КАФЕ ПАУЗА

Tag: бренд

Смелост, сочувство, хумор: Кој е вашиот бренд?
Која е сликата што ја даваме за себеси и дали таа соодветствува со тоа што го перципираме како ефективност во работата и импактот кој сакаме да го постигнеме врз една целна публика? Постојат повеќе концепти во брендирањето. Еден е карактерот на брендот и неговите 5 димензии: Искреноста, возбудата, компетентноста, софистикацијата и јачината. Видот на карактерот кој нѐ привлекува кај другите се одредува од тоа што мислиме дека таа личност може да постигне за нас или што можеме да постигнеме заедно со неа. Тогаш веќе развиваме модел по кој постојано се водиме и ги бараме тие одредени карактерни црти.rnrnrnrnДруг концепт е употребувањето на бојата. Постојат истражувања кои покажуваат дека бојата може, но и не мора да предизвика конкретни емоции и тој избор за нашиот бренд функционира многу подобро кога е во согласност со карактерот. На пример, црната боја нема да изгледа толку возбудливо како што би изгледала црвената.rnrnНо, да се вратиме назад на оние нешта што го сочинуваат вашиот бренд. Издвојуваме 5 од карактеристиките што се сметаат за најклучни во изградбата на една здрава и силна индивидуа:rn
- Смелост: Бидете смели во именувањето и карактеризирањето на ситуацијата и не дозволувајте тешките разговори да ве обесхрабрат.
- Можност: Не пропуштајте ја можноста да го зграпчите моментот, да направите нешто поинтересно и да бидете дел од нешто поголемо.
- Сочувство: Имајте сочувство, бидејќи треба да се грижите за другите и да сакате да им ја дадете вашата поддршка.
- Образование: Учете, бидејќи има толку многу нешта што треба да се знаат, а растот и развитокот се дел од она што ве дефинира.
- Хумор: Шегувајте се, бидејќи животот би бил многу тежок и досаден ако не постоеше хуморот.
rnСо цел да имате бренд со кој ќе ги поврзете своите вредности, однесување и комуникација, треба да бидете конзистентни и да се обидете да го „живеете брендот“. Кога сте конзистентни, тогаш ќе добиете поголема доверба и ќе изгледате посилни.rnrnВо светот на брендирањето, постои уште еден концепт кој се однесува на црвените и сините океани. Според Камерон и Холт, авторите на книгата „Културна стратегија“, црвените океани се однесуваат на оние пазари кои се исполнети со натпреварувачи и брендови кои прават клучни промени, а сините океани се оние брендови кои ги ценат футуристичките иновации и немаат директни натпреварувачи.rn
- Сега на вас е редот. Кој е вашиот бренд?
- Размислете за зборовите кои ви доаѓаат на памет кога треба да се опишете себеси.
- Идентификувајте го однесувањето кое го имате што го поддржува тој избор на зборови.
- Предложете им на вашите клиенти и колеги да го направат истото.
- Запрашајте се дали брендот кој го имате најдобро ѝ служи на кариерата која сакате да ја имате.
- Како можете да бидете син океан?
April 2, 2016
15 неверојатни факти за Кока-кола

