КАФЕ ПАУЗА

Tag: елеганција

9 безвременски парчиња кои ќе ве воведат во пролетта

Првите пролетни денови се најчесто најнепредвидливи кога станува збор за временската прогноза. Па така, многу е тешко да се одлучиме што да облечеме. Затоа е многу важно да имате парчиња од кои можат да се извлечат голем број комбинации и лесно се наслојуваат. Ако не сте сигурни што точно да носите сезонава, се надеваме дека овие идеи ќе ви помогнат. rn

1. Тексас кошула

rnТексас кошулата има малку потешка текстура, што значи дека е од подебел материјал отколку лесната оксфордска. На потопли денови засукајте ги ракавите, а за поладни носете ја под џемпер. rn

2. Фустан со долги ракави

rnАко имате силна потреба да носите убави фустани истата секунда кога пролетта ќе тропне на вратата, но се плашите од студот, тогаш одлична идеја е фустанот со долги ракави. Препорачливо е да биде памучен за да ве држи стоплени. Ако сепак ви е ладно, додадете кардиган или волуменозна тексас јакна. rn

3. Зашилени рамни обувки

rnСигурно веќе ви е смачено од високите чизми и едвај чекате да ги прошетате новите летни сандали. Но, времето ви ги попречува плановите. Па, затоа одберете пар зашилени рамни обувки. rn

4. Мантил

rnНе постои дел од облеката на кој повеќе му одговара терминот „безвременски“. Наједноставно, најелегантно и најлесно. Овие три збора нека ви бидат мантра при следниот шопинг. rn

5. Блуза на риги

rnСѐ одговара кога станува збор за класиката. Едноставно парче кое лесно се комбинира со сѐ почнувајќи од ѕвонарки и папучи, до здолниште во А-линија за во канцеларија, шорцеви и сламен шешир за кежуал излегување. rn

6. Кардиган

rnНека удобниот кардиган ви биде најдобар пријател оваа пролет. Изберете некој во светла нијанса кој ќе ве топли во ладните денови. rn

7. Пантолони до глужд

rnОвие пантолони изгледаат одлично на сите жени без разлика на нивната висина. Бидејќи сѐ уште е ладно за шорцеви и здолништа ова е одличен начин суптилно да покажете малку кожа. rn

8. Војничко палто

rnГолема среќа е што војничкиот стил е многу популарен за претстојната сезона, но претходните неколку години ова парче беше толку носено што стана дел од класичните парчиња кои мора да ги поседуваме. Според нас, ова парче најдобро изгледа кога е споено со женствени парчиња. rn

9. Свилена марама

rnСакате да избегнете ладно време, но не сте расположени за тежок волнен шал? Заврзете убава свилена марама околу вратот. Освен што е еден од најголемите трендови на сезонава, ова е парче кое дефинитивно си го заслужило местото во безвременските класици. Само погледнете ги пинап девојките од 50-тите. Безвременско. rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 26, 2015
Предлози и идеи за носење капчиња и шешири оваа сезона

Шапките се посебен моден додаток кои би требало да имаат задолжително место во сечиј плакар. Додаваат свежина и го разигруваат изгледот. Тие се најдобриот моден додаток кој повторно се враќа во мода оваа сезона. Можат да изгледаат елегантно и софистицирано, но и секојдневно и релаксирано. Плус, тие се најдобриот избор кога вашата коса е во лоша состојба, а ве мрзи да ја средувате. Еве неколку предлози и идеи како да ги носите, а одговараат на сечиј вкус.rnrnrn

Предлози:

rn

1. Бејзбол капче за спортски шик

rnБејзбол капата со патики, маичка и фармерки е одлична идеја ако целите кон секојдневен изглед. Исто така, ако сакате да направите некој посвечен изглед да изгледа порелаксирано или поспортски, едноставно додадете вакво капче.rnrnrn

