КАФЕ ПАУЗА

Tag: грижи

15 работи за кои зрелите жени воопшто не се грижат

Сите ние достигнуваме одредена возраст кога е време да се ослободиме од некој товар. Кога ќе дојде тоа време, треба да се збогуваме со работите што ни пречеле во минатото. Пријателки кои постојано озборуваат? Срамно однесување? Овие работи се под ваше ниво. Кога ќе престанете да трошите енергија на овие грижи, животот ќе ви стане многу поубав. Без разлика дали сте се ослободиле од овој товар или сѐ уште работите на тоа, време е да им ставите крај на незрелите глупости што ви го загорчуваат животот. Ова се 15-те работи за кои зрелите жени воопшто не се нервираат…rnrnrn

1. Не се грижат за тоа како изгледаат во салата за вежбање

rnДали сте дел од оние жени кои секогаш одат во теретана со совршена шминка и модерна спортска облека? Не грижете се! Кога ќе наполните 30 години и вие ќе научите како да уживате во вежбањето облечени во удобни и износени тренерки.rn

2. Не учествуваат во драми

rnКога ќе станете возрасни, ќе сфатите дека нема потреба да учествувате во секој конфликт што ќе ви наиде на патот. Колку повеќе созревате толку повеќе ќе сфаќате дека секогаш ќе постојат луѓе кои ќе ве мразат, но и дека нема потреба да им дозволите да ве вовлечат во нивната драма.rn

3. Не се трудат да се вклопат

rnИако повеќето деца мислат дека вклопувањето во групата е една од најважните работи во животот, возрасните луѓе го мислат токму спротивното. Со текот на времето ќе сфатите дека не треба да ги формирате вашите мислења и вкусови во зависност од другите луѓе.rn

4. Не се грижат за социјалните мрежи

rnМожеби не сте свесни, но навистина постои живот надвор од социјалните мрежи. Иако бројот на следбеници и лајкови на вашето 5-то селфи во еден ден можеби ви се чинело како голема работа кога сте биле помлади, тоа задоволство почнува да избледува како што се приближувате до средовечните години. Тогаш ќе почнете да сфаќате дека тесниот круг на пријатели и семејство што ве сака е многу поважно од бројот на лажните пријатели што ги имате на социјалните мрежи.rn

5. Не се обидуваат да се согласат со секого

rnЌе го славите денот кога ќе сфатите дека не мора да се согласувате со сѐ што ќе биде побарано од вас. Животните околности се менуваат и нема да имате време за да им угодите на сите и истовремено да се грижите за себе, па зошто да се мачите и да се обидувате?rnrnrn

6. Не се грижат за нивниот поранешен партнер

rnИако постојано сте мислеле што прави вашиот поранешен партнер кога сте биле во раните 20-ти, тоа нема да ви биде толку важно подоцна во животот. Сите тие болки предизвикани од скршеното срце сте ги претвориле во нешто многу позначајно: Доказ дека животот продолжува понатаму и дека раскинувањето не е крај на светот.rn

7. Не се обидуваат да прават планови

rnВо раните 20-ти сите се обидуваат да најдат работа, партнер, да основаат семејство и да се пронајдат себеси, па затоа тие години обично ни се како во магла. Како што ќе созревате, ќе видите дека нештата почнуваат да се смируваат и нема да ви биде толку тешко да најдете време за не правење ништо и зјапање во празно.rn

8. Не се грижат за туѓото мислење

rnДали отсекогаш сте сакале да се занимавате со некое необично хоби, но не сте осудиле од страв да не бидете исмеани? Како што минуваат годините, ќе сфатите дека етикетите од типот „чудно“, „смешно“, „старомодно“ не се воопшто важни. Сакате да почнете со плетење или со некој необичен африкански танц? Само напред!rn

9. Не им се важни најпознатите клубови

rnВо раните 20-ти години сите сакаат да излегуваат во најпознатите клубови во градот, но овој интересен феномен почнува да избледува како што стареете. Кога ќе станете позрели, темните и гласни места повеќе нема да ве привлекуваат и ќе ви бидат здодевни. Секогаш ќе претпочитате разговор и вино со пријатели наместо излегување по дискотеки.rn

10. Не се грижат за пропаднатите врски

rnИако пропаднатите врски ги доживуваме како личен неуспех кога сме помлади, созревањето ни помага да сфатиме дека понекогаш ќе наидеме на момци кои едноставно не се за нас. Подобро е да се разделите отколку да се преправате во нешто што не сте само поради некој дечко.rnrnrn

