Tag: фаза

Без разлика на досегашното искуство со љубовните врските, кога станува збор за патување со партнерот, тогаш можеме да потврдиме дека тоа е најдобриот начин да ја тестирате вашата љубов. Кога ќе бидете со некого подолго време и кога ќе го видите во некои неочекувани и необични ситуации во кои не се наоѓате често, дури тогаш можете потполно да се заљубите во него или да побегнете веднаш штом се вратите од патувањето. Па затоа, подгответе се за сладок ризик и откријте каде можете да патувате со вашиот партнер во зависност од фазата на љубовната врска во која се наоѓате моментално.rnrnrn

1. По неколкумесечна врска

rnАко сте само неколку месеци заедно, вие сѐ уште не знаете како стојат работите и дали сте еден за друг или не. Затоа треба да испитате дали можете да поднесете 48-часовно константно гледање во него/неа, но и како тој/таа се однесува наутро, каква ја остава бањата зад себе и слично. Ова искуство може да биде преубаво, но може да биде и стресно, па затоа изберете нешто што е блиску и нешто што ќе ве опушти – бања, езеро, планина… Изберете заедно. Доволно е да поминете барем една ноќ заедно.rnrnrn

2. По формализирање на врската

rnСега точно знаете на што сте. Заљубени сте како никогаш досега и сакате да одите со него/неа до крајот на светот. Доволно е заедно да посетите некој нов град каде што досега не сте биле. Спакувајте сендвичи, грицки, сок… Исто како да одите на екскурзија. Можете да го поминете заедно продолжениот викенд и да посетите некој од главните градови во Европа, или пак некој занимлив помал град во вашата земја.rnrnrn

3. По едногодишна врска

rnСега е време за некое подолго и подалечно патување. Можете да испробате како на подолго време ќе се снајдете на некој странски јазик, како ќе се организирате околу превозот, сместувањето и храната, како ќе се однесувате кога неколку дена по ред ќе се будите еден покрај друг и ќе го поминувате целиот ден заедно. Овој вид патување можете да го споите со летувањето или зимувањето, но и не мора да чекате да помине цела година за да се одлучите на вакво нешто – ако имате слободно време, тргнете уште веднаш.rnrnrn

4. Откако ќе започнете да живеете заедно

rnА сега, кога знаете на што сте еден со друг, кога повеќе нема лаги и изневерувања, време е за нова авантура или предизвик! Постете место на кое не се зборува на англиски јазик и обидете се заедно да се снајдете во таа „лудница“ со сите тие јазични бариери. Верувајте ни, може да биде доста занимливо.rnrnrn

5. Откако ќе се верите

rnОрганизирањето венчавка е навистина прескапо, но потребен ви е одмор, зарем не? Затоа, отидете на патување во некои егзотични, луксузни дестинации, како што се Тајланд, Јамајка, Шри Ланка, Сејшели, Бали… Сега, па кој знае кога пак.rnrnrn

6. Кога ќе забремените

rnСега ви е потребно повеќе од кога било порано да се опуштите и да уживате. Затоа, посетете некоја спа област, односно хотел кој нуди ваква услуга. И задолжително испробајте ги масажите.rnrnrn

7. Кога сте родители веќе неколку години и кога славите кој знае по кој пат годишнина од бракот

rnПотребно ви е патување подалеку од пелените, шишињата и неспаните ноќи поради бебешкото плачење. Пуста плажа, вие и тој/таа, шумот и мирисот на морето, зајдисонце… Рај! И ова патување не мора да биде луксузно и далеку, само изберете ја омилената дестинација на која можете да се осамите. И колку подолго сте заедно, патувањето мора да биде почудесно. Сте го заслужиле тоа после сите тие години и сето она што сте го поминале заедно.rnrn

Празниците се приближуваат, па многумина размислуваат што да им подарат на своите најблиски. Оние кои се во љубовна врска се борат со одлуката што би било најдобро да му подарат на својот партнер. Но, соодветен подарок може да изберете во зависност од тоа во која фаза од врската се наоѓате и колку вашите односи се сериозни. Погледнете го овој водич кој ќе ви помогне да го изберете идеалниот подарок за вас.rnrnrn

