КАФЕ ПАУЗА

Tag: главоболка

Совети за луѓето со низок притисок
Многу луѓе патат од низок притисок, особено жените. Кај жените, тој може да го наруши менструалниот циклус, а кај мажите понекогаш може да доведе до импотенција. Нискиот притисок е променлив дури и кај здравите луѓе во зависност од влијанието на надворешните фактори, физичкиот напор, психичкиот стрес, како и од проблемите со вените, нивната состојба и еластичност, од јачината на срцето, функцијата на бубрезите и надбубрежните жлезди, како и од функцијата на тироидната жлезда.rnrnrnrnЗа низок притисок или хипотензија, се смета оној кој е понизок од 100/60, измерен повеќе пати.rnrnЛуѓето со низок притисок лесно се уморуваат, брзо ја губат енергијата, неретко патат од главоболка a повремено и од несвестица, имаат променливо расположение, честопати имаат болки во мускулите и подобро се чувствуваат кога времето е студено.rnrnВо деновите кога времето е потопло, притисокот опаѓа, а кога е ладно притисокот во телото расте, но сето тоа се менува многу дискретно и организмот тоа добро го поднесува доколку климатските промени не се преголеми и ненадејни.rnrnНискиот крвен притисок, наспроти наведените симптоми, не претставува закана по здравјето. Воедно, организмот се адаптира на одредениот крвен притисок, па на овие луѓе 90/60 им е нормален притисок, со кој можат нормално да функционираат.rnrnНискиот притисок не доведува до инфаркт или мозочен удар, како што е случајот кај хипертоничарите, па затоа се вели дека луѓето со низок притисок живеат долго и полошо. Сепак, нискиот притисок се смета за „подобар“ од високиот. Спортистите и луѓето кои често вежбаат имаат низок притисок, бидејќи зголемениот физички напор го смалува притисокот.rnrnrn

Совети:

rn
- Доколку имате низок притисок морате секојдневно да внесувате доволно количество вода во организмот, односно 30 мл на еден килограм телесна тежина, како и сол бидејќи таа се поврзува со водата и го зголемува волуменот на крвта којашто циркулира.
- Луѓето со крвен притисок мораат да спијат по 8 часа дневно, бидејќи потребата за сон кај лицата со низок притисок е поголема, отколку кај другите луѓе.
- Треба да консумираат полесно сварлива храна, да избегнуваат алкохол и жештини и простории во кои има многу луѓе. Исто така треба секојдневно да се бават со некаква физичка активност.
- Со кафето треба да бидете внимателни, односно да не пиете повеќе од 2-3 шолји, бидејќи кафето на почетокот го покрева притисокот, но подоцна го снижува исто како диуретиците.
- Понекогаш, наизменичното туширање со топла и ладна вода, може да помогне околу кревањето на притисокот.
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
December 24, 2013
Како да си направите релаксирачка масажа на лице?
Масажите на лицето носат многу придобивки за вашата кожа и за вашето тело. Фацијалната масажа е одлична за ослободување од стресот, тензијата и заморот и прави да се чувствувате релаксирано и здраво. Таа носи придобивки и за изгледот на вашето лице, бидејќи ја стимулира циркулацијата на крвта, ослободува од напнатоста и ја намалува појавата на брчки. Лицето ќе ви изгледа посвежо, а вие ќе се чувствувате подобро.rn
- За да започнете, земете еден пешкир и натопете го во топла вода. Потоа исцедете го вишокот вода и ставете го пешкирот врз вашето лице. Топлиот пешкир ќе му помогне на вашето лице да се опушти и да омекне. Држете го пешкирот врз лицето, сè додека не се олади.
- Со врвовите од прстите на двете раце земете малку навлажнувачка крема за лице и протријте ги меѓусебно, за да се разнесе на сите рамномерно.
- Со помош на прстите од двете раце, започнете ја масажата од средината на челото, кон слепоочниците, постепено зголемувајќи го притисокот. Повторете го движењето неколку пати, додека не почувствувате дека мускулите ви се опуштени.
- Застанете кај слепоочниците и нежно масирајте ги со кружно движење, во правец на стрелките на часовникот, па обратно. Нежно зголемувајте го и намалувајте го притисокот со кој масирате. Ова е одличен начин да ги намалите главоболките и стресот.
- Од слепоочниците, продолжете го движењето кон двете страни на лицето, па сè до брадата. Нежно штипкајте ја брадата и масирајте ја со кружни движења со помош на вашите прсти.
- Продолжете со масирање на линијата на краевите од лицето, од слепоочниците до брадата, а потоа сменете го правецот од брадата кон слепоочниците.
- Раширете ги прстите од двете раце и започнете темелно да го масирате скалпот. Менувајте го притисокот на прстите, додека ги движите рацете во кружно движење.
- Завршете ја масажата, масирајќи го задниот дел од главата, кај тилот.
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn
October 17, 2013
5 етерични масла кои ќе ве ослободат од стресот

