Tag: инспирација

Секој барем еднаш ќе се соочи со тешкотии во животот. Во овие периоди лесно е да ја заборавите големата слика и да мислите дека за вас нема надеж. Сметате дека единственото нешто што ви останува е да се откажете. Но кога ќе се најдете во таква состојба, секогаш сетете се на следниве работи.rnrnrnrn1. Секогаш гледајте колку многу сте поминале, наместо уште колку треба да поминете. Сè додека продолжите да се движите, ќе стигнете таму каде што треба да бидете.rnrn2. Не обрнувајте премногу внимание на она што другите ви го кажуваат или го мислат за вас. Верувајте им само на неколкуте блиски пријатели кои вистински ве познаваат.rnrn3. Немојте да се споредувате со другите и да се чувствувате несоодветно. Нивното патување не е исто како и вашето, а нивниот успех не значи ваш неуспех.rnrn4. Запомнете дека и претходно сте поминале низ тежок период и само сте станале посилни. Секој предизвик ве прави посилни.rnrn5. Плачењето не е знак на слабост. Слабоста и тагата не се исто нешто. Плачењето значи дека ви станува подобро и дека се ослободувате од целиот гнев во вас.rnrn6. Правењето грешки е дел од животот и не значи дека не успевате, туку дека се обидувате. Грешките само ве пренасочуваат кон друга насока.rnrn7. Не треба да ја мерите вашата вредност според оние кои не ве сакаат или оние кои не ја ценат вашата љубов.rnrn8. Запомнете дека секогаш има некој што сака да ви помогне. Пријатели, семејство, ментори, професори, терапевти, па дури и вашиот сосед. Понекогаш сè што треба да направите е да побарате помош и ќе се изненадите.rnrn9. Прифатете дека промената е единствената константа во животот и дека ќе се промените многупати без разлика дали сте подготвени за тоа или не. Ништо нема да биде безбедно или предвидливо, па само треба да ја зајакнете вашата отпорност и да ја зачувате вашата верба.rnrn10. Понекогаш е прикриен благослов да не го добиете она што го сакате. Понекогаш тоа е знак дека треба да побарате нешто подобро.rnrn11. Запомнете дека болката и страдањето понекогаш го извлекуваат најдоброто од нас. Тие ги истакнуваат нашите таленти, нашата добрина и нашето сочувство. Болката ги прави луѓето подобри.rnrn12. Ова чувство е привремено. Со текот на времето ќе го надминете и ќе се чувствувате подобро. Нема засекогаш да бидете заглавени овде.rnrn13. Запомнете дека не сте сами. Има книги, текстови и видеа за она низ коешто минувате. Само треба да ги најдете.rnrn14. Трансформацијата не е лесна. Често ѝ претходат хаос, мизерија и сомнеж. Вашето распаѓање кога-тогаш ќе се претвори во нешто убаво.rnrn15. Минувате низ ова бидејќи еден ден ќе инспирирате некого, а можеби и ќе станете инспирација за илјадници луѓе. Треба да ги споделите вашите предизвици со некој на кого му е потребна ваша помош.rnrn16. Не барајте ја совршеноста поради она што го гледате околу вас. Барајте напредок и она што навистина го сакате, без разлика што мислат другите за тоа.rnrn17. Направете пауза и сетете се на сите нешта во вашиот живот за коишто сте благодарни. Понекогаш ги забораваме важните нешта. Не дозволувајте ѝ на болката да ја засени вашата благодарност.rnrn18. Понекогаш давањето кога немате ништо е најдобрата терапија. Помагањето на другите ќе ве излечи.rnrn19. Стравот можеби ќе ве спречи да направите нови нешта, но секогаш би требало барем да се обидете и тој ќе исчезне.rnrn20. Без разлика колку е тешко, ако се откажете од себе ќе ви стане потешко. Потребно е да застанете на нозе бидејќи можете да го направите тоа и само така ќе излезете од дупката.rnrnЗапомнете ги и овие 5 работи кога сакате да се откажете.

