среќни.“ – Ана Франк

rnВо продолжение прочитајте ги најубавите цитати за среќата.

July 30, 2017