11. Не се грижат дали ќе повредат некого со нивните зборови

rnДевојките во раните 20-ти години најчесто се обидуваат да ги одбегнат конфликтите и да останат во добри односи со сите луѓе околу нив. Но, порано или подоцна ќе сфатите дека одбегнувањето на караниците нема да ви пружи среќен живот.rn

12. Не се грижат за нивната популарност

rnПомладите девојки уживаат кога се во друштво на позната личност, но тоа нема да ви значи ништо подоцна во животот. Иако популарноста во средно училиште ви се чинело како голема работа, не се надевајте дека ова „достигнување“ ќе ви направи многу услуги по матурирањето.rn

13. Не се нервираат поради здодевните навики на нивните родители

rnКога сте биле помлади сте се нервирале поради тоа што вашите родители ви се јавувале по 100 пати дневно и ви досадувале со едните исти работи. Но, кога ќе станете повозрасни ќе почнете да сфаќате зошто го правеле тоа и ќе ги сметате за ваши пријатели, а не за авторитетни фигури со кои сте морале да се борите за вашата независност.rn

14. Не се обидуваат да ги исполнат општествените очекувања

rnЗа време на созревањето, луѓето многу лесно стануваат жртва на верувањето дека мора да имаат постигнато одреден успех до одредена возраст, кога станува збор за работи како што се семејството и кариерата. Меѓутоа, кога ќе созреете ќе сфатите дека сите се движиме во свое темпо и дека не треба да се ставаме во ситуации што нема да нѐ направат среќни, само затоа што се обидуваме да исполниме нечии очекувања.rn

15. Не се грижат за работите што не можат да ги контролираат

rnВерувале или не, постојат работи што не можеме да ги контролираме. Меѓутоа, кога ќе созреете, ќе сфатите дека нема потреба да се нервирате поради тоа. Иако нема да можете да контролирате сѐ што ви се случува, никој не може да ви ја одземе способноста да одберете како ќе реагирате на работите што ви се случуваат, а на крајот на краиштата токму тоа ќе го формира личниот идентитет што самите сте го избрале за себе.rnrnПрочитајте ги и овие 10 нешта за кои силните жени никогаш не се извинуваат.

March 6, 2018
20 работи кои секоја девојка треба да ги знае за себе и за своето тело