Стресот е проблем на милиони луѓе ширум светот. Тој ни доаѓа од сите страни; стресот на работа предизвикан од обид да ги завршиме сите задачи до дадениот рок, стресот околу домашните обврски, како и стресот од проблемите во љубовните и пријателските врски. Вашиот доктор може да ви препорача лекарства кои ќе ви помогнат да се справите со стресот, но можете и да уживате во природното ослободување од него, со помош на овие 5 етерични масла.rnrnrn

Лаванда

rnЛавандата е одличен избор за заздравување на рани и обновување на кожата, но воедно и за смирување на нервниот систем, благодарение на неговиот сладок цветен мирис. Луѓето кои ги одбираат третманите со лаванда, уживаат во чувството на спокој и бистрина. Додадете неколку капки масло од лаванда во шишенце со распрскувач полно со вода и прснете низ вашиот дом за да ви помогне да се релаксирате. Измасирајте ги болните зглобови со мешавина од бадемово масло и неколку капки етерично масло од лаванда. Додадете неколку капки масло од лаванда во вашиот инхалатор за да ги намалите симптомите на настинка и употребувајте го за да третирате кожни состојби како акни, брчки и ранички.rnrnrn

Камилица

rnДолго употребувана во билните чаеви, камилицата е позната по своето смирувачко дејство. Борејќи се против раздразливоста која доаѓа со стресот, етеричното масло од камилица, им помага на луѓето да се смират и релаксираат. За да се ослободите од главоболката, замотајте во крпа неколку коцки мраз попрскани со масло од камилица и поставете ја на главата како облога. За да спиете подобро и да ја подобрите способноста на вашето тело за справување со стресот, капнете 5-6 капки масло од камилица во освежувачот за воздух. Можете и да капнете неколку капки на марамче, кое ќе го ставите под навлаката за перница, за да спиете убаво.rnrnrn

Бергамот

rnМирисот од кора од бергамот кој на чајот Ерл Греј му дава уникатен, смирувачки ефект има лесна арома која освежува и релаксира. Честопати се користи во борбата против немирот и депресијата, но помага и против вкочанетост и воспаленост на мускулите. Капнете неколку капки етерично масло од бергамот во вашето млеко за тело, за да ги намалите болките во мускулите и физичката тензија. Помешајте масло од бергамот со гел од алое вера во размер 1:5, за да создадете ефективен лек против акни. Воедно, капнувајќи неколку капки масло од бергамот во полна када подготвена за капење, ќе ви помогне да се ослободите од психичкиот стрес и тензијата којашто доаѓа во пакет со стресниот животен стил.rnrnrn

Јасмин

rnСлаткиот јасмин е моќно етерично масло кое помага во ослободување од главоболка, смирување на кашлицата, ја минимизира физичката болка, дури го разубавува и тенот на кожата. Ставете неколку капки масло од јасмин во навлажнувач за воздух за да ја регенерирате вашата самодоверба и оптимизам и да ја намалите депресијата и тензијата предизвикана од стрес. Исто така, може да се користи во топла бања, за отстранување на главоболката и физичкиот стрес.rnrnrn