Овој иконскиот американски бренд е препознатлив низ целиот свет и се продава во повеќе од 200 земји. Во просек, над 10.000 пијалаци од Кока-кола се консумираат секоја секунда од секој ден. Можеби веќе ви се познати брендовите како Спрајт и Фанта, но еве неколку факти за Кока-колата кои веројатно не сте ги знаеле досега.rnrnrnrn1. Овој пијалак бил измислен од фармацевтот Џон С. Пембертон од Атланта во 1886-та година. Името го измислил неговиот сметководител, Френк Робинсон, кој исто така убаво знаел да црта и пишува. Тој го создал и уникатниот дизајн кој до ден денес се користи како официјалното лого на Кока-кола.rnrnrnrn2. Кога Кока-колата првпат влегла во продажниот сектор, била продавана како тоник за нерви кој „ја лечел исцрпноста“. Оваа реклама била издадена во 1886 година.rnrnrnrn3. Можеби сте ја слушнале оваа приказна порано, но доколку досега не сте знаеле, таа е целосно вистинита: Првите продукти на Кока-кола содржеле кокаин, но само околу 9 милиграми по чаша. Дрогата во тој период се користела како замена за алкохолот и се мислело дека лечи зависност од опиум. Кокаинот бил отстранет од пијалакот во 1903-тата година.rnrnrnrn4. Од 57 милијарди видови пијалаци кои дневно се консумираат во светот (со исклучок на водата), само 3% (1.9 милијарди) се пијалаци кои се лиценцирани и ѝ припаѓаат на Кока-кола. Сепак, таа е најдистрибуираниот производ на планетата.rnrnrnrn5. Само во две земји во светот не се продава Кока-кола: Куба и Северна Кореја.rnrnrnrn6. Оваа компанија прави толку многу различни пијалаци, што ако пиете еден на ден, би ви биле потребни 9 години за да ги испробате сите. Тие имаат портфолио со преку 3.500 пијалаци (и 500 брендови), вклучувајќи сокови, енергетски пијалаци и пијалаци базирани врз соја.rnrnrnrn7. Ако секоја капка Кока-кола некогаш произведена би била ставена во шишиња од 240 милилитри кои би биле поставени во висина едно врз друго, тие би стигнале до месечината и назад повеќе од 2.000 пати.rnrnrnrn8. Кока-кола поседува 20 брендови кои генерираат повеќе од 1 милијарда долари годишно во продажба.rnrnrnrn9. Брендот Кока-кола вреди приближно 83,8 милијарди долари. Тоа е повеќе од вредноста на Сабвеј, Пепси, Кеј-еф-си и Будвајзер заедно.rnrnrnrn10. Од компанијата тврдат дека името „Кока-кола“ е вториот збор кој најмногу се разбира во светот, веднаш после „ОК“.rnrnrnrn11. Мексиканците консумираат најмногу Кока-кола во светот, тие пијат околу 745 пијалаци годишно. Американците, пак, консумираат 401 продукт од Кока-кола, на годишно ниво.rnrnrnrn12. Оваа компанија верува дека го измислила концептот на купонот. Тие дистрибуирале купони во доцната 1886 година и веруваат дека тоа било причината што пијалакот се проширил од малата популација на Атланта до секоја држава на САД во рок од само 4 години. Помеѓу 1886-та и 1914-та, секое 10-то шише било дадено бесплатно.rnrnrnrn13. Кока-кола е „виновна“ за имиџот и сликата која денес ја имаме за Дедо Мраз. Оваа компанија ја започнала својата божиќна рекламна кампања во 1920-тата година за да ја зголеми продажбата на пијалакот во зимските месеци. Компанијата користела повеќе слики, но ниедна не се покажала толку популарна како илустрацијата на Хадон Сандблом, кој нацртал весел Дедо Мраз во црвено палто. Илустрацијата се засновала на поемата „Посета од Св. Никола“ од Клемент Мур и неговото скандинавско потекло. Поранешните верзии на Дедо Мраз биле најразлични, од слаб до дебел Дедо Мраз, кој носел облека или во зелена или во кафеава боја.rnrnrnrn14. Во 1985 година, Кока-кола бил првиот пијалак кој бил испратен во вселената.rnrnrnrn15. Од компанијата изјавуваат дека совршената температура за да се сервира и консумира пијалакот е од 1 до 3 степени Целзиусови.rnrn

December 30, 2015
Најбараните модели: 4 бренда на обувки по кои сите лудуваат на социјалните мрежи

Да ве праша некој кои брендови имаат најјака армија од фанови на социјалните мрежи, би биле сигурни дека знаете кои дизајнери се во прашање. Веднаш би ви паднале на памет Маноло, Стјуард, Кристијан, Џими.. Но, тогаш би погрешиле уште во стартот, бидејќи, неодамнешното истражување спроведено на мрежите како Твитер, Фејсбук и Инстаграм покажа дека помалку познатите дизајнери на обувки имаат попристапни цени и се поголем магнет од скапите брендови. Не земајќи ги во обѕир супер популарните брендови како Најк и Адидас, кои во својата понуда имаат патики, но и голема понуда на спортска облека, истражувањето се сконцентрирало на оние брендови кои во својата понуда имаат само обувки.rnrnrnrnЗа овие брендови, покрај атрактивните модели на обувки, својствен е и високо развиен имиџ, како и естетски привлечни фотографии кои се темел за популарност на социјалните мрежи.rn