Знаете ли дека девојката на чие тело сте љубоморни го чувствува истото кон друга девојка, а можеби дури и кон вас? Ако сте девојка, сигурно премногу размислувате за вашето тело, за вашите килограми и за вашите недостатоци. Потребно е да престанете со непотребните грижи и да ги научите овие 20 работи за вас и за вашето тело.rnrnrnrn1. Некој би бил пресреќен да има одреден дел од вашето тело. Можеби имате големи гради, а сакате мали, додека некоја друга девојка има мали, а сака големи. Не се споредувајте со другите и сакајте го вашето тело онакво какво што е.rnrn2. Не, невозможно е преку ноќ да се поправите 5 килограми од само едно парче торта. Слободно изедете го. Можете дури и 3 дена по ред да јадете торта, а потоа 2 недели да се храните здраво. Не можете ни да изгубите 5 килограми преку ноќ.rnrn3. Сите мислат дека нивните стапала изгледаат чудно.rnrn4. Големината на етикетата не е толку важна. Таа може да зависи од брендот, а она што е важно е како вам ви стои. Тешко е да ги оставите тие броеви настрана, но обидете се да уживате во облеката без разлика на нејзината големина.rnrn5. Секој што прави да се чувствувате лошо за вашето тело е личност со комплекси. А постои веројатност и таа личност воопшто да не е среќна. Задоволните луѓе никогаш не прават другите да се чувствуваат лошо.rnrn6. Водата е секогаш одличен избор. Таа прави огромна разлика во вашето тело и за тоа како се чувствувате. Секој ден редовно пијте вода.rnrn7. Кога се чувствувате одлично, тогаш и изгледате одлично. Можеби ви звучи комплицирано бидејќи често се чувствувате добро само ако изгледате така. Но вистината е дека кога сте среќни, вие изгледате совршено.rnrn8. Верувајте му на вашето тело кога сте гладни и јадете. Никогаш немојте да гладувате.rnrn9. Постојат денови кога ќе гладувате и кога ќе јадете како чудовиште, а постојат и денови кога нема да чувствувате глад. Тоа е сосема нормално.rnrn10. Само затоа што сте природно слаби не значи дека не треба да вежбате. Губењето килограми не е единствената причина за вежбање. Зголемувањето на нивото на ендорфини во телото ќе направи да се чувствувате одлично.rnrn11. Големината не е секогаш поврзана со здравјето. Многу жени кои имаат вишок килограми се здрави, а многу кои се слаби може да бидат болни. Не судете по корицата.rnrn12. Никој не обрнува толку внимание на изгледот на вашето тело. Загрижени сте што вашето момче сака да го остави светлото за време на секс? Не грижете се, нема да гледа во вашиот целулит.rnrn13. Она за коешто сте најмногу несигурни, другите веројатно не го ни забележуваат. Ако сами не се пожалите за вашето тело, голема е веројатноста дека никој нема ништо да забележи.rnrn14. Ако вашето момче не го сака вашето тело, не треба да го менувате за него. Тоа е знак дека тој не е за вас. Можеби звучи глупаво, но потребно е да најдете некој што ќе ги сака сите ваши „проблематични“ делови и кој ќе направи да се чувствувате како најсовршеното суштество на Земјата.rnrn15. Ако одреден начин на вежбање прави да го мразите вежбањето, престанете. Најдете рутина која ќе ве исполнува и од која ќе бидете задоволни.rnrn16. Научете ја разликата помеѓу здравиот замор по вежбањето и можноста за болки по истото за да знаете кога е доста.rnrn17. Ако појадувате кафе, престанете. Понекогаш тоа е нормално, но редовниот појадок го подобрува вашиот метаболизам и го одржува здравјето на телото. Покрај тоа, добриот појадок го намалува незадоволството.rnrn18. Вашата вагина е нормална. Престанете да се чувствувате чудно. Не постои совршена вагина, сите се различни на свој начин.rnrn19. Одете на спиење. Одлично е да останете до доцна, но ништо не е подобро од квалитетен сон. Вашата кожа ќе изгледа подобро, ќе се чувствувате подобро, а и ќе му направите голема услуга на вашето здравјетоrnrn20. Сакајте се.rnrnСега кога ги дознавте овие работи, време е да научите како да прифаќате комплименти.

February 12, 2018
Едноставен начин да си го подобрите расположението и да ја намалите анксиозноста
Сосема е нормално понекогаш да бидете лошо расположени. Можеби дури и да не ја знаете причината, но сепак да се чувствувате лошо. Но понекогаш треба да најдете начин да го промените вашиот фокус за да можете да продолжите напред.rnrnrn

„Животот е добар колку што човекот мисли дека е.“

rnШтом ќе престанете да се фокусирате на лошите работи, вашето расположение ќе се подобри и сè ќе си дојде на свое место. Постои една техника која ќе ви помогне во ова. Целта е да се заблагодарите однапред за тоа дека сè ќе оди по планираното.rnrnЗапишете што е вашиот страв или грижа, а потоа додадете „Ми се допаѓа како излезе ______.“rn

Како функционира ова?

rn
- Оваа техника ве става во ситуација како веќе да сте го добиле тоа што го сакате, а тоа пак ќе ве смири.
- Техниката ви помага да престанете со претераното размислување, да се опуштите и да се ослободите од грижите.
rnКога се фокусирате на причината за вашата анксиозност, или пак за нешто што воопшто не се случило, нормално е да бидете разочарани бидејќи тоа создава отпор. Вашиот живот е скапоцен, а со моќта на вашата фантазија вие имате сила и моќ да се ослободите од секое лошо расположение. Сето тоа е во вашиот ум. Исто така имајте на ум дека нашето време овде е ограничено. Бидете свесни дека е доволно да се заблагодарите и за денешниот ден. Тоа ќе ви помогне да добиете некаква перспектива.rnrnЗа да промените нешто надвор, мора прво да се промените себеси.
October 29, 2017
Силните жени одбиваат да се грижат за непотребни работи

Кога ќе надминете голем број потешкотии и животни предизвици, престанувате да се грижите за работите што не можете да ги контролирате. Имаме само еден живот и во никој случај не треба да го потрошиме во постојано грижење. Нашите секојдневни грижи воопшто не се важни ако размислите подобро. Единствената моќ што ја имаат овие проблеми се онаа што ние ќе им ја дадеме. Ние им дозволуваме на работите да ни пречат. За да го живеете животот со полни гради, не смеете да се грижите за глупости. Ова се 11-те работи за кои силните жени одбиваат да се грижат…rnrnrn