Сите се соочиле со тежок период во некој момент од животот. Во тие периоди може да ви биде навистина тешко да најдете каква било надеж за подобра иднина. Но сè што ви е потребно е друга перспектива. Доколку минувате низ тежок период, овие потсетници од терапевти ќе ви помогнат да го надминете тоа.rnrnrnrn1. Замислете си дека стоите на железничка станица, а лошите мисли се возовите што поминуваат. Нема потреба да се качите на секој воз, набљудувајте го и оставете го да замине.rnrn2. Пред да трошите време и енергија решавајќи проблем, осигурете се дека е ваш проблемот.rnrn3. Престанете да очекувате дека ќе најдете утеха. Понекогаш тоа нема да се случи. Фактот дека врската завршила е единствената утеха што ќе ја добиете.rnrn4. Вашите време и енергија се вредни и се трошат исто како и парите. Сигурно не ги трошите тешко заработените пари на нешта што се непотребни и што прават да се чувствувате ужасно, па престанете да ги трошите времето и енергијата на луѓе и нешта кои се непотребни и прават да се чувствувате ужасно.rnrn5. Набројте што е можно повеќе срамни моменти за некој друг во една минута. Веројатно нема да се сетите на многу. Токму вака другите ги гледаат вашите срамни моменти.rnrn6. Третирајте се себеси како што би третирале мало дете. Дали би му дале нездрава храна? Дали би му забраниле да спие? Дали би му дозволиле цел ден да го помине во кревет?rnrn7. Вие го контролирате вашиот живот, не вашите родители, пријатели, шефот или општеството. Можеби тие ве оформиле, но не можете да го живеете животот обвинувајќи ги нив за сè, без да направите нешто за да си ја подобрите ситуацијата.rnrn8. Само затоа што некој не купува куќа од милион евра, не значи дека куќата вреди помалку.rnrn9. Не е преболување, туку движење напред.rnrn10. Не обвинувајте се себеси за сè. Личноста којашто сте станале не е целосно поради вас, па престанете да се чувствувате лошо за тоа и престанете да се обидувате да се вратите назад во времето и да го поправите тоа. Но, можете да научите како да се справите со исходот.rnrn11. Ова е вашиот круг. Одлуките што ги правите се во овој круг. Можете свесно да им дозволите на луѓето да влијаат на вашите одлуки, но дури и тоа е нешто што сте го направиле во вашиот круг. Постои и кругот на другите. Не сте одговорни за она што го прават луѓето во нивниот круг. Не можете да го живеете животот правејќи нешта во вашиот круг со цел да ги спречите другите да направат нешто во нивниот, и обратно.rnrn12. Не можете да обвинувате некого за тоа како бил одгледан и што искусил, но можете да го направите одговорен за тоа како се однесува со другите поради тоа.rnrn13. Престанете да се обидувате да ги разберете чувствата, само чувствувајте ги.rnrn14. Немојте да бидете гневни на себе бидејќи не правите скокови и голем напредок. Напредокот е напредок, без разлика колку е мал.rnrn15. Не чувајте ги нештата во себе. Замислете си дека сте балон – ако воздухот излегува бавно ќе биде многу попријатно отколку целосно да се наполни и да пукне.rnrn16. Бидете со себе наместо да бидете сами.rnrn17. Вашето минато можеби влијае на тоа кои сте, но не мора да ве држи како сидро.rnrn18. Споредбата е крадец на среќата.rnrn19. Што ако само си заминевте? Дали заборавивте дека можете да одлучите што ќе правите?rnrn20. Не можете да ги спасите луѓето.rnrn21. Никогаш нема да бидете среќни ако постојано се обидувате да им се допаднете на сите.rnrn22. Бидете