1. Steve Madden

rn rn

2. Sam Edelman

rnrn

3. Keds

rn rn

4. Ugg Australia

rn

November 23, 2015
Факти кои сигурно не ги знаевте за брендот „ШАНЕЛ“

Непотребно е да се каже дека „Шанел“ е еден од најпознатите и најпрестижните светски брендови кога е модата во прашање. Компанијата е основана од страна на Коко Шанел, а почетоците на овој бренд се врзани за дизајнирање и произведување на шешири. Најзначајното парче за кое многумина ќе се сложат дека е број еден на модните листи е „малиот црн фустан“ кој Коко го претстави во 1926 година. Жаклина Кенеди го прослави овој бренд, а после смртта на Коко Шанел, сопствениците на компанијата го ангажираа Карл Лагерфилд, кој до ден-денес стои на чело на оваа компанија. Сепак, постојат и оние помалку познати информации кои секого ќе го заинтересираат. Погледнете ги овие необични факти за овој луксузен моден бренд.rnrnrnrn1. Chanel No. 5 е најпродаваниот парфем на сите времиња.rnrn2. Шанел е првиот бренд кој имал листа на чекање за купување лак за нокти.rnrn3. Коко Шанел е творец на првите женски одела.rnrn4. Првиот бутик на Шанел во Париз воопшто не бил модна работилница, туку само продавница на шешири. Првиот бутик на овој бренд е отворен дури во 1915 година.rnrnrnrn5. Коко Шанел, пред да ја стекне светската популарност, ја изградила својата репутација креирајќи и произведувајќи шешири, а не облека.rnrn6. Четири од пет бутици на Шанел се затворени во 1945 година поради Втората светска војна.rnrn7. Чантата 2.55 го добила името по датумот кога е за првпат произведена.rnrn8. Всушност, Коко Шанел никогаш не била апсолутен сопственик на модната куќа „Шанел“.rnrn

October 15, 2015
Мислевте дека знаете сè за Луи Витон? За овие факти сигурно никогаш не сте слушнале

Во новиот милениум се појавија милион нови логоа, но дефинитивно најпознато е она на марката Луи Витон. Иницијалите „ЛВ“ може да се забележат насекаде, на модните писти, на многубројните креации на познатите дами. Но, сепак, се чини дека многу малку се знае за оваa модна куќа која има долга историја.rnrnrnrn1. Луи Витон Малетије својата кариера ја започнал на 16-годишна возраст и тоа како дизајнер на куфери.rnrn2. Модната куќа Луи Витон е основана во 1854 година.rnrn3. Синот на Витон, Жорж Витон, креирал потполно нов тип заклучување кој подоцна ќе ги одбележи сите куфери од оваа марка.rnrn4. Оригиналното лого на овој бренд е создадено уште во 1896 година со цел неговите сопственици да се заштитат од копии и плагијати.rnrn5. Во 1914 година во Елисејските полиња во Париз е отворена најголемата продавница за куфери во светот, а сопственици биле токму креаторите на овој бренд.rnrnrnrn6. Сите парчиња од овој бренд и ден-денес се изработуваат рачно во Франција.rnrn7. Познатиот монограм на брендот Луи Витон го инспирирал уметникот Салвадор Дали да го креира „Далиграм“.rnrn8. Овој бренд досега има соработувано со модните креатори како што се Такаси Мураками и Стефан Спруз.rnrn9. Серијата „Сексот и градот“ е виновна за преголемата популарност на овој бренд.rnrn10. Овој бренд е дел од познатата заедница LVMH, кои ја сочинуваат 70 брендови меѓу кои Кристијан Диор, Живанши и Дона Каран.rnrn11. Буквите M и H во LVMH се однесуваат на два познати бренда кои произведуваат луксузни пијалаци, Moët и Hennessy.rnrnrnrn12. Многу познати личности меѓу кои Анџелина Џоли и Мадона, биле амбасадори на овој бренд, додека секако најчуден избор за заштитно лице е поранешниот претседател на Советскиот Сојуз, Михаил Горбачов.rnrn13. Според магазинот „Форбс“, марката Луи Витон го зазема 14-тот место на листата на највредни брендови на светот.rnrn14. Од 2013 година, името на овој бренд е употребено 19 пати во песните на Канје Вест.rnrn15. Марк Џејкобс беше во улога на уметнички директор на овој бренд цели 16 години, од 1997 до 2013.rnrn16. Сегашниот уметнички директор, Николас Гаскјер, го презеде ова место во 2013 година.rnrn

June 15, 2015
Важноста на чантите за жените: Што кажува за вас онаа која ја носите?