1. Не се грижат дали се вклопуваат некаде

rnТие не сакаат да се вклопат. Задоволни се такви какви што се. Ако мислите дека се издвојуваат од толпата, најверојатно сте во право.rn

2. Не се грижат за социјалните мрежи

rnТие не сакаат постојано да дремат на Фејсбук или Твитер и да објавуваат информации за нивниот живот. Иако имаат профили на социјалните мрежи, тоа не значи дека ќе го објавуваат секој нивен потег. Многу ги нервира таквата навика и не ја практикуваат.rn

3. Не се грижат за непотребните драми

rnНе си го трошат времето на озборувања и драми. Ако почнете да им зборувате за некои глупости што не ги интересираат, веднаш ќе ве замолчат. Држете ја драмата настрана од нив.rn

4. Не се грижат за туѓите чувства

rnНе сакаат да знаат колку сте вознемирени поради работи што не можат да ги променат. Доколку сте им доволно блиски, тие секако дека ќе се грижат за вас, но без размислување ќе ви кажат дека ги преувеличувате работите. Ако ви треба нивниот совет, ќе ја добиете само суровата вистина, без разлика дали ви се допаѓа тоа или не.rn

5. Не се грижат дали имаат совршено тело

rnЗадоволни се од нивниот изглед. Не сакаат да бидат ниту премногу слаби ниту премногу дебели. Ако забележите нешто погрешно во врска со нивниот изглед, можете само да си бркате работа.rnrnrn

6. Не се грижат дали се во право или не

rnТие никогаш нема да се караат со часови околу тоа кој е крив, а кој е во право. Силните жени ќе станат и ќе си одат, доколку караницата трае премногу долго. Нивното време е премногу драгоцено за да го трошат залудно.rn

7. Не се грижат за туѓите мислења

rnМожете да мислите што сакате за нив. Не мора да ви се допаѓа секој човек што ќе го сретнете. Силните жени го знаат тоа. Освен тоа, постои голема веројатност дека ниту вие не им се допаѓате ним.rn

8. Не им е гајле зошто лажете

rnНе им е гајле зошто лажете. Ним важен им е само фактот дека сте излажале. Силните жени не толерираат лажливци и нема да ве задржат во нивниот живот. Тие немаат време за глупости.rn

9. Не им е гајле ако сте љубоморни

rnНе им гајле ако го сакате она што го имаат или ако посакувате да бидете на нивно место. Тие не се тука за да ви угодат. Не сте толку важни колку што мислите.rn

10. Не се грижат за грешките што ги направиле

rnТие ги надминале грешките што ги направиле во минатото. Си ја научиле својата лекција и подготвени се да ги заборават своите гревови. Знаат дека потсетувањето на грешките нема да им донесе ништо добро во животот.rn

11. Не се грижат за вашето самосожалување

rnНема да се растажат, само затоа што вие сте тажни. Силните жени немаат време да ги слушаат туѓите поплаки и жалби. Никогаш немојте да се самосожалувате пред нив, бидејќи нема да ја добиете потребната утеха.rnrnДоколку се пронајдовте во овој текст, дознајте ги 10-те нешта за кои силните жените никогаш не се извинуваат.

October 6, 2017
Инспиративни цитати од Хилен Мирен за секоја жена: Како да живеете без грижи?

Хелен Мирен е британска актерка и ѕвезда во секоја смисла на зборот. Таа никогаш не престанува да блеска! Секојдневно сме сведоци на уништена младост и вештачка убавина, додека Мирен ни покажува дека една жена треба да биде трудољубива, самоуверена и достоинствена. Таа никогаш не се плаши да го искаже сопственото мислење на директен, но ненападен начин. Прочитајте ги следниве нејзини инспиративни цитати кои можат да послужат како бесценети совети за сите жени на светов…rnrnrn