Нане

rnСтресот може негативно да влијае врз вашата меморија и да ви оневозможи да се сконцентрирате. Нането поттикнува будење од умствениот замор. Мирисот е освежителен и е одличен избор кога стомакот ви е вознемирен, имате главоболка и чувствувате дека се разболувате. Етеричното масло од пеперминт има уникатен мирис кој може да ве релаксира и истовремено да ви послужи како стимуланс за подобра концентрација. Капнете неколку капки на јазикот за да ја подобрите вашата концентрација и протријте на вратот и рамената во текот на денот, за да го покачите нивото на вашата енергија. Исто така може да се користи и во освежувач за воздух, за подобрување на меморијата.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 28, 2013
Од што нè боли глава?
Силни бодежи, стегање, болно пулсирање – овие непријатни чувства ви се познати ако често патите од главоболка.rnrnЛуѓето патат од главоболка скоро отсекогаш. Според записите, уште од околу 4.000 година п.н.е. во Месопотамија се верувало дека лошиот дух на главоболките Тиу е виновен за ова непријатно чувство. Ова верување било раширено во многу култури, што било причина за појава на трепанацијата – процедура со која се прави мала кружна дупка во черепот – што значело излез за духовите кои ја причинувале болката.rnrnrnrnЗа среќа, денес главоболките се лечат без потреба да се прават дупки во черепот. Но ако не се лошите духови, тогаш што е тоа што ни ја предизвикува болката?rnrnМедицинската литература има собрано доста причини. Некои од нив ги знаете, но од некои ќе се изненадите. Ова е листа на сите предизвикувачи на сите видови главоболка:rn
- Прекумерна употреба на лекови за болка – Половина од хроничните ммигрени и околу 25% од сите видови главоболки се повратна епизода предизвикана од прекумерна употреба на обични лекови за болка.
- Пиво
- Вино
- Соја
- Чадена риба
- Меса кои содржат нитрати (сланина, виршли, салами, сушено месо)
- Обработена храна
- Ферментирана храна
- Маринирана храна
- Туршија
- Чоколадо
- Млечни производи
- Зрело сирење
- Аспартам
- Јаткасти плодови
- Прескокнување оброци
- Силна светлина
- Гледање во сонце
- Гласни звуци
- Пријатни мириси како парфеми
- Непријатни мириси како боја за ѕидови и чад од цигари
- Пушење
- Замор
- Замореност на очите
- Повреди на главата
- Недоволно спиење
- Премногу спиење
- Спиење во ладна соба
- Сексуална активност
- Напорна физичка активност
- Стрес
- Депресија
- Анксиозност
- Хормонални промени кај жените за време на месечниот циклус, во текот на бременоста или за време на менопаузата
- Настинки, грип или синусни инфекции
- Промена на времето или на барометарскиот притисок
- Држење на главата во неприродна позиција додека работите (на компјутер, на микроскоп…)
- Спиење со вратот во неприродна положба
- Промени во ритамот на спиење
- Топлина (топло време, топла бања)
- Стискање на вилицата и чкрипење со забите
- Орални контрацептивни средства и хормонална терапија
- Големи височини (при пешачење, патување со авион)
rnСериозните причинители на главоболките се ретки, но понекогаш главоболката е предупредување за некое посериозно нарушување. Доколку забележите дека главоболка ви се јавува секогаш во одредени ситуации или пак таа е пропратена со други симптоми, консултирајте се со вашиот доктор и побарајте стручна помош.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 2, 2013
Како никогаш повеќе да не ве заболи глава?
Апчињата против главоболка се добри за да помогнат во повремените случаи кога ќе се појави главоболка, но доколку тоа e секоја недела или секој ден, тогаш ви е потребно поздраво и поквалитетно решение. Прочитајте ги овие научно докажани стратегии кои можат да ја олеснат, а дури и да ја елиминираат вашата хронична главоболка.rnrnrn

Отворете го прозорецот

rnКога сите прозорци во вашиот дом се затворени, внатрешните нивоа на мувла, парфеми, чад и други надразнувачи почнуваат вртоглаво да се зголемуваат и го зголемуваат интензитетот на главоболката кај 1 од 4 лица кои страдаат, вели истражувањето на Универзитетот Џонс Хопкинс. Наједноставно решение на овој проблем е ширум да отворите неколку прозорци, за да излезат надвор тие загадувачи на воздухот. Нека бидат отворени доволно време за да влезе свеж воздух во домот. Доколку времето е ладно, затворете ги и за кусо време повторно отворете ги, за да циркулира свежиот воздух во вашиот дом, објаснува авторот на студијата.rn

Консумирајте малку ѓумбир

rnДодадете ½ кафено лажиче ѓумбир во прав во вашата дневна исхрана и можете да ги сотрете дури и хроничните главоболки за само една седмица, велат истражувачите од Меморијалната болница Манчестер, во Конектикат. Причината за тоа велат дека лежи во состојката гингерол. Данските истражувачи го посочуваат ѓумбирот како моќен антивопспалителен корен, кој хемиски слично реагира на блокирањето на главоболката како дејството на леукотриени во мозокот, состојка која е присутна во аспиринот.rnrnСовет: консумирајте го ѓумбирот, додавајќи го како зачин во помфрит, ориз, супа, сосови или едноставно сварете го како чај.rnrnrn