Надворешниот изглед е начин преку кој го изразуваме своето јас. Се облекуваме така како што се чувствуваме, секој на свој начин и во она во кое се чувствуваме најубаво. Секое парче облека, секој додаток, чевлите… Сите овие работи кои внимателно ги избираме и комбинираме откриваат дел од нашиот карактер и по малку ја опишуваат нашата личност. Истиот случај е и со чантата која ја носиме. Таа е симбол кој на светот му кажува нешто повеќе за нас, па како таква има голема улога во оној т.н. прв впечаток кој го оставаме на некој кој го запознаваме за прв пат.rnrnrn

Функционалност

rnЧантата е главно собиралиште за секоја потребна и непотребна работа, особено онаа женската. За првпат чантите се појавиле во средината на 19-иот век и со една единствена намена – во нив да се чуваат основните и неопходни работи. Со текот на времето, чантата добила двојна функција. Жените почнале да носат чанти кои го изразуваат нивниот моден стил, па денес чантата претставува и неопходен, но и моден детаљ на секоја жена. Така, доколку функционалноста на чантата е поважна за жената отколку модата, таа најверојатно ќе одбере чанта која е доста практична и во која може да ги собере сите неопходни ситници.rn

Големината е важна

rnПостојат милиони различни типови чанти, во сите можни бои и големини и секоја соодветна за различна пригода. Голема или мала, сѐ зависи од вкусот и потребите на жената. Големите чанти се најчесто избирани поради нивната функционалност, што не го исклучува фактот дека можат соодветно да одговараат на облеката. Малите чанти, од друга страна, се повеќе избирани за моден изглед, кафе шема или вечерни излегувања. Како големината на чантата влијае на изгледот? Доколку е чантата преголема во однос на телото на жената, се добива прилично неприроден изглед, односно пренатрупаност во поглед на додатоци, дури и ако имате само чанта на себе. Доколку чантата е премала за да ги задоволи потребите, се добива доста неуредна слика за личноста која ја носи, па таа воопшто не изгледа убаво.rnrnrn

Бренд

rnЗа некои жени, брендот на чантата која планираат да ја носат е многу важен. Се следат најновите модни трендови и се чита и слуша за најславните модни имиња, а сѐ што тие креираат е неверојатно привлечно и целосно ин. Од друга страна, носењето брендирана чанта кажува многу за социјалниот статус на личноста која ја носи. Тие се прилично скапи, па може да се претпостави дека жената која носи чанта од некој светски познат бренд е добро ситуирана. Но додека за некои жени е важно тоа што со брендираната чанта го изразуваат својот статус во општеството, за други брендот може да биде опсесија. Тие едноставно обожаваат некој бренд, па се случува да купуваат чанти кои дури не се ни практични. Но фактот дека се модерни и од нивниот омилен креатор е многу поважен за нив. Со други зборови, брендот е одраз на модниот вкус, стилот, но и на социјалниот статус.rn