„Сега кога имам 70 години, помладата јас би ја советувала почесто да кажува ’Не’.“

rn

„И понатаму го имам она номадско чувство за авантура. Мислам дека не сум спиела во истиот кревет повеќе од три или четири месеци сиот мој живот. Секогаш садам зеленчук чии плодови никогаш не стигнувам да ги изедам и цвеќе кое никогаш не можам да видам како цвета. Отсекогаш сум се селела по целиот свет.“

rn

„Сета таа опсесија со облеката е луда. Можете да потрошите долар на јакна во некој мал бутик и можете да потрошите илјада долари на јакна во брендирана продавница. Ако ги видите овие две јакни како шетаат по улица, најверојатно никогаш не би знаеле која од каде е купена.“

rn

„Жените треба да престанат да бидат љубезни. Ако некогаш имам деца, а немам, првата работа на која ќе ја научам мојата ќерка ќе биде зборот ’Не’.“

rn

„Најтешкиот период во животот се 20-тите години. Тоа е голема штета бидејќи тогаш сте најубави физички и имате најдобра кондиција. Но, тоа е исто така периодот кога имате најмала самодоверба и постојано се сомневате во себе. Страшно е тоа кога не знаете што ќе се случи.“

rn

„Јас сум тип на личност која се облекува во продавница за половна облека, но отвора шише шампањ.“

rn

„Мислам дека секоја жена во нашата култура е феминистка. Можеби одбиваат да се изјаснат како такви, но ако се вратите 40 години наназад и ја прашате која било жена ’Дали ова е светот во кој би сакала да живееш?’, таа би ви рекла ’Не’.“

rn

„Чудно е тоа што ви станува сѐ попријатно во сопствената кожа, дури и тогаш кога времето ви дава сѐ помалку причини за тоа. Кога сте млади и убави, истовремено сте и параноични и тажни. Мислам дека најголемата предност на стареењето е тоа што се ослободувате од некои работи.“

rn

„Моите 40-ти беа добри. 50-тите сјајни. 60-тите фантастични, а 70-тите се проклето феноменални.“

rn

„Целиот мој живот гледав 16-годишни девојчиња како си ја продаваат убавината. Токму затоа мислам дека е неверојатно тоа што сега жени на возраст од 70 години рекламираат производи за жени од 60 до 80 години.“

rnПрочитајте ги и најдобрите совети што некогаш ги добиле успешните актерки.

May 10, 2017
10 знаци дека вашето момче престанало да се грижи за вас

Жално е што некои парови остануваат заедно не затоа што постои љубов и страст помеѓу нив, туку затоа што сметаат дека e полесно да останат заедно, отколку да се разделуваат. Но, тоа не е воопшто здраво ни за едниот, ниту пак за другиот. Во продолжение следуваат неколку знаци кои покажуваат дека на вашата врска одамна ѝ дошол крајот, па во моментов таа е само формална.rnrnrn

1. Никогаш не се карате

rnМоже да ви изгледа добро тоа што вие и вашиот партнер никогаш не се карате, но тоа на некој начин покажува дека вие едноставно не се грижите еден за друг, ниту пак за тоа што ви се случува. Кога ќе исчезне страста од врската, тоа значи дека добрите работи кои би требало да ве поттикнуваат да преминете низ лошите, повеќе не постојат, па затоа и врската не води никаде.rn

2. Тој секогаш го користи неговиот телефон

rnДодека е со вас, тој секогаш зборува на телефон или е присутен на социјалните мрежи, па во меѓувреме, додека го чекате да се ослободи, вие треба да си наоѓате занимација самите со себе, а тој можеби ѝ пишува на некоја нова девојка…rn

3. Постојано го гледате во секојдневна облека

rnДоколку тој веќе не се труди да изгледа добро и чисто за вас, тогаш јасно е дека се откажал од врската. Кога мажите се грижат за жената, тие се трудат да изгледаат добро и да ја импресионираат. Тоа не значи дека секогаш треба да бидат облечени во најновите и најмодерните парчиња облека, но чистата и уредна облека која им прилега добро, кажува многу.rn

4. Вие сте иницијаторот за сѐ

rnДали некогаш сте почувствувале дека вашата врска ќе прекине доколку вие престанете да пишувате први или да иницирате состанок? Доколку е така, тоа значи дека другата страна или не е заинтересирана или не ѝ прилега ситуацијата. Застанете одреден период и оставете другата личност да ви покаже што е она што го сака.rn

5. Партнерот изгледа нетрпелив

rnПовеќето мажи и жени се различни, а доколку сте во врска со некој кој е многу поразличен од вас, тогаш тоа бара трпение. На пример, на некои девојки доволни им се 20 минути наутро за да се подготват, додека пак на други им е потребен речиси цел час, при што мажите повеќе треба да чекаат. Кога се добри односите во врската, ова е сосема нормално. Но, кога ќе се влошат работите, тоа станува покомплицирано. Доколку вашиот партнер почне да ви вика и да ви дава забелешки дури и за најмали работи, тогаш тоа не е добар знак. Никој не треба да се однесува лошо кон некого што го сака.rnrnrn