2. Елеганција со шешир со широк обод

rnАко носите нешто малку посвечено, како на пример елегантно здолниште со кроп топ или монохроматска комбинација, тогаш спојте го со интересен шешир со широк обод. Комбинирајте со чизмички или високи потпетици за нагласување на елеганцијата.rnrn rn

3. Плетена капа за сите сезони

rnОвој вид изгледа добро со толку многу комбинации што може да се носи во сите годишни времиња. Во комбинација со патики, маичка и бојфренд фармерки изгледа совршено и релаксирано. Наметнете сако или јакна за пошик изглед.rnrn rn

4. Сламен шешир за на плажа

rnГолем шешир кој го прекрива лицето од штетните сончеви зраци е единственото нешто кое ви е потребно во текот на летните месеци. Лесните шешири се одличен избор заедно со макси фустан. Исто така, сламената федора е супер за жежок летен ден со сандали, слатка маичка или тексас кошула и шорцеви. Или пак доволно е само костим за капење.rnrn rn

Изгледи:

rn

Изглед бр. 1: Модерен комфор

rnХеланките од скај се одлично надополнети со џемпер во неонска боја кој додава малку колоритност на црната комбинација. Балетанките и палтото со силно изразена текстура додаваат малку шмек на целокупниот изглед. Важно е да балансирате со изгледот кога носите шапка бидејќи не сакате да изгледате како новогодишна елка.rnrnrn

Изглед бр. 2: Софистицирана дама

rnФустан со федора шешир е комбинација со која никогаш не можете да погрешите. Тесните хулахопки со едноставниот фустан изгледаат одлично кога се носат со зашилени полу-чизмички за софистициран, но сепак секојдневен изглед.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 24, 2015
Водич за носење машки оксфордки

Оксфордките се задолжителен дел од гардеробата на секој маж кој сака да изгледа за нијанса поелегантно од другите во каква било прилика. Прочитајте ги овие совети за да знаете во која ситуација за каков пар треба да се одлучите со цел да изгледате одлично.rn

Според приликата:

rn

1. За формални прилики

rnОксфордките се совршени за комбинирање со елегантна облека која овозможува поформален изглед. Во приликите кога дрес кодот ви го налага тоа, не можете да згрешите со нив. Ќе изгледате елегантно кога носите струкиран триделен костум со црни оксфордки. Гледајте сакото да има џеб и вратоврската добро да ви одговара.rnrnrn

2. Кежуал варијанта

rnОксфордките одговараат и кога сакате да постигнете секојдневен кежуал изглед кој малку ќе отскокнува од другите. Носете ги со фармерки и блејзер и гледајте ногавиците да не го покриваат горниот дел на чевлите. Похрабрите можат и малку да ги подвиткаат панталоните за да им се гледаат чорапите.rnrnrn

Според бојата:

rn

1. Темно кафеави оксфордки

rnТие се совршен избор за комбинирање со сив, темно син или темно кафеав костум. Ваквата боја ќе направи да се издвојувате од другите.rnrnrn

2. Светло кафеави оксфордки

rnТие се одличен избор за речиси секаква облека. Добро одговараат со фармерки и чино панталони во опуштена варијанта.rnrnrn

3. Црни оксфордки

rnКомбинациите со црни оксфордки додаваат елеганција на вашиот изглед. Тие се очигледниот избор за формални прилики, како што веќе споменавме.rnrnrn

4. Уникатни оксфордки

rnПохрабрите можат да си купат и еден пар оксфордки со уникатен изглед. Оние со броги или уникатна текстура се интересен избор.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 14, 2015
3 совети за да изгледате елегантно без да потрошите многу пари

Елеганцијата е поим со кој секоја жена би сакала да биде опишана. Може да се однесува на облеката или на културно однесување. Без разлика како ќе биде дефинирана, кога станува збор за модата има мали недоразбирања околу овој термин, односно жените мислат дека мора да потрошат апсурдни суми пари за да изгледаат елегантно. Овие совети ќе го скршат таквиот мит и ќе ви заштедат многу пари.rnrnrn

