КАФЕ ПАУЗА

Tag: фалење

7 работи што не треба да ги кажувате никому ако сакате да живеете среќен живот

Колку помалку луѓе знаат за вашиот личен живот, толку подобро тој ќе се развива. Среќата ја сака тишината, па ако се пофалите, ќе останете без неа. За да не се случи тоа, овие работи не треба да им ги кажувате на другите луѓе:rnrnrn

1. Никогаш не зборувајте за лошите работи што сте ги виделе

rnСоседите се расправале цела ноќ, човек фрлил камен на напуштено куче, некој не сакал да ѝ отстапи место на бремената жена во автобусот – овие работи ја валкаат вашата душа. Ако го раскажувате лошото однесување на другите луѓе, вие го прифаќате тоа.rn

2. Не наметнувајте им го вашиот животен стил на другите луѓе

rnАко сте верник, не принудувајте ги другите да се молат. Ако сте вегетаријанец, не кажувајте им на другите дека не треба да јадат месо. Ако сте исцелител, не наметнувајте им го вашиот начин на живот на другите. Секој има право да го живее својот живот како што сака.rn

3. Никогаш не зборувајте за вашите добри дела

rn„Не дозволувајте левата рака да знае што дала десната рака“ – секогаш потсетувајте се на оваа изрека кога сакате да кажете некому колку сте „добра“ личност. Добротворноста е знак на милост, но само ако молчите за тоа.rn

4. Не кажувајте никому за вашите планови во животот

rnСонувајќи одредени соништа и планирајќи ги вашите цели, создавате облик на размислување, поткрепувајќи го со енергија. Ако на сите им кажете за вашите соништа и планови, ја раздвојувате таа енергија. Мислата ја губи силата, се распаѓа. Плановите се реализираат и целите се постигнуваат само ако останат тајни.rn

5. Не фалете се колку заработувате

rnАко се фалите за нешто, ќе останете без тоа!rn

6. Ако сте сториле херојско дело, нека биде ваша тајна

rnСпасивте напуштено куче? Му помогнавте финансиски на соседот кој нема приходи? Носете го тоа во вашата душа како медал. Ако кажете некому, златото се претвора во железо.rn

7. Тоа што се случува во куќата, останува во куќата

rnАко зборувате за негативното однесување на вашиот сопруг или за непослушните деца, вие само ги кажувате семејните проблеми, а несреќата ќе се удвои. Ако зборувате за тоа колку ве сака вашиот сопруг, колку се послушни вашите деца – сето тоа ќе исчезне затоа што среќата сака тишина.rnrnПрочитајте кои други тајни не треба да ги кажувате никому.

May 12, 2020
Луѓето кои ги објавуваат нивните физички активности на Фејсбук имаат психички проблеми

Бидете искрени: Колку пријатели имате на Фејсбук кои секогаш објавуваат фотографии од нивната посета на салата за вежбање или од џогирање? Можеби и вие самите го правите тоа.rnrnМожеби делува мотивирачки кога наутро ќе прочитате нечиј статус кој гласи: „Истрчав 5 километри пред работа!“, но тоа може и ужасно да ве иритира во зависност од тоа колку ги мразите исфорсираните емотикони со стегнати бицепси.rnrnrnrnЕдно истражување, спроведено од страна на Универзитетот Брунел во Лондон, имало за цел да открие зошто толку луѓе имаат потреба да ја споделат секоја нивна рутина за вежбање на социјалните мрежи. Резултатите не се баш позитивни, во најмала рака.rn

Тие се зависни од внимание и зголемување на егото

rnСе чини дека луѓето кои секогаш ги објавуваат нивните активности од салата за вежбање или од нивното обично џогирање се нарциси. Според истражувањето, нивната главна цел е да се пофалат за тоа колку време трошат на нивниот изглед. Исто така, наводно овие објави добиваат повеќе Фејсбук лајкови од останатите.rnrnНарцисите многу почесто објавуваат статуси за нивните достигнувања, што е поттикнато од нивната потреба за внимание и валидација од страна на Фејсбук заедницата. Меѓутоа, големиот број лајкови не мора да значи дека на сите им се допаѓа тоа што ги гледаат тие фалбаџиски објави.rn

„Иако според нашите резултати фалењето на нарцисите се исплати, бидејќи тие навистина добиваат повеќе лајкови и коментари на нивните објави, сепак веројатно се работи за тоа што нивните Фејсбук пријатели учтиво ги поддржуваат, додека потајно не ги одобруваат таквите егоистични испади“, вели доктор Тара Маршал, една од истражувачите.

rnПа така, освен ако не правите нешто навистина креативно и необично во вашите физички вежби, воздржете се малку од секојдневните објави на Фејсбук за вашиот прогрес во салата за вежбање. Пријателите ќе ви бидат благодарни.