6. Секогаш плаќате вие

rnНекои момци се нудат да ги платат сметките со цел да ги импресионираат девојките. Но, доколку во повеќето случаи момчето не се ни обидува да плати, тогаш тоа значи дека тој воопшто не се грижи вас.rn

7. Тој е таинствен

rnМажите по природа не споделуваат многу информации на начинот на кој тоа го прават жените, па доколку се таинствени тоа автоматски не значи дека не се заинтересирани за вас. Но, доколку порано споделувале одредени информации, па одеднаш престанале да зборуваат за тоа, тогаш тоа е само уште еден знак дека не вложуваат доволно во вашата врска, па автоматски ќе ви одговараат со еден до два збора.rn

8. Неговите пријатели изгледаат чудно

rnКога момчето ќе почне да им зборува на своите пријатели дека планира да раскине со девојката, тие ќе престанат да бидат толку љубезни кон неа и ќе се однесуваат почудно од вообичаено.rn

9. Помалку спиете заедно

rnМожеби сексот нема да се намали, но гушкањата и милувањата ќе прекинат. Тешко е да бидете блиски со некој со кој не сте поврзани.rn

10. Тој никогаш не е љубоморен

rnЉубомората не е иста кај секого. Некои личности ретко стануваат љубоморни, додека пак некои се постојано (што не е во ред). Важно е да забележите како се однесува партнерот. Дали на почетокот тој беше малку љубоморен на момчињата со кои се дружевте? Ако одеднаш тоа веќе не му пречи, тогаш тоа е знак дека работите помеѓу вас не се во најдобар ред.rnrn

February 16, 2017
Оптимизам: Навика вредна за стекнување

Дали времето е умерено сончево или умерено облачно? Оптимистите е поверојатно да се одлучат за сонце, додека песимистите ќе ги гледаат облаците. Иако можеме да претпоставиме дека нашите лични перспективи не се толку важни за крајниот план и големата слика на животот, сепак е забележано дека оптимистите имаат неколку значајни предности во споредба со циничните луѓе.rnrnrn

1. Дали чашата е полупразна или полуполна?

rnЗа почеток, оптимистите се одлични личности за дружење, особено за време на оброците. Тие се свесни за својот изглед и го прифатиле тоа, па нема да ве осудуваат ако се чувствувате најадени прерано или ако се одлучите да изедете уште една порција. Тие исто така се поактивни од песимистите, па ќе ве поттикнат да се ослободите од мрзата. Поради тоа што имаат поздрав начин на живеење, многу е веројатно да влијаат и врз вашата диета и изборот на прехранбените производи. Според последните студии се покажало дека луѓето кои имаат генерално позитивен поглед кон надворешните влијанија и ги практикуваат претходните животни навики, имаат помал ризик да заболат од срцеви и кардиоваскуларни болести.rn

2. Помалку грижи, помалку стрес, повеќе забава

rnОптимистите имаат помалку грижи од песимистите и очекуваат добри резултати од секој потег кој го направиле. Тоа е правилниот начин на размислување, бидејќи ваквата рамка на мозокот ги зголемува шансите за добрите работи навистина да се случат. Тоа е исто со оние моменти кога ќе купите некој нов технолошки производ и учите многу нови работи како што започнувате да го користите сѐ почесто и почесто. Ако патем ги бараме позитивните знаци, тогаш сигурно ќе успееме да ги најдеме. Она што го регистрираме во нашите умови, тоа го гледаме и со очите. Ако го поминуваме времето грижејќи се за сите работи кои можат да имаат негативен изглед или се обидуваме да спречиме да се повтори некоја грешка од минатото, ние всушност создаваме една реалност во која ќе се случи токму тоа. Визуализирањето дека сме победиле на трката или сме дале одлична презентација ја зголемува веројатноста за успех. Вежбањето на победата е многу подобра стратегија отколку плашењето од поразот.rn

3. Фокусирање на позитивното, а не на негативното

rnАко се тренирате да го гледате доброто во луѓето, тогаш е многу полесно да го пронајдете. Фокусирањето на тоа како да ги направите работите подобри наместо на тоа колку може една ситуација да се влоши е однесување кое е вредно и препорачливо да прерасне во навика. Не само што ќе го промените начинот на кој ја гледате временската прогноза, туку и ќе го промените начинот на кој го живеете својот живот.

