ТВ серијата „Breaking Bad“ доживеа мега популарност ширум светот. Ако додека се емитуваше, во просек имаше по 3-4 милиони гледачи, нејзиниот крај стана епски, кога претпоследната епизода достигна гледаност од 7 милиони гледачи, а последната, рекордни 10,3 милиони. rnrnСеријата е хит и на сајтовите за торенти, каде последната епизода за 12 часа нелегално била симната повеќе од 500.000 пати. Изненадувачки, но најголемиот дел од симнувањата не доаѓаат од САД, туку од Австралија, по што следат САД и Британија. Според ова, финалето на „Breaking Bad“ може да стане една од најпиратираните епизоди оваа година. Во продолжение прочитајте некои интересни факти поврзани со снимањето на оваа уникатна серија.
Волтер Вајт и Хајзенберг постојат во реалноста. Пред серијата да почне да се емитува, Волтер Вајт од Алабама се наоѓал на листата најбарани криминалци поради производство и тргување со метамфетамин. Сепак не станува збор за професор по хемија болен од рак, но во медиумите се појави истата година кога и хит серијата на AMC. Од друга страна, Хајзенберг, алтер егото на Вајт, е посветен на физичарот Вернер Хајзенберг, еден од најзначајните физичари на 20 век и добитник на Нобелова награда.
Креаторот на серијата, Винс Гилиган, открил дека Џеси требало да умре до крајот на првата сезона. Но, тимот го сменил мислењето откако го виделе неверојатниот актерски перформанс на актерот Арон Пол.rnrn9-тата епизода од 5-тата сезона е посветена на тинејџерот Кевин Кордаско, суперфан на шоуто, кој умрел од рак во март, 2013 година. Пред неговата смрт, Кевин се запознал со Брајан Кренстон и Винс Гилиган и други важни членови на фамилијата „Breaking Bad“. Му било дури и понудено да ги прочита сценаријата за да дознае како ќе заврши серијата, но Кевин одбил бидејќи не знаел дали ќе може да ја чува тајната.
Sony и AMC на почетокот не сакале да го викнат Брајан Кренстон на аудиција, бидејќи во минатото бил познат по неговите комични улоги. Многумина го паметат Брајан Кренстон како татко од „Malcolm in the Middle“. На аудицијата првин биле повикани Џон Кјусак и Метју Бродерик за да го глумат Волтер Вајт. Откако и двајцата ја одбиле улогата, Винс Гилиган го повикал Кренстон.rnrnАктерот Дин Норис, познат како детективот Хенк, добил понуда да ја игра една од главните улоги во некој ситком, додека сè уште се снимала првата половина од 5-та сезона. Размислувајќи за финансиската стабилност на неговото семејство, тој му ја предложил на Винс Гилиган идејата да го убијат Хенк во првите 8 епизоди, убедувајќи го дека ќе биде шокантно и неочекувано. Гилиган одбил и му рекол дека Хенк му е многу потребен за втората половина од сезоната.
На најавната шпица од секоја епизода се појавува хемиската формула C10H15N, заедно со бројот 149.24 и зборот „Meth“ може да се види на самиот почеток. C10H15N е формула за метамфетамин, кој има молекуларна маса 149,24.rn
rnАктерот Ар Џеј Мити кој го глуми Волтер Џуниор во серијата, има церебарална парализа во реалниот живот, но во многу поблага варијанта. За потребите на улогата, тој морал да научи да оди со патерици и да ја намали брзината на движење.rnrnИмето на карактерот на Боб Оденкирк во серијата за адвокатот Сол Гудман, е произлезено од „It’s all good, man“.rnrnСиниот кристален метамфетамин навистина е поскап, но не е поквалитетен. По појавувањето на серијата, многу дилери почнале да додаваат боја за храна за да ги уверат муштериите дека станува збор за квалитетен производ како оној што го продава Хајзенберг. Инаку, кога актерите во серијата пушат метамфетамин, тие всушност пушат шеќер или кристализирани лижавчиња, но не вдишуваат. Погледнете како се прави лажен метамфетамин за потребите на серијата.rn
rnБрајан Кренстон има истетовирано тетоважа со логото од Breaking Bad, на прстот каде што се носи бурма.
Поради стравот дека некои гледачи би можеле да го копираат рецептот за правење дрога на Волтер Вајт и серијата да ја доживеат како водич за правење син, кристален метамфетамин, Гилиган и неговите сценаристи со експертите се договориле да ја помешаат реалноста со фикцијата, т.е. да презентираат и хемиски неточни сцени.rnrnПрезимето на детективот Хенк Шрејдер, е исто така поврзано со хемија. Германскиот научник Герард Шројдер (1903 -1990) бил човекот, кој случајно го открил хемиското оружје нервен гас.rnrnИ покрај тоа што главниот лик во серијата е некој кој прави многу криминални дела, сепак голем дел од фановите, омразата ја насочија не кон Волтер, туку кон неговата сопруга Скајлер. Фановите креираа многу Фејсбук и веб-страници, каде ги набројуваат многуте недостатоци на Скајлер. Тие станаа толку познати, што актерката Ана Ган самата изјави дека има т.н. „проблем со улогата“, кој се однесува на телевизискиот феномен, гледачите силно да ги мразат женските улоги како Скајлер, Кармела Сопрано од „Сопранови“ и Бети Дрејпер од „Момците од Медисон“, и покрај фактот дека тие се само невини сопруги на мажи, кои се негативци или криминалци.