Носете очила за сонце

rnЕдна од три главоболки е предизвикана или зголемена од нагло изложување на сончеви зраци, велат истражувачите од Универзитетот во Калифорнија. Причината за тоа лежи во тоа што кога светлосните зраци ќе удрат во деликатната ретина во вашите очи, тоа ги активира мозочните нерви за болка. За да не ве заболи глава, ставете очила за сонце пред да излезете надвор во сончевите денови, дури и доколку мислите дека не ви се потребни во моментот.rn

Мирисајте етерично масло од мандарина

rnПотрошете по една минута, три пати дневно, релаксирајќи се со вдишување на слаткиот мирис на мандариновото масло и со тоа можете да го намалите ризикот од тензична главоболка за само една седмица, велат истражувачите од Универзитетот Стенфорд. Ароматичните својства на мандарината го успокојуваат централниот нервен систем, ги опуштаат затегнатите вратни жили и мускулите околу скалпот, а воедно и ја поттикнуваат продукцијата на гама-аминобутерна киселина, која ја намалува болката, вели авторот на книгата „Осум недели до вибрантно здравје“. Одличен лек против главоболка е и чајот од лопен, кој ги стеснува крвните садови и го спречува мускулното воспаление.rnrnrn

Загрејте ги мускулите пред спортување

rnСпоред истражувачите од Колумбискиот Универзитет, една од четири главоболки на кои се склони жените, се случува како резултат на влетувањето во енергични вежби на телото, без претходно загревање на мускулите. Причината за тоа лежи во рапидната промена во протокот на крв, која може да предизвика болно отекување на крвните садови во мозокот. За да го спречите овој проблем, поминувајте ги првите 10 минути од вашите вежби со полежерно темпо и постепено зголемувајте го интензитетот, велат истражувачите од Колумбија.rn

Почесто јадете вегетаријански оброци

rnКога жените во своите оброци консумираат големи количества овошје, зеленчук, зрнеста храна и житарки, појавата на главоболка се намалува за 70%, а доколку сепак се јават болки, тие се за 66% пократки и полесни, велат докторите од Универзитетот Лома Линда во Калифорнија. Оваа здрава храна, содржи стотици природно антивоспалителни состојки, кои брзо ја спречуваат главоболката.rnrnrn

Станете кога првпат ќе заѕвони алармот

rnНаспијте се убаво, но не се оптегнувајте долго во креветот. Според истражувачите од Универзитетот во Тексас, 79% од оние кои боледуваат од главоболка се посклони на болка, доколку премногу долго се излежуваат во креветот, дури и ако спијат речиси ист број часови секоја вечер. Исто така, менувањето на часот на будење, има огромно влијание врз функциите на мозокот и грчењето на крвните садови.rnrnСовет: наместете го будилникот да ѕвони приближно во исто време секој ден, дури и за време на викендите.rn

Погрижете се за вашето ‘рчење

rnРечиси 30 милиони Американци се борат со апнеата – кратки паузи во дишењето во текот на спиењето, коешто предизвикува гласно ‘рчење, чувствување замор во текот на денот и непријатни утрински главоболки. Тие прекини во дишењето му овозможуваат на јаглеродниот диоксид да се задржи низ крвотокот, а самото тоа е моќен предизвикувач на главоболка, објаснуваат истражувачите од клиниката „Columbia-PresbyterianEastside“. Доколку ви имаат кажано дека гласно ‘рчите или прекинувате неколку секунди да дишете додека спиете, пријавете го тоа кај вашиот доктор. Ако се погрижите за ‘рчењето, утринските главоболки ќе исчезнат за 2 дена, тврдат колумбиските истражувања.rnrnrn

Консумирајте мелатонин

rnДури и доколку немате проблеми со ‘рчењето, можеби е паметно да консумирате природен помошник на добриот сон. Во едно бразилско истражување е откриено дека кога пациентите кои се склони на мигрена пиеле по 3 мг мелатонин, 30 минути пред да си легнат, зачестеноста на нивните главоболки и нивото на болката се преполовило. Кај едно од четири лица, овој едноставен третман ги избришал мигрените од нивниот живот, за само три месеци. По сѐ изгледа овој хормон кој го потпомага спиењето, го спречува и еден од најголемите предизвикувачи на мигрената, а тоа е количеството на сон кое луѓето го имаат секоја вечер.rn