February 19, 2016
Намалете ги грижите со помош на овие 5 совети

Дали некогаш се чувствувате како затвореник во сопствената глава? Дали имате тенденција да ги гледате негативните аспекти на нештата и постојано да се навраќате на грешките од минатото? Ако одговоривте со да, тогаш тука сме за да ви помогнеме.rnrnrn

1. Препознајте го проблемот

rnПрепознајте го проблемот и бидете свесни за него кога тој ќе се појави. Важно е да го препознавате за потоа да можете да го решите. Често заглавуваме во рутини на негативно размислување, што по извесно време поминува во навика. Тоа се случува несвесно како гризењето нокти или зависноста од социјалните мрежи. Токму затоа следниот пат кога ќе почувствувате дека негативно размислувате, кажете си стоп! Важно е навистина да го изговорите ова за таквите мисли да престанат да кружат во вашата глава.rnrnИсто така обидете се со визуелизација: замислете дека ја земате мислата и ја ставате во канта за ѓубре. Исто така, ако сакате малку поекстремна варијанта, тогаш ставете ластиче на раката и секогаш кога негативно размислувате, оптегнете го на раката за да се потсетите да престанете.rn

2. Именувајте ја ситуацијата

rnКога негативно размислуваме секогаш постои некој страв дека ќе се случи нешто лошо. Можеби се прекорувате поради грешка на работното место, или сте рекле нешто погрешно при разговор со пријателите/партнерот. Без разлика која е причината, пробајте да го именувате негативното размислување. Тоа може да биде во една реченица, како на пример: „Страв ми е дека ќе ја изгубам работата.“ или „Му/ѝ се лутам на пријателот/пријателката бидејќи се однесуваше лошо со мене.“rnrnКога можете да го увидите проблемот, тогаш решението е во вашите раце. Ако можете да го именувате вашиот најголем страв или грижа запрашајте се што е најлошото што може да се случи. И дали можете некако да се справите со тоа? Одговорот на ова прашање скоро секогаш е потврден.rn

3. Вежбајте внимателност

rnВниманието е состојба на забележување на моменталното искуство. Факт е дека трошиме премногу време жалејќи се, каејќи се или грижејќи се за минатото и иднината. Внимателноста може да ни помогне да го намалиме делот од нас кој постојано размислува и да го активираме оној кој чувствува. Добар пример е кога ќе се фатите себеси како работите ги правите механички.rnrnНа пример, следниот пат кога ручате, одолејте на импулсот да ги проверите социјалните мрежи. Наместо тоа, фокусирајте се на храната, амбиентот и вашите сетила. Вака ќе се вратите во реалноста. Кога чувствувате дека вашето внимание е слабо т.е. талка низ минатото или иднината, едноставно вратете се во сегашниот момент и запомнете: иднината не постои на ниедно друго место освен во вашата глава.rn

4. Прифатете го проблемот

rnОдвојте момент и откријте што е она што го предизвикува немирот кај вас. Замислете дека тој е поврзан со идните проекции или болки, или пак, грешки и каења од минатото. Потрудете се да ја прифатите моменталната ситуација. Тешко е, но болката и страдањата стануваат полоши ако повеќе размислуваме за нив. Пробајте да навлезете во чувствата и прифатете ги. Прифатете се себеси онакви какви што сте сега, во моментов. Престанете да посакувате работите да беа поинакви.rnrnКога ќе се фатите себеси како се грижите за минатото или иднината, прашајте се следново: „Што можам да направам околу тоа во моментов?“ Ако одговорот е ништо, тогаш прифатете ги нештата какви што се. Вдишете длабоко и правете нешто што ве усреќува. А, ако одговорот е да, тогаш проценете што можете да направите и направете го тоа.rn

5. Закажете одмор од грижи

rnНекогаш тешко е да се заспие поради големиот број грижи кои осцилираат низ нашата глава. Целиот ден ќе се чувствувате добро, но навечер вашиот мозок оди во темното ќоше и ви сервира страшни мисли кои чувствувате дека ве прогонуваат. Врските, имиџот, кариерата, финансиите, иднината, што ќе се јаде и слично – ова се сигурно дел од грижите поради кои не можете да заспиете навечер. Затоа дозволете си да бидете безгрижни како децата, барем на 15-30 минути. А додека се грижите, напишете сѐ што ви лежи на срцето. Навечер, кога не можете да заспиете кажете си: „Ништо не можам да решам во моментов. Време е за спиење. Утре ќе размислувам околу тоа.“

