Tag: емоционална интелигенција

Најверојатно едно од првите прашања кое ќе ви падне на ум зошто е неопходна емоционалната интелигенција кога станува за нормален психофизизчки развој кај поединецот. Таа е особено важна затоа што секој од нас сака да воспостави контрола врз сопствениот живот, а тоа е возможно доколку научи како да ги контролира мислите, однесувањата и чувствата.rnrnrnrnНајважни од сите овие три се чувствата бидејќи токму тие ги поттикнуваат вашите мисли и однесувања. Всушност, околу 80% од вашите одлуки и постапки се јавуваат како резултат на вашите емоции. Сепак, важно е да се знае дека чувствата се најтешки за контролирање бидејќи најмалку можете да влијаете врз нив. Затоа е значајна емоционалната интелигенција која претставува способност преку која ќе бидете свесни, но и ќе управувате со вашите емоции.rn

1. Воздржете се од моментално прикажување на емоциите

rnДали некогаш сте реагирале избрзано за време на напната ситуација за веднаш потоа да се покаете? Дали жалите за нешто што сте кажале без да размислите за последиците? Постои начин како да се справите со овие импулсивни реакции, без разлика дали ви се случуваат постојано или одвреме-навреме. Доволно е да го направите нашиот едноставен трик: следниот пат пред да направите некаква избрзана постапка, доволно е да изброите до 10 за да му дозволите на умот да ја процесира одлуката. На овој начин ќе покажете дека сте во состојба совршено да ги контролирате своите емоции.rn

2. Водете дневник

rnЗапишувањето на мислите и чувствата може да придонесе за развој на емоционалната интелигенција. Преку дневникот можете исто така да ја промовирате креативноста и самосвесноста. Нека тоа ви премине во секојдневна навика, без разлика дали ќе ѝ се посветите наутро или навечер. Процесот на пишување сам по себе ќе ве поттикне да размислувате како се чувствувате во тој даден момент, како сте се чувствувале во текот на денот и како воопшто се справувате со вашите емоции.rn

3. Препознајте ги когнитивните предрасуди

rnЧестопати, вашите емоции можат да ве одведат во погрешна насока како резултат на когнитивните предрасуди. Станува збор за опасни грешки при проценувањето на дадена ситуација што можат да ве натераат да донесете лоши одлуки како во професионалниот така и во личниот живот. Обидете се да ги надминете ваквите предрасуди така што ќе им пристапите од сосема поинаков агол.rn

4. Размислете за вашиот однос кон другите

rnЗа полесно управување со вашата емоционална состојба, анализирајте ги секојдневно вашите емоции при комуникацијата со другите. Направете пауза и размислете што можете да научите за себе за време на овие интеракции. Секако, не заборавајте дека е важно да се воздржите од моменталното покажување емоции, особено додека не научите добро да се контролирате.rn

5. Развијте ја способноста за активно слушање

rnМногумина слушаат без всушност да слушаат за она што се зборува. Таквата ситуација е сосема вообичаена, особено за време на расправии, кога луѓето заземаат борбен став и го поминуваат времето барајќи одговор во својот ум, наместо навистина да го слушаат соговорникот. Вештината за слушање и емоционалната интелигенција се клучни за решавање конфликти. Кога разговарате со другите, слушајте активно за да се осигурите дека добро го разбирате она за што се дискутира.rnrnОткако ги прочитавте нашите совети за развој на емоционалната интелигенција, можеби ќе сакате да направите и едноставен тест што ќе ви открие колку е висока вашата емоционална интелигенција.rnrnИзвор: lifehack.org

Емоционалната интелигенција е популарен термин често употребуван во разговорите за успешна комуникација и одржување на долготрајни и здрави социјални односи. Развивањето на ваквата интелигенција е важно доколку сакате да имате успешна социјализација, подобро да ги разбирате другите и себеси, како и да бидете полни со емпатија. Таа претставува способност да се биде свесен за своите емоции како и нивно регулирање, а присутната емпатичност значи дека сте свесни за емоциите и реакциите на луѓето околу вас. За среќа постојат неколку практични начини со кои можете да го подигнете нивото на емоционалната интелигенција уште денес. Со тоа ќе станете уште посвесни и ќе ги подобрите односите со другите. Прочитајте ги во продолжение советите што ги даваат психолозите за прагматичното зголемување на овој вид интелигенција.rnrnrn

1. Кога ќе се почувствувате лошо не го занемарувајте тоа

rnПонекогаш се случуваат неубави работи како што се раскинување на врска или напорен состанок на работа, па кога ќе појдете дома и сте преплавени со чувства се обидувате да си го одвлечете вниманието со нешто друго. Не ги замрзнувајте емоциите бидејќи на тој начин ја исцрпувате емоционалната интелигенција. Постојат многубројни начини за да ги занемарат емоциите. Посегнувањето по лекови или алкохол, гледањето телевизија, социјалните медиуми и храната за да ги заобиколите сопствените емоции може да биде навика од која тешко се одвикнува. Кога ќе добиете импулсивен порив да посегнете по некој од овие механизми за ослободување на стрес, прашајте се себеси зошто сакате да избегате од емоциите што се во вас. Откако еднаш ќе ја сфатите причината, признајте ја и после тоа донесете одлука како ќе се чувствувате.rn