Потрошете 30 минути дневно на себе

rnПронајдете 30 минути секој ден за да се релаксирате и опуштите, и ударите во вашата глава може да се намалат за половина за само 2 седмици, велат истражувачите од универзитетот Јута. Наполнете си ја кадата со миризлива купка, длабоко дишете, вежбајте јога, дремнувајте и вметнете ја секоја активност која ве релаксира во вашиот секојдневен распоред.rnrnrn

Кога е време да се посети доктор?

rnДоколку ниедно од овие решенија не го решава и вашиот проблем, вие веројатно имате мигрена и треба да посетите доктор, кој ќе ја земе под своја контрола. Обратете се на доктор доколку:rn
- Вашата главоболка трае 4-72 часа.
- Болката би ја опишале како пулсирање или чукање во главата.
- Вашата главоболка се влошува кога правите ненадејно движење (како на пример кога се наведнувате да земете нешто од подот).
- Чувствителни сте на светлина и/или звук, или чувствувате мачнина додека имате главоболки.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
June 7, 2013
Најчестите причини за нашите главоболки

Доколку сте дел од оние кои никогаш немале главоболка во својот живот, не мора да читате ништо понатаму. Но, останатите многу добро знаат дека главоболките можат многу често да бидат голем проблем во секојдневното нормално функционирање. Секако, постојат лекови кои понекогаш можат да помогнат, но најдобрата стратегија е да се обидете да ја спречите нивната појава.Дехидрација – Ова е најчестата причина за појава на главоболка. Вашето тело содржи повеќе од 60% вода и поради тоа му се потребни големи количини на вода за да може да го одржува тој процент. За избегнување на главоболките од овој вид, возрасните би требало да пијат од 8 до 10 чаши дневно. Имајте на ум дека не сите течности помагаат – кафето и газираните пијалаци имаат дехидрирачки ефект.

rnЛекови против болка – Иронично, но вистинито. Половина од хроничните мигрени (25% од сите главоболки), настануваат како „повратен удар“ предизвикан од преголема употреба на овие лекови.rnrnКофеин – И покрај тоа што кофеинот често помага при главоболките; преголемата употреба на нешто добро во овој случај може да доведе до спротивен ефект. Исто така постои и опасност од ефектот на откажување. Доколку одеднаш прекинете да пиете кафе, ќе имате главоболки сè додека вашето тело не се навикне на недобивање дневна доза.rnrnСтрес – Главоболките проследени со тензија во главата, настануваат од физички или емотивен стрес. Причина за еден од најчестите видови на физички стрес е долгото непрекинато седење пред компјутер. За избегнување на овој вид главоболка, обидете се на секој пола саат да станувате, да се истегнувате убаво и да гледате малку во далечина. Емотивниот стрес не е толку лесен за елиминирање.rnrnСинуси – Суви или блокирани синуси можат да предизвикуваат чести главоболки. Тие се проследени со длабока и константна болка во делот кај образите, челото и околу носот. Болката се зголемува доколку направите нагло движење со главата. За намалување на овие главоболки зовријте вода во тенџере, застанете над него и неколку минути вдишувајте ја пареата. Покријте се со ќебе или чаршав за да го ограничите движењето на пареата. Доколку секојдневно ја применувате оваа „терапија“, за кратко време ќе забележите позитивни резултати.Низок шеќер во крвта – Овој дисбаланс може многу брзо и лесно да се поправи со внесување на протеини преку исхраната.rnrnОдредена храна – Кикириките, чоколадото и црвеното вино содржат амино асид тирамин кој често предизвикува главоболки. Исто така избегнувајте ја и храната што содржи нитрати како што се саламата, хот догот или колбасите. Млечните и житните производи во ретки ситуации исто така можат да бидат причина за појава на главоболки.rnrnПромена на време или на надморска височина – Промените во времето како наглото опаѓање на барометарскиот притисок често предизвикуваат главоболка. Дури и посетата на град кој е на поинаква надморска височина од оној во кој дотогаш сте биле може да го има истиот ефект.rnrnХормони – Естрогенот и прогестеронот влијаат на хемикалиите во мозокот кои се поврзани со главоболките. Високото ниво на естроген може да помогне при главоболки, но пониското ниво има сосема спротивен ефект.rnrnИзложеност на пушење „од втора рака“ – Чадот од цигарите предизвикува мигрени. Пробајте да ги избегнувате просториите во кои се пуши. Доколку немате таква можност, секогаш имајте ментол бонбони при рака, тие барем на момент ќе го неутрализираат влијанието од чадот.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 9, 2012
Придобивките и негативните последици од ботоксот

