Викиншки борбен поход исполнет со многу крвrnrn
Режија: Фарен БлекбурнrnrnУлоги: Чарли Бјули, Клајв Станден, Александра ДаулингrnrnВреметраење: 98 минутиrnrnЈазик: англискиrnrnПремиера: 30 мај 2013rnrnЖанр: акција, авантураrnrnНаша оценка: 5/10rnrnВаша оценка: [ratings]rnrn
rn„Чекан на боговите“ (Hammer of the Gods) спаѓа во жанровите историска акција и авантура, а главните протагонисти се Викинзи. Имајќи го предвид нивниот углед на храбри и борбени воини, нема да погрешите ако очекувате сцени исполнети со битки и многу крв.
Дејството нè враќа назад во деветтиот век кога Викинзите владеат со Британија, но губат неколку битки по ред од Саксонците. Додека чекаат засилување од Скандинавија, кралот е смртно ранет и му остануваат уште само неколку дена живот. Тој смета дека неговите два сина сè уште не се спремни за да го наследат престолот и да го водат народот против Саксонците. Затоа ќе го прати помладиот Стајнар во потрага по Хакан, синот од друга жена од кого тој одмана се откажал, а кој според него поседува квалитети да биде идниот крал на Викинзите.
Постариот син Харалд е многу изненаден од одлуката на својот татко, а Стајнар беспоговороно ја слуша заповедта на татко му. За негова несреќа никој не знае каде се наоѓа Хакан, па единствената опција за него е да собере армија од неколку најлојални војници и да тргне на слепо да го бара полубратот и свој иден крал.
Нивниот поход содржи три елементи: многу насилство, малку интриги и уште неколку можни предавства. Бруталноста, за жал, е најсилниот адут на филмот. Тој сигурно нема да ве воодушеви со дијалозите кои се преедноставни и служат најмногу за да ја истакнат храброста на Стајнар, или напнатоста која речиси и ја нема. Режисерот Фарен Блекбурн пред овој филм режирал само телевизиски серии, па дури и неговото режисерско деби помалку наликува на епизода од некоја серија.
Не ви го препорачуваме ако седнувате да гледате филм кој сакате да ве возбуди, да ве остави да мислите на него и подоцна и на крај да го препорачувате кому стигнете. Тој нека биде вашиот избор за моментите кога ќе ви треба нешто што е лесно за следење, не трае многу долго и служи за релаксација. Секако, ако сте љубители на борбени сцени со изобилство на крв.
rnrnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.