1. Обратете внимание на кројот

rnБез разлика на тоа колку многу или колку малку трошите на облека, ако има лош крој, тоа парче не е за вас. Блузите со преголемо деколте, пантолоните со премногу кратки или премногу долги должини и маичките кои не стојат добро во пределот на рамениците се навидум мали причини кои носат големи проблеми во вашиот целокупен изглед. Ако не сте сигурни од каде започнете, консултирајте се со најдобрата пријателка или продавачката во продавницата.rnrnЗапомнете и дека бројот на парчето не е константен – различни брендови и дизајнери имаат различен начин на нумерирање, па затоа бидете отворени кон можноста да пробате облека во двојно поголем или помал број од онаа која мислите дека ја носите. Колку подобро ви стои парчето, толку повеќе ќе го носите и толку подобра инвестиција сте направиле. Ако мислите дека добро ви стои, но не сте целосно сигурни, не губете надеж. Поголемиот број жени нема да најдат облека која точно во моментот на пробата им стои совршено. Не се плашете да побарате помош од кројач кој ќе направи мали и евтини промени на парчето за тоа да добие совршен крој.rnrnrn

2. Квалитет, а не квантитет

rnЕдна од најважните работи кај елеганцијата е што таа подразбира добро склопен и дотеран изглед во кој парчињата се со голем квалитет. Фокусирајте се на високо квалитетни материјали кои му лежат добро на телото. Рабовите мора да бидат совршени, здолништата и јакните да имаат постава и хулахопките или чорапите да бидат од материјал кој не изгледа премногу светкаво или нееднакво кога ќе се оптегне на ногата. Барајте парчиња кои се направени од природни материјали како волна, свила и памук. Ова е особен предизвик при шопингот бидејќи денес во центарот на вниманието е масовната и брза мода која се менува додека трепнеш.rnrnИсто така, продавниците многу повеќе се ориентираат кон евтини парчиња со низок квалитет кои веќе следната недела ќе бидат заменети со други. Подеднакво важно е да го запомните ова и во продавници кои се од повисока класа, бидејќи не мора да значи дека квалитетот на парчето таму ќе биде подобар. Без разлика каде купувате, добро истражете го парчето пред да го купите. Освен тоа што треба да ви се допаѓа изгледот, да ви биде пријатно на допир и добро да ви стои, треба да знаете и дека тоа ќе ви трае повеќе од една сезона. Скапото парче кое се плашите да го облечете не е добра инвестиција. Скапото парче кое ќе го носите следните 10 години и кое ќе зафаќа место за четири поевтини парчиња е добра инвестиција. Заштедете повеќе со тоа што ќе купите помалку.rnrnrn

3. Намалете со додатоците

rnКоко Шанел рекла: „Пред да излезете од дома, тргнете го првото нешто што ќе го видите на вас во огледало“. Тоа може да биде алка, прстен или марама. Важно е да го тргнете тоа бидејќи така ќе го спречите „ефектот на новогодишна елка“ и ќе одржувате баланс во изгледот. Бидејќи сепак ова го кажува жената според која „девојките треба да се две нешта: елегантни и неверојатни“ ова е можеби е најдобриот совет на сите времиња. Сведувањето на модните додатоци на минимум ќе направи да изгледате софистицирано и со вкус. Армијата од алки кои вообичаено ги носите во дискотека, овој пат оставете ги дома. Наместо нив одберете ѓердан или обетки, но никако двете. Ако веќе морате да ги носите и двете, нека бидат деликатни и едноставни за да имате баланс во изгледот и да не привлекуваат премногу внимание.rnrnДодека накитот не мора да биде скап, дефинитивно мора да изгледа како да чини голема сума пари. Постојат многу дизајнери на накит кои нештата што ги создаваат изгледаат толку реално, што дури и професионалниот златар не би можел да препознае разлика. Тајната е во балансот: малите обетки нека бидат еден карат до два, а златните и сребрени парчиња треба да бидат со средна големина (читај: реална) и да изгледаат остро, светкаво и елегантно. Ако сакате да носите марама, одберете некоја направена од луксузен материјал, или некоја што барем така изгледа. Постојат голем број малопродажни дизајнери од кои за да купите вистински 100% мерино или кашмир шал ќе ве чини многу помалку за разлика од тоа ако го купите од дизајнерска куќа. Уште еднаш, тајната е да се фокусирате на квалитетот на материјалот, а не на брендот кој го создал парчето.rnrn