February 11, 2016
Нешта кои паровите кои се во добра врска добро ги прават

Најголемиот број добри работи, кои ја сочинуваат добрата врска, се однесуваат на тоа партнерите да бидат свесни и присутни, да обрнуваат внимание, да забележуваат, разбираат, сочувствуваат и да настојуваат да изразат благодарност, како и да се наградат меѓусебно за вниманието што го добиваат. Тоа значи дека навистина работат на тоа да не земаат сè здраво за готово, односно да сфатат кога се случува тоа и да ги обноват вниманието и присутноста.rnrnrnrnТоа се прости и секојдневни работи… Како она кога тој ќе подготви храна за викендот, а вие ќе го изненадите со тоа што ќе направите голем ручек со неговите омилени јадења преку недела, а на крај ќе ги измиете садовите, бидејќи тој има тешка работна недела. Или пак, кога тој ќе го направи истото за вас.rnrnИсто така, тоа е искажување благодарност за обичните работи кои партнерот ги презема за да ви го олесни секојдневието, а за кои немало потреба да го потсетувате, да го барате тоа од него, па ниту да го замолите. Едноставно, се сетил. Да ја исчисти бањата, да го среди гардероберот, да испланира јадење и да оди во маркет…rnrnОбичните работи, секојдневните услуги и возвраќањето на нив, прават заедничкиот живот да тече без оптоварување дека морате да правите сè сами или дека ако не направите нешто, тоа ќе остане ненаправено додека не пронајдете време и сила за тоа.rnrnПоради тие работи многу жени се преоптоварени со домашните работи и со организирање на нештата, и покрај останатото што го работат, а многу мажи не сфаќаат дека тоа не треба да биде така и дека можат на својата поубава половина да ѝ го олеснат животот и да добијат додатно внимание и благодарност.rnrnНа овој начин и двајцата се во добивка – жената не е жртва на патријархално воспитување, а мажот е вклучен, одговорен и повеќе ценет.rnrnПокрај секојдневните работи, добрите парови одлично ги прават и работите кои се однесуваат на логистиката и славењето на постигнатиот успех.rnrnrnrnУспешно завршен проект, унапредување на работното место, склучување договор на кој долго се работело, ново работно место – тие не пропуштаат заеднички да ги прослават постигнатите успеси. И тоа не мора да биде начин на кој вообичаено се прославува.rnrnМоже да го промовирате делото на вашиот партнер на интернет, да покажете колку сте горди на неговиот успех. Може да го однесете на вечера, да му закажете спа-третман или да му купите симболичен подарок.rnrnМногу парови паѓаат на испитот за преземање на вкупната одговорност, кога еден од нив е исфрлен од седлото – кога е болен, тажен или на долго службено патување. Во ред е да чувствувате страв од себична причина – како ќе правите сè сами – но единствено нешто што треба да направите е да бидете свесни како се чувствувате и зошто се чувствувате така и тоа да го надминете со несебичната грижа за партнерот и за сè останато.rnrnУспешното партнерство пред сè е несебично пријателство!

December 25, 2015
Поучна приказна: Зошто не треба да се грижите за туѓото мислење?

Вие можете да поминете цела година во размислување што другите мислат за вас, но тоа никаде не би ве одвело. Единствено може да влијае негативно врз вашата самодоверба, како и врз вашата емоционална состојба. Имајќи го тоа на ум, зошто би сакале да поминувате толку време грижејќи се за тоа што другите го мислат за вас? Прочитајте ја оваа кратка, но моќна приказна која целосно ќе ви го промени мислењето за оваа тема.rnrnrnrnЕднаш живеел еден учител кој воопшто не бил заинтересиран за она кое другите го мислат за него. Љубопитните ученици го прашале како тој успеал да го достигне тој степен на внатрешна слобода, а тој се насмеал и им одговорил:rn

„До своите 20-ти години воопшто не се грижев за тоа што другите го мислат за мене. По 20-тите години без прекин се грижев за туѓото мислење. Но, потоа, еден ден, по својата 50-та година сфатив дека тие скоро никогаш не ни размислувале за мене…“

October 20, 2015