Tag: декорирање

Кога станува збор за ентериерот и декорирањето на вашиот простор секако дека најважно е да се чувствувате пријатно во вашиот дом. Па така, начинот на којшто уредуваме е исто толку субјективен како и начинот на којшто гледаме на уметноста, секој има свој вкус и мислење и не мора да се согласуваме. Токму затоа „грешките“ кои што се споменати подолу се повеќе водич за тоа како да си го олесните уредувањето на домот и не значи дека треба секогаш да се земат како правила.rnrnrn

1. Големината е важна

rnПоголемите соби бараат поголем мебел, всушност мебелот со поголеми димензии му дава некоја драматичност, но и топлина на широкиот простор. Спротивно од верувањата, ова правило важи и за помалите соби, односно подобро е да имате неколку парчиња мебел со поголеми димензии отколку премногу помали нешта кои само го затрупуваат просторот.rnrnrn

2. Не штедете на осветлувањето

rnСветлината е можеби најважниот аспект кога станува збор за ентериерот на една соба. Природното осветлување се менува во текот на денот и во зависност од сезоната и временските услови, токму затоа е многу важно како ќе ги поставиме светлата во просторот. Светлата со потенциометар се навистина практични со оглед на тоа што јачината на светлината можете да ја менувате во зависност од потребата.rnrnrn

3. Играјте со нијансите и материјалите

rnРазличните нијанси, дизајни и материјали ѝ даваат шарм на собата, но доколку се комбинираат умерено. Постојат неколку трикови кои ќе ви помогнат да го разиграте просторот, на пример наместо два исти двоседи изберете едниот да биде иста боја со другиот, но со различна текстура. Или доколку се решите мебелот да биде во ист стил, додадете многу украсни перници со различни дизајни.rn

4. Тестирајте!

rnОва особено важи кога избирате нови бои за вашиот дом, иако најчесто излегуваат онака како што се прикажани на пакувањето, сепак, дури по бојадисувањето се случува да сфатиме дека таа боја едноставно не одговара. Токму поради тоа важно е да се одвои време за тестирање на нијансата. Бојадисајте дел од ѕидот и најдобро ќе можете да проверите дали е тоа посакуваната боја.rnrnrn

5. Квалитетот пред сè

rnСите сакаме да направиме добра зделка и да поминеме поевтино. Навистина, некогаш можат да се најдат многу добри работи за ниска цена. Но, кога станува збор за мебел којшто сигурно ќе треба да нè служи подолг период или пак за некоја поголема инвестиција во домот, квалитетот мора да биде пресуден. Парите коишто ќе ги заштедиме нема да значат ништо доколку мора повторно да купуваме за краток период.rn

6. Помалку е повеќе

rnСигурно имате многу драги нешта во вашиот дом, украси, сувенири, подароци, но во зависност од расположливиот простор едноставно не може сите да бидат на полиците. Изберете ги омилените или пак оние кои најдобро се согласуваат со стилот на собата и уживајте во просторот кој ќе ви се ослободи. Секако, можете да ги менувате одвреме-навреме и на тој начин да внесувате свежина при секое редекорирање.rnrnrn

7. Оставете простор помеѓу мебелот и ѕидовите

rnПостои тенденција мебелот автоматски да го залепиме до ѕидот, но според дизајнерите токму тука лежи една од најголемите грешки при декорирањето. Кај помали соби мебелот треба да биде малку оддалечен од ѕидот, а кај поголемите повеќе. Целта е да се приближи мебелот за да се создаде чувство на топлина и интимност, а сепак да има доволно место за слободно движење.rn

8. Вие го имате последниот збор!

rnНе дозволувајте пријателите и поширокото семејство премногу да се мешаат во декорирањето на просторот. Секогаш ќе има некоја сугестија од страна, но запомнете дека тоа е вашиот дом и треба да го рефлектира само вашиот карактер. Доколку живеете со семејството, домот секогаш треба да биде топло место кое ќе им биде пријатно на сите, па слободно речете ѝ „не“ на вашата свекрва следниот пат кога повторно ќе ве тера да вметнете некое старо парче мебел.rnrn rnrn

---

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.