Серијата заврши со 62-та епизода. 62-от елемент во периодичниот систем на елементите е самариум, изотоп кој се користи за третирање на различни форми рак, вклучително и рак на белите дробови.rnrnЊу Мексико, локацијата на која се снимаше серијата, заработуваше по 1.000 долари по епизода, кои одеа за локалниот економски развој.rnrnКарактерите и нивните вредности се презентирани според бојата на облеката која ја носат во серијата. Скајлер најчесто носи сино, што симболизира чистина, излез и безбедност. Џеси честопати носи жолто и црвено. Жолтото симболизира нестабилност и опасност, а црвеното агресија и насилство. Џеси носи и сиво кога закрепнува од користење дрога, а таа боја означува вина и покајание. 
Зелената боја, која симболизира алчност, ја носи Волтер, бидејќи е заглавен помеѓу неговото семејство и бизнисот со дрога. Кога се раѓа ќерката на Вајт, розовата бојата е претставена во овој спектар, како симбол на наивност. Агентот Хенк ја носи предупредувачката портокалова боја претставувајќи ја полицијата, а Мари често носи виолетово, која го симболизира нејзиното живеење во заблуда и самозалажување. И други актери во серијата носат виолетово, секојпат кога се измамени или во заблуда. Џејн, зависничката од хероин, носи црно и ја симболизира смртта.rnrnПред да работи како актер, Брајан Кренстон и неговиот брат работеле во ресторан на Флорида, а нивниот шеф бил непријатен човек кој постојано викал и сите ги мразел. Потоа шефот бил убиен и полицијата испитувајќи ги сите вработени, дознала дека многу луѓе често размислувале за негово убиство. Браќата Кренстон дале отказ пред убиството и тргнале на патување со мотор низ САД, што било многу сомнително за полицијата, поради што некое време ги водела како осомничени за убиството.rnrn
rnrnБидете секогаш во тек со новите содржини на
Кафе пауза. Следете нè
на Твитер или пак станете фанови на
нашата страница на Фејсбук.
Главни улоги: Боб Оденикрк, Реа Сихорн, Патрик ФабијанrnrnЖанр: комедија, криминал, драмаrnrnКреатор: Винс Гилиган, Питер ГоулдrnrnПремиера: 8 февруари 2015rnrnБрој на сезони: 1rnrnВреметраење: 52 минутиrnrnЈазик: англискиrnrnНаша оценка: 8rnrnВаша оценка: [ratings]rnrnrnrnКреаторите на познатата ТВ серија „Breaking Bad“ започнале нова приказна, која нè води во животот на адвокатот Сал Гудман пред тој да стане Сал Гудман. Оваа ТВ серија на некој начин ѝ претходи на „Breaking Bad“, покажувајќи ни го животот на адвокатот за криминал во времето кога се борел за опстанок. Тој нема клиенти, нема пари и има многу долгови, но работите ќе почнат да се менуваат откако тој ќе реши да ги наоѓа своите клиенти на малку покреативен начин.rnrn
rnrnПознатиот адвокат во првите епизоди сè уште го користи своето вистинско име, Џими Мекгил, но поради проблемите кои брат му ги има со престижната адвокатска компанија во која работел, тој ќе почне да размислува да го смени со цел да започне од почеток. Неговиот постар брат, Чак, страда од необична болест која не му дозволува да води нормален живот и тој секојдневно се бори со неа надевајќи се дека еден ден повторно ќе може да се врати во светот. Џими се обидува со целата сила да му помогне, но понекогаш тој не може ни самиот за себе за грижи, па токму затоа Чак ќе најде друг начин на кој ќе се издржува, за да му помогне на својот брат повторно да изгради нормален живот.rnrn
rnrnУште во првата епизода се открива многу за карактерот на Џими, за начинот на кој тој се справува со животот како и за неговата поврзаност со брат му. Настаните се одвиваат малку побавно од вообичаено, раскажувањето се случува на истиот начин како што беше и во „Breaking Bad“ и самата приказна ја има потребната тежина и обработка на детали која со сигурност ќе го задржи вашето внимание. Па, доколку сте расположени за нова луда авантура дајте ѝ можност на ТВ серијата „Better Call Saul“. Сигурни сме дека нема да зажалите.rnrn rnrn
rnrnНа големо задоволство на сите обожаватели, Џејн Качмарек (мајката од „Malcolm in the middle“) и Брајан Кранстон го прифатија предизвикот и го снимија ова видео, со алтернативен крај на серијата „Breaking Bad“.rn