Она што се случува внатре

rnВнатрешноста на чантата е одраз на културата, трпението и контролата на личноста која ја носи. Средена или хаос, полна или празна, со секакви глупости или исполнета само со потребните и неопходни работи. Секое од овие четири нешта открива поинаква особина за личноста која ја носи. Во поглед на самата чанта, жените кои се грижат за тоа каков впечаток оставаат на луѓето околу нив поверојатно ќе носат модерни и наизглед убави чанти, во кои ќе ги собере нивниот телефон, огледалото, паричникот и карминот. Оние жени за кои чантата претставува секојдневна потреба ќе одберат практична чанта, со повеќе прегради и џебови, во која лесно и организирано можат да ги сместат работите кои ги носат со себе, односно чанта во која собира сѐ.rnrnrnrnИ внатрешниот и надворешниот изглед на чантата кажуваат многу за секоја жена. Секој детаљ од чантата може да ни открие нешто за жената, карактерно или во однос на физичкиот изглед. Чантата е од големо значење за секоја жена, таа е чувар на нејзините лични работи, па не за џабе велат дека ако сакаш да дознаеш нешто повеќе за жената, треба да погледнеш во нејзината чанта.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 13, 2015
15 причини да изберете андроид смартфон пред ајфон
Ајфонот некако останува најпопуларниот смартфон кој денеска постои на пазарот, иако кога ќе ги разгледате набројаните причини кои следуваат тоа не е баш разбирливо. Како и да е, доколку размислувате дали да одберете андроид смартфон или ајфон, пожелно е да ги имате овие неколку причини предвид пред вредноста на брендот.rnrnrn
1. Меморијата што ајфонот ја има на располагање во моментот кога ќе го купите потоа не може да се надгради. За разлика од него повеќето андроид смартфони имаат слот за micro SD картичка каде што можете да додадете дополнителна меморија.
2. Старата батерија на ајфонот не може едноставно да се замени со нова. Оние на андроид смартфоните најчесто лесно се заменуваат.
3. Голем дел од андроид телефоните можат да се користат како универзални уреди за далечинско управување благодарение на инфраред сензорите. Ајфонот нема ваков сензор.
4. Системот на андроид за категоризирање на фајловите е одличен, па кога ќе го поврзете вашиот телефон со компјутер лесно можете да пребарувате низ нив за да го најдете она што ви треба. Епл не овозможува таков пристап до сите ваши фајлови.
5. За да го наполните ајфонот со музика неопходен ви е ајТјунс, а за префрлање на фотографиите на компјутерот ајФото. На андроид телефонот не му е гајле од каде доаѓа вашата музика и не е толку комплицирано да се префрлуваат фотографиите.
6. Ако пребарате некоја апликација за ајфон во прелистувачот, ќе мора да го отворите ајТјунс или Еп Стор за да ја симнете и инсталирате. Симнувањето апликации за андроид се прави и директно од веб-сајтови, без потреба од повикување на дополнителни апликации.
7. Батеријата на андроид телефонот може да се наполни со кој било УСБ кабел. Онаа на ајфонот бара кабел на Епл.
8. Еве нешто и за таблетите. На андроид таблет можете да направите повеќе кориснички профили доколку сакате да споделувате еден уред со повеќе колеги на работа или со членовите на семејството, без притоа меѓусебно да си ги пристапувате информациите. И повторно, тоа е опција која Епл не ја нуди на своите таблети.
9. Андроид телефоните ги користат мапите на Гугл, кои се многу подобри од оние на Епл. Иако и на ајфон можете да инсталирате Гугл Мапс, оваа апликација не можете да ја направите дифолт.
10. Андроид уредите располагаат со неколку опции повеќе за отклучување на уредот (вклучувајќи препознавање на лице и шаблони кои се исцртуваат со прст). Ајфонот може да се отклучи само со отпечаток од прстот или со лозинка.
11. Андроид смартфоните можат да се персонализираат многу повеќе во споредба со ајфоните, на пример со додавање на виџети на почетниот екран. Исто така, за андроид има и многу апликации кои можат дополнително да го променат интерфејсот на вашиот смартфон. На пример Aviate ви овозможува азбучно подредување на апликациите во вид на листа.
12. Ајфонот ги чува иконите од сите апликации на почетниот екран, додека тоа на Андроид телефон може и поинаку да се уреди.
13. Голем број андроид телефони овозможуваат не само користење, туку и гледање на повеќе апликации одеднаш. Второто кај ајфонот не е можно.
14. Андроид смартфоните ги сместуваат визуелните потсетници на врвот на екранот заради што е полесно да проверите дали имате повик/порака/имејл… на кој треба да одговорите. Ајфонот нотификациите не ги чува овде.
15. И покрај сите овие предности, на пазарот постои многу поголем избор на андроид смартфони и тоа за пониска цена од ајфонот.
rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
January 29, 2015
Значењето на боите во процесот на дизајнирање на логоа