2. Водете дневник

rnСекојдневното пишување записи е еден вид форма на проникнување во себеси и одлична алатка за да ја стимулирате сопствената свесност, но индиректно и емоционалната интелигенција. Предлог теми на кои може да пишувате:rn

rn 011
• Кои лекции ги научив?

rn 011

• Кој беше мојот денешен предизвик?

rn 011

• Колку растев денес?

rn 011

• Што научив за себе денес?

rn 011

• Што научив за другите денес?

rn

rn

3. Правете емоционални проверки

rnПериодично проверете го вашето емоционално доживување. Наместете го алармот во текот на денот и проверете ги своите емоции. Прашајте се: „Што чувствувам?“ Станете љубопитни за вашите чувства и прашајте се: „Која е причината за овие чувства?“ Развивајте ја љубопитноста за вашите емоционални доживувања и почнете да правите разлика помеѓу вашите мисли и емоции.rn

4. Практикувајте уважување на туѓите емоции

rnНаучете да ги уважувате емоциите на другите луѓе бидејќи тоа значи дека сте способни да идентификувате што чувствува личноста и зошто тоа чувство има смисла врз основа на тоа низ што поминува индивидуата чиишто чувства се обидувате да ги разберете.rnrnКога комуницираме и уважуваме тогаш навистина ги разбираме емоционалните доживувања на другите. Не мора секогаш да се согласувате со нечија емоција за да сфатите зошто таа се појавила. Постои разлика помеѓу „Разбирам како се чувствуваш“, „И јас се чувствував исто кога бев отпуштен“ и „Можам да претпоставам колку си се чувствувал збунет затоа што твојот шеф никогаш не те предупреди за однесувањето“.rn

5. За време на разговорот обидете се да го копирате однесување на соговорникот

rnКога разговарате со некого повторете го тоа што сте го слушнале. Често мислите дека некого сте го слушнале, но не сте го разбрале. Со повторување со свои зборови на она што некој ќе ви го каже можете да му ставите до знаење дека слушате и сакате да разберете убаво. Колку повеќе вежбате за идентификување на туѓите емоции и правите проверки дали сте во право, толку подобри ќе бидете во тоа.rnrnОткако ќе ги практикувате овие 5 методи, можете да продолжите со работење на вашата емоционална интелигенција и да навлезете во нејзините длабочини со практикување на медитација или со посета на достапни тераписки сеанси. Кога еднаш ќе почнете да ја проширувате својата свесност, ќе забележите дека полесно ја идентификувате емоционалната интелигенција кај другите. Развивањето на овој вид интелигенција истовремено претставува убав, сложен, но и ранлив процес.rnrnПрочитајте ги и овие корисни совети за подобрување на емоционалната интелигенција.

Постојат некои работи кои интелигентните личности не ги прават, а тие во принцип се игнорирање и потиснување на емоциите. Но, постојат и работи кои прават, по кои можете да ги препознаете, како на пример, нивното однесување кон другите, а и кон самите себе.rnrnrn

Премногу се самосвесни

rnОва не значи дека тие целосно се свесни за своите чувства и дека знаат како тие влијаат, не само на нив, туку и на другите луѓе. Тие не дозволуваат да влезат во ефект и никогаш не ги игнорираат своите чувства – не реагираат непромислено и безобѕирно, иако одлуките ги донесуваат со разумот, а не со срцето. Нивното срце и понатаму е мудро и дава одговори на ситуации без да навлезе во стапицата на гневот или драмата и патетиката.rn

Ги вреднуваат чувствата на другите

rnЕмоционално интелигентните личности се многу сочувствителни, но тоа не значи дека лесно се сожалуваат кон некој, туку тие разбираат како некој се чувствува и според тоа го прилагодуваат своето однесување. Освен тоа, кога некој забележува дека другата личност ја разбира и почитува, веднаш станува прибран и спремен за соработка.rn

Тие управуваат со своите чувства

rnБидејќи се свесни за своите чувства, тие можат да ги контролираат доколку се несоодветни во некоја ситуација или можат да им наштетат. Исто така, тие забележуваат кога некој се обидува да манипулира со нив или да им наметне чувство на вина и не дозволуваат никој да управува со нивните чувства.rn

Не се чувствуваат како жртви

rnБидејќи свесно ги контролираат своите чувства, тие никогаш не ги обвинуваат другите доколку се чувствуваат лошо, тие ги прифаќаат и се носат со одговорностите за своите чувства, акции и својот живот. Помеѓу емоционално интелигентните личности, нема да пронајдете личност која постојано се жали, која ги тормози своите пријатели со своите проблеми (секогаш истите) и кои се незадоволни со својот живот.rn