Заедно сте 2 или повеќе години

rnСитуација: Долга врскаrnrnПодарок за неа: ОбеткиrnrnОбетките се одличен подарок и ги користи речиси секоја девојка, па со нив нема да погрешите ако сте во сериозна и долга врска. Ова е романтичен и модерен додаток што ќе ја направи среќна вашата понежна половина.rnrnПодарок за него: Модерен часовникrnrnСекој маж треба да има барем еден часовник во својата колекција модни додатоци. Постои голем избор на модерни и практични часовници, а за да бидете уникатни оваа година, можете под него да изгравирате некоја омилена порака или пак вашите иницијали што ќе ви ја симболизираат љубовта.rnrnrn

Заедно сте од 1 до 2 години

rnСитуација: Сериозна врскаrnrnПодарок за неа: Ѓердан или гравирана нараквицаrnrnНе постои жена што не ги сака ѓерданите, па така, со овој избор нема да погрешите. Можете да изберете златен, сребрен или пак, бижутерија. Исто така добар избор е и нараквицата. Доколку не сте обожаватели на шопингот, секогаш имате опција да нарачате онлајн, а можете да се советувате и со некоја нејзина пријателка, за да бидете целосно сигурни дека ќе го направите вистинскиот избор. За дополнително да ја изненадите, изгравирајте некоја кратка и симпатична порака на ѓерданот или пак на нараквицата.rnrnПодарок за него: ПриврзокrnrnПодарете му уникатен приврзок кој секогаш ќе го носи со себе на своите клучеви. Можете да направите еден со ваша заедничка слика или пак да изгравирате некоја посебна порака која е значајна за вас двајцата. Исто така можете да го напишете и датумот на кој вие двајца сте ја започнале вашата врска или пак, вашите иницијали. Ова е одличен знак на внимание кој ќе ја искаже вашата љубов.rnrnrn

Заедно сте од 6 месеци до 1 година

rnСитуација: Подготвени сте да се посветите еден на другrnrnПодарок за неа: Едноставен накитrnrnНакитот е добар подарок со кој ќе ѝ покажете на вашата партнерка дека внимавате на неа. Во оваа фаза сигурно тукушто сте ги изговориле зборовите „Те сакам“ или пак во овој период ќе ги кажете за прв пат. Најдобар празничен подарок и во оваа фаза е накитот, но сепак, поедноставен. Не треба да купувате дијаманти или злато, туку малите и нежни обетки, ѓердан или нараквица, би одговарале совршено на вашата ситуација.rnrnПодарок за него: Еден викенд поминат со васrnrnКога почнувате да бидете сериозни, најдоброто нешто што можете да го направите за вас двајцата е да поминете еден викенд заедно, за подобро да се запознаете еден со друг. Испланирајте го вашето празнично викенд патување и уживајте во заедничките моменти.rnrnrn

Заедно сте од 3 до 6 месеци

rnСитуација: Нов парrnrnПодарок за неа: Букет цвеќе или шише виноrnrnВо оваа фаза не треба да претерате со подароците, треба да бидете романтични, но во умерена доза. Букет цвеќе или пак шише вино е добар подарок со кој ќе го искажете вашето внимание во оваа фаза од врската.rnrnПодарок за него: Уплатете масажа за негоrnrnДенес, речиси секој работи напорно и одвреме-навреме секому му е потребна масажа за релаксација. Затоа, наместо да го масирате вие, подарете му стручен третман. Со ова ќе покажете дека не сакате да ги брзате работите во вашата врска, но дека сепак внимавате на него.rnrnrn

Заедно сте 2 месеци или помалку

rnСитуација: Сѐ уште не знаете на што стеrnrnПодарок за неа: Не треба подарок, туку може да испланирате некоја заедничка забавна активностrnrnПодарок за него: Истото важи и за негоrnrnАко сте заедно помалку од два месеци, подарокот сѐ уште не е погоден за вас, но тоа не значи дека не можете да направите ништо еден за друг. Испланирајте некоја заедничка забавна, празнична активност и тоа ќе ви биде повеќе од доволно.rnrn