Автор: Ана ПетровиќrnrnКога дизајнирате лого за вашата компанија, од голема важност е во вистинско време да се запрашате каков вид емоции сакате да постигнете со вашиот бренд.rnrnrnrnЗа таа цел, фирмата за дизајн на логоа, „Logo Company“ создаде инфографик кој јасно илустрира како одредени емоции се предизвикани од одредени бои, употребувајќи примери на познати брендови.rnrnПсихолозите, проучувајќи како боите влијаат врз луѓето низ годините, дошле до заклучок дека постои цврста корелација помеѓу боите и чувствата, што дополнително ја потврдува важноста од одбирање на вистинските бои при дизајнирање на логоа.rnrnНа пример, рестораните како „Мекдоналдс“, „Pizza Hut“ и „KFC“ ја употребуваат црвената боја во нивните логоа, бидејќи токму црвената боја стимулира глад. Белата, црната, сивата и златната често се користат во логоа на луксузни брендови како „Шанел“, „Прада“, „Мајкл Корс“ и други, поттикнувајќи чувство на софистицираност и формалност.rnrnКога станува збор за дизајнирање на лого за вашиот бизнис, пробајте да се водите во оваа насока: Кои четири емоции сакате да ги постигнете кога некој ќе помисли на вашиот бренд? Запишете го ова прашање и според одговорите, пронајдете го значењето на вашата компанија и пораката која сакате да ја пренесете. Запомнете, ова е еден од многуте аспекти кои се од голема важност при процесот на дизајнирање на лого.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 3, 2014
Есенската колекција на Дејвид Бекам направена во соработка со „H&M“

Поранешниот фудбалер Дејвид Бекам ја презентираше својата нова колекција „Bodywear“ во соработка со брендот „H&M“, на која тој самиот ќе биде заштитно лице.Колекцијата е инспирирана од класичните спортски парчиња, а се состои од удобни тренерки, спортски маици, пижами и машки боксерки.
rn

„Воодушевен сум од ретро стилот на мојата нова ‘Bodywear’ колекција. Сигурен сум дека овие парчиња облека ќе се носат во текот на целата година“ – изјави тој.

rn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 23, 2013
Алонсо Матео – најдобро облеченото петгодишно дете

Повеќето петгодишни деца сакаат да си играат со облеката, комбинирајќи различни прачиња за да изгледаат ултраексцентрично, но Алонсо Матео не си поигрува со модата. Овој мини фешониста ги носи најдобрите модни комбинации, се смешка харизматично и позира пред камерата, како да е искусен фотомодел. Секоја негова фотографија која е објавена онлајн на социјалните мрежи како Инстаграм и Фејсбук, станува вирален хит, а неговиот перфектен стил, претставува модна инспирација и за возрасните.И покрај тоа што Матео има само 5 години, тој е облечен во дизајнерска облека од брендови како Том Форд, Гучи, Диор, Стела Мекартни и Марк Џејкобс. Илјадниците фанови кои ја следат секоја негова нова фотографија, се воодушевени од неговиот моден вкус, но има и такви кои велат дека ваквиот стил е премногу нападен за едно петгодишно момче и дека родителите треба да му дозволат да има нормално детство. Неговата мајка Луиса Фернанда Еспиноса, која е фриленс стилистка од Лагуна Бич, Калифорнија, вели дека никогаш не го принудувала нејзиниот син да носи модерна облека. Уште како мал, му ставала шал или капа и него тоа не му сметало. Подоцна, кога наполнил скоро 4 години, сам почнал да ја прашува неговата мајка за вратоврски и одела. Кариерата на Алонсо како модна икона на интернет, започна откако неговата мајка прикачи неколку фотографии на Инстаграм и доби фантастичен одговор од интернет-заедницата. Профилот на мајката денес има над 130.000 следачи, а отворен е и ФБ профил за малиот, кој полека собира обожаватели.rn
rn

„Обожавам костуми, патики и очила за сонце. Сакам да се облекувам како татко ми, затоа што тој има кул костуми“ – вели Алонсо.

rn

„Кога одиме на шопинг, ако тој сака мокасинки како оние на неговиот татко и се со добар квалитет, ги купувам. Добро се справуваме растејќи го нашиот син. Тој е секогаш љубезен, приземен и е многу слатко момче“ – вели мајката.

rn Секое утро, пред да оди во училиште, Алонсо заедно со неговата мајка го посетуваат неговиот огромен гардеробер за да одберат облека. Алонсо е тој којшто одлучува што сака да облече, но мајка му е секогаш тука за да му подели некој добар совет и да се увери дека комбинацијата ќе има смисла. Малиот станал толку популарен, што понекогаш кога излегуваат, надвор ги пречекуваат фанови кои чекаат ред за да се фотографираат со него. rn
rn

„Не знам дали бидејќи е само дете кое е опкружено со многу возрасни луѓе, сака да го имитира стилот којшто го гледа околу себе. Мислам дека тој не забележува дека е трендсетер. Премногу е млад“ – вели мајката.

rn
rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

July 2, 2013