Ботулинум претставува токсин кој се излачува од бактеријата Clostriium botulinum и воедно предизвикувач на болеста ботулизам. Овој токсин е невромускуларен блокатор кој предизвикува парализа на инфектираниот мускул со што се спречува излачувањето на невротрансмитерот ацетил холин од мотоневроните. Исто така, ботулинумот го намалува потењето така што делува на симпатичкиот нервен систем кој ги контролира потните жлезди.rnrn
Бактеријата Clostridium botulinum го лачи ботулинот А или уште познат како ботокс
rnrnОвој токсин може да предизвика тешко труење со храна и е најмоќниот токсин кој ù познат на науката. Но, и покрај неговите негативни дејства, користејќи го во одредени дози, може и се користи во медицински и козметички третмани. Употребуван во мали дози, може да се користи за лечење на некои нервни болести. Токсинот уфрла специфични протеини во нервната клетка кои се медијатори во лачењето на трансмитерите кои предизвикуваат болка, мускулен спазам, грчеви и други симптоми.rnrnrn

Медицинска и козметичка употреба

rnКозметичката улога на ботулинумот е поврзана со исчезнувањето и намалувањето на порите и брчките со директно инјектирање во фацијалните мускули. Третманите со овој токсин првично биле наменети за пациенти со мускулни грчеви, како блефароспазмот (спазам на очните мускули), стрбизам, цервична дистонија. Кај пациенти со фацијални спазми кои биле третирани со ботулинум, било забележано намалување на мускулните грчеви.rnrnЛуѓето на постара возраст не ги сакаат брчките кои се појавуваат со текот на годините, па така со помош на ботулинум, ги намалуваат овие линии на староста. Честопати, заедно со третманите со ботулин се користи и колаген и хијалуронска киселина. Ботулинските терапии се користат и кај луѓе со зголемено локално потење (хиперхидроза), најчесто во пазувите, за намалување главоболки, како и за некои форми на дерматитис.rnrn
Пред и по третман со ботокс
rnrnЕфектот кој го има ботулинот на очните мускули е неможност за нивна контрaкција и со самото тоа, видливо намалување на брчките. Инјекциите кои се инјектираат директно во мускулите се безболни и луѓето можат нормално да трепкаат и да ги креваат веѓите. Се земаат 3-5 мали дози. Неговите ефекти ослабуваат после неколку недели од амплифицирањето, а повторен третман се прави после 3-6 месеци од првичното нанесување.rnrn
Ефектот на ботоксот на околуочните мускули, пред и по 7 дена
rn

Негативни последици од користење третман со ботокс

rnНајчеста негативна појава е главоболката, која се јавува веднаш по нанесувањето. Може да се намали со земање парацетамол. Долготрајните главоболки се ретки. Исто така, можат да се јават лузни како резултат на инјекциите. Ако неправилно се нанесува ботулинот, може да се повреди мускулот на очниот капак и да се предизвика птоза односно затварање на очниот капак. Оваа појава обично трае неколку дена, во ретки случаи е долготрајна.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

December 23, 2011
Кафе-позадина за вашиот десктоп #58

„Tипичен ден во мојот живот: несоница во ноќта –> главоболка следниот ден –> кафе за да ја совладам главоболката –> несоница како резултат не премногу испиено кафе!“

rn
Кликнете на сликата за да ја видите во оригиналната големина (1920×1200) и преземете ја за да ја поставите на вашиот десктоп.

rnrnrnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

November 28, 2011
7 начини за спречување на главоболката

Многу секојдневни работи како што се расправиите, обврзувачките рокови, сообраќајниот метеж, недоволното спиење и слично, можат да ни создадат главоболки. Општо земено, главоболките се одговорот кој го добиваме од телото за нанесениот физички или емоционален стрес. Овие стресови можат да предизвикаат грчење на мускулите во главата и вратот и притоа да создадат тензични болки во овој предел. Тие исто така, можат да предизвикуваат стегање, а подоцна и опуштање на крвните садови, што може да создаде мигрена или васкуларна главоболка. Неретко се случува причина за главоболки да бидат и оптоварените или инфицирани синуси.rnrnrnrnСепак покрај големата непријатност кои повеќето од нив ја предизвикуваат, најчесто тие се привремени и можат многу лесно да се излечат и без помош на медикаменти. Пред да пробате проблемот да го решите со апче, обидете се со некој од следниве природни начини.rn