February 26, 2015
Беж фустан: 3 секси начини дa го извлечете максимумот

Фустаните во бежови нијанси се можеби и најпопуларното парче облека кое секоја девојка го има. Во текот на последниве 10 години, бежовите фустани преминаа од тренд во класика и го задржаа своето место во женските плакари насекаде во светот. Но, иако се веќе класика, сепак тие може да претставуваат предизвик кога станува збор за нивно комбинирање.rnrnrn

1. Одберете ја соодветната боја

rnМожеби најважното нешто кај бежовите фустани е погодувањето на точната нијанса која ќе соодветствува на бојата на вашата кожа.rnrnПостојат 3 категории за бојата на кожата на луѓето: светла, темна и неутрална.rnrnЗа да одредите во која категорија спаѓате, погледнете ги вените на внатрешната страна на раката, поточно оние кај зглобот. Ако вените изгледаат сино или виолетово, вие имате светла кожа. Кај оние со потемна нијанса, вените изгледаат зеленикаво, а кај неутралните потешко се одредува дали се сини или зеленикави.rnrnАко со ваквиот тест сѐ уште не можете да ја одредите бојата на кожата, консултирајте се со мејкап артист, кој дефинитивно го има одговорот на ова прашање.rnrnТие со светол тен изгледаат одлично во бледо син фустан со розово-бежова основа. Оние пак со потемен тен треба да се насочат кон пожолтеникави нијанси. А пак за оние среќнички со неутрален тен изборот е огромен.rnrnКога не сте сигурни дали фустанот ви прилега, пробајте го. Нема друг начин да проверите дали ви одговара бојата освен ако не го пробате.rnrnrn

2. Задржете малку мистерија

rnАко сакате успешно да го носите ваквиот фустан треба точно да знаете кога да откриете, а кога да оставите малку на фантазијата.rnrnПо дефиниција, голиот (nude) фустан дава илузија дека сте голи. Сфатете го ова како предлог дека голотијата сама по себе е стилски детаљ, без разлика што сметате дека е соодветно деколтето, кратката должина на фустанот или отворениот грб.rnrnДури иако истиот фустан со истите елементи изгледа одлично во друга боја, голиот фустан наместо убаво може да изгледа многу кичесто. За да изгледате елегантно и софистицирано одберете фустан кој малку ја открива кожата. Ако има деколте, тогаш должината на фустанот нека биде под колениците. Ако е краток во должина нека биде покриен во горниот дел. Клучот е во балансот помеѓу елеганцијата и кичот.rnrnrn

3. Користете аксесоари за стилски да ја оживеете комбинацијата

rnМодните ентузијасти често инспирацијата ја наоѓаат во боите и шарите на облеката. Иако е примамливо да се држите до лесни додатоци кога носите бежови фустани, всушност имате многу поголем избор кој воопшто не ве ограничува. Ваквиот фустан е како празно платно кое чека да биде украсено со додатоци.rnrnЗа женствен изглед едноставниот накит изгледа одлично. Но, тој и не е единствената опција. Ако носите беж фустан со женствени детали како набори или карнери одберете повпечатлив накит во црна боја, со кожни или метални акценти. Можеби токму тоа ви е потребно за да преминете од слатка девојка во секси заводница.rnrnСпојот на гол фустан со накит во јаки бои како црвена (видено на ревиите од Валентино) е одличен начин да се истакнете и на класиката да ѝ додадете модерна еклектика.rnrnИ бежовите нијанси исто така изгледаат одлично кога е во комплементарна боја со таа на фустанот така што се создава суптилен монохроматски колор-блок ефект.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 14, 2014
Моден Викенд Скопје, есен/зима 2014: Спој на елеганција, гранџ и авангарда