со луѓе какви што сакате да бидете.rnrn23. Немојте да живеете во негативен емоционален момент. Негативните чувства како омраза, љубомора и гнев ќе поминат. Па почекајте да поминат пред да донесете одлука или да направите нешто важно.rnrn24. Вашите симптоми на анксиозност се неудобни, но не се смртоносни. Обидете се да ги гледате како настинка. Лекувајте се, но ќе ви бидат потребни време и трпение.rnrn25. Само затоа што нешто мислите, не значи дека е вистина.rnrn26. Добрите луѓе можат да направат лоши нешта.rnrn27. Не држете се за старите грешки. Ако почнете да ги анализирате, препознајте ги негативните мисли, а потоа почнете да поставувате цели или да мислите на нешто што го сакате. Обидете се да се фокусирате на позитивното и со текот на времето ќе го „истренирате“ вашиот мозок природно да размислува така.rnrn28. Сè додека дишете… има време за промена.rnrn29. Заменете ги старите лоши сеќавања со нови, добри сеќавања.rnrn30. Кога луѓето сакаат да се убијат, многу ретко навистина сакаат да умрат. Тие сакаат да престане болката и се толку очајни што не можат да ја видат разликата.rnrn31. Секое семејство е нефункционално, само на различни начини.rnrn32. Одбирајте ги вашите битки. Животот е премногу краток, а вашиот мир скапоцен за да се грижите за нештата што воопшто не се важни.rnrn33. Единственото нешто што можете да го промените е себеси.rnrn34. Прифатете ги вашите проблеми и обидете се да живеете со нив. Животот не е совршен и секогаш ќе имате некаков проблем. Бидете благодарни за животот дури и ако не се чувствувате добро. Позитивноста е единственото нешто што нè прави среќни.rnrn35. Животот не ви се случува на вас, туку се случува за вас.rnrn36. Само затоа што се семејство не значи дека треба да ги сакате и да бидат дел од вашиот живот.rnrn37. Ако плачењето ви е единствена опција, во ред е да го правите.rnrn38. Размислете што е најверојатно да се случи наместо што е најлошото што може да се случи.rnrn39. Обидете се да уживате во животот, а не само да „минувате“ низ него.rnrn40. Да, ќе се чувствувате одвратно некое време, но сепак ќе го надминете и тоа.rnrn41. Ако има лав зад вас, продолжете да одите. Само затоа што е зад вас не значи дека ќе ве нападне. Справете се со проблемите што ве напаѓаат во овој момент.rnrn42. Во текот на денот кога не правите ништо, фокусирајте се на ништо. Затворете ги очите. Вдишете длабоко.rnrn43. Никогаш не ја прифаќајте емоцијата од ситуацијата. Ако го направите тоа, ситуацијата ве контролира.rnrn44. Не сте одговорни за постапките и однесувањето на вашиот татко.rnrn45. Ако мислите дека повеќе не ви се потребни лековите, значи функционираат. Продолжете да ги земате.rnrn46. Не сте правеле нешто отсекогаш, па не мора да го правите засекогаш. Секогаш можете да се вратите назад.rnrn47. Советувањето нема секогаш цел да ја спаси врската. Негова задача е да ви помогне да сфатите што сакате и што е најдобро за вас.rnrn48. Отфрлете го туѓото мислење. Не ви е потребно ничие признание.rnrn49. Не треба да се потпирате на другите за вашата среќа, само ќе им ставите товар со вашите проблеми. Истото важи и за нив – не треба да се потпираат на вас за нивната среќа.rnrn50. Навистина не изгледа дека сакате да умрете, само не сакате да страдате. Сосема нормална реакција е да не сакате да страдате, па работете да го намалите тоа.rnrnПрочитајте ги и најкратките совети за среќа што треба да си ги повторувате секој ден.