Чај од ѓумбиров корен

rnЃумбирот може многу да помогне против мигрената преку спречување синтеза на простагландини (многу масни киселини што се создаваат во човечкото тело и имаат силно физиолошко дејство). Поважно е тоа што, ѓумбирот многу помага во намалување на мачнината која ја создава мигрената. Чајот подгответе го така што, во 250 милилитри вода ќе ставете ¾ ѓумбиров корен и ќе го оставете да се крчка околу 30 минути на пониска температура.rn

Етерични масла од мајчина душица и рузмарин за масажа на главата

rnЗа ублажување на главоболката, капнете неколку капки етерично масло од мајчина душица или рузмарин на вашето чело. Протријте нежно за да се впие во кожата, а потоа мирувајте неколку минути. Во една студија направена во 2010 година, истражувачите откриле дека овие масла содржат супстанца која делува анти-воспалително.rnrnrn

Етерични масла од пеперминт или лаванда за капење на стапалата

rnНекои природни исцелители веруваат дека капењето на стапалата може да ви ја намали главоболката. Жешката вода ја повлекува крвта во нозете, намалувајќи го притисокот на крвните садови во вашата глава. Со додавањето на неколку капки етерично масло од пеперминт или од лаванда, можете дополнително да си помогнете бидејќи аромата предизвикува олеснување.rn

Чај од камилица

rnПравењето пауза во вашиот презафатен распоред, ќе ви помогне да ја испуштите тензијата која подоцна може да ви предизвика главоболка. Чајот од камилица содржи состојки кои можат да ви ја намалат болката и да ве релаксираат. Сварете шолја чај, употребувајќи една филтер кесичка. Оставете го поклопен десетина минути и по желба заладете со мед. Пополека пијте го топлото чајче, додека се одморате на некое мирно место.rnrnrn

Магнезиум

rnИстражувачите велат дека оние кои страдаат од мигрена секогаш треба да го поседуваат овој важен минерал во своето медицинско шкафче. Според истражувањата, овие луѓе имаат ниско ниво на магнезиум во нивниот мозок за време на „нападите“ или пак имаат општ дефицит од магнезиум во организмот. Но, мора да се напомене дека магнезиумот може да предизвика дијареа кај некои луѓе.rn

Витамин Б2

rnСпоред една студија, внесувањето 400 милиграми од овој витамин, познат и како рибофлавин може за 50 % да ги намали шансите за мигрена. Кај 60 % од волонтерите кои три месеци редовно внесувале толкава количина од овој витамин, резултатите биле позитивни.rnrnrn

Екстракт од лопушка (овчарка)

rnЛековитата тревка наречена лопушка или овчарка претставува ефективно средство кое помага при намалување на главоболката. Се препорачува да се пие 75 милилитри екстракт од оваа тревка за време на првиот месец, а потоа да се пие два пати на ден по 50 милилитри.rnrnДоколку главоболката ви е предизвикана од вчерашното лудување, тогаш ви треба нешто друго.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 1, 2011
Како да се ослободите од утринскиот мамурлак?

Повеќето луѓе сакаат да консумираат алкохол и го прават тоа секогаш кога имаат прилика или кога се во добро друштво. После некоја чашка сите се весели, среќни и безгрижни, а животот изгледа совршен. Но наредното утро, на оние чиј метаболизам им трпи помалку отколку што испиле, не им е баш сè така „розово“. Во нашата Македонија се пие често и се пие многу, особено на слави, родендени и празници, а кога станува збор за младите – на секое излегување во дискотека или кафуле. Бидејќи не можеме да го намалиме количеството на алкохол кој го внесувате, можеме да ве посоветуваме како да се спасите од утринскиот мамурлак.rnrnrnrnПрочитајте ги советите на д-р Оз, за спасувањето од утринскиот мамурлак. Тој моментално го води неговото мега популарно шоу „Шоуто на д-р Оз“, а има гостувано во 5 сезони во „Шоуто на Опра Винфри“.rnrn

На забавата…

rn

Наполнете го стомакот пред пиење

rnrnrnrnПред да отидете на забавата каде што планирате да пиете алкохол, убаво најадете се. Лош избор на храна се супите, манџите и секаков вид течна храна. Пригответе си чикен бургер со кашкавал или нешто слично и утринската мачнина е до пола намалена. „За да ја свари храната, вашето тело го затвора вентилот на тенкото црево, каде што најмногу се апсорбира алкохолот, поради што е помалку веројатно брзо да се опијаните“ – вели д-р Оз.rnrn