Фотографија: Христина ТрајкоскаrnrnНа 10-тото јубилејно издание на Модниот Викенд Скопје, имаше бројни познати македонски имиња, но и такви кои за првпат се претставија во рамките на FWSK. Панк и гранџ, софистицираност и елеганција, авангарда и футуризам се само дел од епитетите кои го опишуваат овогодишниот моден викенд.rnrnrnrnВо продолжение – дел од она што го забележа нашиот тим на настанот.rn

Јован Петровски

rnПанкот и антикомформизмот се токму она што најдобро ја опишуваат оваа колекција. Богатите материјали кои претежно доминираа во темните нијанси, експлозивната сина и виолетова боја, кожните пантолони и мартинките одлично ја доловија панк сцената од 90-тите. Спротивно на тоа, чистите силуети, залижаните ниски репчиња, кошулите во комбинација со тесни здолништа покажаа дека жената може да изгледа професионално, а сепак да ја изрази нејзината бунтовна страна. Минималистички накит во комбинација со течен ајлајнер кој ги украсуваше очите на бројните манекенки како и side-cut фризурите ја направија оваа колекција драматична. Интересните кошули со странични јаки и предни исечоци како и сакоа-елеците донесоа еден вид револуција во светот на модата и го подигнаа нивото на ексцентрика. Преку неговата облека, Петровски нѐ врати во времето на 90-тите и нѐ натера да се побуниме на системот.rnrnrnrn

rnrn rn

Јована Филоповиќ

rnВизијата на Јована Филиповиќ за модерната жена се граничи помеѓу бизнис-шик и грчка божица. Фустани во грчки стил со елегантна текстура и богати бои како златна, бела и црна одлично ја исцртуваа женската силуета. Материјалите варираа од лесни, лелеави и проѕирни, до тешки и густи во мрачни бои како виолетова и црна. Манекенките имаа ретро локни и високи репчиња со едноставна шминка која совршено ги истакнува карактеристиките на женското лице. Светкавите марами и деталите на убавите капути го вратија гламурот на голема врата, а елеганцијата и софистицираноста се главна причина кои прават оваа колекција да им парира на светските дизајнери.rnrnrnrn

rnrn

October 28, 2014
4 комбинации совршени за есенски состаноци

Есенската гардероба може да биде навистина скапа. Зборуваме за јакни, чизми, марами и џемпери, што по крајот на летото доаѓа како потешкотија на личниот буџет.rnrnЕсента е романтична сезона, па доколку се подготвувате за состанок еве како може да изгледате прекрасно без да потрошите многу пари на облека.rnrnrn

1. За пладневен состанок

rnДоколку со вашиот партнер или потенцијален иден партнер имате пладневен состанок, еве како да изгледате чик без да изгледа дека сте вложиле многу труд во својот изглед. Искомбинирајте летно фустанче, дебели хулахопки (доколку сте смели и сакате по малку екстравагантност може хулахопките да бидат во впечатлива боја различна од боите на фустанот), чизмички до глужд и марама. Доколку денот е поладен може да одберете и тексас палто или кожна јакна.rnrnrn

2. Уличен стил

rnДоколку по природа не сте личност која сака луксуз туку преферира опуштеност, искомбинирајте широки фармерки и обична еднобојна маичка. Продолжете со долга туника или наметка, или пак џемперче доколку е поладно. Плетеното капче и ниските чизми совршено го завршуваат изгледот.rnrnrn

3. Елегантност за формалните состаноци

rnСпротивно на претходната комбинација, еве како да ја истакнете вашата женственост и чувство за префинетост. Овој изглед во основа е минималистички, еднобојна долга сукња и маичка на прерамки. Но, префинетоста е во деталите. Одберете темен лак за нокти во впечатлива боја и големо парче накит како впечатливо ланче кое е совршено за оваа пригода. За обувки може да одберете ниски сандали или пак затворени балетанки доколку температурите се пониски.rnrnrn

4. Спортски состанок

rnМожеби на вашиот прв состанок ќе одите на натпревар, и се разбира целиот изглед е поопуштен, но сепак важно е да се чувствувате добро во своја кожа. Тесни фармерки и обична црна блуза со долги ракави се одличен избор за оваа пригода. Одберете спортско капче, еднобојна марама и патики со принт.rnrn

October 10, 2014
Како да го копирате летниот стил на единствената Одри Хепберн?