Реални се и скромни

rnНа овие личности не им претставува проблем да бидат скромни. Тие се самосвесни, се чувствуваат добро во своја кожа, ги познаваат своите вредности и маани и немаат никаква желба да се докажуваат, фалат или пак да триумфираат над некого – не запаѓаат во замката на егото, и нивната скромност е вистинска. Умеат да ги прифатат пофалбите кои ги заслужуваат и се радуваат на сопствениот успех, исто како што умеат да се радуваат на туѓиот успех и да даваат комплименти.rn

Прават баланс меѓу својот внатрешен и надворешен свет

rnТие знаат дека нивниот внатрешен свет и внатрешната реалност може да ги доведе до нездрава длабочина – ја знаат замката на сопствената реалност и затоа постојано одржуваат баланс помеѓу она што го чувствуваат и она што се случува околу нив. Тие се во состојба да останат реални и да препознаат кога стануваат нереални.rn

Секогаш ги интересира причината

rnНикој не се однесува лошо затоа што се чувствува добро – нив ги интересира причината, па затоа истражуваат, размислуваат и се обидуваат да се разберат себеси и другите. Бидејќи кога разбираат зошто се чувствуваат на некој начин во одреден момент, тогаш можат подобро да го контролираат своето однесување и да ги решат проблемите онаму каде што настанале.rn

Се спротивставуваат само онаму каде што е потребно

rnЕмоционално интелигентните луѓе ги бираат своите битки и не се впуштаат во конфликти без причина. Помеѓу нив нема личност која обожува да збесне и да се расправа. Но, кога се впуштаат во расправија, остануваат реални, разумни, коректни и чувствителни, за да не ја преминат границата и да не кажат или направат нешто што би ги деградирало или повредило другите.rn

Умеат да одбијат

rnУметноста на одбивањето е лекција која можеме да ја научиме од емоционално интелигентните личности. Ваквите личности умеат да одбијат предлог или понуда која не им одговара, на начин на којшто нема никој да навредат и да направат да се чувствува лошо.rnrnДознајте и дали имате висока емоционална интелигенција со одговарање на овие прашања.

Емоционалната интелигенција ја дефинира нашата способност да ги разбереме своите чувства и да управуваме со нив, но и да се снајдеме со чувствата на луѓето околу нас. Според психолозите, многу е важна за односите со блиските, но и на професионален план. Доколку сакаме да се развиваме на емотивен план, добро е да се знае и дека овој вид интелигенција може да се надградува и унапредува, особено со следење на следниве совети…rnrnrn

1. Подобрете ја својата способност за издржување негативни емоции

rnНие сме она што го мислиме и чувствуваме, па токму затоа најважен аспект на емоционалната интелигенција е мудрото контролирање на негативните емоции. Секоја личност треба да знае како да не им дозволи да го преполнат и да влијаат на разумното расудување. Можно ли е да ги промениме своите емоции во врска со некои случки или ситуации? Секако, но само доколку го промениме и мислењето за таа ситуација.rn

2. Потрудете се да останете присебни дури и под притисок

rnСтресовите се секојдневна појава и влијаат на сите нас, па затоа потребно е да се применува некоја техника за контрола на импулсивноста. На пример, најстар совет во ваков случај е броењето до 10, со цел да избегнете да кажете нешто непромислено. Обидете се да не реагирате ниту премногу офанзивно, ниту пак да се повлекувате и депримирате. Кога наеднаш сте преплавени од многу емоции и не сте во состојба да ги разграничите, обидете се да се смирите, поминете неколку минути на сонце или во природа и веќе по кратко време ќе знаете како да си ја олесните новонастанатата ситуација.rn

3. Научете да ги читате сигналите

rnЛуѓето кои поседуваат висока емоционална интелигенција имаат и напредна способност за толкување на емотивните, физичките и вербалните изрази, а со тоа се и подобри во комуникацијата. Не носете заклучок врз основа на првиот впечаток. Проширете ги своите перспективи, за да бидете подобар „читател“ на социјалните сигнали. Добро е да бидете отворени и искрени, па ако нечии сигнали не ги разбирате, прашајте ја личноста зошто се однесува така, па донесете заклучок врз основа на одговорот, но и на однесувањето и говорот на телото.rnrnrn

4. Научете да изразувате и негативни емоции

rnСекоја личност треба да постави граници и да научи да каже „не“ кога со нешто не се согласува. Вашите приоритети се најважни за вас, па затоа и другите треба да знаат како се чувствувате во дадена ситуација. Запомнете само дека не смеете да настапите со обвинувачки став, туку со опис на тоа како ситуацијата влијаела на вас.rn

5. Научете да изразувате емоции во блиските односи

rnНежностите и изразувањето блискост се вештини кои треба да се учат и совладаат. Не е доволно само да кажувате убави зборови, туку и од вашата боја на гласот, погледот и насмевката да се читаат чувствата кои ги негувате кон некого. Бидете поддршка за оние кои се повредени, израдувајте ги пријателите со ситни подароци или подгответе оброк за вашето семејство. Покажете им на сите кои ви значат дека сакате вашиот однос да биде уште поблизок.rnrnПроверете и дали погрешно ги толкувате вашите емоции.