Иако постојат голем број писатели, малкумина стануваат име што сите го знаат. Изминативе две децении, Џ. К. Роулинг стана еден од најпрепознатливите автори на денешницата. Иако таа е автор, филантроп, продуцент и сценарист, сепак е најпозната по серијалот „Хари Потер“ кој е најпродаван на сите времиња – продадени се 500 милиони копии ширум целиот свет.rnrnrnrnОткако се родило нејзиното прво дете, откако починала мајка ѝ и откако поминала низ тежок развод, таа го развивала концептот за Хари Потер. Била одбиена безброј пати и кога била објавена првата книга, таа живеела од социјална помош.rnrnДенес таа е првиот автор милијардер во светот и е одбрана за Личност на годината во 2007-ма година. Во 2010-та година беше прогласена за Највлијателната жена во Британија и има богатство од околу 1 милијарда. И покрај целата слава и богатство, таа останува скромна и донира многу од нејзините пари. Дури го изгубила статусот милијардер поради добротворните акции. Сигурно ве интересира како изгледа денот на оваа неверојатна жена? Дознајте 5 од нејзините секојдневни навики.rn

1. Се фокусира на нејзиниот развој

rnНе можете да живеете со само неколку евра дневно, а потоа да станете најплатен автор без голема храброст. Овде потребни ви се и грижа и свесност за себе. Оние кои постојано целат да бидат подобри, попаметни и посилни обично успеваат во тоа, а самата Роулинг е жив доказ. Ова честопати значи да му дозволите на животот да ве однесе онаму каде што треба да бидете и да го извлечете најдоброто од сите искуства. Кога им се обраќала на студентите на Харвард, Роулинг изјавила:rn

„Личната среќа живее во знаењето дека животот не е листа со достигнувања. Вашите квалификации и резиме за работа не се вашиот живот.“

rnРоулинг исто така обрнува внимание на она што предизвикува промени кај неа и што ѝ помага да ги постигне нејзините цели.rn

„Имањето дете ме присили да ја завршам проклетата книга. Не бидејќи мислев дека ќе нè спаси, туку бидејќи мислев дека тоа ќе ми биде последна шанса да ја завршам.“

rn

2. Напредува со неуспех

rnСекој автор, професионален или аматер, ќе ви каже дека критиките се дел од описот на работното место. Без разлика во која индустрија се наоѓате, важно е да имате силен грб и да им дозволите на критиките да ве водат, наместо да ве натераат да се сомневате во себе. Роулинг верува во моќта на неуспехот и секогаш со отворени раце ги пречекува предизвиците.rn

„Невозможно е да живеете без неуспех во нешто, освен ако живеете толку внимателно што како да не сте живееле воопшто. Во овој случај секогаш доживувате неуспех.“rnrn„Интересно кај неуспехот е тоа што откако навистина ќе успеете, нема да има ништо послатко. Многуте падови го прават искачувањето до врвот уште повредно. Тогаш немав никаква самодоверба. Но го сакав тоа премногу, немаше да се откажам. И мислам дека оттогаш немам почувствувано ништо како во моментот кога сфатив дека ќе бидам објавена.“

rn

3. Останува скромна

rnМилионерите, или во овој случај милијардерите, кои сами го стекнале нивното богатство имаат друга перспектива за парите, за разлика од оние кои пораснале во богати семејства. Бидејќи самите го заработиле богатството, овие луѓе често остануваат скромни, без разлика колку нули има на нивната сметка. Всушност, Роулинг еднаш изјавила дека ѝ било тешко да го прифати новиот животен стил и сите несигурности што доаѓале со него.rn

„Да, сега знам дека ќе бидам богата засекогаш. Кога бев бремена со син ми имав вистинска грижа за парите што беше целосно ирационална и мислам дека тоа беше поврзано со стрес – имав книга која требаше да се објави и бебе кое треба да се роди. Мислам дека тоа беше сеќавање на последниот пат кога бев бремена, кога бев навистина сиромашна.“

rnРоулинг редовно донира во многу организации, а направила и нејзина непрофитна организација, Lumos, која има за цел да го спречи сместувањето на децата во институции низ целиот свет.rn

4. Нејзината кожа останува „дебела“

rnБидејќи критиките се дел од нејзиниот живот, Роулинг не дозволува премногу да влијаат на неа. Секогаш си го задржува доброто расположение и е фокусирана. Всушност, не очекува да одбива само комплименти и ги прифаќа корисните совети.rn