Белиот алкохол е побезбеден

rnrnИзберете некој од белите алкохолни пијалаци: вотка, џин, бело вино, наместо црвено вино, виски или коњак. Темниот алкохол содржи повеќе хемиски состојки, кои побрзо го загреваат организмот и го интензивираат опивањето.rnrn

Кофеин + алкохол = лоша комбинација

rnrnrnrnАко мешате алкохол со кока-кола ќе огладнете многу побрзо од вообичаено, што значи и дека побрзо ќе се почувствувате зашеметено. Исто така избегнувајте да мешате алкохол со енергетски пијалаци. Кофеинот кој го има во кока-колата и енергетските пијалаци прави да се чувствувате помалку пијани отколку што навистина сте, така што може да не забележите дека сте ја надминале вашата граница за пиење.rnrn

Кога ќе се вратите дома…

rn

Измијте го лицето

rnrnrnrnКога ќе ги миете забите, измијте ги убаво и рацете и лицето. Алкохолот го спречува производството на Т-клетки, кои му се потребни на телото за заштита од бактерии и микроби, а недостатокот од нив ги засилува симптомите на мамурлак.rnrn

Напијте се H2O

rnrnrnДехидратацијата е неизбежна кога консумирате алкохол, особено жестокиот и таа ги намалува течностите околу крвните зрнца, што од своја страна предизвикува главоболка, вртоглавица и мачнина. За да ги намалите негативните ефекти од вчерашната „луда“ забава, испијте 1-2 чаши вода пред да си легнете.rnrn

Исклучете го алармот

rnrnrnАко сте претерале со алкохол минатата вечер, наредното утро најверојатно ќе се чувствувате скршено, а сонот ќе ви биде нестабилен и прекинуван со повеќекратно будење. „Алкохолот ги нарушува мозочните хемикалии кои го регулираат спиењето, така што наместо кога ќе се разбудите да се чувствувате закрепнато од вчерашната забава, ќе имате многу лесен сон.“ – вели д-р Оз. Спијте повеќе часови, па можеби ќе ги избегнете главоболките и мачнината во стомакот.rnrn

Наредното утро…

rn

Испржете си јајца

rnrnrn„Јајцата се мојот лек за мамурлак“ – вели д-р Оз. „Тие содржат цистеин, супстанца која го неутрализира ацеталдехидот – токсин кој се содржи во алкохолот и создава мамурлак.“ Добар избор на храна против мамурлак се и чорбите и бананите, кои го обновуваат натриумот и калиумот, кои пак се губат во текот на честото ноќно мокрење.rnrnrn

Сварете си чај од ментол

rnrnrnПосле утринскиот оброк сварете си чај од нане мента и во шолјата ставете една лажица мед или исцедете си една чаша 100% овошен сок. Ментата го смирува стомакот, а медот и фруктозата (овошниот шеќер) помагаат побрзо да се отстрани алкохолот од организмот. Дефинитивно немојте мамурлакот да се обидувате да го отстраните водејќи се по изреката „Клин со клин се избива“, во случајов, мачнината да ја неутрализирате со нова чашка алкохол. Тоа само ќе ја продолжи и зголеми вашата мака.rnrn

„Убијте“ ја главоболката

rnrnrnrnСигурно ви било убаво додека сте се забавувале и „налевале“ со алкохол, но наредното утро толку многу ве боли главата што мислите дека ќе ви пукне во секој момент. За да ја неутрализирате болката напијте се едно апче ибупрофен. Овој медикамент го инхибира простагландинот кој ја зголемува болката и мачнината предизвикана од мамурлакот. Избегнувајте аспирин бидејќи тој го надразнува стомакот и ацетаминофен, кој се метаболизира преку црниот дроб, кој веќе работи прекувремено поради алкохолот.rnrn

Спортувајте

rnrnrn„Не можете да го измиете алкохолот со вежбање“ – вели д-р Оз. „Но некои луѓе сметаат дека спортувањето им помага да се чувствуваат подобро, веројатно поради хемикалиите кои се ослободуваат преку физичката активност, а прават да се чувствуваме убаво.“ Вежбајте јога умерено и ослободете го духот.rn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 15, 2011