August 13, 2016
5 работи во врска со вас за кој вашиот дечко им се фали на другарите

Можеби нема да ви каже вас дека го прави тоа, но сигурно нема да се воздржува пред другарите. Ако ја нашол девојката од соништата, ќе сака и редовно да си се фали со вас. Еве за што најмногу.rnrnrn

1. Колку сте нормална

rnВие дефинитивно не сте како другите девојки, а особено не како девојките на неговите другари. Вие стоите цврсто на земја и немате проблеми со тоа што тој излегува сам со другарите.rn

2. Одличниот сексуален живот

rnОва е една од работите со која сите момци никогаш нема да престанат да се фалат, дури ни на постари години.rn

3. Вашите успеси

rnМажите сакаат успешни жени, а кога ќе успеат да добијат таква покрај себе, не престануваат да зборуваат за нејзините постигнувања. И тоа како една таква девојка го одбрала баш него.rn

4. Вашата машка страна

rnМашките секогаш радо би се пофалиле со тоа дека нивната девојка има некои исти хобија со него, на пример играње видеоигри, гледање спортски натпревари и сл.rn

5. Колку ви е забавно

rnМажите често истакнуваат дека обожаваат жени со добра смисла за хумор. Покрај тоа, таквите жените често се спремни и за разни авантури, што е уште еден голем плус. Бидете сигурни дека луѓето околу него знаат колку сте забавно друштво.

May 18, 2015
4 начини да ги дисциплинирате децата без да ги казнувате

Кога родителите мислат на дисциплинирање на своите деца, тоа си го преведуваат во казнување. Но, казнувањето си има своја цена. Тоа прави децата да се чувствуваат лошо и поради тоа не е премногу ефективен метод на воведување дисциплина во нивното однесување. За среќа има методи кои не вклучуваат казнување, а даваат добри резултати при подобрувањето на однесувањето кај децата. Д-р Сузан Хејтлер нуди четири методи преку кои ќе ја остварите таа цел.rnrnrn

1. Превенирајте го негативното однесување

rnАко го превенирате негативното однесување, нема ни да има потреба од дисциплинирање. Децата почнуваат да прават проблеми од две причини: ако се гладни или ако им е здодевно. Давајте им да каснат по нешто на неколку часа и овозможувајте им активности кои ќе ги држат во позитивно расположение. Добар начин за тоа е да создадете рутина. На пример, само еднаш викнете ги да дојдат да ручаат и ветете им десерт ако дојдат веднаш после првиот повик. Ако претходно сте се расправале за тоа кога да јадете, сега тие ќе престанат да се расправаат со вас за тоа.rn

2. Одвлечете му го вниманието

rnКога детето прави нешто што не треба да го прави, како на пример играње со некој кршлив предмет додека сте на гости, немојте веднаш да викате по него. Наместо тоа, обидете се да му го насочите вниманието кон нешто друго при што однесувањето нема да му биде проблематично.rn

3. Објаснувајте му и насочувајте го

rnОбјаснете им каде згрешиле и што треба да направат наместо тоа. Сторете го тоа кратко и јасно. На пример: „Дома не се игра со топка. Топките се за играње надвор“. Или: „Сестрите не се удираат, тие се за да си играш со нив“. Кажете им што треба да направат, затоа што многу ќе ги збуните и налутите ако им забраните нешто, а не ги насочите како понатаму.rn

4. Пофалете ги кога се однесуваат убаво

rnСекогаш кога ќе направат нешто убаво и паметно, пофалете ги за тоа. Ако се фокусирате на тоа, тие ќе ви возвратат со добро однесување. Децата сакаат да бидат пофалени одново и одново.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 26, 2015
Трите фази на вљубување кај мажите

Не е лесно да се дешифрираат чувствата на припадниците на посилниот пол. На почетокот на љубовната романса, на повеќето дами не им е јасно дали нивниот партнер посакува сериозна врска или сака само да се забавува. Повеќето мажи ги кријат своите емоции, но благодарение на говорот на телото и знаците кои ги испраќаат, лесно можеме да препознаеме какви се нивните вистински романтични чувства.rnrnrnrnЗатоа, прочитајте ги клучните фази низ кои поминува машкото срце, пред да го поклони на една жена.rn

Почетна залуденост

rnОднесување: Неговата моќ лежи во неговата самодоверба и во вештината за убедување, а тој сака да се фали пред вас, за да ве импресионира.rnrnГовор на тело: Ова момче има потреба да ве допира кога ви се извинува. Како што ќе почне да ја губи својата моќ, сè повеќе ќе станува загрижен и вознемирен. Забележете ја неговата нервоза која ќе ја прикаже преку засилена физичка активност, провлекување на раката низ косата или лижење на усните.rn

Заљубеност

rnОднесување: Во оваа фаза, тој сака целосно да ви се приближи и да ве вклучи во сите негови активности, без оглед дали станува збор за спортски активности, гледање ТВ-програма или дружење со неговите пријатели. Ќе се откаже од самостојните излегувања, одењето во сала за вежбање или на натпревари, само за да поминува што е можно повеќе време со вас.rnrnГовор на тело: Ве гледа постојано и директно во очи (колку и да сметате дека ова е клише), нежно ве допира, ве гали по главата или ви ја трга косата што ви паѓа во очите.rn

Потполно предавање

rnОднесување: Ако сака до крајот на животот да биде со вас, тоа и ќе ви го покаже. Ќе бара ваше мислење за најважните прашања. Ќе дели со вас буквално сè од својот живот.rnrnГовор на тело: Ќе се однесува како ваш одраз во огледало. Ако вие ја наведнете главата на лева страна, тој ќе ја наведне на десна страна. Ако ја ставите раката во џеб и тој ќе го направи истото. Многу е веројатно дека во еден момент и од него ќе извади и прстен и ќе ве запроси.