Одри Хепберн останува непресушна модна инспирација, па со отворањето на летната сезона во нашите плакари неизбежно би помислиле токму на неа. Нејзината елеганција, едноставност и префинетост е пример за тоа што значи да се биде модна икона. Еве како да го копирате летниот стил на Хепберн.rnrnrn

Бродска дама

rnИскомбинирајте шорцеви со висок струк, лесна кошула без ракави и ниски сандали со ремчиња. Толку едноставно и префинето. Токму затоа го сакаме стилот на Одри.rnrnrn

Слатка девојка на плажа

rnЗа да креирате класичен и безвременски изглед искомбинирајте шорцеви со вертикални риги, еднобојна маичка на прерамки и еднобојни балетанки.rnrnrn

Класично и женствено

rnДојде време за аксесоарите. Како основа за овој изглед одберете едноставен еднобоен краток фустан и привлечете внимание со аксесоарите. Искомбинирајте марама со дезен со точки, мали округли обетки, очила со мачкест облик, каиш во иста боја со марамата и голема чанта.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

July 4, 2014
Спортски стил и елеганција во само неколку чекори

Широки панталони, удобна јакна, патики… Зарем има нешто поубаво и полежерно од спортскиот стил? Доколку сте подготвени да ја прикажете и оваа ваша страна, погледнете ги неколкуте предлози, што ќе ви помогнат да го направите тоа на најуспешен начин.rnrnrn

1. Мешањето стилови е најважно

rnПред да преминеме на конкретните предлози, мора да напоменеме дека најважното нешто за спортскиот стил е мешањето стилови, односно спортски парчиња облека со шик, женствени и елегантни додатоци. А еве кои се спортските парчиња облека кои се совршена подлога за постигнување на посакуваниот ефект.rn

Спортска јакна

rnrnrnНајлесен начин за постигнување на спортско-елегантниот изглед е спортската јакна. Добар избор би биле женските јакни од Најк или Адидас. Лесно се комбинираат и одлично би се вклопиле со шорцеви, здолниште, фустанче или секако, фармерки.rn

Лежерни панталони или шорцеви

rnrnrnСекоја лежерна варијанта на панталони или шорцеви е одличен избор за постигнување на овој изглед. Може да ги комбинирате со палто во строги линии и тесни топ маички.rn

Спортски фустан

rnrnrnЗарем постои девојка која не сака фустан? За фустанот навистина да може да се вклопи во спортскиот стил, потрудете се да биде поедноставен и не премногу елегантен. На пример, може да одберете фустан, налик на спортски дрес, кој со штикли ќе изгледа навистина интересно.rn

Патики

rnrnrnПатиките се неизбежен дел. На пример, убави тренерки, спортско палто и кратка прилепена маица би биле супер комбинација. Секако комбинациите со кратки сукњички или жешки пантолончиња се тотално секси со патики.rn

2. Соодветни модни додатоци

rnКога станува збор за спортско-елегантниот стил, во никој случај не смеете да ставите златни обетки или чанта со строги линии. Следниве модни додатоци би биле најдобриот избор.rnrnrn

Ранец

rnРанецот секогаш е добра опција. Не само што изгледа симпатично и удобно, туку и внатре имате доволно простор за сите неопходни работи.rn

Платнена чанта на едно рамо

rnПлатнената чанта на едно рамо е уште една добра опција. Најдобро е да одберете некоја еднобојна и поедноставна, наместо шарена и со многу детали.rn