„Ако очекувате да стоите под туш од постојаното фалење, нешто не е во ред со вас. Ќе добиете критики и јас го знаев тоа. Смешното е што не сум, никогаш не сум била личност со самодоверба. Постојат делови од мојот живот каде што сум со дебела кожа, но не во оваа област. Во оваа област сметам дека е правилно и дека треба да бидам критикувана – тоа е литературата.“

rn

5. Си замислува подобар свет

rnИма ли нешто поважно од позитивноста? Без разлика дали разговарате за кариерата, пријателите, семејството или врските, имањето надеж е клучно за среќата, успехот и напредокот. Роулинг верува дека нејзината цел е да го направи светот подобро место и напорно работи за да го постигне тоа.rn

„Ако одберете да ги искористите вашите статус и влијание за да зборувате за оние кои немаат глас. Ако одберете да се идентификувате не само со моќните, туку и со немоќните. Ако ја задржите способноста да се замислите во животите на оние кои ја немаат вашата предност, тогаш нема само семејството да го слави вашето постоење, туку илјадници и милиони луѓе чија реалност сте ја промениле. Не ни е потребна магија да го трансформираме светот. Ја имаме сета потребна моќ во нас. Имаме моќ да замислиме подобро.“

rnДознајте нешто повеќе и за секојдневните навики на светските милијардери.

Кога животот ви изгледа тежок и сакате да се откажете, обидете се да се сетите на некоја од овие 7 работи. Тие ќе ви помогнат да ги најдете потребните сила, храброст и доверба за да се придвижите напред и да ги направите нештата што знаете дека треба да бидат направени.rnrnrn

1. Сетете се на приказната за Давид и Голијат

rnЈа знаете ли библиската приказна за младиот Давид и џинот Голијат? Иако Давид не бил ништо освен овчар, а Голијат бил воин од неговата младост, Давид сепак успева да го победи. Не дозволувајќи им на надворешните околности да влијаат на него, тој се фокусирал на неговата внатрешност и на моќта која знаел дека се наоѓа во него. Како резултат на ова, тој го победил Голијат. Па, обидете се да бидете Давид. Не ѝ дозволувајте на големината на проблемите да ве заплаши.rn

2. Животот можеби е тежок, но вие сте силни

rnБез разлика колку предизвици ќе ви приреди животот и без разлика колку големи ви изгледаат проблемите, редовно потсетувајте се дека вие сте поголеми од сите ваши проблеми заедно. Ова ќе ви помогне да се справите со што било што ќе ви излезе на патот. Посилни сте отколку што мислите.rn

3. Дијамантите се создадени под притисок

rnМожеби ви е познат цитатот на Питер Маршал:rnrn„Кога сакаме живот без потешкотии, потсетете нè дека дабот расте силен само со ветар, а дијамантите се создадени под притисок.“rnrnКако и дијамантот, така и вие треба да почувствувате притисок за да се покажете во најдобро светло. Потребни ви се ветриштата за да станете силни, храбри и полни со самодоверба.rn

4. Секој проблем доаѓа со дар

rnСекој проблем доаѓа со дар, па ако имате планина проблеми за решавање, наскоро ќе имате планина дарови во кои ќе уживате. Ова е нешто на коешто дефинитивно треба да се сетите кога сакате да се откажете од вашата цел.rn

5. Нема лотос без кал

rnСите сакаат живот без болка, тага, темнина и тешкотии, но овие нешта се дел од животот. Како што на лотосот му е потребна кал за да расте, вам ви се потребни овие предизвици за да се исчистите од самите себе и да станете она што треба да бидете.rn

6. Животот е патување

rnЖивотот е патување, а не дестинација. Со секое искуство и интеракција, без разлика дали се добри или лоши, животот ве оформува, ве води и ви помага да го изградите она за коешто сонувате.rn

7. Вашиот живот е ваша приказна

rnВие сте главниот лик во вашиот живот. Кога ќе дојде време да го напуштите овој свет, кога ќе ги погледнете сите предизвици и потешкотии, ќе ги сфатите многу поразлично отколку сега. Ќе се сеќавате на нив со благодарност бидејќи ќе знаете дека тие ви помогнале да станете личноста којашто сакате да бидете.rnrnДоколку ви е потребно малку повеќе инспирација, потсетете се и на овие нешта.