July 16, 2013
Добрата страна на модерните седум смртни гревови

Озборувањето, лажењето и суровоста може да влијаат лошо на личноста и да го уништат пријателството, но овие карактеристики во умерени количини може да бидат добредојдени. Овие таканаречени пороци всушност може да ве направат попаметни, поамбициозни и помалку нервозни.rnrnrn

Озборување

rnОзборувањето може да биде клучот за намалување на стресот, но само ако е умерено, а не злобно. Исто така, озборувањето е одличен начин на ослободување на емоциите како што се бесот, фрустрацијата и болката. Во одредена мера, тоа може да го продлабочи односот со одредена личност, на тој начин што самото озборување доведува до споделување на мислењата, а можеби и на заеднички проблем.rn

Љубомора

rnНеверојатно е како љубомората може да ни разјасни многу работи. Ако на Фејсбук дознаете за успехот на вашиот (не)пријател и ако посакате да сте на негово место, тоа не значи дека љубомората влијае лошо на вашата психа. Во тој случај љубомората е позитивна затоа што ја поттикнува вашата амбиција.rnrnrn

Пцуење

rnДури и научно е докажано дека пцуењето ги намалува стресот и нервозата, а со тоа прави и вие да се чувствувате полесно. Извикувањето вулгарни зборови може да ја намали физичката болка, додека нивото на издржливост на болка се зголемува за 50%. Од друга страна, претераното пцуење ги намалува ефектите на редуцирање на болката, па затоа обидете се непристојните зборови да ги сведете на минимум.rn

Суета

rnУмерената суетеност е предност и за самата личност и за другите околу неа. Суетата може да послужи како моќен мотиватор и може да биде причина за нов почеток, како на пример, започнување со фитнес вежби или воведување здрави навики во исхраната. Но, не заборавајте дека не е сè во надворешниот изглед.rnrnrn

Фалење

rnПонекогаш пофалбите се она што најмногу ѝ е потребно на една личност за да напредува. Никој не сака да биде во друштво на фалбаџија, но токму фалењето е дел од стратегијата за нагласување на личните достигнувања. Според стручниот тим на Харвард, фалењето го зголемува нивото на допамин во организмот, што предизвикува исто задоволство како и при водењето љубов.rn

Лажење

rnВистината не е секогаш најдоброто решение. А и малите добронамерни лаги се нешто за што секој би ви простил. Често ги користиме добронамерните лаги за да го задржиме позитивниот однос и да избегнеме бесцелна кавга. Лажеме за другите да се чувствуваат добро и во тоа нема ништо лошо, сè додека лагата е поттикната заради заштита на другите, а не од личен интерес.rn

Суровост

rnДа се биде суров понекогаш е повеќе од потребно, посебно кога се работи за вонредна ситуација. Ако сте гласни и имате многу барања, сигурно немате многу обожаватели, но кога социјалните институции одбиваат да ве заштитат или да ви помогнат, тогаш вреди да бидете по малку сурови за да го добиете тоа што ви следува.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 5, 2012
Зошто е добро да се фалите себеси

Заборавете на скромноста и срамежливоста – ова се резултатите кои се добиени на најновото истражување кое докажало дека за да успеете во животот треба да се однесувате без срам и да се промовирате. Доколку сакате да станете познати и успешни на вашето работно место, ќе морате веднаш да поработите на себепромовирањето, бидејќи со привлекувањето внимание кон вашата работа, ви се зголемуваат шансите за успех. Истражувањето било спроведено од страна на „Mentoring Foundation“ и покажало дека мажите се далеку поуспешни во фалењето од жените.rn.rn

„Жените можат да ви кажат три причини зошто се добри во она што го прават, додека мажите можат веднаш да набројат 10, иако можеби се еднакво квалитетни колку и жените.“ – вели истражувачот Томсон.

rn

„Дел од жените напредуваат во својата кариера кога од време на време ќе се потсетат колку се добри во она што го прават. Тие многу често се склони кон себекритикување, а треба да знаат дека себепромовирањето не значи само фалење, туку истакнување на своите можности со гордост и самоувереност.“ – додава тој.

rnОсвен тоа, жените треба да се потрудат да наметнат авторитет, наместо да чекаат некој друг да го стори тоа. Истражувањето покажало дека себепромоцијата е еден од најуспешните методи за успех и тоа не само на работното место, туку и во полето на љубовта и пријателството.rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 29, 2011