Бејзбол капа

rnБејзбол капата е најдобар начин за постигнување на спортскиот изглед пред сѐ. Ги има во огромен број форми и дезени, така што нема да ви биде тешко да го направите вистинскиот избор.rn

3. Едноставна фризура

rnЕдна од најдобрите работи за овој стил е тоа што не бара комплицирани фризури. Правилото кое важи за косата е: колку поедноставно, толку подобро. Пунџичка, високо опавче, високо странично опавче, опавчиња со плетенки, совршено би се вклопиле во ваквиот изглед.rnrnrn

4. Минимална шминка

rnЗарем би отишле во вежбалница со тон шминка на вас? Секако дека не! Нека шминката ви биде минимална. На очите не ставајте ништо, освен малку маскара. Светла нијанса на кармин или сјај и малку руменило би било сосема доволно за овој стил на облекување.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

June 16, 2014
Најпознатите мудрости за модата и стилот

Автор: Софија СионоваrnrnДизајнерите се сметаат за неверојатно креативни луѓе, но освен со материјалите тие добро се снаоѓаат и со зборовите.rnrn
rn

„Пред да излезете од домот, погледнете се во огледало и отстранете еден моден додаток.“ – Коко Шанел

rn

„Дајте ѝ ги на жена вистинските чевли и таа ќе го освои светот.“ – Мерлин Монро

rn

„Презирам нарцизам, но одобрувам суетност.“ – Дијана Вриланд

rn

„Женскиот фустан треба да биде како бодликава жица: да си ја врши функцијата без да го попречува видикот.“ – Софија Лорен

rn

„Облеката не значи ништо, додека некој не почне да ја носи.“ – Марк Џејкобс

rn

„Никогаш не можете претерано да се грижите за изборот на вашите чевли. Премногу жени сметаат дека тие не се важни, но вистинскиот доказ за елегантна жена е она што таа го носи на своите нозе.“ – Кристијан Диор

rn

„Модата е oна што се нуди четири пати годишно од страна на дизајнерите. Стилот е она што вие ќе го изберете.“ – Лорен Хитон

rn

„Фустанот мора да ја следи линијата на телото, а не телото да ја следи линијата на фустанот.“ – Хјуберт де Живанши

rn

„Јас знам што сакаат жените. Тие сакаат да се убави.“ – Валентино Гаравани

rn

„Луѓето ќе се ѕверат, дајте им добра причина.“ – Хери Винстон

rn
rn

„Луксузот е удобност на маичка во форма на многу скап фустан.“ – Карл Лагерфилд

rn

„Елеганцијата е елиминација.“ – Кристобал Баленсиага

rn

„Стилот е она што имате да го кажете без потреба да зборувате.“ – Рејчел Зои

rn

„Мажите ми кажуваат дека сум го спасил нивниот брак. Плаќаат многу за чевлите, но сепак тоа е поевтино од развод. Значи како што гледате, сепак сум корисен.“ – Маноло Бланик

rn
rn

„Ставот е сѐ.“ – Дајен вон Фурстенберг

rn

„Елеганцијата не е да се истакнеш, туку да бидеш запомнет.“ – Џорџо Армани

rn

„Никогаш не смееме да ја помешаме елеганцијата со снобизмот.“ – Ив Сен Лорен

rn

„Вашиот фустан мора да биде доволно тесен за да покаже дека сте жена и доволно лабав за да покаже дека сте дама.“ – Едит Хед

rn

„Во модата најтешко е да те запомнат според силуетата, а не според логото.“ – Џамбатиста Вали

rn

„Облеката е како добар оброк, добар филм или пак добра музика.“ – Мајкл Корс

rn

„На големите девојки им требаат големи дијаманти.“ – Елизабет Тејлор

rn

„Посакувам јас да ги измислев фармерките: најспектакуларните, најпрактичните, најрелаксирачките и ноншалантни. Тие имаат израз, скромност, сексапил, привлечност, едноставност – сѐ што се надевам дека мојата облека има.“ – Ив Сен Лорен

rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

April 8, 2014